ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅಕ್ಷರಶಃ ರೆಕಾರ್ಡ್ ಕಾ ಬಾಪ್. ಯಾಕಂದ್ರೆ ರಾಜಕಾರಣದಲ್ಲಿ ಗೇಮ್ ಚೇಂಜರ್ ಆಗಿ ಮಿಂಚ್ತಿರೋ ಪಿಕೆ, ಸದ್ಯ ತಮ್ಮ ಕಟ್ಟ ಕಡೆಯ ಸಿನಿಮಾದಿಂದ ಕೂಡ ಒಂದಷ್ಟು ದಾಖಲೆಗಳನ್ನ ಬರೆಯುತ್ತಿದ್ದಾರೆ. ಉಸ್ತಾದ್ ನೂರು ಕೋಟಿ ಕ್ಲಬ್ನತ್ತ ಮುನ್ನುಗ್ಗಿದ್ದು, ಬರೋಬ್ಬರಿ ಒಂದು ಮಿಲಿಯನ್ ಟಿಕೆಟ್ಸ್ ಸೋಲ್ಡ್ ಔಟ್ ಆಗುವ ಮೂಲಕ ನ್ಯೂ ರೆಕಾರ್ಡ್ ತನ್ನದಾಗಿಸಿಕೊಂಡಿದೆ.
- 10 ಲಕ್ಷ ಟಿಕೆಟ್ಸ್ ಸೋಲ್ಡ್.. ಉಸ್ತಾದ್ PK ನ್ಯೂ ರೆಕಾರ್ಡ್
- ಇದು ಪವರ್ ಸ್ಟಾರ್ ಪವನ್ ಕಲ್ಯಾಣ್ ಕಟ್ಟ ಕಡೆಯ ಚಿತ್ರ..!
- ಮೆಗಾಸ್ಟಾರ್ ಫ್ಯಾಮಿಲಿಗೆ ಸ್ಪೆಷಲ್ ಶೋ.. ಭೇಷ್ ಎಂದ ಚಿರು
- ಪೊಲೀಸ್ ಕಾಪ್ ಆಗಿ ಡಿಸಿಎಂ ಪವನ್ ಹೀರೋ ಖದರ್..!
ಪವನ್ ಕಲ್ಯಾಣ್.. ಆಂಧ್ರ-ತೆಲಂಗಾಣದಲ್ಲಿ ಮಾಸ್ ಫ್ಯಾನ್ ಫಾಲೋಯಿಂಗ್ ಇರೋ ಮಾಸ್ ಹೀರೋ. ಅಷ್ಟೇ ಅಲ್ಲ, ಆಂಧ್ರ ರಾಜಕಾರಣದ ದಿಕ್ಕು ದೆಸೆ ಬದಲಿಸಿದ ಗೇಮ್ ಚೇಂಜರ್ ಕೂಡ ಹೌದು. ಅದಕ್ಕೆ ಪ್ರಧಾನಿ ನರೇಂದ್ರ ಮೋದಿಯೇ ಅವ್ರಿಗೆ ಅಭಿಮಾನಿ ಆಗಿರೋದು ಸ್ಪೆಷಲ್ ಆಗಿ ಹೇಳಬೇಕಿಲ್ಲ. ಪವನ್ ಹೋದಲ್ಲೆಲ್ಲಾ ಜನ ಜಾತ್ರೆ ರೀತಿ ಜಮಾಯಿಸ್ತಾರೆ. ಸಿನಿಮಾ ನೋಡಿ ಜೈಕಾರ ಹಾಕೋದೆಲ್ಲಾ ನೋಡಿ ಟಿಕೆಟ್ ಕನ್ವರ್ಟ್ ಆಗಲ್ಲ ಅಂದವ್ರಿಗೆ ಅದು ಸುಳ್ಳು ಅನ್ನೋದನ್ನ ಪ್ರೂವ್ ಮಾಡಿ ತೋರಿಸಿದ್ರು ಪವರ್ ಸ್ಟಾರ್.
ಹಾಗಂತ ಬಣ್ಣದ ಲೋಕದಿಂದ ಏನೂ ದೂರ ಉಳಿದಿಲ್ಲ. ಅವರು ಡಿಸಿಎಂ ಆಗೋಕೆ ಮೊದಲೇ ಕಮಿಟ್ ಆಗಿದ್ದ ಸಿನಿಮಾಗಳೆಲ್ಲವನ್ನ ಕಂಪ್ಲೀಟ್ ಮಾಡಿ ಕೊಟ್ಟಿದ್ದಾರೆ. ಇತ್ತೀಚೆಗೆ ಬಂದಂತಹ ಓಜಿ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಸುನಾಮಿ ಎಬ್ಬಿಸಿತ್ತು. ಇದೀಗ ಉಸ್ತಾದ್ ಭಗತ್ ಸಿಂಗ್ ಸರದಿ. ಹೌದು.. ಇದೇ ಮಾರ್ಚ್ 19ರಂದು ಯುಗಾದಿ ಹಬ್ಬದ ವಿಶೇಷ ತೆರೆಕಂಡ ಉಸ್ತಾದ್, ಧುರಂಧರ್-2 ನಡುವೆ ನೂರು ಕೋಟಿ ಕ್ಲಬ್ನತ್ತ ಕಾಲಿಟ್ಟಿದೆ.
