ಕಲರ್ಸ್ ಕನ್ನಡದ ಜನಪ್ರಿಯ ಧಾರಾವಾಹಿ ‘ಕರಿಮಣಿ’ಯ ‘ಬ್ಲ್ಯಾಕ್ ರೋಜ್’ ಪಾತ್ರ ಜನರಿಗೆ ಅತ್ಯಂತ ಕುತೂಹಲ ಹುಟ್ಟಿಸಿದ ನೆಗೆಟಿವ್ ಪಾತ್ರ. ಕಥಾ ನಾಯಕ ಕರ್ಣನನ್ನು ನಾಶ ಮಾಡುವ ಏಕೈಕ ಉದ್ದೇಶ ಇರೋ ಈ ‘ಬ್ಲ್ಯಾಕ್ ರೋಜ್’ ಯಾರು ಎನ್ನುವುದು ಪ್ರೇಕ್ಷಕರಿಗೆ ಪ್ರಶ್ನೆಯಾಗಿತ್ತು. ಆ ಪ್ರಶ್ನೆಗೆ ಕೊನೆಗೂ ಉತ್ತರ ಸಿಗಲಿದೆ. ಮಾರ್ಚ್ 24ರಂದು ಸೋಮವಾರ ಸಂಜೆ 6ಕ್ಕೆ “ಕರಿಮಣಿ’ ಧಾರಾವಾಹಿಯ “ಬ್ಲ್ಯಾಕ್ ರೋಜ್’ ಯಾರು ಎಂಬ ರಹಸ್ಯ ಬಯಲಾಗಲಿದೆ.
ಯಾರು ಈ ‘ಬ್ಲಾಕ್ ರೋಸ್’?
‘ಕರಿಮಣಿ’ ಧಾರಾವಾಹಿ ಆಸಕ್ತಿಕರ ಅಂಶ ಎಂದರೆ, ಇಲ್ಲಿ ಅತ್ಯಂತ ವಿಶಿಷ್ಟ ಪತ್ರಗಳಿರುತ್ತವೆ. ಒಂದು ರೆಗ್ಯುಲರ್ ಚೌಕಟ್ಟಿನಲ್ಲಿ ಇರುವ ವಿಕ್ಷಿಪ್ತ ಅನಿಸುವ ಆದರೆ ಮನರಂಜನೆಗೆ ಮೋಸ ಮಾಡದ ಈ ಪಾತ್ರಗಳಲ್ಲಿ ಒಂದು – “ಬ್ಲ್ಯಾಕ್ ರೋಜ್’ ಪಾತ್ರ. ‘ಕರಿಮಣಿ’ ಧಾರಾವಾಹಿ ಇತ್ತೀಚಿನ ದಿನಗಳಲ್ಲಿ ಜನರಿಗೆ ಪ್ರೀತಿಪಾತ್ರ ಆಗುವಲ್ಲಿ ಕಥೆಗಾರ ಸೋಮು ಹೊಯ್ಸಳ ಅವರ ಪಾತ್ರವೂ ಇದೆ.ಸೋಮು ಹೊಯ್ಸಳ ಸೃಷ್ಟಿಸಿದ ಈ ಪಾತ್ರ ಯಾರಿವನು ಡ್ರೀಮ್ ಬಾಯ್ ಅಂತೆಲ್ಲ ಯೋಚಿಸೋ ಪಾತ್ರವಲ್ಲ. ಇದು ಕರ್ಣನ ಕನಸುಗಳನ್ನು ನಾಶ ಮಾಡುವುದಕ್ಕೆ ಹುಟ್ಟಿರೋ ಬ್ಯಾಡ್ ಬಾಯ್’ ಪಾತ್ರ. ಆದರೆ ಅದು “ಬಾಯೋ’ ‘ಗರ್ಲೋ’ ಅಂದ್ರೆ, ಗಂಡೋ ಹೆಣ್ಣೋ ಅನ್ನುವುದು ಕೂಡಾ ಸಸ್ಪೆನ್ಸ್. ಹೌದು, ಗಂಡಿನ ಸ್ವರದಲ್ಲಿ ಮಾತಾಡುವ “ಬ್ಲ್ಯಾಕ್ ರೋಜ್’ ಹೆಣ್ಣಾಗಿರಬಾರದೇಕೆ ಎಂದೆಲ್ಲ ‘ಕರಿಮಣಿ’ ಧಾರಾವಾಹಿಯ ಕೆಲವು ಮಹಿಳಾಮಣಿಗಳ ವಾದ.
