ದೇಶಾದ್ಯಂತ ಜುಲೈ 27ರ (ಸೋಮವಾರ) ಪೆಟ್ರೋಲ್ ಹಾಗೂ ಡೀಸೆಲ್ ಹೊಸ ದರಗಳನ್ನು ಸರ್ಕಾರಿ ತೈಲ ಮಾರಾಟ ಕಂಪನಿಗಳು (OMCs) ಬೆಳಿಗ್ಗೆ 6 ಗಂಟೆಗೆ ಪ್ರಕಟಿಸಿವೆ. ಬಹುತೇಕ ನಗರಗಳಲ್ಲಿ ಇಂಧನ ದರಗಳಲ್ಲಿ ಯಾವುದೇ ದೊಡ್ಡ ಬದಲಾವಣೆ ಇಲ್ಲದಿದ್ದರೂ, ಕೆಲವೆಡೆ ಪೈಸೆಗಳ ಮಟ್ಟದಲ್ಲಿ ಏರಿಳಿತ ಕಂಡುಬಂದಿದೆ. ಸಾರ್ವಜನಿಕರು ಇಂಧನ ದರ ಇಳಿಕೆಗೆ ನಿರೀಕ್ಷೆಯಲ್ಲಿದ್ದರೂ, ಅಂತರರಾಷ್ಟ್ರೀಯ ಬೆಳವಣಿಗೆಗಳು ಆ ನಿರೀಕ್ಷೆಗೆ ತಾತ್ಕಾಲಿಕವಾಗಿ ಬ್ರೇಕ್ ಹಾಕುವ ಸಾಧ್ಯತೆ ಇದೆ.
ಪಶ್ಚಿಮ ಏಷ್ಯಾದಲ್ಲಿ ಮತ್ತೆ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದ್ದು, ಹಾರ್ಮುಜ್ ಜಲಸಂಧಿ ಪ್ರದೇಶದಲ್ಲಿ ಇರಾನ್ ಮತ್ತು ಅಮೆರಿಕ ನಡುವಿನ ಸಂಘರ್ಷದ ವಾತಾವರಣ ಜಾಗತಿಕ ಕಚ್ಚಾ ತೈಲ ಮಾರುಕಟ್ಟೆಯ ಮೇಲೆ ಪರಿಣಾಮ ಬೀರಿದೆ. ವಿಶ್ವದ ಪ್ರಮುಖ ತೈಲ ಸಾಗಣೆ ಮಾರ್ಗವಾಗಿರುವ ಹಾರ್ಮುಜ್ ಜಲಸಂಧಿಯಲ್ಲಿ ಉದ್ವಿಗ್ನತೆ ಹೆಚ್ಚಾದರೆ ಕಚ್ಚಾ ತೈಲದ ಸರಬರಾಜಿನ ಮೇಲೆ ಪರಿಣಾಮ ಬೀಳುವ ಆತಂಕದಿಂದ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲದ ಬೆಲೆ ಏರಿಕೆಯಾಗುತ್ತಿದೆ.
ಪ್ರಮುಖ ನಗರಗಳ ಪೆಟ್ರೋಲ್ ದರ (ಪ್ರತಿ ಲೀಟರ್)
- ದೆಹಲಿ – ₹102.12
- ಮುಂಬೈ – ₹111.21
- ಕೋಲ್ಕತ್ತಾ – ₹113.51
- ಬೆಂಗಳೂರು – ₹111.37
- ಚೆನ್ನೈ – ₹107.77
- ಪಾಟ್ನಾ – ₹113.35
- ಚಂಡೀಗಢ – ₹101.51
- ಹೈದರಾಬಾದ್ – ₹115.69
- ಭುವನೇಶ್ವರ – ₹108.97
ಪ್ರಮುಖ ನಗರಗಳ ಡೀಸೆಲ್ ದರ (ಪ್ರತಿ ಲೀಟರ್)
- ದೆಹಲಿ – ₹95.20
- ಮುಂಬೈ – ₹97.83
- ಕೋಲ್ಕತ್ತಾ – ₹99.82
- ಬೆಂಗಳೂರು – ₹99.26
- ಚೆನ್ನೈ – ₹99.55
- ಪಾಟ್ನಾ – ₹99.36
- ಚಂಡೀಗಢ – ₹89.47
- ಹೈದರಾಬಾದ್ – ₹103.82
- ಭುವನೇಶ್ವರ – ₹100.68
ಪ್ರತಿ ನಗರದಲ್ಲಿ ಇಂಧನ ದರ ಏಕೆ ಭಿನ್ನವಾಗಿರುತ್ತದೆ?
ಪೆಟ್ರೋಲ್ ಮತ್ತು ಡೀಸೆಲ್ನ ಮೂಲ ಬೆಲೆ ದೇಶಾದ್ಯಂತ ಬಹುತೇಕ ಒಂದೇ ಆಗಿದ್ದರೂ, ಪ್ರತಿ ರಾಜ್ಯ ಸರ್ಕಾರ ವಿಧಿಸುವ ವ್ಯಾಟ್ (VAT), ಸ್ಥಳೀಯ ತೆರಿಗೆ, ಸಾರಿಗೆ ವೆಚ್ಚ, ಡೀಲರ್ ಕಮಿಷನ್ ಹಾಗೂ ಇತರ ಶುಲ್ಕಗಳ ಕಾರಣ ನಗರದಿಂದ ನಗರಕ್ಕೆ ದರಗಳಲ್ಲಿ ವ್ಯತ್ಯಾಸ ಕಂಡುಬರುತ್ತದೆ. ಇದೇ ಕಾರಣಕ್ಕೆ ಒಂದೇ ದಿನದಲ್ಲಿ ವಿವಿಧ ನಗರಗಳಲ್ಲಿ ವಿಭಿನ್ನ ದರಗಳು ಅನ್ವಯಿಸುತ್ತವೆ.
ಇಂಧನ ದರ ಇಳಿಕೆಗೆ ಇನ್ನೂ ಕಾಯಬೇಕೇ?
ಇತ್ತೀಚೆಗೆ ಖಾಸಗಿ ತೈಲ ಕಂಪನಿಯಾದ ನಯಾರ ಎನರ್ಜಿ ತನ್ನ ಪೆಟ್ರೋಲ್ ದರವನ್ನು ಪ್ರತಿ ಲೀಟರ್ಗೆ ₹5 ಹಾಗೂ ಡೀಸೆಲ್ ದರವನ್ನು ₹3 ರಷ್ಟು ಕಡಿತಗೊಳಿಸಿತ್ತು. ಆದರೆ ಸರ್ಕಾರಿ ಸ್ವಾಮ್ಯದ ಇಂಡಿಯನ್ ಆಯಿಲ್, ಭಾರತ್ ಪೆಟ್ರೋಲಿಯಂ ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ ಕಂಪನಿಗಳು ಇನ್ನೂ ದರ ಕಡಿತದ ಬಗ್ಗೆ ಯಾವುದೇ ಘೋಷಣೆ ಮಾಡಿಲ್ಲ.
