ವಾಷಿಂಗ್ಟನ್ (ಏ.5): ನ್ಯೂಜೆರ್ಸಿಯ ಡೆಮಾಕ್ರಟಿಕ್ ಪಕ್ಷದ ಹಿರಿಯ ಸಂಸದ ಕೋರಿ ಬೂಕರ್ (55) ಅಮೆರಿಕದ ಸಂಸತ್ತಿನ ಮೇಲ್ಮನೆಯಾದ ಸೆನೆಟ್ನಲ್ಲಿ ಸತತ 25 ಗಂಟೆ 4 ನಿಮಿಷಗಳ ಕಾಲ ನಿಂತೇ ಭಾಷಣ ಮಾಡಿ ಹೊಸ ಇತಿಹಾಸ ನಿರ್ಮಿಸಿದ್ದಾರೆ. ಈ ಮೂಲಕ 1957ರಲ್ಲಿ ರಿಪಬ್ಲಿಕನ್ ಸಂಸದ ಸ್ಟ್ರೋಮ್ ಥರ್ಮಂಡ್ ನಿರ್ಮಿಸಿದ್ದ 24 ಗಂಟೆ 18 ನಿಮಿಷಗಳ ಹಳೆಯ ದಾಖಲೆ ಮುರಿದ ಸಾಧನೆಗೆ ಪಾತ್ರರಾಗಿದ್ದಾರೆ.
ಕೋರಿ ಬೂಕರ್ ಈ ಭಾಷಣವನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆಡಳಿತ ಹಾಗೂ ಹಲವಾರು ವಿವಾದಾತ್ಮಾಕ ನೀತಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುವ ನಿರ್ಧಾರದೊಂದಿಗೆ ಪ್ರಾರಂಭಿಸಿದ್ದರು. ಅವರು ಸೋಮವಾರ ಸಂಜೆ ಆರಂಭಿಸಿದ ಭಾಷಣ ಮಂಗಳವಾರ ಸಂಜೆ ಪೂರ್ಣಗೊಂಡಿತು. ಈ ಭಾಷಣದ ವಿಶೇಷತೆ ಎಂದರೆ, ಅವರು ಮಾತು ನಿಲ್ಲದೆ, ಶೌಚಾಲಯಕ್ಕೂ ಹೋಗದೇ, ಆಹಾರ ಸೇವನೆಗೂ ವಿರಾಮವಿಲ್ಲದೆ ನಿರಂತರವಾಗಿ ಮಾತನಾಡಿದ ರೀತಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.
ಬೂಕರ್ ತಮ್ಮ ಭಾಷಣದಲ್ಲಿ ಡೊನಾಲ್ಡ್ ಟ್ರಂಪ್ ಅವರ ಆಡಳಿತವನ್ನು ಪ್ರಜಾಪ್ರಭುತ್ವಕ್ಕೆ ಮಾರಕವೆಂದು ಕರೆದರು. ಅವರು ಸಾರ್ವಜನಿಕ ಸೇವೆಗಳಿಗೆ ಮಾಡಲಾಗುತ್ತಿರುವ ನೆರವು ಕಡಿತ, ಉದ್ಯೋಗಿಗಳ ವಜಾ, ಆರೋಗ್ಯ ನಿರ್ವಹಣಾ ಯೋಜನೆಗಳ ಮೇಲಿನ ಹಿನ್ನಡೆಯಂತಹ ವಿಷಯಗಳನ್ನು ಗಂಭೀರವಾಗಿ ಉಲ್ಲೇಖಿಸಿದರು. ಈ ಎಲ್ಲ ನೀತಿಗಳು ಅಮೆರಿಕದ ಸಾಮಾನ್ಯ ಜನರಿಗೆ ಸಂಕಷ್ಟ ಉಂಟುಮಾಡುತ್ತಿವೆ ಎಂಬ ಬೂಕರ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು.
ಭಾಷಣದ ವೇಳೆ ಅವರು ತಮ್ಮ ಬಾಲ್ಯದ ನೆನಪುಗಳನ್ನು ಹಂಚಿಕೊಂಡರು, ತಮ್ಮ ಜೀವನದ ಅನುಭವಗಳನ್ನು ವಿವರಿಸಿದರು. ಹಲವು ಪ್ರಸಿದ್ಧ ಕವಿತೆಗಳನ್ನು ಹೇಳಿದರು. ಸೆನೆಟ್ನ ಇತರ ಸದಸ್ಯರಿಂದ ಬಂದ ಪ್ರಶ್ನೆಗಳಿಗೆ ಉತ್ತರಿಸುತ್ತಾ ಸಂವಾದದ ಮೂಲಕ ತೀವ್ರವಾದ ಸಾಮಾಜಿಕ ಸಂದೇಶವನ್ನೂ ಹಂಚಿಕೊಳ್ಳುವಲ್ಲಿ ಯಶಸ್ವಿಯಾದರು.
