ಆ ಕಡೆ ದಳಪತಿ ವಿಜಯ್ ತಮಿಳುನಾಡಿನ ಸಿಎಂ ಕುರ್ಚಿ ಏರಿ ರಾಜಕೀಯದಲ್ಲಿ ಹೊಸ ಅಧ್ಯಾಯ ಬರೆದಿದ್ರೆ.. ಈ ಕಡೆ ಅವರ ಆಪ್ತ ಗೆಳತಿ ತ್ರಿಷಾ ಕೃಷ್ಣನ್ಗೆ ಕಾಲಿವುಡ್ನಲ್ಲಿ ಜಾಕ್ಪಾಟ್ ಮೇಲೆ ಜಾಕ್ಪಾಟ್ ಸಿಗ್ತಿದೆ. ವಿಜಯ್ ಜೊತೆಗಿನ ಸ್ನೇಹ, ರಾಜಕೀಯ ಎಂಟ್ರಿ ಗುಸುಗುಸುಗಳ ಮಧ್ಯೆ ಈಗ ತ್ರಿಷಾಗೆ ಬಂದಿರೋ ಹೊಸ ಆಫರ್ ಇಡೀ ಸೌತ್ ಇಂಡಸ್ಟ್ರಿಯನ್ನೇ ಶಾಕ್ ಮಾಡಿದೆ. ಅಷ್ಟಕ್ಕೂ ಆ ಆಫರ್ ಏನು..? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.
- 41ರಲ್ಲೂ ತ್ರಿಷಾ ಕೃಷ್ಣನ್ ಗೆ ಡಿಮ್ಯಾಂಡ್ ಡಬಲ್..!
- ತ್ರಿಷಾ ಪಾಲಿಟಿಕ್ಸ್ ಎಂಟ್ರಿ ಟಾಕ್ ಮಧ್ಯೆ ಬಂತು ಬಿಗ್ ಆಫರ್
- ರಜನಿ-ಕಮಲ್ ಸಿನಿಮಾದಲ್ಲಿ ತ್ರಿಷಾ ಎಂಟ್ರಿ..?
- ವಿಜಯ್ ರಾಜಕೀಯ ಎದುರಾಳಿಯಿಂದ ತ್ರಿಷಾಗೆ 12ಕೋಟಿ ಆಫರ್
ನಟಿ ತ್ರಿಷಾ ಕೃಷ್ಣನ್.. ವಯಸ್ಸು 41 ಆದ್ರೂ ಡಿಮ್ಯಾಂಡ್ ಮಾತ್ರ ಡಬಲ್ ಆಗ್ತಿದೆ. ಅದರಲ್ಲೂ ದಳಪತಿ ವಿಜಯ್ ಜೊತೆ ಕಾಣಿಸಿಕೊಂಡ ಬಳಿಕ ತ್ರಿಷಾ ಹೆಸರು ರಾಜಕೀಯ ವಲಯದಲ್ಲೂ ಟ್ರೆಂಡ್ ಆಗ್ತಿದೆ. ವಿಜಯ್ ಸಿಎಂ ಆದ ಬೆನ್ನಲ್ಲೇ ತ್ರಿಷಾ ತಿರುಚ್ಚಿ ಕ್ಷೇತ್ರದಿಂದ ರಾಜಕೀಯ ಪ್ರವೇಶ ಮಾಡ್ತಾರೆ ಅನ್ನೋ ಸುದ್ದಿಗಳು ವೈರಲ್ ಆಗಿದ್ದವು. ವಿಜಯ್ ಪ್ರಮಾಣವಚನ ಕಾರ್ಯಕ್ರಮದಲ್ಲಿ ಸಾಂಪ್ರದಾಯಿಕ ಸೀರೆಯಲ್ಲಿ ಕಾಣಿಸಿಕೊಂಡ ತ್ರಿಷಾ ಎಲ್ಲರ ಗಮನ ಸೆಳೆದಿದ್ದರು. ವಿಜಯ್ ಕುಟುಂಬದವರ ಜೊತೆ ಕುಳಿತು ಸಂಭ್ರಮಿಸಿದ್ದ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದ್ದವು.
