ಸಿಕಂದರ್.. ಈ ವರ್ಷದ ಬಾಲಿವುಡ್ ನ ಮೋಸ್ಟ್ ಎಕ್ಸ್ ಪೆಕ್ಟೆಡ್ ಮೂವಿ. ಅದ್ರಲ್ಲೂ ಸಲ್ಮಾನ್ ಖಾನ್ ಲೀಡ್ ನಲ್ಲಿ ನಟಿಸ್ತಿರೋ ಸಿನಿಮಾ ಆದ್ದರಿಂದ ಪ್ರೇಕ್ಷಕರಿಗೆ ಈ ಚಿತ್ರದ ಮೇಲೆ ಅತೀವ ನಿರೀಕ್ಷೆಯಿದೆ. ಸೌತ್ ಡೈರೆಕ್ಟರ್ ಗಳ ಹಿಂದೆ ಬಿದ್ದ ಶಾರೂಖ್ ಖಾನ್, ರಣ್ ಬೀರ್ ಕಪೂರ್ ಹಾದಿ ಹಿಡಿದಿರೋ ಸಲ್ಮಾನ್ ಖಾನ್ ಕೂಡ ಸೌತ್ ಡೈರೆಕ್ಟರ್ ಎ ಆರ್ ಮುರುಗದಾಸ್ ಜೊತೆ ಸಿಕಂದರ್ ಸಿನಿಮಾ ಮಾಡಿದ್ದಾರೆ. ವಿಶೇಷ ಅಂದ್ರೆ ಈ ಚಿತ್ರದ ನಾಯಕನಟಿ ನಮ್ಮ ಕನ್ನಡತಿ, ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ.
ಈದ್ ಪ್ರಯುಕ್ತ ಸಿಕಂದರ್ ಮೂವಿ ಇದೇ ಮಾರ್ಚ್ 28ಕ್ಕೆ ವರ್ಲ್ಡ್ ವೈಡ್ ತೆರೆಗಪ್ಪಳಿಸುತ್ತಿದೆ. ಚಿತ್ರದ ಟೀಸರ್ ಹಾಗೂ ಸಾಂಗ್ ರಿಲೀಸ್ ಆಗ್ತಿದ್ದಂತೆ ಇದು ತಮಿಳು ಸಿನಿಮಾದ ರಿಮೇಕ್ ಅಂತ ಒಂದಷ್ಟು ಮಂದಿ ರಾಗ ಎಳೆದರು. ಅದಕ್ಕೀಗ ಸ್ಪಷ್ಟನೆ ನೀಡಿರೋ ಡೈರೆಕ್ಟರ್ ಮುರುಗದಾಸ್, ಇದು ಯಾವುದೇ ಚಿತ್ರದ ರಿಮೇಕ್ ಅಲ್ಲ ಎಂದಿದ್ದಾರೆ. ಹಂಡ್ರೆಡ್ ಪರ್ಸೆಂಟ್ ಒರಿಜಿನಲ್ ಕಥೆಯಾಗಿದ್ದು, ಪ್ರತಿ ಫ್ರೇಮ್ ಹಾಗೂ ಸೀನ್ ನ ಡಿಸೈನ್ ಮಾಡಿ ತೆರೆಗೆ ತರಲಾಗುತ್ತಿದೆ. ನಿರೂಪಣೆಯಲ್ಲೂ ಫ್ರೆಶ್ ಫೀಲ್ ಕೊಡಲಿದೆ. ಯಾವುದೇ ಚಿತ್ರದಿಂದ ಯಾವುದೇ ಸೀನ್ ನ ಕಾಪಿ ಮಾಡಿಲ್ಲ. ಸಂತೋಷ್ ನಾರಾಯಣನ್ ಬ್ಯಾಗ್ರೌಂಡ್ ಮ್ಯೂಸಿಕ್ ಚಿತ್ರದ ಅಸಲಿ ಸ್ಟ್ರೆಂಥ್ ಎಂದಿದ್ದಾರೆ. ವೈಬ್ರೆಂಟ್ ಆಗಿರೋ ವಿಶ್ಯುವಲ್ಸ್ ಗೆ ಎಮೋಷನಲ್ ಆಗಿರೋ ಹಿನ್ನೆಲೆ ಸಂಗೀತ ಚಿತ್ರದ ತೀವ್ರತೆಯನ್ನ ಹೆಚ್ಚಿಸಲಿದೆ ಎಂದು ಹೇಳಿದ್ದಾರೆ ಮುರುಗದಾಸ್.
ಅಂದಹಾಗೆ ಸಾಜಿದ್ ನಿರ್ಮಾಣದಲ್ಲಿ ಸಲ್ಮಾನ್ ಖಾನ್ ಈಗಾಗ್ಲೇ ಎರಡು ಬಿಗ್ಗೆಸ್ಟ್ ಬ್ಲಾಕ್ ಬಸ್ಟರ್ ಸಿನಿಮಾಗಳನ್ನ ನೀಡಿದ್ದಾರೆ. ಕಿಕ್ ಮತ್ತು ಮುಜ್ಸೆ ಶಾದಿ ಕರೋಗಿ ಸಿನಿಮಾಗಳು ಇದೇ ಸಾಜಿದ್- ಸಲ್ಲು ಕಾಂಬೋದಲ್ಲಿ ಬಂದು ಬಾಲಿವುಡ್ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸಿತ್ತು. ಇದೀಗ ಸಿಕಂದರ್ ಸರದಿ. ರಶ್ಮಿಕಾ ಕೂಡ ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳನ್ನ ನೀಡ್ತಿದ್ದು, ಆಕೆಯ ಅಂದದ ಜೊತೆ ಅದೃಷ್ಟ ಕೂಡ ಸಲ್ಲುಗೆ ಪ್ಲಸ್ ಆಗೋ ಸಾಧ್ಯತೆಯಿದೆ. ಈ ಚಿತ್ರ ಏನಾದ್ರೂ ಗಲ್ಲಾ ಪೆಟ್ಟಿಗೆಯಲ್ಲಿ ಗೆದ್ರೆ ಬಾಲಿವುಡ್ ನಲ್ಲಿ ರಶ್ಮಿಕಾಗೆ ಹ್ಯಾಟ್ರಿಕ್ ಹಿಟ್ ಕನ್ಫರ್ಮ್. ಹೌದು.. ರಶ್ಮಿಕಾಗೆ ಅನಿಮಲ್ ಹಾಗೂ ಛಾವಾ ಬಳಿಕ ಸಿಕಂದರ್ ದೊಡ್ಡ ಮಟ್ಟದ ಗೆಲುವಿನ ನಿರೀಕ್ಷೆಯಲ್ಲಿದೆ.
– ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
