ನಾಮಪತ್ರ ಸಲ್ಲಿಸಿದ ದಳಪತಿ ವಿಜಯ್: ನಟ ವಿಜಯ್ ಒಟ್ಟು ಆಸ್ತಿ ಎಷ್ಟು ಗೊತ್ತಾ ?

ಚೆನ್ನೈ: ತಮಿಳು ಚಿತ್ರರಂಗದ ಸೂಪರ್ ಸ್ಟಾರ್, ದಳಪತಿ ವಿಜಯ್ ಈಗ ಅಧಿಕೃತವಾಗಿ ರಾಜಕೀಯ ಅಖಾಡಕ್ಕೆ ಇಳಿದಿದ್ದಾರೆ. ತಮ್ಮ ‘ತಮಿಳಗ ವೆಟ್ರಿ ಕಳಗಂ’ (TVK) ಪಕ್ಷದ ಮೂಲಕ ತಮಿಳುನಾಡು ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ವಿಜಯ್, ಇಂದು ಚೆನ್ನೈನ ಪೆರಂಬೂರು ಕ್ಷೇತ್ರದಿಂದ ನಾಮಪತ್ರ ಸಲ್ಲಿಸಿದರು. ಈ ಸಂದರ್ಭದಲ್ಲಿ ಅವರು ಘೋಷಿಸಿರುವ ಆಸ್ತಿ ವಿವರಗಳು ಈಗ ಇಡೀ ದೇಶದ ಗಮನ ಸೆಳೆದಿವೆ.

ನಾಮಪತ್ರ ಸಲ್ಲಿಸುವ ವೇಳೆ ಬರೋಬ್ಬರಿ 404 ಕೋಟಿ ರೂಪಾಯಿಗೂ ಅಧಿಕ ಮೊತ್ತದ ಆಸ್ತಿಯನ್ನು ಘೊಷಿಸಿದ್ದಾರೆ. ಇವುಗಳ ಜೊತೆ ಚಿನ್ನ, ಬೆಳ್ಳಿ ಮತ್ತು ಇತರೆ ಬೆಲೆಬಾಳುವ ವಸ್ತುಗಳ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

Thalapathy Vijay files nomination from Perambur #TamilNadu

His affidavit declares:

Total movable assets: ₹404 crore+
– Immovable assets including properties worth ₹45 cr, ₹30 cr, ₹10 cr among others
– Gold holdings: Over 4,000 grams
– Diamond jewellery: 134.91 carats
-… pic.twitter.com/xneLFiR0Fr

— Nabila Jamal (@nabilajamal_) March 30, 2026

ಸ್ಥಿರ ಆಸ್ತಿಗಳ ವಿವರ

ವಿಜಯ್ ಅವರು ಸಲ್ಲಿಸಿರುವ ಅಫಿಡವಿಟ್ ಪ್ರಕಾರ, ಅವರ ಹೆಸರಿನಲ್ಲಿ ಕೋಟ್ಯಂತರ ರೂಪಾಯಿ ಮೌಲ್ಯದ ಸ್ಥಿರ ಆಸ್ತಿಗಳಿವೆ. ವಿವಿಧ ಕಡೆಗಳಲ್ಲಿ ಅವರು ಹೊಂದಿರುವ ಮನೆ ಮತ್ತು ಜಾಗಗಳ ಮೌಲ್ಯ ಕ್ರಮವಾಗಿ 45 ಕೋಟಿ ರೂ., 30 ಕೋಟಿ ರೂ. ಮತ್ತು 10 ಕೋಟಿ ರೂಪಾಯಿಗಳಾಗಿವೆ. ಚೆನ್ನೈ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಬೆಲೆಬಾಳುವ ವಾಣಿಜ್ಯ ಸಂಕೀರ್ಣಗಳು ಮತ್ತು ಭೂಮಿಯನ್ನು ದಳಪತಿ ಹೊಂದಿದ್ದಾರೆ. ವಿಜಯ್‌ ದಳಪತಿ ಬರೋಬ್ಬರಿ 4,000 ಗ್ರಾಂ (4 ಕೆಜಿ) ಗಿಂತಲೂ ಹೆಚ್ಚು ಚಿನ್ನದ ಆಭರಣಗಳನ್ನು ಹೊಂದಿದ್ದಾರೆ. ಇಷ್ಟೇ ಅಲ್ಲದೆ, ಅವರ ಬಳಿ 134.91 ಕ್ಯಾರೆಟ್ ಮೌಲ್ಯದ ಅತ್ಯಂತ ಬೆಲೆಬಾಳುವ ವಜ್ರದ ಆಭರಣಗಳು (Diamond Jewellery) ಇರುವುದಾಗಿ ಘೋಷಿಸಿಕೊಂಡಿದ್ದಾರೆ.

ನಟ ವಿಜಯ್ ಅವರ ಬಳಿ ರೋಲ್ಸ್ ರಾಯ್ಸ್ ಸೇರಿದಂತೆ ಹಲವು ಐಷಾರಾಮಿ ಕಾರುಗಳಿವೆ ಎಂಬ ಸುದ್ದಿ ಸದಾ ಇರುತ್ತದೆ. ಆದರೆ, ಚುನಾವಣಾ ನಾಮಪತ್ರದಲ್ಲಿ ಅವರು ಉಲ್ಲೇಖಿಸಿರುವ ವಾಹನಗಳು ಎಲ್ಲರಿಗೂ ಅಚ್ಚರಿ ಮೂಡಿಸಿವೆ. ಅವರು ತಮ್ಮ ಅಫಿಡವಿಟ್‌ನಲ್ಲಿ ಕೇವಲ ಮಾರುತಿ ಸ್ವಿಫ್ಟ್ ಕಾರು ಮತ್ತು TVS XL ಸೂಪರ್ ದ್ವಿಚಕ್ರ ವಾಹನವನ್ನು ಮಾತ್ರ ಉಲ್ಲೇಖಿಸಿದ್ದಾರೆ.

68 ಸಿನಿಮಾಗಳ ನಂತರ ಬಣ್ಣದ ಲೋಕಕ್ಕೆ ವಿದಾಯ ಹೇಳಿ ಜನಸೇವೆಗೆ ಬಂದಿರುವ ವಿಜಯ್, ಈ ಬಾರಿ ಪೆರಂಬೂರು ಮತ್ತು ತಿರುಚಿರಾಪಳ್ಳಿ ಈಸ್ಟ್ ಎಂಬ ಎರಡು ಕ್ಷೇತ್ರಗಳಿಂದ ಸ್ಪರ್ಧಿಸುತ್ತಿದ್ದಾರೆ.