ಅಖಿಲ ಭಾರತ ವೀರಶೈವ ಮಹಾಸಭಾ ರಾಜ್ಯ ಮಹಿಳಾ ಮತ್ತು ಯುವ ಘಟಕದ ಅಧ್ಯಕ್ಷರನ್ನು ನೇಮಿಸಿ ಮಹಾಸಭಾದ ಕರ್ನಾಟಕ ಘಟಕದ ಅಧ್ಯಕ್ಷರಾದ ಶಂಕರ ಮಹಾದೇವ ಬಿದರಿ ಅಧಿಕೃತ ಆದೇಶ ಹೊರಡಿಸಿದ್ದಾರೆ. ನವೆಂಬರ್‌ 6, 2024ರಲ್ಲಿ ಅಖಿಲ ಭಾರತ ವೀರಶೈವ ಮಹಾಸಭಾ ಸಭೆ ನಡೆಸಿತ್ತು. ಈ ಸಭೆಯಲ್ಲಿ ಕೈಗೊಂಡ ನಿರ್ಣಯದಂತೆ ಮತ್ತು ಮಹಾಸಭಾ ಸಂವಿಧಾನದ ನಿಯಮಗಳಂತೆ ಶ್ರೀಮತಿ ಮುಕ್ತಾಂಬ.ಬಿ ಅವರನ್ನು ರಾಜ್ಯ ಮಹಿಳಾ ಘಟಕದ ಅಧ್ಯಕ್ಷರಾಗಿ ನೇಮಿಸಲಾಗಿದೆ.
ಇವರ ಜೊತೆಗೆ ಕಲಬುರ್ಗಿಯ ಶ್ರೀಮತಿ ನೀಲಾವತಿ ಜಿ ಪಾಟೀಲ, ಶಿರಸಿಯ ಶ್ರೀಮತಿ ಜ್ಯೋತಿ ಪಾಟೀಲ, ಗದಗದ ಶ್ರೀಮತಿ ವಿಜಯಲಕ್ಷ್ಮೀ ಚೇತನ ಮಾನ್ವಿ, ಮೈಸೂರಿನ ಶ್ರೀಮತಿ ಸುನಂದ ಪಾಲನೇತ್ರ, ಧಾರವಾಡದ ಶ್ರೀಮತಿ ಸವಿತ ವಿ. ಅಮರಶೆಟ್ಟಿಯವರನ್ನು ಉಪಾಧ್ಯಕ್ಷನ್ನಾಗಿ ನೇಮಿಸಿ ಆದೇಶ ಹೊರಡಿಸಲಾಗಿದೆ.
ಮಹಾಸಭಾ ಮಹಿಳಾ ಘಟಕದ ರಾಜ್ಯ ಪ್ರಧಾನ ಕಾರ್ಯದರ್ಶಿಯಾಗಿ ಕೋಲಾರದ ಶ್ರೀಮತಿ ಎ ರಾಜಮ್ಮ ಚೌಡರೆಡ್ಡಿಯವರನ್ನು ನೇಮಿಸಿದ್ದು, ಗದಗದ ಶ್ರೀಮತಿ ಕವಿತ ಜಾಲಹಾಳ, ಬೆಳಗಾವಿಯ ಶ್ರೀಮತಿ ಜ್ಯೋತಿ ಅಶೋಕ ಬಾದಾಮಿ, ನೆಲಮಂಗಲದ ಶ್ರೀಮತಿ ರಾಜಮ್ಮ ಪ್ರಕಾಶ್ ಆರ್‌, ಚಿಕ್ಕಮಗಳೂರಿನ ಶ್ರೀಮತಿ ವನಮಾಲ ಮೃತ್ಯುಂಜಯ, ಬೆಂಗಳೂರಿನ ಶ್ರೀಮತಿ ಲಕ್ಷ್ಮೀ ಮಂಜುನಾಥ ಹಂಪಗೋಳರನ್ನ ಕಾರ್ಯದರ್ಶಿಗಳನ್ನಾಗಿ ನೇಮಿಸಿ ಆದೇಶ ಹೊರಡಿಸಲಾಗಿದೆ.
