ಬೆಂಗಳೂರು, ಜೂನ್ 21: ವಿವಾಹೇತರ ಸಂಬಂಧಗಳು (Illicit Relationship) ಮತ್ತು ಆನ್ಲೈನ್ ಡೇಟಿಂಗ್ಗಳ ಕುರಿತು ಜಾಗತಿಕ ಡೇಟಿಂಗ್ ಆ್ಯಪ್ (Dating Application) ಸಂಸ್ಥೆಯೊಂದು ನಡೆಸಿರುವ ಇತ್ತೀಚಿನ ಸಮೀಕ್ಷೆಯು ಆಘಾತಕಾರಿ ಮಾಹಿತಿಯನ್ನು ಹೊರಹಾಕಿದೆ.
ಭಾರತದ ಪ್ರಮುಖ ನಗರಗಳ ಪೈಕಿ ತಮಿಳುನಾಡಿನ ಕಾಂಚೀಪುರಂ ನಗರವು ಸತತ ಎರಡೇ ವರ್ಷದಲ್ಲಿ ಈ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಕಾಯ್ದುಕೊಂಡಿದೆ. ಇನ್ನು, ಕರ್ನಾಟಕದ ರಾಜಧಾನಿ ಬೆಂಗಳೂರು (Bengaluru) ಈ ಪಟ್ಟಿಯಲ್ಲಿ 7ನೇ ಸ್ಥಾನವನ್ನು ಪಡೆದುಕೊಂಡಿದೆ. ಈ ಸಮೀಕ್ಷೆಯು ಬದಲಾಗುತ್ತಿರುವ ಸಾಮಾಜಿಕ ಪ್ರವೃತ್ತಿಗಳು, ಆಧುನಿಕ ಜೀವನಶೈಲಿ ಮತ್ತು ತಂತ್ರಜ್ಞಾನದ ಬಳಕೆಯ ಹೆಚ್ಚಳದ ಬಗ್ಗೆ ಪ್ರಮುಖ ಮಾಹಿತಿಗಳನ್ನು ನೀಡಿದೆ.
ಸಮೀಕ್ಷೆಯ ಮುಖ್ಯಾಂಶಗಳು
ಈ ಸಮೀಕ್ಷೆಯು ದೇಶದಾದ್ಯಂತ ಪ್ರಮುಖ ಡೇಟಿಂಗ್ ಆ್ಯಪ್ಗಳ ಬಳಕೆದಾರರ ದತ್ತಾಂಶ, ಆನ್ಲೈನ್ ಸಕ್ರಿಯತೆ ಮತ್ತು ಸಾಮಾಜಿಕ ಮಾಧ್ಯಮಗಳ ವಿಶ್ಲೇಷಣೆಯನ್ನು ಆಧರಿಸಿ ಸಿದ್ಧಪಡಿಸಲಾಗಿದೆ. ಕಾಂಚೀಪುರಂ ನಗರವು ಸತತ ಎರಡನೇ ವರ್ಷವೂ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, ಅಲ್ಲಿನ ಸಾಮಾಜಿಕ ಬದಲಾವಣೆಗಳು ಮತ್ತು ಆನ್ಲೈನ್ ಡೇಟಿಂಗ್ ಪ್ರವೃತ್ತಿಯಲ್ಲಿ ಹೆಚ್ಚಳವನ್ನು ಸೂಚಿಸುತ್ತದೆ. ಈ ನಗರದಲ್ಲಿ ಮೊಬೈಲ್ ಇಂಟರ್ನೆಟ್ ಬಳಕೆ ಮತ್ತು ಡೇಟಿಂಗ್ ಆ್ಯಪ್ಗಳ ಪ್ರವೇಶವು ವೇಗವಾಗಿ ಹೆಚ್ಚುತ್ತಿದೆ. ಇನ್ನು ದೆಹಲಿ, ಮುಂಬೈ, ಪುಣೆ, ಚೆನ್ನೈ, ಹೈದರಾಬಾದ್ ಮೊದಲಾದ ಮೆಟ್ರೋ ನಗರಗಳು ಕೂಡ ಈ ಪಟ್ಟಿಯ ಪ್ರಮುಖ ಸ್ಥಾನಗಳಲ್ಲಿವೆ.
ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ನಗರಗಳು:
-
ಕಾಂಚೀಪುರಂ – ತಮಿಳುನಾಡು
-
ದೆಹಲಿ
-
ಮುಂಬೈ
-
ಪುಣೆ
-
ಜೈಪುರ್
-
ಚೆನ್ನೈ
-
ಬೆಂಗಳೂರು
-
ಹೈದರಾಬಾದ್
-
ಹುಬ್ಬಳ್ಳಿ
-
ಅಹ್ಮದಾಬಾದ್
ಬೆಂಗಳೂರು 7ನೇ ಸ್ಥಾನದಲ್ಲಿರುವುದು ಏಕೆ?
