‘ಭಾರತದಲ್ಲಿ ಈಗ ಮೊದಲಿನಂತೆ ಶಾಂತಿಯ ಅನುಭವ ಆಗುತ್ತಿಲ್ಲ’ ಅನ್ನೋ ವಿವಾದಾತ್ಮಕ ಹೇಳಿಕೆ ನೀಡುವ ಮೂಲಕ ಬಾಲಿವುಡ್ನ ಖ್ಯಾತ ನಟ ಸಂಜಯ್ ದತ್, ಭಾರತೀಯರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಟೆರರಿಸ್ಟ್ಗಳ ಜೊತೆ ಕೈ ಜೋಡಿಸಿ, ಕಾನೂನು ಬಾಹಿರ ಶಸ್ತ್ರಾಸ್ತ್ರಗಳನ್ನ ಹೊಂದಿದ್ದ ಆರೋಪದಲ್ಲಿ ಜೈಲು ಶಿಕ್ಷೆ ಕೂಡ ಅನುಭವಿಸಿದ್ದ ಸಂಜು ಬಾಯಲ್ಲಿ ಶಾಂತಿ ಪಾಠ ಕೇಳ್ತಿರೋದು ದುರ್ದೈವ. ಆ ನೈತಿಕತೆ ಆತನಿಗೆಲ್ಲಿದೆ ಅಂತ ನೆಟ್ಟಿಗರು ಕಿಡಿಕಾರುತ್ತಿದ್ದಾರೆ.
- ಟೆರರಿಸ್ಟ್ಗಳ ಜೊತೆ ಕೈ ಜೋಡಿಸಿದ್ದ ಸಂಜು.. ಶಾಂತಿ ಬಗ್ಗೆ ಪಾಠ..?
- ಭಾರತದಲ್ಲಿ ಮೊದಲಿನಂತೆ ಶಾಂತಿಯ ಅನುಭವ ಆಗುತ್ತಿಲ್ಲವಂತೆ..!
- ಅಂದು ಆಮೀರ್.. ಇಂದು ಸಂಜಯ್ ದತ್ ಕಾಂಟ್ರವರ್ಸಿ ಹೇಳಿಕೆ
- ನೆಟ್ಟಿಗರಿಂದ ಫುಲ್ ಕ್ಲಾಸ್.. ಕೆಜಿಎಫ್ ವಿಲನ್‌ಗೆ ಇದೆಲ್ಲಾ ಬೇಕಿತ್ತಾ?
ಬಾಲಿವುಡ್ನ ಬಡೇ ಭಾಯಿಜಾನ್ ಸಂಜಯ್ ದತ್ಗೆ ಈ ದೇಶ ಜನ್ಮ ನೀಡಿದೆ. ಅನ್ನ, ಆನಂದದ ಜೊತೆ ಸೂಪರ್ ಸ್ಟಾರ್ ಆಗಿ ಮೆರೆಸಿದೆ. ಆದ್ರೆ ಸಂಜಯ್ ದತ್ ಈ ದೇಶಕ್ಕಾಗಿ ಏನು ಮಾಡಿದ್ದಾರೆ..? ಸಿನಿಮಾಗಳನ್ನ ಮಾಡಿರಬಹುದು. ಕಲೆಗಾಗಿ ದುಡಿದಿರಬಹುದು. ಆದ್ರೆ ಅದಕ್ಕೆಲ್ಲಾ ತಕ್ಕ ಸಂಭಾವನೆ ಪಡೆದಿದ್ದಾರೆ. ಮೋಜು, ಮಸ್ತಿ ಮಾಡೋ ಮೂಲಕ ಐಷಾರಾಮಿ ಹಾಗೂ ರಾಯಲ್ ಲೈಫ್ ಲೀಡ್ ಮಾಡಿ ಮಜಾ ಮಾಡಿದ್ದಾರೆ.
ಮೂರು ಮೂರು ಮದ್ವೆ ಆಗಿದ್ದಾರೆ.. ನೂರಾರು ಮಂದಿ ಜೊತೆ ಅಕ್ರಮ ಸಂಬಂಧ ಇಟ್ಟುಕೊಂಡಿದ್ದರಂತೆ. ಮಿಗಿಲಾಗಿ.. ದೇಶಕ್ಕೆ ಮಾರಕವಾಗಿರೋ ಟೆರರಿಸ್ಟ್ಗಳ ಜೊತೆ ಕೈ ಜೋಡಿಸಿ, ದೇಶದ್ರೋಹ ಎಸಗೋ ಮುಖೇನ ದೇಶದ್ರೋಹಿಯಾಗಿಯೂ ಛೀ, ಥೂ ಅನಿಸಿಕೊಂಡಿದ್ರು. ಕಾನೂನು ಬಾಹಿರವಾಗಿ AK-56 ರೈಫಲ್ ಹಾಗೂ ಪಿಸ್ತೂಲ್ ಶಸ್ತ್ರಾಸ್ತ್ರಗಳನ್ನ ಹೊಂದಿದ್ದ ಕಾರಣ ಕೋರ್ಟ್ ಆತನಿಗೆ 5 ವರ್ಷ ಜೈಲುಶಿಕ್ಷೆ ವಿಧಿಸಿತ್ತು. ಜೈಲೂಟ ಕೂಡ ಸವಿದು ಬಂದಿದ್ದಾರೆ.