ಮೂರೇ ದಿನಕ್ಕೆ ಉಸ್ತಾದ್ ಗಳಿಕೆ ಬರೋಬ್ಬರಿ 82 ಕೋಟಿ ರೂಪಾಯಿ ಮುಟ್ಟಿದೆ. ಅಂದಹಾಗೆ ಪವನ್ ಇಲ್ಲಿ ಒನ್ಸ್ ಅಗೈನ್ ಪೊಲೀಸ್ ಕಾಪ್ ಆಗಿ ಮಿಂಚಿದ್ದಾರೆ. ಸಿಕ್ಕಾಪಟ್ಟೆ ಫನ್, ನಾನ್ ಸ್ಟಾಪ್ ಎಂಟರ್ಟೈನ್ಮೆಂಟ್ ಜೊತೆ ಸಿನಿಮಾ ಸಖತ್ ಎಂಗೇಜಿಂಗ್ ಆಗಿದೆ ಅಂತಿದ್ದಾರೆ ಚಿತ್ರಪ್ರೇಮಿಗಳು. ಪವರ್ ಸ್ಟಾರ್ ಸ್ವ್ಯಾಗ್, ಸ್ಟೈಲು-ಮ್ಯಾನರಿಸಂಗೆ ತಕ್ಕನಾಗಿ ಉಸ್ತಾದ್ ನೋಡುಗರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಅಂದಹಾಗೆ ಇಲ್ಲಿಯ ತನಕ ಬರೋಬ್ಬರಿ ಒಂದು ಮಿಲಿಯನ್ ಟಿಕೆಟ್ಸ್ ಸೋಲ್ಡ್ ಔಟ್ ಆಗಿದೆ ಎನ್ನಲಾಗ್ತಿದೆ. ಯೆಸ್.. ಅಲ್ಲಿಗೆ 10 ಲಕ್ಷ ಉಸ್ತಾದ್ ಟಿಕೆಟ್ಸ್ ಮಾರಾಟಗೊಂಡು ದಾಖಲೆ ಬರೆದಿದ್ದಾರೆ ಪವನ್.
ಈ ಮಧ್ಯೆ ಸಿನಿಮಾಗೆ ಬಂದಂತಹ ಔಟ್ ಸ್ಟ್ಯಾಂಡಿಂಗ್ ರಿಪೋರ್ಟ್ಸ್ ನೋಡಿ ಸ್ವತಃ ಮೆಗಾಸ್ಟಾರ್ ಚಿರಂಜೀವಿಯೇ ಸಪೋರ್ಟ್ಗೆ ನಿಂತಿದ್ದಾರೆ. ಇಡೀ ಮೆಗಾ ಫ್ಯಾಮಿಲಿಗೆ ಪವನ್ ಕಲ್ಯಾಣ್, ಡೈರೆಕ್ಟರ್ ಹರೀಶ್ ಶಂಕರ್ ಹಾಗೂ ನಿರ್ಮಾಪಕರು ಸ್ಪೆಷಲ್ ಶೋ ಅರೇಂಜ್ ಮಾಡಿದ್ರು. ಅಲ್ಲಿ ನಮ್ಮ ಕ್ಯೂಟ್ ಕ್ವೀನ್ ಶ್ರೀಲೀಲಾ ಕೂಡ ಕಾಣಿಸಿಕೊಂಡಿದ್ದು ಇಂಟರೆಸ್ಟಿಂಗ್. ಸಿನಿಮಾನ ಚಿರಂಜೀವಿ ಸಖತ್ ಎಂಜಾಯ್ ಮಾಡ್ತಾ ನೋಡಿರೋ ವಿಡಿಯೋ ಉಸ್ತಾದ್ ವೇಗಕ್ಕೆ ಮಗದಷ್ಟು ಸಾಥ್ ನೀಡಿದೆ.
ಇಲ್ಲಿ ಶ್ರೀಲೀಲಾ ನಾಯಕಿಯಾಗಿ ಬಣ್ಣ ಹಚ್ಚಿದ್ದು, ಎರಡನೇ ನಾಯಕಿಯಾಗಿ ರಾಶಿ ಖನ್ನಾ ನಟಿಸಿದ್ದಾರೆ. ಪಾರ್ಥಿಬನ್ ವಿಲನ್ ಖದರ್ ಜೋರಿದ್ದು, ರಾವು ರಮೇಶ್ ಎಂದಿನಂತೆ ಮಾರ್ಕ್ಸ್ ಸ್ಕೋರ್ ಮಾಡಿದ್ದಾರೆ. ಡಿಸಿಎಂ ಆದ ಮೇಲೂ ಸಹ, ಪವನ್ ಕಿಕ್ ಕೊಡೋ ಪರ್ಫಾಮೆನ್ಸ್ ಜೊತೆ ಸಖತ್ ಸ್ಟೆಪ್ಸ್ ಹಾಕಿದ್ದಾರೆ. ಇದು ಪವನ್ ಫ್ಯಾನ್ಸ್ಗೆ ಒಂಥರಾ ಹಬ್ಬದ ಸಂಭ್ರಮ ತಂದುಕೊಟ್ಟಿದ್ದು, ಚಿತ್ರ ಮಂದಿರಗಳು ತುಂಬಿ ತುಳುಕುತ್ತಿರೋದು ಇಂಟರೆಸ್ಟಿಂಗ್.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
