ಚೊಚ್ಚಲ ಚಿತ್ರದಲ್ಲೇ ಕನ್ನಡಿಗರಿಂದ ಶಹಬ್ಬಾಸ್ ಅನಿಸಿಕೊಂಡ ಝೈದ್ ಖಾನ್, ಇದೀಗ ಕಲ್ಟ್ ಅನ್ನೋ ನಯಾ ಯೂತ್ಫುಲ್ ಎಂಟರ್ಟೈನರ್ ಜೊತೆ ಬರ್ತಿದ್ದಾರೆ. ಜನವರಿಗೆ ತೆರೆಗೆ ಬರ್ತಿರೋ ಕಲ್ಟ್ಗೆ ಭರ್ಜರಿ ಪ್ರಮೋಷನ್ಸ್ ಮಾಡ್ತಿರೋ ಝೈದ್, ಉತ್ತರ ಕರ್ನಾಟಕದಲ್ಲೆಲ್ಲಾ ಝೇಂಕರಿಸಿದ್ದಾರೆ. ಸಾಲು ಸಾಲು ಇವೆಂಟ್ಸ್ನಿಂದ ಕರುನಾಡಿನ ಮಂದಿ ಮನಸ್ಸಿಗೆ ಇಳಿದಿದ್ದಾರೆ.
ಒಂದು ಸಿನಿಮಾದ ಸಕ್ಸಸ್ಗೆ ಸಾಂಗ್ಸ್ ಹಾಗೂ ಅದ್ರ ಟೀಸರ್, ಟ್ರೈಲರ್ಗಳು ಬಹಳ ಪ್ರಾಮುಖ್ಯತೆ ವಹಿಸುತ್ತವೆ. ಆ ನಿಟ್ಟಿನಲ್ಲಿ ಸ್ಯಾಂಡಲ್ವುಡ್ನ ಉದಯೋನ್ಮುಖ ನಟ ಝೈದ್ ಖಾನ್, ಬನಾರಸ್ ಚಿತ್ರದ ಬಳಿಕ ಕಲ್ಟ್ ಮೂವಿಯಿಂದಲೂ ದೊಡ್ಡ ಭರವಸೆ ಮೂಡಿಸ್ತಿದ್ದಾರೆ. 2026ರ ಜನವರಿಯಲ್ಲಿ ತೆರೆಗೆ ಬರೋಕೆ ಸಜ್ಜಾಗಿರೋ ಕಲ್ಟ್ ಚಿತ್ರ ಸ್ಯಾಂಪಲ್ಸ್ನಿಂದಲೇ ಸಿನಿಮಾ ಮೇಲಿನ ನಿರೀಕ್ಷೆ ದುಪ್ಪಟ್ಟು ಮಾಡಿದೆ.
ಕಲ್ಟ್ ಸಾಲು ಸಾಲು ಇವೆಂಟ್ಸ್.. ಎಲ್ಲೆಲ್ಲೂ ಝೈದ್ ಝೇಂಕಾರ
ರೊಮ್ಯಾಂಟಿಕ್ ಥ್ರಿಲ್ಲರ್.. ಯೂತ್ಫುಲ್ ಎಂಟರ್ಟೈನರ್..!
ಯೆಸ್.. ದಿಲ್ವಾಲಾ ಹಾಗೂ ಉಪಾಧ್ಯಕ್ಷ ಫೇಮ್ ಅನಿಲ್ ಕುಮಾರ್ ನಿರ್ದೇಶನದ ಕಲ್ಟ್ ಮೂವಿ, ಯೂತ್ಫುಲ್ ರೊಮ್ಯಾಂಟಿಕ್ ಥ್ರಿಲ್ಲರ್ ಎಂಟರ್ಟೈನರ್ ಆಗಿದೆ. ಝೈದ್ ಖಾನ್ಗೆ ಇಲ್ಲಿ ಮಲೈಕಾ ವಸುಪಾಲ್ ಹಾಗೂ ಡಿಂಪಲ್ ಕ್ವೀನ್ ರಚಿತಾ ರಾಮ್ ಇಬ್ಬರು ನಾಯಕಿಯರಿದ್ದು, ಹದಿ ಹರೆಯದ ಕಾಲೇಜ್ ಹುಡುಗರ ಪ್ರೀತಿ, ಪ್ರೇಮ, ಪ್ರಣಯದ ಕಥಾನಕ ಹೊಂದಿದೆ.
