ನವದೆಹಲಿ ಆ 21: BESCOM ಯೋಜನೆಗಳಿಗೆ ಸಂಬಂಧಿಸಿದ ಸುಮಾರು 9.31 ಕೋಟಿ ರೂ. ಮೌಲ್ಯದ ಸಾಮಗ್ರಿ ಪೂರೈಕೆ ಪ್ರಕರಣದಲ್ಲಿ ಬಂಧಿತ ಆರೋಪಿಯನ್ನು ದೆಹಲಿಯ ಸಾಕೇತ್ ಕೋರ್ಟ್‌ ಎರಡು ದಿನಗಳ ಪೊಲೀಸ್ ಕಸ್ಟಡಿಗೆ ಒಪ್ಪಿಸಿದೆ.
ಬ್ಯಾಂಕ್‌ ಖಾತೆಗಳ ವಿವರ, GST ದಾಖಲೆಗಳು, Invoiceಗಳು ಸೇರಿದಂತೆ ಹಲವು ದಾಖಲೆಗಳ ಆಧಾರದ ಮೇಲೆ ಆರೋಪಿಯನ್ನು ವಿಚಾರಣೆ ನಡೆಸಬೇಕಿರುವುದರಿಂದ ಪೊಲೀಸ್ ಕಸ್ಟಡಿ ಅಗತ್ಯ ಎಂದು ತನಿಖಾಧಿಕಾರಿಗಳು ಕೋರ್ಟ್‌ಗೆ ತಿಳಿಸಿದ್ದಾರೆ. ಇದನ್ನು ಪರಿಗಣಿಸಿದ ನ್ಯಾಯಾಲಯ ಎರಡು ದಿನಗಳ ಕಸ್ಟಡಿಗೆ ಅನುಮತಿ ನೀಡಿದೆ.
ಏನಿದು ಪ್ರಕರಣ?
ಕರ್ನಾಟಕದ BESCOM ಯೋಜನೆಗಳಿಗೆ ಸಾಮಗ್ರಿ ಪೂರೈಸುವ ಸಂಬಂಧ EEE ಮತ್ತು VTI ಸಂಸ್ಥೆಗಳ ನಡುವೆ 2024ರ ಆಗಸ್ಟ್‌ 8ರಂದು MoU ನಡೆದಿತ್ತು. ಈ ಒಪ್ಪಂದದಂತೆ VTI ಸಂಸ್ಥೆ BESCOM ಯೋಜನೆಗಳಿಗೆ ಅಗತ್ಯವಾದ ಸಾಮಗ್ರಿಗಳನ್ನು ಪೂರೈಸಿತ್ತು.
BESCOMನಿಂದ ಬಿಡುಗಡೆಯಾಗುವ ಹಣವನ್ನು Escrow ಖಾತೆಯ ಮೂಲಕ ಪಾವತಿಸಲಾಗುತ್ತದೆ ಎಂಬ ಭರವಸೆ ನೀಡಲಾಗಿತ್ತು. ಇದನ್ನು ನಂಬಿ ಸುಮಾರು 9.31 ಕೋಟಿ ರೂ. ಮೌಲ್ಯದ ಸಾಮಗ್ರಿಗಳನ್ನು ಪೂರೈಸಲಾಗಿದೆ ಎಂದು VTI ಆರೋಪಿಸಿದೆ.
ಆದರೆ, ನಂತರ Escrow ಖಾತೆ ವ್ಯವಸ್ಥೆ ಕಾರ್ಯರೂಪಕ್ಕೆ ಬಂದಿಲ್ಲ. BESCOMನಿಂದ ಬಂದ ಹಣವನ್ನು ಬೇರೆ ಖಾತೆಗೆ ವರ್ಗಾಯಿಸಲಾಗಿದೆ ಎಂಬ ಆರೋಪವೂ ಕೇಳಿಬಂದಿದೆ.
BESCOM ಹೇಳಿದ್ದೇನು?
ಈ ಪ್ರಕರಣದ ವಿಚಾರಣೆ ವೇಳೆ BESCOM ತನಿಖಾಧಿಕಾರಿಗಳಿಗೆ ಮಹತ್ವದ ಮಾಹಿತಿ ನೀಡಿದೆ. ಯಾವುದೇ ಹಣವನ್ನು Escrow ಖಾತೆಗೆ ಪಾವತಿಸಿಲ್ಲ ಎಂದು BESCOM ಸ್ಪಷ್ಟಪಡಿಸಿದೆ.
