ಸಂಖ್ಯಾಶಾಸ್ತ್ರವು ವ್ಯಕ್ತಿಯ ಜನ್ಮ ತಾರೀಕಿನ ಮೇಲೆ ಆಧಾರಿತವಾಗಿ ಭವಿಷ್ಯವನ್ನು ತಿಳಿಸುವ ಒಂದು ಪ್ರಾಚೀನ ವಿಜ್ಞಾನ. ನಿಮ್ಮ ಜನ್ಮಸಂಖ್ಯೆಗೆ ಅನುಗುಣವಾಗಿ ಸೆಪ್ಟೆಂಬರ್ 6ರ ದಿನವು ಹೇಗಿರಬಹುದು ಎಂಬುದರ ಸಂಕ್ಷಿಪ್ತ ವಿವರ ಇಲ್ಲಿದೆ.
ಜನ್ಮ ಸಂಖ್ಯೆ 1 (1, 10, 19, 28ರಂದು ಹುಟ್ಟಿದವರು): ಈ ದಿನ ನಿಮ್ಮ ಕಣ್ಣುಗಳ ಆರೋಗ್ಯಕ್ಕೆ ಗಮನ ನೀಡಿ. ಕೆಂಪು, ಉರಿ ಅಥವಾ ಸೋಂಕು ಸಂಭವಿಸಬಹುದು, ಹೀಗಾಗಿ ವೈದ್ಯರ ಬಳಿ ಚಿಕಿತ್ಸೆ ಪಡೆಯಿರಿ. ಲ್ಯಾಪ್‌ಟಾಪ್, ಮೊಬೈಲ್ ಅಥವಾ ಟ್ಯಾಬ್‌ಗಳನ್ನು ಅತಿಯಾಗಿ ಬಳಸುತ್ತಿದ್ದರೆ, ಸಮಯವನ್ನು ನಿಯಂತ್ರಿಸಿ. ಇದು ನಿಮ್ಮ ಕಣ್ಣುಗಳನ್ನು ರಕ್ಷಿಸುತ್ತದೆ. ನಿಮ್ಮ ಆಪ್ತರು ಅಥವಾ ಹತ್ತಿರದವರಿಗೆ ಸಹಾಯ ಬೇಕಾಗಬಹುದು. ಮಕ್ಕಳ ಶಿಕ್ಷಣ ಮತ್ತು ಪರೀಕ್ಷೆಗಳ ಬಗ್ಗೆ ಸಂಗಾತಿಯೊಂದಿಗೆ ಚರ್ಚೆ ನಡೆಯಲಿದೆ. ಕರಿದ ಮತ್ತು ಮಸಾಲೆಯುಕ್ತ ಆಹಾರಗಳಿಂದ ದೂರವಿರಿ, ಇದು ನಿಮ್ಮ ಆರೋಗ್ಯಕ್ಕೆ ಉತ್ತಮ.
ಜನ್ಮ ಸಂಖ್ಯೆ 2 ( 2, 11, 20, 29ರಂದು ಹುಟ್ಟಿದವರು): ಸಭೆಗಳು, ಸಮಾರಂಭಗಳಲ್ಲಿ ಭಾಗವಹಿಸುವ ಅವಕಾಶಗಳು ಹೆಚ್ಚು. ಇದು ಒತ್ತಡ ಮತ್ತು ಸಂತೋಷ ಎರಡನ್ನೂ ನೀಡಬಹುದು. ಹಳೆಯ ಗೆಳೆಯರು ಅಥವಾ ಗೆಳತಿಯರನ್ನು ಭೇಟಿ ಮಾಡುವ ಯೋಗವಿದೆ. ತೀರ್ಥಯಾತ್ರೆ ಅಥವಾ ಪ್ರವಾಸದ ಯೋಜನೆ ರೂಪಿಸಬಹುದು. ಮಕ್ಕಳ ಮದುವೆಗೆ ಸೂಕ್ತ ಸಂಬಂಧ ಹುಡುಕುತ್ತಿರುವವರಿಗೆ ಒಳ್ಳೆಯ ಮಾಹಿತಿ ದೊರೆಯಲಿದೆ. ಆಹಾರ ಪದಾರ್ಥಗಳನ್ನು ದಾನ ಮಾಡುವ ಯೋಗವಿದೆ. ಕೆಲವರಿಗೆ ದೇವರ ಪೂಜಾ ಸಾಮಗ್ರಿಗಳು ಅಥವಾ ವಿಗ್ರಹಗಳು ಉಡುಗೊರೆಯಾಗಿ ಬರಬಹುದು.