‘ಬ್ಲ್ಯಾಕ್ ರೋಜ್’ ಹಿನ್ನಲೆ ಏನು?
ಸದಾ ಕಪ್ಪು ಧರಿಸಿರುವ ಈ ಪಾತ್ರದ ಮುಖ ಜನರಿಗೆ ರಿವೀಲ್ ಆಗುವುದೇ ಇಲ್ಲ. ನೀಲಿ ಕಣ್ಣುಗಳು ಮಾತ್ರ ಜನರಿಗೆ ಕಾಣಿಸುತ್ತದೆ ಹೊರತು, ಯಾರು ಈ ಬ್ಲ್ಯಾಕ್ ರೋಜ್ ಅನ್ನುವುದು ಸಸ್ಪೆನ್ಸ್ ಆಗೇ ಉಳಿಯುತ್ತದೆ. ಕರ್ಣನ ಕುಟುಂಬದಲ್ಲಿಯೇ ಇರುವ ಅವನಿಗೆ ಹತ್ತಿರದ ಸಂಬಂಧಿಗಳಲ್ಲೇ ಒಬ್ಬರು, ಈ “ಬ್ಲ್ಯಾಕ್ ರೋಜ್’ ಆಗಿರಬಹುದು ಎಂದು ಕೊಂಡಿರುವ ಪ್ರೇಕ್ಷಕರ ತಲೆಯಲ್ಲಿ, ಇವರಿರಬಹುದಾ ಅವರಿರಬಹುದಾ ಎಂಬ ಲೆಕ್ಕಾಚಾರ ನಡೆಯುತ್ತಲೇ ಇದೆ.
ಅವರಲ್ಲಿ ಪ್ರಮುಖವಾಗಿ ಕರ್ಣ ಎಂದರೆ ಆಗದೆ ಇರೋ ವನಜ ಆಗಿರಬಹುದಾ? ನಳಿನಿನಾ ? ಅಥವಾ ವೆಂಕಟೇಶ್ ಆಗಿರಬಹುದಾ ಎಂದು ಗೆಸ್ ಮಾಡುತ್ತಾ ಕೂತ ಪ್ರೇಕ್ಷಕರಿಗೆ ಉತ್ತರ ಸಿಗುವ ಸಮಯ ಬಂದಿದೆ. ಪದ್ಮನಾಭ ಭಟ್ ಶೇವ್ಕಾರ್ ಅವರ ಸೊಗಸಾದ ಸಂಭಾಷಣೆ “ಕರಿಮಣಿ’ ಧಾರಾವಾಹಿಗೆ ಚುರುಕು ತಂದಿದ್ದು ಸೀರಿಯಲ್ಗಳಲ್ಲಿ ಒಂದೆನಿಸವಲಿ ಪೂರಕವಾಗಿದೆ.
ಕಲರ್ಸ್ ಕನ್ನಡದಲ್ಲಿ ಸೋಮವಾರದಿಂದ ಶುಕ್ರವಾರ ಪ್ರತಿ ಸಂಜೆ 6ಕ್ಕೆ ಪ್ರಸಾರವಾಗುತ್ತಿರುವ ‘ಕರಿಮಣಿ’ ಧಾರಾವಾಹಿಯಲ್ಲಿ ‘ಬ್ಲ್ಯಾಕ್ ರೋಜ್’ ರಹಸ್ಯ ಬಯಲಾಗುವ ಸಂಚಿಕೆಗಳನ್ನು ಮರೆಯದೆ ನೋಡಿ.
