ಈ ವರ್ಷ ಎರಡು ಬ್ಯಾಕ್ ಟು ಬ್ಯಾಕ್ ಬ್ಲಾಕ್‌‌ಬಸ್ಟರ್ ಹಿಟ್ಸ್ ನೀಡಿರೋ ಸೂರ್ಯ.. ಹ್ಯಾಟ್ರಿಕ್ ಹಿಟ್ ಸೀನ್ ಕ್ರಿಯೇಟ್ ಮಾಡೋಕೆ ಡಿಎಸ್‌‌ಪಿಯಾಗಿ ಬೆಳ್ಳಿತೆರೆಗೆ ಬರ್ತಿದ್ದಾರೆ. ಈಗಾಗ್ಲೇ ಟೈಟಲ್ ಟೀಸರ್ ಹಾಗೂ ವಿಲನ್ ಟೀಸರ್ನಿಂದ ಹುಬ್ಬೇರಿಸಿದ್ದ ಸೀನ್ ಸಿನಿಮಾ.. ಸದ್ಯ ಕೊರೋನಾ ಡೇಸ್‌ನ ರೀಕಾಲ್ ಮಾಡುವಂತಹ ನ್ಯೂ ಟೀಸರ್ನಿಂದ ಟಾಕ್ ಕ್ರಿಯೇಟ್ ಮಾಡ್ತಿದೆ.
- ಕೊರೋನಾ ಡೇಸ್ ರೀಕಾಲ್.. ಸೂರ್ಯ ‘ಸೀನ್’ ರಿವೀಲ್
- ಹ್ಯಾಟ್ರಿಕ್ ಹಿಟ್‌‌ನತ್ತ ಖಾಕಿ ಖದರ್ ತೋರಿದ DSP ಸೂರ್ಯ
- 900+ ಮಂದಿಯನ್ನ ಅರೆಸ್ಟ್ ಮಾಡಿ ಜೈಲಿಗೆ ಕಳಿಸೋ ಕಾಪ್
- ಔಟ್ & ಔಟ್ ಮಾಸ್ ಮಸಾಲ.. ಜಾಲಿ ಪೊಲೀಸ್ ಶೇಡ್..!
ಸೂರ್ಯ.. ಹೆಸರಿಗೆ ತಕ್ಕನಾಗಿ ಬಹಳ ಪ್ರಕಾಶಮಾನವಾಗಿ ಬೆಳಕು ಚೆಲ್ಲುತ್ತಿರೋ ಸೂಪರ್ ಸ್ಟಾರ್. ಅದ್ರಲ್ಲೂ ಸಾಲು ಸಾಲು ಸಿನಿಮಾಗಳ ಸೋಲಿನಿಂದ ಕಂಗೆಟ್ಟಿದ್ದ ಸೂರ್ಯ.. ಈ ವರ್ಷ ಫೀನಿಕ್ಸ್‌‌ನಂತೆ ಎದ್ದು ಬಂದಿದ್ದಾರೆ. ಕರುಪ್ಪು ಹಾಗೂ ವಿಶ್ವನಾಥ್ & ಸನ್ಸ್ ಸಕ್ಸಸ್ ಸಿನಿಮಾಗಳ ಗೆಲುವಿನ ಬಳಿಕ ಸೀನ್ ಚಿತ್ರದಿಂದ ಹ್ಯಾಟ್ರಿಕ್ ಹಿಟ್ ನೀಡುವ ಧಾವಂತದಲ್ಲಿದ್ದಾರೆ.
