ದೆಹಲಿ: ಬಾಲಿವುಡ್ ನಟ ವಿಜಯ್ ವರ್ಮಾ (Vijay Varma) ಇತ್ತೀಚೆಗೆ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿರುವ ಹಳೆಯ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿವೆ. 2016ರಲ್ಲಿ ತೆಗೆದ ಈ ಫೋಟೋಗಳು ಎಲ್ಲರ ಗಮನ ಸೆಳೆಯುತ್ತಿದೆ. ವಿಜಯ್ ವರ್ಮಾ ಹಿರಿಯ ಸೂಪರ್ಸ್ಟಾರ್ ಅಮಿತಾಬ್ ಬಚ್ಚನ್ ಅವರ ಮನೆಯ ಚಿನ್ನದ ಟಾಯ್ಲೆಟ್ (ಗೋಲ್ಡನ್ ಟಾಯ್ಲೆಟ್) ಮುಂದೆ ಸೆಲ್ಫಿ ತೆಗೆದುಕೊಂಡಿದ್ದಾರೆ. ಈ ಫೋಟೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ತುಂಬಾ ವೈರಲ್ ಆಗುತ್ತಿದೆ.
ವಿಜಯ್ ವರ್ಮಾ ತಮ್ಮ ಪೋಸ್ಟ್ನಲ್ಲಿ 2016ರ ವರ್ಷವನ್ನು ತಮ್ಮ ಜೀವನದ ಮಹತ್ವದ ಮೈಲಿಗಲ್ಲು ಎಂದು ವಿವರಿಸಿದ್ದಾರೆ. “2016 ನನಗೆ ವಿಶೇಷ ವರ್ಷ. ಆ ವರ್ಷ ನನಗೆ ಬಿಗ್ ಬಿ ಅಮಿತಾಬ್ ಬಚ್ಚನ್ ಹಾಗೂ ನಿರ್ದೇಶಕ ಶೂಜಿತ್ ಸಿರ್ಕಾರ್ ಅವರೊಂದಿಗೆ ಪಿಂಕ್ ಸಿನಿಮಾದಲ್ಲಿ ಕೆಲಸ ಮಾಡುವ ಅವಕಾಶ ದೊರೆಯಿತು. ಅದೊಂದು ಅದ್ಭುತ ಅನುಭವ,” ಎಂದು ಅವರು ಬರೆದುಕೊಂಡಿದ್ದಾರೆ.
ವಿಜಯ್ ಹಲವು ಅಪರೂಪದ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಅಮಿತಾಬ್ ಬಚ್ಚನ್ ಅವರ ಮನೆಯಲ್ಲಿದ್ದ ಚಿನ್ನದ ಶೌಚಾಲಯದ ಮುಂದೆ ಸೆಲ್ಫಿ ತೆಗೆದುಕೊಂಡ ಕ್ಷಣವನ್ನೂ ಅದರಲ್ಲಿ ಸೇರಿಸಿದ್ದಾರೆ. ಈ ಫೋಟೋ ನೋಡಿದ ಅಭಿಮಾನಿಗಳು ಅಚ್ಚರಿಗೊಂಡಿದ್ದು, “ಅದು ನಿಜಕ್ಕೂ ಗೋಲ್ಡನ್ ಟಾಯ್ಲೆಟ್ನಾ?” ಎಂದು ಪ್ರಶ್ನಿಸಿದ್ದಾರೆ.
ವಿಜಯ್ ತಮ್ಮ ಪೋಸ್ಟ್ನಲ್ಲಿ ಆ ಕಾಲದ ತಮ್ಮ ಸಹ ಕಲಾವಿದರು ಮತ್ತು ಸ್ನೇಹಿತರನ್ನು ಕೂಡ ಸ್ಮರಿಸಿದ್ದಾರೆ. ದಂಗಲ್ ಖ್ಯಾತಿಯ ಸಾನ್ಯಾ ಮಲ್ಲೋತ್ರಾ ಹಾಗೂ ಫಾತಿಮಾ ಸನಾ ಶೇಖ್ ಅವರೊಂದಿಗೆ ಜಿಮ್ನಲ್ಲಿ ಕಳೆದ ದಿನಗಳನ್ನೂ ಅವರು ನೆನಪಿಸಿಕೊಂಡಿದ್ದಾರೆ. ಜೊತೆಗೆ ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ ಅವರನ್ನು ಭೇಟಿಯಾದ ಕ್ಷಣವೂ ಫೋಟೋಗಳಲ್ಲಿ ಕಾಣಿಸಿಕೊಂಡಿದೆ.
ದಿವಂಗತ ನಟ ಇರ್ಫಾನ್ ಖಾನ್ ಅವರೊಂದಿಗೆ ವಿಜಯ್ ವರ್ಮಾ ತೆಗೆಸಿಕೊಂಡಿರುವ ಫೋಟೋ ಪೋಸ್ಟ್ ಮಾಡಿದ್ದಾರೆ. “ನನ್ನ ನಾಯಕ, ನನ್ನ ಪ್ರೇರಣೆ ಇರ್ಫಾನ್ ಖಾನ್ ಅವರನ್ನು ಭೇಟಿಯಾದ ಕ್ಷಣ ಎಂದಿಗೂ ಮರೆಯಲಾಗದು,” ಎಂದು ವಿಜಯ್ ಭಾವನಾತ್ಮಕವಾಗಿ ಬರೆದಿದ್ದಾರೆ. ಈ ಫೋಟೋ ಅಭಿಮಾನಿಗಳ ಮನಸ್ಸಿಗೆ ತಟ್ಟಿದ್ದು, ಅನೇಕರು ಇರ್ಫಾನ್ ಅವರನ್ನು ನೆನಪಿಸಿಕೊಂಡು ಕಾಮೆಂಟ್ ಮಾಡಿದ್ದಾರೆ.
ಚಿನ್ನದ ಶೌಚಾಲಯದ ಫೋಟೋಗೆ ಸಾಮಾಜಿಕ ಜಾಲತಾಣದಲ್ಲಿ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಕೆಲವರು ಅದನ್ನು ಐಷಾರಾಮಿ ಜೀವನಶೈಲಿಯ ಸಂಕೇತವೆಂದು ಹೇಳಿದ್ದರೆ, ಮತ್ತಷ್ಟು ಜನ ಹಾಸ್ಯಮಯವಾಗಿ ಪ್ರತಿಕ್ರಿಯಿಸಿದ್ದಾರೆ. “ಮೊದಲ ಬಾರಿ ಗೋಲ್ಡನ್ ಟಾಯ್ಲೆಟ್ ನೋಡಿದ ಖುಷಿಯಲ್ಲಿ ವಿಜಯ್ ಸೆಲ್ಫಿ ತೆಗೆದುಕೊಂಡಿದ್ದಾರೆ,” ಎಂದು ಒಬ್ಬ ಅಭಿಮಾನಿ ಕಾಮೆಂಟ್ ಮಾಡಿದ್ದಾರೆ.