ಬೂಕರ್ ಅವರ ದೈಹಿಕ ಶಕ್ತಿ, ಆತ್ಮಸ್ಥೈರ್ಯ ಹಾಗೂ ಧೈರ್ಯದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ. ದೇಶದಾದ್ಯಂತ ಸಾವಿರಾರು ಜನರು ಈ ಭಾಷಣವನ್ನು ಯುಟ್ಯೂಬ್ ನೇರ ಪ್ರಸಾರದಲ್ಲಿ ವೀಕ್ಷಿಸಿ ತಮ್ಮ ಬೆಂಬಲವನ್ನು ವ್ಯಕ್ತಪಡಿಸಿದರು. ಹಲವರು ಇದನ್ನು ಪ್ರಜಾಪ್ರಭುತ್ವವನ್ನು ಉಳಿಸುವ ನಿಜವಾದ ಪ್ರಯತ್ನವೆಂದು ಶ್ಲಾಘಿಸಿದರು.
ಅವರ ಈ ಪ್ರಯತ್ನವು ರಾಜಕೀಯದಲ್ಲಿ ಮಾತಿನ ಶಕ್ತಿ ಹಾಗೂ ಸಮಾಲೋಚನೆಯ ಪ್ರಭಾವವನ್ನು ಎತ್ತಿ ಹಿಡಿದಂತಾಗಿದೆ. ಹಲವು ವೀಕ್ಷಕರು, ಈ ಭಾಷಣವು ಮುಂದಿನ ತಲೆಮಾರಿಗೆ ಪ್ರೇರಣೆಯ ಮೂಲವಾಗಲಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಅಲ್ಲದೆ ಕೋರಿ ಬೂಕರ್ ಅವರ ಈ ಉದ್ದವಾದ ಭಾಷಣ ಕೇವಲ ರಾಜಕೀಯ ವಿರೋಧವಲ್ಲ. ಅದು ದೇಶದ ಭವಿಷ್ಯವನ್ನು ರೂಪಿಸುವ ಗಂಭೀರ ಚಿಂತನೆಯ ಪ್ರತೀಕವಾಗಿದೆ.
ನಿಮ್ಮ ನೆಚ್ಚಿನ ಗ್ಯಾರಂಟಿ ನ್ಯೂಸ್ ಈ ಕೆಳಕಂಡ ಕೇಬಲ್ & ಡಿಟಿಎಚ್ ನೆಟ್ ವರ್ಕ್ ಗಳಲ್ಲಿ ಲಭ್ಯ..
- Tata Play-1665
- U-Digital-ಮೈಸೂರು-160
- Metro Cast Network-ಬೆಂಗಳೂರು-ಬೆಳಗಾವಿ-30-828
- V4 digital network-623
- Abhishek network-817
- Malnad Digital network-45
- JBM network-ರಾಮದುರ್ಗ-54
- Channel net nine-ಧಾರವಾಡ-128
- Basava cable network-ಚಳ್ಳಕೆರೆ-54
- City channel network– ಚಳ್ಳಕೆರೆ-54
- RST digital-ಕಾರ್ಕಳ-101
- Vinayak cable-ಪಟ್ಟನಾಯಕನಹಳ್ಳಿ-54
- Mubarak digital-ಸಂಡೂರು-54
- SB cable-ಸವದತ್ತಿ-54
- Bhosale network-ವಿಜಯಪುರ-54
- Surya digital-ಜಗಳೂರು-54
- Gayatri network-ಸಿಂಧನೂರು-54
- Global vision-ದಾವಣಗೆರೆ-54
- Janani cable-ಮಂಡ್ಯ-54
- Hira cable-ಬೆಳಗಾವಿ-ಹುಬ್ಬಳ್ಳಿ-54
- UDC network-ಹಾರೋಗೇರಿ-54
- Moka cable-ಬಳ್ಳಾರಿ-100
- CAN network-ಚಿಕ್ಕೋಡಿ-54
- KK digital-ಗಂಗಾವತಿ-54
- Victory network-ದಾವಣಗೆರೆ-54