ಅಲ್ಲದೆ, EEE ಸಂಸ್ಥೆ ಸಲ್ಲಿಸಿದ್ದ ಯಾವುದೇ Invoiceಗಳು BESCOMನಲ್ಲಿ ಬಾಕಿ ಉಳಿದಿಲ್ಲ ಮತ್ತು BESCOMನಿಂದ ಪಾವತಿಸಬೇಕಾದ ಯಾವುದೇ ಮೊತ್ತವೂ ಇಲ್ಲ ಎಂದು ತಿಳಿಸಿದೆ.
ಈ ಹೇಳಿಕೆಗಳು ಆರೋಪಿಯ ಪರವಾಗಿ ನೀಡಲಾಗಿದ್ದ ವಾದಕ್ಕೆ ಪ್ರಾಥಮಿಕವಾಗಿ ವಿರುದ್ಧವಾಗಿವೆ ಎಂದು ದೆಹಲಿ ಹೈಕೋರ್ಟ್‌ ಗಮನಿಸಿತ್ತು.ಇದೇ ಹಿನ್ನೆಲೆಯಲ್ಲಿ ಆರೋಪಿಗೆ ಮುಂಗಡ ಜಾಮೀನು ನೀಡಲು ಕೋರ್ಟ್‌ ನಿರಾಕರಿಸಿದೆ.
ಹಣ ಎಲ್ಲಿಗೆ ಹೋಯಿತು? EOW ತನಿಖೆ
ಪ್ರಕರಣದಲ್ಲಿ ಈಗ *ಹಣದ ಹರಿವಿನ ಬಗ್ಗೆ EOW ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ. BESCOMನಿಂದ ಹಣ ಯಾವ ಖಾತೆಗೆ ಜಮೆಯಾಯಿತು, ಅಲ್ಲಿಂದ ಯಾವ ಖಾತೆಗಳಿಗೆ ವರ್ಗಾವಣೆಯಾಯಿತು ಮತ್ತು ಅಂತಿಮವಾಗಿ ಆ ಹಣ ಯಾರಿಗೆ ತಲುಪಿತು ಎಂಬುದನ್ನು ತನಿಖಾಧಿಕಾರಿಗಳು ಪರಿಶೀಲಿಸುತ್ತಿದ್ದಾರೆ. ಇದರ ಜೊತೆಗೆ Escrow ವ್ಯವಸ್ಥೆ, GST ದಾಖಲೆಗಳು, Invoiceಗಳು ಮತ್ತು 2024ರ ಆಗಸ್ಟ್‌ 21ರ Purchase Order ಕುರಿತ ದಾಖಲೆಗಳನ್ನೂ ಪರಿಶೀಲಿಸಲಾಗುತ್ತಿದೆ.
Purchase Order ಬಗ್ಗೆ ಅನುಮಾನ
Purchase Orderನ ನೈಜತೆ ಕುರಿತ ವಿವಾದವನ್ನು ದೆಹಲಿ ಹೈಕೋರ್ಟ್‌ ಕೂಡ ಗಮನಿಸಿತ್ತು. MoUನಲ್ಲಿ ದೆಹಲಿ ಜ್ಯುರಿಸ್ಡಿಕ್ಷರಿ ಎಂದು ಉಲ್ಲೇಖಿಸಿದ್ದರೆ, ಆರೋಪಿಯು ನ್ಯಾಯಾಲಯದ ಮುಂದೆ ಸಲ್ಲಿಸಿದ್ದ Purchase Orderನಲ್ಲಿ ಬೆಂಗಳೂರು ಜ್ಯುರಿಸ್ಡಿಕ್ಷರಿ ಎಂದು ನಮೂದಿಸಲಾಗಿತ್ತು. ಈ ವ್ಯತ್ಯಾಸವನ್ನು ನಿರ್ಲಕ್ಷಿಸಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್‌ ಹೇಳಿತ್ತು.