ಐಟಿ ಹಬ್ ಎಂದೇ ಖ್ಯಾತಿ ಪಡೆದಿರುವ ಬೆಂಗಳೂರು (Bengaluru) ಈ ಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ. ಇದು ಬೆಂಗಳೂರಿನ ವೃತ್ತಿಪರ ಜೀವನಶೈಲಿ, ಯುವ ಜನಸಂಖ್ಯೆ ಮತ್ತು ತಂತ್ರಜ್ಞಾನದ ಹೆಚ್ಚಿನ ಬಳಕೆಯನ್ನು ಪ್ರತಿಬಿಂಬಿಸುತ್ತದೆ. ಬೆಂಗಳೂರಿನಲ್ಲಿ ಕೆಲಸದ ಒತ್ತಡ, ದೀರ್ಘ ಕೆಲಸದ ಅವಧಿಗಳು ಮತ್ತು ಅಪರಿಚಿತ ನಗರದಲ್ಲಿ ಒಂಟಿತನವು ಜನರನ್ನು ಆನ್ಲೈನ್ ಡೇಟಿಂಗ್ ಮತ್ತು ಅನಾಮಧೇಯ ಸಂಬಂಧಗಳತ್ತ ಒಲಿಸುತ್ತಿದೆ ಎಂದು ಸಮೀಕ್ಷೆಯು ವಿಶ್ಲೇಷಿಸಿದೆ.
ಐಟಿ ಮತ್ತು ಸ್ಟಾರ್ಟ್ಅಪ್ ವಲಯದಲ್ಲಿ ಕೆಲಸ ಮಾಡುವ ಯುವಕ-ಯುವತಿಯರ ಸಂಖ್ಯೆ ಹೆಚ್ಚಿರುವುದು, ಆಧುನಿಕ ಜೀವನಶೈಲಿ ಮತ್ತು ಮುಕ್ತ ಚಿಂತನೆ ಇಂತಹ ಪ್ರವೃತ್ತಿಗಳಿಗೆ ಕಾರಣವಾಗಿದೆ. ಕಾಂಚೀಪುರಂಗಿಂತ ಕಡಿಮೆ ಸ್ಥಾನದಲ್ಲಿರುವುದು ಬೆಂಗಳೂರಿನಲ್ಲಿ ವೈವಾಹಿಕ ಸಂಬಂಧಗಳ ಬಗ್ಗೆ ಇರುವ ಬದ್ಧತೆಯನ್ನು ಸೂಚಿಸಬಹುದು ಎಂದು ಕೆಲವು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ವಿವಾಹೇತರ ಸಂಬಂಧಗಳ ಹೆಚ್ಚಳಕ್ಕೆ ಕಾರಣಗಳೇನು?
ತಜ್ಞರ ಪ್ರಕಾರ, ಇಂತಹ ಪ್ರವೃತ್ತಿಗಳ ಹೆಚ್ಚಳಕ್ಕೆ ಹಲವಾರು ಕಾರಣಗಳಿವೆ.
-
ಡಿಜಿಟಲೀಕರಣ: ಸ್ಮಾರ್ಟ್ಫೋನ್ಗಳ ಮತ್ತು ಇಂಟರ್ನೆಟ್ನ ವ್ಯಾಪಕ ಪ್ರವೇಶದಿಂದಾಗಿ ಡೇಟಿಂಗ್ ಆ್ಯಪ್ಗಳು ಸುಲಭವಾಗಿ ಲಭ್ಯವಾಗಿವೆ. 24×7 ಆನ್ಲೈನ್ ಇರುವ ಜೀವನಶೈಲಿ ಅನಾಮಧೇಯ ಸಂಬಂಧಗಳಿಗೆ ಅವಕಾಶ ಮಾಡಿಕೊಟ್ಟಿದೆ.
-
ಜೀವನಶೈಲಿ ಬದಲಾವಣೆ: ನಗರೀಕರಣ, ವಿದೇಶಗಳಲ್ಲಿ ಕೆಲಸ ಮತ್ತು ಏಕಾಂಗಿ ಜೀವನಶೈಲಿಯು ಭಾವನಾತ್ಮಕ ಮತ್ತು ದೈಹಿಕ ಸಾಮೀಪ್ಯದ ಹುಡುಕಾಟವನ್ನು ಹೆಚ್ಚಿಸಿದೆ.
-
ಸಾಮಾಜಿಕ ಸ್ವಾತಂತ್ರ್ಯ: ಸಮಾಜದಲ್ಲಿ ವಿವಾಹೇತರ ಸಂಬಂಧಗಳ ಬಗ್ಗೆ ಇರುವ ಕಳಂಕ ಕಡಿಮೆಯಾಗುತ್ತಿದೆ. ಹೆಚ್ಚು ಜನರು ಅವಿವಾಹಿತವಾಗಿ ಅಥವಾ ವಿಚ್ಛೇದನದ ನಂತರ ಸ್ವತಂತ್ರವಾಗಿ ಸಂಬಂಧಗಳನ್ನು ಹೊಂದಲು ಮುಂದಾಗುತ್ತಿದ್ದಾರೆ.
-
ಮಾನಸಿಕ ಕಾರಣಗಳು: ವೈವಾಹಿಕ ಜೀವನದಲ್ಲಿನ ಅತೃಪ್ತಿ, ಭಾವನಾತ್ಮಕ ಖಾಲಿತನ ಮತ್ತು ಗಮನದ ಕೊರತೆಯು ವಿವಾಹೇತರ ಸಂಬಂಧಗಳಿಗೆ ಕಾರಣವಾಗುತ್ತದೆ.
