ತಮಿಳುನಾಡು ಮುಖ್ಯಮಂತ್ರಿ ವಿಜಯ್ ಅವರ ಟಿವಿಕೆ (ತಮಿಳಗ ವೆಟ್ರಿ ಕಳಗಂ) ಪಕ್ಷ ಬಹುಮತಕ್ಕೆ ಕೇವಲ 4,649 ಮತಗಳ ಕೊರತೆ ಅನುಭವಿಸಿದೆ. ಒಂದು ವೇಳೆ 10 ಪ್ರಮುಖ ಕ್ಷೇತ್ರಗಳಲ್ಲಿ ಕಡಿಮೆ ಅಂತರದಲ್ಲಿ ಸೋತಿದ್ದ ಅಭ್ಯರ್ಥಿಗಳು ಸ್ವಲ್ಪ ಹೆಚ್ಚು ಮತಗಳನ್ನು ಪಡೆದಿದ್ದರೆ ವಿಜಯ್ ಅವರಿಗೆ ಸ್ವತಂತ್ರ ಬಹುಮತ ಸಿಗುತ್ತಿತ್ತು.
ಚುನಾವಣಾ ಫಲಿತಾಂಶ ಹೊರಬಿದ್ದ ಬಳಿಕ ಬಯಲಾಗುತ್ತಿರುವ ಈ ಲೆಕ್ಕಾಚಾರವು ರಾಜಕೀಯ ವಲಯಗಳಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಿದೆ.
ಟಿವಿಕೆ ಕಡಿಮೆ ಅಂತರದಲ್ಲಿ ಸೋತ 10 ಪ್ರಮುಖ ಕ್ಷೇತ್ರಗಳು :
- ತಿರುಕ್ಕೊಯ್ಯೂರ್ – 285 ಮತಗಳ ಅಂತರ
- ಕುಲಿತಲೈ – 579 ಮತಗಳ ಅಂತರ
- ಪಳನಿ – 693 ಮತಗಳ ಅಂತರ
- ಕೋವಿಲ್ ಪಟ್ಟಿ – 843 ಮತಗಳ ಅಂತರ
- ವಿಕ್ರವಂಡಿ – 910 ಮತಗಳ ಅಂತರ
- ಉದಗಮಂಡಲಂ – 976 ಮತಗಳ ಅಂತರ
- ಪಾಪನಾಸಂ – 1,065 ಮತಗಳ ಅಂತರ
- ದಿಂಡಿಗಲ್ – 1,131 ಮತಗಳ ಅಂತರ
- ಕಿಲ್ಲಿಯೂರ್ – 1,311 ಮತಗಳ ಅಂತರ
- ತಿರುಮಯಂ – 1,492 ಮತಗಳ ಅಂತರ
ಒಟ್ಟು 4,649 ಮತಗಳ ಕೊರತೆಯಿಂದಾಗಿ ಟಿವಿಕೆಗೆ ಬಹುಮತ ಸಿಗಲಿಲ್ಲ.
ಈಗ ವಿಜಯ್ಗೆ ಅನಿವಾರ್ಯತೆ
ಟಿವಿಕೆ ಅಭ್ಯರ್ಥಿಗಳನ್ನು ಕಡಿಮೆ ಅಂತರದಲ್ಲಿ ಸೋಲಿಸಿದವರೇ ಈಗ ಸರ್ಕಾರ ರಚನೆಗೆ ಮಿತ್ರರಾಗುವ ಸಾಧ್ಯತೆಯಿದೆ.
- ಡಿಎಂಕೆ – 4 ಕ್ಷೇತ್ರಗಳಲ್ಲಿ ಟಿವಿಕೆಯನ್ನು ಸೋಲಿಸಿದೆ
- ಎಐಎಡಿಎಂಕೆ – 2 ಕ್ಷೇತ್ರಗಳಲ್ಲಿ
- ಬಿಜೆಪಿ, ಕಾಂಗ್ರೆಸ್, ಮುಸ್ಲಿಂ ಲೀಗ್, ಪಿಎಂಕೆ – ತಲಾ 1 ಕ್ಷೇತ್ರದಲ್ಲಿ
ಒಂದು ವೇಳೆ ಈ 10 ಕ್ಷೇತ್ರಗಳಲ್ಲಿ ಟಿವಿಕೆ ಗೆದ್ದಿದ್ದರೆ, ವಿಜಯ್ ಅವರಿಗೆ ಬಹುಮತ ಸಿಗುತ್ತಿತ್ತು ಮತ್ತು ಯಾರ ಬೆಂಬಲವೂ ಅಗತ್ಯವಿರುತ್ತಿರಲಿಲ್ಲ ಎನ್ನಲಾಗುತ್ತಿದೆ.
ಈ ಅತ್ಯಂತ ಕಡಿಮೆ ಅಂತರದ ಸೋಲುಗಳು ಟಿವಿಕೆಗೆ ದೊಡ್ಡ ಪಾಠವಾಗಿದೆ ಎಂದು ರಾಜಕೀಯ ವಿಶ್ಲೇಷಕರು ಅಭಿಪ್ರಾಯಪಡುತ್ತಿದ್ದಾರೆ.