ಇದೀಗ ಕಾಲಿವುಡ್ನಲ್ಲಿ ಮತ್ತೊಂದು ಬಾಂಬ್ ಸುದ್ದಿ ಸದ್ದು ಮಾಡ್ತಿದೆ. ತಮಿಳು ಚಿತ್ರರಂಗದ ದಿಗ್ಗಜರಾದ ರಜನಿಕಾಂತ್ ಮತ್ತು ಕಮಲ್ ಹಾಸನ್ ಒಂದೇ ಸಿನಿಮಾದಲ್ಲಿ ನಟಿಸುತ್ತಿರೋ ಬಿಗ್ ಬಜೆಟ್ ಪ್ರಾಜೆಕ್ಟ್ ‘KHXRK’ಗೆ ತ್ರಿಷಾ ನಾಯಕಿಯಾಗಿ ಆಯ್ಕೆಯಾಗ್ತಾರೆ ಅನ್ನೋ ಟಾಕ್ ಶುರುವಾಗಿದೆ. ಜೈಲರ್ ಖ್ಯಾತಿಯ ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶನ ಮಾಡ್ತಿರೋ ಈ ಸಿನಿಮಾ ಬರೋಬ್ಬರಿ 500 ಕೋಟಿ ಬಜೆಟ್ನಲ್ಲಿ ಸಿದ್ಧವಾಗುತ್ತಿದೆ. ಅದಕ್ಕಿಂತ ಇಂಟರೆಸ್ಟಿಂಗ್ ಏನಂದ್ರೆ, ಈ ಸಿನಿಮಾವನ್ನು ನಿರ್ಮಾಣ ಮಾಡ್ತಿರೋದು ಡಿಎಂಕೆ ನಾಯಕ ಉದಯನಿಧಿ ಸ್ಟಾಲಿನ್ ಅನ್ನೋದು.
ದಳಪತಿ ವಿಜಯ್ ರಾಜಕೀಯ ಎದುರಾಳಿಯ ಬ್ಯಾನರ್ನಲ್ಲೇ ತ್ರಿಷಾಗೆ 12 ಕೋಟಿ ಆಫರ್ ಹೋಗಿದೆ ಅನ್ನೋ ಸುದ್ದಿ ಈಗ ಹಾಟ್ ಟಾಪಿಕ್ ಆಗಿದೆ. ಒಂದೆಡೆ ವಿಜಯ್ ಜೊತೆಗಿನ ಆಪ್ತತೆ.. ಮತ್ತೊಂದೆಡೆ ಉದಯನಿಧಿ ನಿರ್ಮಾಣದ ಸಿನಿಮಾ.. ಹೀಗಾಗಿ ತ್ರಿಷಾ ಈ ಆಫರ್ ಒಪ್ಪಿಕೊಳ್ತಾರಾ ಅನ್ನೋ ಕುತೂಹಲ ಜೋರಾಗಿದೆ. ಒಂದು ವೇಳೆ ಈ ಸಿನಿಮಾ ಫಿಕ್ಸ್ ಆದ್ರೆ, 22 ವರ್ಷಗಳ ಸಿನಿ ಜರ್ನಿಯಲ್ಲಿ ಮೊದಲ ಬಾರಿಗೆ ರಜನಿಕಾಂತ್ ಮತ್ತು ಕಮಲ್ ಹಾಸನ್ ಇಬ್ಬರ ಜೊತೆಯೂ ತ್ರಿಷಾ ತೆರೆ ಹಂಚಿಕೊಳ್ಳಲಿದ್ದಾರೆ. ಹೀಗಾಗಿ ಈ ಡೀಲ್ ಈಗ ಕಾಲಿವುಡ್ನ ಮೋಸ್ಟ್ ವಾಂಟೆಡ್ ಗಾಸಿಪ್ ಆಗಿದೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