ಡಿಎಸ್‌‌ಪಿ ಇನ್ಬರಾಜ್ ಆಗಿ ಕಾಣಸಿಗಲಿರೋ ಸೂರ್ಯ 900ಕ್ಕೂ ಅಧಿಕ ಮಂದಿ ರೌಡಿಗಳನ್ನ ಜೈಲಿಗೆ ಕಳಿಸಿದ ಟ್ರ್ಯಾಕ್ ರೆಕಾರ್ಡ್ ಇರಲಿದೆ. ಆದ್ರೆ ಆತನ ನಡೆ ಕೊಂಚ ಡಿಫರೆಂಟ್. ಸಿಂಗಂ ಸೂರ್ಯ ರೀತಿ ಅಲ್ವೇ ಅಲ್ಲ. ಸದಾ ಸಿಗರೇಟ್ ಸೇದುತ್ತಾ, ಕಮೆಡಿಯನ್ ರೀತಿ ಇರೋ ಜಾಲಿ ಪೊಲೀಸ್ ಕಾಪ್. ಇದು ಜಸ್ಟ್ ಟೀಸರ್ ಆಗಿದ್ದು, ಸೂರ್ಯನ ಮಾಸ್ ಅವತಾರ ಇದರಲ್ಲಿ ಸಸ್ಪೆನ್ಸ್ ಆಗಿಯೇ ಇಟ್ಟಿದೆ ಟೀಂ. ಟೈಟಲ್ ಟೀಸರ್ ಹಾಗು ವಿಲನ್ ಟೀಸರ್‌‌ಗಳಿಂದ ಸೌಂಡ್ ಮಾಡ್ತಿದ್ದ ಸೀನ್ ಸಿನಿಮಾ, ಇದೀಗ ಡಿಎಸ್‌‌ಪಿ ಇನ್ಬರಾಜ್ ಟೀಸರ್ ಬಿಡುಗಡೆ ಮಾಡಿ ಕೌತುಕತೆ ಹೆಚ್ಚಿಸಿದೆ.
ಖಳನಾಯಕನಾಗಿ ನಸ್ಲೆನ್ ಬಣ್ಣ ಹಚ್ಚಿದ್ದು, ಆತ ಎಷ್ಟು ಕ್ರೂರಿ ಹಾಗೂ ಅಮಾನವೀಯ ವ್ಯಕ್ತಿ ಅನ್ನೋದನ್ನ ಕ್ಯಾರೆಕ್ಟರ್ ಟೀಸರ್ ಮೂಲಕ ಪ್ರಸ್ತುತ ಪಡಿಸಿದ್ದಾರೆ ಡೈರೆಕ್ಟರ್ ಜೀತು ಮಾಧವನ್. ನಟಿ ನಜ್ರಿಯಾ ಬಹಳ ದಿನಗಳ ನಂತ್ರ ಈ ಸೀನ್ ಸಿನಿಮಾದಿಂದ ಕಂಬ್ಯಾಕ್ ಮಾಡ್ತಿದ್ದು, ಸೂರ್ಯಗೆ ಜೋಡಿಯಾಗಿ ಮೋಡಿ ಮಾಡಲಿದ್ದಾರೆ. ಈಗಾಗ್ಲೇ ಸಾಂಗ್ಸ್ ಕೂಡ ಹಂಗಾಮ ಮಾಡ್ತಿದ್ದು, ಸುಶಿನ್ ಶ್ಯಾಮ್ ಸಂಗೀತ ಸಂಯೋಜಿಸಿದ್ದಾರೆ.
ಕಾಮಿಡಿ ಎಲಿಮೆಂಟ್ಸ್‌ ನೋಡುಗರಿಗೆ ಇಂಪ್ರೆಸ್ಸೀವ್ ಅನಿಸ್ತಿದ್ದು, ಕೊರೋನಾ ಡೇಸ್ ಟಚ್ ಕೂಡ ನೀಡಲಾಗಿದೆ. ಡಿಎಸ್‌‌ಪಿ ಮಾಸ್ಕ್ ಹಾಕಿ ಕೊಲೆ ಪ್ರಕರಣ ಭೇದಿಸೋಕೆ ಬರುವ ದೃಶ್ಯ ಇದೊಂದು ಕೊರೋನಾ, ಲಾಕ್‌ಡೌನ್ ಡೇಸ್ ಸಿನಿಮಾ ಅನ್ನೋದ್ರ ಹಿಂಟ್ ನೀಡಿದೆ. ಅಂದಹಾಗೆ ಇದೇ ನವೆಂಬರ್ 6ಕ್ಕೆ ದೀಪಾವಳಿ ವಿಶೇಷ ಈ ಚಿತ್ರ ತೆರೆಗೆ ಬರ್ತಿದ್ದು, ಹ್ಯಾಟ್ರಿಕ್ ಹೀರೋ ಅನಿಸಿಕೊಳ್ತಾರಾ ಸೂರ್ಯ ಅನ್ನೋದನ್ನ ಕಾದುನೋಡಬೇಕಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
