ರಾಕಿಂಗ್ ಸ್ಟಾರ್ ಯಶ್ ಟಾಕ್ಸಿಕ್ ಅಡ್ಡಾದಿಂದ ಮತ್ತೊಂದು ರಾಕಿಂಗ್ ಖಬರ್ ಹೊರಬಿದ್ದಿದೆ. ಪೇಯ್ಡ್ ಪಿಆರ್ ಮಾಡ್ತಿರೋ ಧುರಂಧರ್-2 ಟಾಕ್ಸಿಕ್ ಮುಂದೆ ಠುಸ್ ಅನ್ನೋದು ಇದ್ರಿಂದ ಬಯಲಾಗಿದೆ. ಆಡಿಯೋ ರೈಟ್ಸ್ ವಿಚಾರದಲ್ಲಿ ದಾಖಲೆ ಮೊತ್ತಕ್ಕೆ ಸೋಲ್ಡ್ ಔಟ್ ಆಗಿರೋ ಯಶ್ ಟಾಕ್ಸಿಕ್, ಇಲ್ಲಿಯೂ ಕೂಡ ರಣ್ವೀರ್ ಧುರಂಧರ್ಗಿಂತ ಒಂದು ಹೆಜ್ಜೆ ಮುಂದೆಯೇ ಇದೆ ಅನ್ನೋದನ್ನ ಪ್ರೂವ್ ಮಾಡಿದೆ.
- ಟಾಕ್ಸಿಕ್ ಆಡಿಯೋಗೆ 42Cr.. ಧುರಂಧರ್-2ಗೆ 27ಕೋಟಿ
- ಆಡಿಯೋ ರೈಟ್ಸ್ ಮಾರಾಟ ವಿಷಯದಲ್ಲೂ ಟಾಕ್ಸಿಕ್ ನಂ.1
- ಪೇಯ್ಡ್ ಪಿಆರ್ನಿಂದ ರಣ್ವೀರ್ ಚಿತ್ರಕ್ಕೆ ಸಿಕ್ಕಾಪಟ್ಟೆ ಹೈಪ್..!
- 243 ಕೋಟಿ ರೂ.ಗೆ ಟಾಕ್ಸಿಕ್ ಓಟಿಟಿ & ಸ್ಯಾಟಲೈಟ್ ರೈಟ್ಸ್
ಟಾಕ್ಸಿಕ್ ವರ್ಸಸ್ ಧುರಂಧರ್-2.. ಭಾರತೀಯ ಚಿತ್ರರಂಗದ ಎರಡು ಬಹುನಿರೀಕ್ಷಿತ ಚಿತ್ರಗಳು ಇದೇ ಮೊದಲ ಬಾರಿಗೆ ಬಾಕ್ಸ್ ಆಫೀಸ್ನಲ್ಲಿ ಮುಖಾಮುಖಿ ಆಗ್ತಿವೆ. ಇಲ್ಲಿಯವರೆಗೆ ಬಿಗ್ ಸ್ಟಾರ್ಸ್ ಬಿಗ್ ಮೂವೀಸ್ ಆ ರೀತಿ ಒಂದೇ ದಿನ ಬಿಡುಗಡೆ ಆಗಿವೆ ಆದ್ರೂ, ಟಾಕ್ ಆಫ್ ದಿ ಟೌನ್ ಆಗಿ, ಸಂಚಲನ ಮೂಡಿಸಿರೋ ಚಿತ್ರಗಳು ಅಖಾಡಕ್ಕೆ ಇಳಿಯುತ್ತಿರೋದು ಇದೇ ಮೊದಲು. ಅದರಲ್ಲೂ ಒಂದು ಸರ್ವೇ ಪ್ರಕಾರ ಕನಿಷ್ಟ 10 ಕೋಟಿ ಮಂದಿ ಚಿತ್ರಪ್ರೇಮಿಗಳು ಇವೆರಡೂ ಚಿತ್ರಗಳನ್ನ ಕಣ್ತುಂಬಿಕೊಳ್ತಾರೆ ಅಂತ ಅಂದಾಜಿಸಲಾಗಿದೆ.
