ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ನಂತರ ಭಾರತದ ಕ್ರಮಗಳು ಇನ್ನಷ್ಟು ತೀವ್ರ ಸ್ವರೂಪವನ್ನು ಪಡೆದುಕೊಳ್ಳುತ್ತಿವೆ. ಉಗ್ರರ ದಾಳಿಯ ಬಳಿಕ ಭಾರತದ ನೆಪದಲ್ಲಿ ತೀವ್ರ ಕಾನೂನು ಕ್ರಮಗಳು ಕೈಗೊಳ್ಳಲಾಗುತ್ತಿದ್ದು, ಅದರ ಭಾಗವಾಗಿ ಪಾಕಿಸ್ತಾನಿ ವಿಮಾನಗಳು ಹಾಗೂ ಹಡಗುಗಳಿಗೆ ನಿಷೇಧ ಹೇರುವ ಕುರಿತು ಕೇಂದ್ರ ಸರ್ಕಾರ ಗಂಭೀರವಾಗಿ ಚಿಂತನೆ ನಡೆಸುತ್ತಿದೆ ಎಂದು ವರದಿಯಾಗಿದೆ.
ಮೂಲಗಳ ಪ್ರಕಾರ, ಭಾರತದ ವಾಯುಪ್ರದೇಶವನ್ನು ಪಾಕ್ ವಿಮಾನಯಾನ ಸಂಸ್ಥೆ ಮುಚ್ಚುವ ಕುರಿತು ಕೇಂದ್ರ ಸರ್ಕಾರ ಆಂತರಿಕ ಚರ್ಚೆ ನಡೆಸುತ್ತಿದೆ. ಈ ನಿರ್ಧಾರವು ತೀರ್ಮಾನವಾಗಿದರೆ, ಪಾಕ್ ವಿಮಾನಗಳು ಭಾರತದ ವಾಯುಪ್ರದೇಶದಿಂದ ಹಾರುವ ಸಾಧ್ಯತೆ ಇಲ್ಲದೆ ಹೋಗುತ್ತದೆ. ಪರಿಣಾಮವಾಗಿ, ಅಂತಾರಾಷ್ಟ್ರೀಯ ಗಮ್ಯಸ್ಥಾನಗಳತ್ತ ಸಾಗುವ ಪಾಕಿಸ್ತಾನಿ ವಿಮಾನಗಳು ಉದ್ದವಾದ ಮಾರ್ಗಗಳಲ್ಲಿ ಸಾಗಬೇಕಾಗುತ್ತದೆ. ಇದರಿಂದಾಗಿ ಪಾಕಿಸ್ತಾನಿ ವಿಮಾನಯಾನ ಸಂಸ್ಥೆಗಳಿಗೆ ಹೆಚ್ಚುವರಿ ಇಂಧನ ಖರ್ಚು, ಸಮಯ ವ್ಯಯ ಮತ್ತು ತಂತ್ರಜ್ಞಾನದ ಸಮಸ್ಯೆಗಳು ಎದುರಾಗಬಹುದು.
ಏಪ್ರಿಲ್ 22 ರಂದು ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್ನಲ್ಲಿ ಸಂಭವಿಸಿದ ಭಯೋತ್ಪಾದಕ ದಾಳಿ ಭಾರತೀಯ ಸೇನೆಯು ತನ್ನ ಯೋಧರನ್ನು ಕಳೆದುಕೊಂಡ ಘಟನೆಯಾಗಿದೆ. ಈ ದಾಳಿಗೆ ಪಾಕಿಸ್ತಾನ ಮೂಲದ ಉಗ್ರರು ಹೊಣೆ ಎಂದು ಭಾರತ ಸ್ಪಷ್ಟವಾಗಿ ಆರೋಪಿಸಿದ್ದು, ಇದನ್ನೆ ಆಧಾರವಾಗಿ ಕೇಂದ್ರ ಸರ್ಕಾರ ಬಲಿಷ್ಠ ಕ್ರಮಗಳನ್ನು ಕೈಗೊಳ್ಳುವತ್ತ ಮುಂದಾಗಿದೆ.
ಪರ್ಯಾಯ ಮಾರ್ಗಗಳು ಹುಡುಕುತ್ತಿರುವ ಪಾಕ್
ಭಾರತದ ವಾಯುಪ್ರದೇಶದಿಂದ ತಡೆಹಿಡಿಯಲ್ಪಟ್ಟರೆ, ಪಾಕ್ ವಿಮಾನಗಳು ಕೌಲಾಲಂಪುರ್, ದೋಹಾ ಅಥವಾ ಯುರೋಪ್ ತಲುಪಲು ಚೀನಾ ಅಥವಾ ಶ್ರೀಲಂಕಾದಂತಹ ರಾಷ್ಟ್ರಗಳ ಮೂಲಕ ಪರ್ಯಾಯ ಮಾರ್ಗಗಳನ್ನು ಆರಿಸಬೇಕಾಗುತ್ತದೆ. ಇದರಿಂದ ವಿಮಾನಯಾನ ವೆಚ್ಚ ಹೆಚ್ಚಾಗುವುದಲ್ಲದೆ, ಪ್ರಯಾಣದ ಸಮಯವೂ ದೀರ್ಘವಾಗಲಿದೆ.
ಈ ಮಧ್ಯೆ, ಕೆಲವು ವರದಿಗಳ ಪ್ರಕಾರ, ಪಾಕಿಸ್ತಾನದ ಕೆಲವು ಹಡಗುಗಳು ಭಾರತ-ಸಂಬಂಧಿತ ಜಲಪ್ರದೇಶಗಳ ಬಳಿಯಿಂದ ದೂರ ಉಳಿಯಲು ಈಗಾಗಲೇ ಕ್ರಮಕೈಗೊಂಡಿವೆ. ಭದ್ರತಾ ತಜ್ಞರು ಈ ನಿರ್ಧಾರವನ್ನು ಭಾರತದ ದೂರದೃಷ್ಟಿಯ ರಾಜತಾಂತ್ರಿಕ ಹೆಜ್ಜೆ ಎಂದೇ ಗುರುತಿಸುತ್ತಿದ್ದಾರೆ.