ಪ್ರಕರಣವನ್ನು ಕೇವಲ ಹಣಕಾಸು ಅಥವಾ ವಾಣಿಜ್ಯ ವಿವಾದ ಎಂದು ಪರಿಗಣಿಸಬೇಕು ಎಂಬ ವಾದವನ್ನೂ ಹೈಕೋರ್ಟ್‌ ತಳ್ಳಿ ಹಾಕಿತ್ತು. ಜೂನ್‌ 9ರಂದು ನಡೆದ ವಿಚಾರಣೆಯಲ್ಲಿ, ಸಿವಿಲ್‌ ವಿವಾದವಿರುವುದರಿಂದ ವಂಚನೆ ಅಥವಾ ಮೋಸದ ಆರೋಪಗಳ ಕ್ರಿಮಿನಲ್‌ ಸ್ವರೂಪ ಕಡಿಮೆಯಾಗುವುದಿಲ್ಲ ಎಂದು ಕೋರ್ಟ್‌ ಅಭಿಪ್ರಾಯಪಟ್ಟಿತ್ತು. ಪ್ರಕರಣದಲ್ಲಿ ಕ್ರಿಮಿನಲ್‌ ಅಪರಾಧದ ಅಂಶಗಳು ಪ್ರಾಥಮಿಕವಾಗಿ ಕಂಡುಬಂದ ಹಿನ್ನೆಲೆಯಲ್ಲಿ ಆರೋಪಗಳ ಗಂಭೀರತೆಯನ್ನು ಪರಿಗಣಿಸಿ ಮುಂಗಡ ಜಾಮೀನು ಅರ್ಜಿಯನ್ನು ತಿರಸ್ಕರಿಸಲಾಗಿತ್ತು.
ಕರ್ನಾಟಕದಲ್ಲೂ ಚೆಕ್‌ ಪ್ರಕರಣಗಳ ವಿಚಾರಣೆ
ಇದೇ ವಹಿವಾಟಿಗೆ ಸಂಬಂಧಿಸಿದ ಕೆಲವು ಚೆಕ್‌ ಪ್ರಕರಣಗಳು ಕರ್ನಾಟಕದ ನ್ಯಾಯಾಲಯಗಳಲ್ಲೂ ವಿಚಾರಣೆಯಲ್ಲಿವೆ. ತುಮಕೂರಿನ II ಹೆಚ್ಚುವರಿ ಸಿವಿಲ್‌ ನ್ಯಾಯಾಧೀಶರು ಮತ್ತು JMFC ನ್ಯಾಯಾಲಯದ ಜೂನ್‌ 10, 2026ರ ಆದೇಶದ ಪ್ರಕಾರ, ಆರೋಪಿ ವಿಚಾರಣೆಗೆ ಗೈರಾಗಿದ್ದ ಹಿನ್ನೆಲೆಯಲ್ಲಿ ಜಾಮೀನು ರಹಿತ ವಾರಂಟ್‌ ಅನ್ನು ಮರುಜಾರಿಗೊಳಿಸಲಾಗಿತ್ತು. ಹಲವು ಅವಕಾಶಗಳನ್ನು ನೀಡಿದ್ದರೂ PW-1ರ ವಿಚಾರಣೆ ಮತ್ತು ಕ್ರಾಸ್‌ ಕ್ವೆಶ್ಚನಿಂಗ್‌ ಪೂರ್ಣಗೊಂಡಿಲ್ಲ ಎಂದು ನ್ಯಾಯಾಲಯ ದಾಖಲಿಸಿದೆ. ಇನ್ನೊಂದು ಚೆಕ್‌ ಪ್ರಕರಣದಲ್ಲಿ, ಆರೋಪಿಯಿಂದ ಸಂಪೂರ್ಣ ಚೆಕ್‌ ಮೊತ್ತವನ್ನು ಸ್ವೀಕರಿಸಲಾಗಿದೆ ಎಂದು ದೂರುದಾರರು ನ್ಯಾಯಾಲಯಕ್ಕೆ ತಿಳಿಸಿದ್ದರು. ಈ ಹಿನ್ನೆಲೆಯಲ್ಲಿ ಪ್ರಕರಣವನ್ನು ಮುಕ್ತಾಯಗೊಳಿಸುವಂತೆ ಮನವಿ ಮಾಡಲಾಗಿದೆ. ಒಟ್ಟಿನಲ್ಲಿ, BESCOM ಹಣದ ವಹಿವಾಟು, Escrow ವ್ಯವಸ್ಥೆ ಮತ್ತು 9.31 ಕೋಟಿ ರೂ. ಮೌಲ್ಯದ ಸಾಮಗ್ರಿ ಪೂರೈಕೆಗೆ ಸಂಬಂಧಿಸಿದ ಆರೋಪಗಳ ಕುರಿತು EOW ತನಿಖೆ ಮುಂದುವರಿದಿದೆ.