ಹೆಮ್ಮೆಯ ಕನ್ನಡಿಗ ಯಶ್ ಕಥೆ ಬರೆದು, ನಟಿಸಿ, ಸಹ ನಿರ್ಮಾಣ ಕೂಡ ಮಾಡಿರೋ ನಮ್ಮ ಕನ್ನಡದ ಮಾಲ್ ಟಾಕ್ಸಿಕ್, ಸ್ಯಾಂಪಲ್ಸ್ನಿಂದಲೇ ಹಾಲಿವುಡ್ವರೆಗೂ ಸೌಂಡ್ ಮಾಡ್ತಿದೆ. ಮತ್ತೊಂದ್ಕಡೆ ದೇಶಪ್ರೇಮದ ಕಿಚ್ಚು ಹೊತ್ತಿಸಿರೋ ಧುರಂಧರ್, ಇಂಡಿಯನ್ ಸ್ಪೈ ಆಫೀಸರ್ ಒಬ್ಬರ ನೈಜ ಘಟನೆ ಸಿನಿಮಾ ಅನ್ನೋ ಕಾರಣಕ್ಕೆ ಹಾಗೂ ಮೊದಲ ಭಾಗ ದೊಡ್ಡ ಹಿಟ್ ಆಗಿರೋದ್ರಿಂದ ಸಹಜವಾಗಿಯೇ ಧುರಂಧರ್-2 ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿದೆ. ರಣ್ವೀರ್ ಸಿಂಗ್ ನಟನೆಯ ಧುರಂಧರ್-2ನಲ್ಲಿ ಇಂಡಿಯಾದ ಅಸಲಿ ರಿವೆಂಜ್ ಹೇಗಿರಲಿದೆ ಅನ್ನೋದ್ರ ಅನಾವರಣಗೊಳ್ಳಲಿದೆ.
ಅಂದಹಾಗೆ ಧುರಂಧರ್-2 ಸಿನಿಮಾಗೆ ಟಾಕ್ಸಿಕ್ಗಿಂತ ಜಾಸ್ತಿ ಪ್ರಮೋಷನ್ಸ್ ಮಾಡಲಾಗ್ತಿದೆ. ಅದರಲ್ಲೂ ಪೇಯ್ಡ್ ಪಿಆರ್ ಮಾಡೋ ಮೂಲಕ ಸುಖಾಸುಮ್ಮನೆ ಹೈಪ್ ನೀಡಲಾಗ್ತಿದೆ. ಸ್ಕ್ರೀನ್ಸ್ ಶೇರ್ನಿಂದ ಹಿಡಿದು, ಪ್ರೀ ರಿಲೀಸ್ ಬ್ಯುಸಿನೆಸ್ವರೆಗೂ ಹಾಗಂತೆ ಹೀಗಂತೆ ಅನ್ನೋ ಅಂತೆ ಕಂತೆಗಳ ಬೆಟ್ಟಗಳನ್ನ ಕಟ್ಟಲಾಗ್ತಿದೆ. ಆದ್ರೆ ನಮ್ಮ ಯಶ್ ಟಾಕ್ಸಿಕ್ ಮುಂದೆ ಧುರಂಧರ್-2 ಆಟ ಏನೇನೂ ನಡೆಯುತ್ತಿಲ್ಲ. ಅದಕ್ಕೆ ಇತ್ತೀಚೆಗೆ ಸೋಲ್ಡ್ ಔಟ್ ಆದಂತಹ ಎರಡೂ ಸಿನಿಮಾಗಳ ಆಡಿಯೋ ರೈಟ್ಸ್ ಬ್ಯುಸಿನೆಸ್ ಜ್ವಲಂತ ಸಾಕ್ಷಿ.