ಅಯ್ಯೋ ಶಿವನೇ ಅನ್ನೋ ಕ್ಲಾಸಿಕ್ ಸಾಂಗ್ ಜೊತೆಗೆ ಎಲ್ಲಾ ಡವ್ ಬ್ಲಡಿ ಲವ್ ಅನ್ನೋ ಕಲ್ಟ್ ಸಾಂಗ್ ಹಾಗೂ ರೀಸೆಂಟ್ ಆಗಿ ಬಿಡುಗಡೆಯಾದ ಲವ್ ಬ್ರೇಕಪ್ ಪ್ಯಾಥೋ ಸಾಂಗ್ ನೋಡುಗರನ್ನ ಇನ್ನಿಲ್ಲದೆ ಕಾಡ್ತಿವೆ. ಟೀಸರ್ ಝಲಕ್ಗಳು ಕೂಡ ಇಂಪ್ರೆಸ್ಸೀವ್ ಆಗಿದ್ದು, ಪಕ್ಕಾ ಶೂರ್ ಶಾಟ್ ಮೂವಿ ಅನ್ನೋ ಫೀಲ್ ತರಿಸಿದೆ. ಅಂದಹಾಗೆ ಸಿನಿಮಾ ರಿಲೀಸ್ ಇನ್ನೂ ಎರಡು ತಿಂಗಳು ಇದೆ ಅಂದಾಗ್ಲೇ ಪ್ರಮೋಷನ್ಸ್ ಶುರು ಹಚ್ಚಿಕೊಂಡ ಚಿತ್ರತಂಡ, ಮಂಗಳೂರು ಪಿಲಿ ನಲಿಕೆಯಿಂದ ಹಿಡಿದು, ಉತ್ತರ ಕರ್ನಾಟಕದ ಧಾವರಾಡ, ಹುಬ್ಬಳ್ಳಿವರೆಗೂ ಗ್ರ್ಯಾಂಡ್ ಇವೆಂಟ್ಸ್ ನಡೆಸಿದೆ.
ಧಾರವಾಡ, ಹುಬ್ಬಳ್ಳಿಯಲ್ಲಿ ಗ್ರ್ಯಾಂಡ್ ಇವೆಂಟ್ಸ್.. ಜನ ಸಾಗರ
ಮಲೈಕಾ ಗ್ಲಾಮರ್ ರಂಗು.. ಝೈದ್ ಖಾನ್ ಸಿನಿಮಾ ಗುಂಗು
ಹೋದಲ್ಲೆಲ್ಲಾ ಚಿತ್ರತಂಡಕ್ಕೆ ಅಭೂತಪೂರ್ವ ಸ್ವಾಗತ ಸಿಗ್ತಿದ್ದು, ಡೈರೆಕ್ಟರ್ ಅನಿಲ್ ಹಾಗೂ ನಾಯಕನಟಿ ಮಲೈಕಾ ವಸುಪಾಲ್ ಕೂಡ ಝೈದ್ಗೆ ಸಾಥ್ ನೀಡ್ತಿರೋದು ವಿಶೇಷ. ಎಲ್ಲೇ ಇವೆಂಟ್ಸ್ ನಡೆಸಿದ್ರೂ ಜನ ಕಿಕ್ಕಿರಿದು ಸೇರುತ್ತಿದ್ದು, ಕುಂದಾ ನಗರಿಯಲ್ಲಂತೂ ಜನಸಾಗರ ಹೆಚ್ಚಾಗಿ, ಲೈವ್ ಸ್ಟ್ರೀಮಿಂಗ್ ಮಾಡೋಕೆ ಆಗದೆ ಇಂಟರ್ನೆಟ್ ಜಾಮ್ ಆಗಿತ್ತು. ಅಷ್ಟರ ಮಟ್ಟಿಗೆ ಕ್ರೇಜ್ ಹುಟ್ಟಿಸ್ತಿದೆ ಕಲ್ಟ್ ಮೂವಿ ಅಂಡ್ ಟೀಂ.
ದಾವಣಗೆರೆ ಇವೆಂಟ್ ಶಾಮನೂರು ಶಿವಶಂಕರಪ್ಪ ನಿಧನದ ಹಿನ್ನೆಲೆ ಮುಂದೂಡಿರೋ ಚಿತ್ರತಂಡ ಮುಂದಿನ ದಿನಗಳಲ್ಲಿ ಮಾಡೋ ಯೋಜನೆಯಲ್ಲಿದೆ. ಒಟ್ಟಾರೆ ಝೈದ್ ಖಾನ್ ನಟನೆಯಲ್ಲಿ ಕೂಡ ಪಕ್ವತೆ ಕಂಡುಕೊಂಡಿದ್ದು, ಈ ಬಾರಿ ದೊಡ್ಡ ಮಟ್ಟದಲ್ಲಿ ಕಲ್ಟ್ ಮೂವಿಯನ್ನ ಬೆಳ್ಳಿಪರದೆ ಮೇಲೆ ಮೂಡಿಸಲಿದ್ದಾರೆ.