ಜನ್ಮ ಸಂಖ್ಯೆ 3 (3, 12, 21, 30ರಂದು ಹುಟ್ಟಿದವರು): ಗೆಳೆಯ ಅಥವಾ ಗೆಳತಿಯ ಮನೆಗೆ ವಸ್ತುಗಳ ಖರೀದಿಗೆ ಹೋದಾಗ, ನಿಮ್ಮ ಮನೆಗೂ ಕೆಲವು ವಸ್ತುಗಳು ಖರೀದಿಯಾಗಬಹುದು. ಕ್ರೆಡಿಟ್ ಕಾರ್ಡ್ ಬಳಸುವವರು ವೆಚ್ಚದ ಮೇಲೆ ನಿಗಾ ಇರಿಸಿ. ಅಪರಿಚಿತರ ಸಲಹೆಗಳು ನಿಮ್ಮನ್ನು ಕಿರಿಕಿರಿ ಮಾಡಬಹುದು. ಮನೆಯ ಸುಣ್ಣ-ಬಣ್ಣ ಕೆಲಸಕ್ಕೆ ಸಂಬಂಧಪಟ್ಟವರೊಂದಿಗೆ ಮಾತುಕತೆ ನಡೆಯಲಿದೆ. ಹೊಸ ಯೋಜನೆಗಳು ಆರಂಭವಾಗಬಹುದು.
ಜನ್ಮ ಸಂಖ್ಯೆ 4 ( 4, 13, 22, 31ರಂದು ಹುಟ್ಟಿದವರು): ಪಿತ್ರಾರ್ಜಿತ ಆಸ್ತಿ ಹಂಚಿಕೆ ಅಥವಾ ಸ್ವತಂತ್ರ ಜೀವನದ ಸೂಚನೆಗಳು ಕಂಡುಬರಬಹುದು. ಸಂಗಾತಿ ಇದಕ್ಕೆ ಒಪ್ಪಿಗೆ ಸೂಚಿಸಬಹುದು. ಉದ್ಯಮಕ್ಕೆ ಹಣ ನೀಡುವುದಾಗಿ ಹೇಳಿದ ಸ್ನೇಹಿತರು ಹಿಂದೆ ಸರಿಯಬಹುದು. ಪೊಲೀಸ್ ಅಥವಾ ಕೋರ್ಟ್ ವ್ಯಾಜ್ಯಗಳು ಮತ್ತೆ ತಲೆಯೆತ್ತಬಹುದು.
ಜನ್ಮ ಸಂಖ್ಯೆ 5 ( 5, 14, 23ರಂದು ಹುಟ್ಟಿದವರು): ದೇವರ ಧ್ಯಾನ ಮತ್ತು ಧಾರ್ಮಿಕ ಕಾರ್ಯಗಳು ಮನಸ್ಸಿಗೆ ಸಮಾಧಾನ ನೀಡಲಿವೆ. ಕಷ್ಟದಲ್ಲಿರುವವರಿಗೆ ಹಣಕಾಸಿನ ಸಹಾಯ ಮಾಡಬೇಕಾಗಬಹುದು, ಇದು ಸಮಾಧಾನ ನೀಡಲಿದೆ. ಹಣ್ಣು ಬೆಳೆಗಾರರಿಗೆ ಆದಾಯ ಹೆಚ್ಚಳ. ಸಣ್ಣ ಜಾಗ ಖರೀದಿಗೆ ಶುಭ ಸುದ್ದಿ. ಮುರಿದ ವ್ಯವಹಾರಗಳು ಪೂರ್ಣಗೊಳ್ಳಲಿವೆ.