ಟಾಕ್ಸಿಕ್ ಸಿನಿಮಾದ ಆಡಿಯೋ ಹಕ್ಕುಗಳನ್ನ ಝೀ ಮ್ಯೂಸಿಕ್ ಕಂಪೆನಿ ಬರೋಬ್ಬರಿ 42 ಕೋಟಿ ರೂಪಾಯಿ ಕೊಟ್ಟು ಖರೀದಿಸಿದೆ. ಆದ್ರೆ ಧುರಂಧರ್-2 ಆಡಿಯೋ ರೈಟ್ಸ್ ಸರಿಗಮಪ ಕಂಪೆನಿಗೆ ಕೇವಲ 27 ಕೋಟಿಗೆ ಮಾರಾಟವಾಗಿದೆ. ಇಲ್ಲಿಯೂ ಕೂಡ ರಣ್ವೀರ್ ಚಿತ್ರಕ್ಕಿಂತ ಯಶ್ ಸಿನಿಮಾ ನಂಬರ್ ಒನ್ ಅನ್ನೋದು ಪಕ್ಕಾ ಆಗಿದೆ. ಮೊದಲಿಗೆ ಸರಿಗಮಪ ಕಂಪೆನಿ ಟಾಕ್ಸಿಕ್ ಆಡಿಯೋನ 35 ಕೋಟಿ ರೂಪಾಯಿಗೆ ಕೇಳಿದ್ದರು. ಆದ್ರೆ ಝೀ ಕಂಪ್ಲೀಟ್ ಟಾಕ್ಸಿಕ್ನ ಕಬ್ಜಾ ಮಾಡುವ ಮೂಲಕ ಎಲ್ಲಾ ಹಕ್ಕುಗಳನ್ನ ತನ್ನದಾಗಿಸಿಕೊಂಡಿದೆ.
ಮೂಲಗಳ ಪ್ರಕಾರ ಬರೋಬ್ಬರಿ 243 ಕೋಟಿ ಬೃಹತ್ ಮೊತ್ತಕ್ಕೆ ರಾಕಿಂಗ್ ಸ್ಟಾರ್ ಯಶ್ರ ಟಾಕ್ಸಿಕ್ ಚಿತ್ರದ ಓಟಿಟಿ ಹಾಗೂ ಸ್ಯಾಟಲೈಟ್ ರೈಟ್ಸ್ ಝೀ ಪಾಲಾಗಿದೆ. ಆದ್ರೆ ಅದಕ್ಕಿಂತ ದೊಡ್ಡ ಮೊತ್ತ ಕೊಡೋಕೆ ಬೇರೆ ಕಂಪೆನಿಗಳು ಮುಂದಾದ್ರೆ ಅದು ಬದಲಾಗೋ ಸಾಧ್ಯತೆ ಕೂಡ ಇದೆ. ರಿಲೀಸ್ಗೂ ಮೊದಲೇ ಸಾವಿರ ಕೋಟಿ ಪ್ರೀ ರಿಲೀಸ್ ಬ್ಯುಸಿನೆಸ್ ಮಾಡೋ ಮೂಲಕ ಎಲ್ಲರ ಹುಬ್ಬೇರಿಸಿರೋ ಟಾಕ್ಸಿಕ್, ಬಾಕ್ಸ್ ಆಫೀಸ್ನಲ್ಲಿ ಇನ್ನೆಷ್ಟು ದಾಖಲೆಗಳನ್ನ ಬರೆಯುತ್ತೆ ಅನ್ನೋದನ್ನ ನಿರೀಕ್ಷಿಸಬೇಕಿದೆ. ಮಾರ್ಚ್ 19ಕ್ಕೆ ಟಾಕ್ಸಿಕ್-ಧುರಂಧರ್ ದಂಗಲ್ ಜೋರಿರಲಿದ್ದು, ಯಾರು ಹಿಸ್ಟರಿ ಕ್ರಿಯೇಟ್ ಮಾಡ್ತಾರೆ ಅನ್ನೋ ಕೌತುಕತೆ ಹೆಚ್ಚಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