ಬೆಂಗಳೂರಿನ ಶ್ರೀಮತಿ ಶ್ವೇತಾ ಹೇಮಂತಕುಮಾರರನ್ನು ಮಹಾಸಭಾ ಮಹಿಳಾ ಘಟಕದ ಕೋಶಾಧ್ಯಕ್ಷರನ್ನಾಗಿ ನೇಮಿಸಲಾಗಿದೆ. ಇವರ ಜೊತೆಗೆ ಮಹಾಸಭಾದ ಮಹಿಳಾ ಘಟಕಕ್ಕೆ 15 ಸದಸ್ಯರನ್ನು ನೇಮಿಸಿ ಆದೇಶ ಹೊರಡಿಸಲಾಗಿದೆ.
ಅಖಿಲ ಭಾರತ ವೀರಶೈವ ಮಹಾಸಭಾ ಯುವ ಘಟಕದ ಅಧ್ಯಕ್ಷರನ್ನಾಗಿ ಶ್ರೀ ಅಬ್ಬಿಗೆರೆ ಮನೋಹರ ಜಿ ಅವರನ್ನು ನೇಮಿಸಿ ಶಂಕರಿ ಬಿದರಿ ಆದೇಶ ಹೊರಡಿಸಿದ್ದಾರೆ. ಇವರ ಜೊತೆಗೆ ಧಾರವಾಡದ ಶ್ರೀ ಸಂಕಲ್ಪ ಜಗದೀಶ ಶೆಟ್ಟರ, ವಿಜಯಪುರದ ಶ್ರೀ ಕುಮಾರಗೌಡ ಬ. ಹರನಾಳ, ಚಿಕ್ಕಮಗಳೂರಿನ ಶ್ರೀ ಜಿ.ಕುಮಾರ ಗಂಗಾಧರಪ್ಪ, ರಾಯಚೂರಿನ ಶ್ರೀ ಬಸವರಾಜ ಎಸ್‌. ಚಿತ್ರಾಲಿಯವರನ್ನು ಮಹಾಸಭಾ ಯುವ ಘಟಕದ ಉಪಾಧ್ಯಕ್ಷರುಗಳನ್ನಾಗಿ ನೇಮಕ ಮಾಡಲಾಗಿದೆ.
ಯಾದಗಿರಿಯ ಶ್ರೀ ಅವಿನಾಶ ಜಗನ್ನಾಥರನ್ನು ಮಹಾಸಭಾ ಯುವ ಘಟಕದ ಪ್ರಧಾನ ಕಾರ್ಯದರ್ಶಿ ಸ್ಥಾನಕ್ಕೆ ನೇಮಕ ಮಾಡಿದ್ದು, ಬೆಂಗಳೂರಿನ ಶ್ರೀ ಹರೀಶ ಮಹೇಶ, ತುಮಕೂರಿನ ಶ್ರೀ ಶ್ರೀಧರ ಹೆಚ್‌.ಎಸ್‌, ಕೊಪ್ಪಳದ ಶ್ರೀ ಕುಮಾರೇಶ್ವರ ಗೌಡ, ಹಾಸನದ ಶ್ರೀ ವಿಕ್ರಂ ಕೌರಿ ಕೆ.ಸಿಯವರನ್ನು ಕಾರ್ಯದರ್ಶಿಗಳನ್ನಾಗಿ ನೇಮಕ ಮಾಡಲಾಗಿದೆ.
ಬೆಂಗಳೂರಿನ ಶ್ರೀ ಸಂತೋಷ ಬಸಪ್ಪ ಬಾಶೆಟ್ಟಿಯವರು ಮಹಾಸಭಾ ಯುವಘಟಕದ ಕೋಶಾಧ್ಯಕ್ಷರಾಗಿ ನೇಮಕಗೊಂಡಿರುತ್ತಾರೆ. ಇವರ ಜೊತೆಗೆ ಮಹಾಸಭಾ ಯುವಘಟಕಕ್ಕೆ ಇತರ 9 ಜನ ಸದಸ್ಯರನ್ನು ನೇಮಿಸಿ ಮಹಾಸಭಾದ ಕರ್ನಾಟಕ ಘಟಕದ ರಾಜ್ಯಾಧ್ಯಕ್ಷರಾದ ಶಂಕರ ಮಹಾದೇವ ಬಿದರಿ ಅಧಿಕೃತ ಆದೇಶ ಹೊರಡಿಸಿದ್ದಾರೆ.