ಜನ್ಮ ಸಂಖ್ಯೆ 6 (6, 15, 24ರಂದು ಹುಟ್ಟಿದವರು): ಸಮಯಕ್ಕೆ ಸರಿಯಾಗಿ ಕೆಲಸ ಮಾಡುವುದು ಕಷ್ಟವಾಗಬಹುದು. ಅನಿರೀಕ್ಷಿತ ಕೆಲಸಗಳು ಒತ್ತಡ ಹೆಚ್ಚಿಸಲಿವೆ. ಆಹಾರದಲ್ಲಿ ರುಚಿ ಕಡಿಮೆಯಾಗಬಹುದು, ಮನೆಯಲ್ಲಿ ಚರ್ಚೆಗಳು ನಡೆಯಬಹುದು. ಎಲೆಕ್ಟ್ರಿಕ್ ವಸ್ತುಗಳು ಹಾಳಾಗಬಹುದು. ಕೆಲಸಕ್ಕೆ ಹೆಚ್ಚಿನ ಹಣ ಬೇಕಾಗಬಹುದು, ಇದು ಬೇಸರ ಉಂಟುಮಾಡಲಿದೆ.
ಜನ್ಮ ಸಂಖ್ಯೆ 7 ( 7, 16, 25ರಂದು ಹುಟ್ಟಿದವರು): ನಿಮ್ಮ ನಿರ್ಧಾರಗಳಿಗೆ ಇತರರ ಬೆಂಬಲ ಹೆಚ್ಚಲಿದೆ. ಪ್ರೀತಿಯಲ್ಲಿರುವವರು ಮನೆಯಲ್ಲಿ ಹೇಳುವ ಸಾಧ್ಯತೆ. ಲಾರಿ ಚಾಲಕರಿಗೆ ಮಾಲೀಕರಿಂದ ಪ್ರಶಂಸೆ ಮತ್ತು ಹಣಕಾಸು ಸಹಾಯ. ಉದ್ಯೋಗಸ್ಥ ಮಹಿಳೆಯರಿಗೆ ದಣಿವು ಹೆಚ್ಚು, ವಿಶ್ರಾಂತಿ ಬೇಕು.
ಜನ್ಮ ಸಂಖ್ಯೆ 8 (8, 17, 26ರಂದು ಹುಟ್ಟಿದವರು): ಹಿಂದಿನ ತಪ್ಪುಗಳನ್ನು ಸರಿಪಡಿಸುವ ಅವಕಾಶ. ಸ್ನೇಹಿತರು ಕ್ಲೈಂಟ್ಸ್ ಕರೆತರಬಹುದು. ಹಳೆಯ ಬಾಕಿಗಳ ಬದಲು ವಸ್ತುಗಳು ದೊರೆಯಬಹುದು. ದೂರ ಪ್ರಯಾಣದಿಂದ ಗೊಂದಲಗಳು ನಿವಾರಣೆ.
ಜನ್ಮ ಸಂಖ್ಯೆ 9 ( 9, 18, 27ರಂದು ಹುಟ್ಟಿದವರು): ವಿವಾಹದ ಹೊರಗೆ ಮನಸ್ಸು ಹೋಗದಂತೆ ಎಚ್ಚರ. ಹಠ ಬಿಡಿ. ವಿದೇಶದಲ್ಲಿ ವ್ಯಾಸಂಗ ಮಾಡುವವರಿಗೆ ಕೆಲಸದ ಅವಕಾಶ. ಕಾರ್ಡ್ ಬಳಕೆಯಲ್ಲಿ ಭದ್ರತೆ. ಇತರರ ಸಹಾಯದಲ್ಲಿ ಅನನುಕೂಲಗಳು. ಮನೆಗೆ ಹೊಸ ಮಂಚ ಅಥವಾ ಹಾಸಿಗೆ ತರುವ ಸಾಧ್ಯತೆ.