ಇಂತಹ ಟ್ರ್ಯಾಕ್ ರೆಕಾರ್ಡ್ ಇರೋ ಸನ್ಮಾನ್ಯ ಶ್ರೀ ಸಂಜಯ್ ದತ್ ಅವರು.. ‘ಭಾರತದಲ್ಲಿ ಈಗ ಮೊದಲಿನಂತೆ ಶಾಂತಿಯ ಅನುಭವವಾಗ್ತಿಲ್ಲ’ ಅನ್ನೋ ಬಹುದೊಡ್ಡ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ಹೌದು.. ಶೇಖರ್ ಸುಮನ್ ನಡೆಸುವಂತಹ ಟಾಕ್ ಶೋ ಶೇಖರ್ ಟುನೈಟ್ ವೇದಿಕೆಯಲ್ಲಿ ಇಂತಹ ಸ್ಟೇಟ್ಮೆಂಟ್ ನೀಡಿರೋ ಸಂಜಯ್ ದತ್, ದೇಶದಾದ್ಯಂತ ಚರ್ಚೆ ಹಾಗೂ ಟೀಕೆಗಳಿಗೆ ಗುರಿಯಾಗಿದ್ದಾರೆ.
ಈ ಹಿಂದೆ ನಟ ಆಮೀರ್ ಖಾನ್ ಭಾರತದಲ್ಲಿ ಧಾರ್ಮಿಕ ಅಸಹಿಷ್ಣುತೆ ಅನ್ನೋ ಕಾಂಟ್ರವರ್ಸಿಯಲ್ ಸ್ಟೇಟ್ಮೆಂಟ್ ನೀಡಿ ಇಕ್ಕಟ್ಟಿಗೆ ಸಿಲುಕಿಕೊಂಡಿದ್ರು. ಜನ್ಮ ಭೂಮಿ ಹಾಗೂ ಕರ್ಮ ಭೂಮಿ ಬಗ್ಗೆ ಅವಹೇಳನವಾಗಿ ಮಾತನಾಡಿದ್ದ ಮಿಸ್ಟರ್ ಪರ್ಫೆಕ್ಷನಿಸ್ಟ್‌ಗೆ ಬೆಂಡೆತ್ತಿ ಬ್ರೇಕ್ ಹಾಕಿದ್ರು ಭಾರತೀಯರು. ಆನಂತ್ರ ತನ್ನ ತಪ್ಪಿನ ಅರಿವಾಗಿ, ಅದನ್ನ ತಿದ್ದಿಕೊಂಡಿದ್ರು ಆಮೀರ್ ಮಹಾಶಯರು. ಇದೀಗ ಸಂಜಯ್ ದತ್ ನೀಡಿರೋ ಈ ಹೇಳಿಕೆ ಮತ್ತೆ ಭಾರತೀಯರ ರಕ್ತ ಕುದಿಯುವಂತೆ ಮಾಡಿದೆ.
ಸಾಮಾಜಿಕ ಜಾಲತಾಣಗಳಲ್ಲಿ ಈ ಹೇಳಿಕೆ ಕುರಿತು ನೆಟ್ಟಿಗರು ನಟ ಸಂಜಯ್ ದತ್ಗೆ ಹಿಗ್ಗಾಮುಗ್ಗ ತರಾಟೆಗೆ ತೆಗೆದುಕೊಳ್ತಿದ್ದಂತೆ ಕೂಡಲೇ ಎಚ್ಚೆತ್ತುಕೊಂಡ ಸಂಜು, ಅದಕ್ಕೆ ಸ್ಪಷ್ಟನೆ ನೀಡುವ ಮೂಲಕ ಕ್ಷಮೆ ಕೂಡ ಯಾಚಿಸಿದ್ದಾರೆ. ಯಾವುದೇ ವ್ಯಕ್ತಿ, ಸಮುದಾಯ ಅಥ್ವಾ ಸಂಸ್ಥೆಯ ಭಾವನೆಗಳಿಗೆ ಧಕ್ಕೆ ತರುವುದು, ನೂವುಂಟು ಮಾಡಿ, ಅವಮಾನಿಸುವುದು ನನ್ನ ಉದ್ದೇಶವಾಗಿರಲಿಲ್ಲ. ನನ್ನ ಸ್ಟೇಟ್ಮೆಂಟ್ಸ್ ಹಗುರ ಹಾಗೂ ಹಾಸ್ಯಮಯವಾಗಿರಬೇಕಿದ್ದ ಡೈಲಾಗ್‌ಗಳ ಭಾಗವಾಗಿತ್ತು. ಅದು ಸ್ಕ್ರಿಪ್ಟೆಡ್ ಕೂಡ ಹೌದು. ಮುನ್ನಾಭಾಯ್ ಚಿತ್ರದ ಹಾಸ್ಯ ಮತ್ತು ವ್ಯಂಗ್ಯದಂತೆ.. ಅದರಲ್ಲೂ ಒಂದು ಪ್ರೀತಿ, ಆತ್ಮೀಯತೆ, ಒಗ್ಗಟ್ಟು & ಸೌಹಾರ್ದತೆಯ ಸಂದೇಶ ಸಾರುವ ಗಾಂಧಿಗಿರಿ ಪರಿಕಲ್ಪನೆಯ ಉದ್ದೇಶದ ಮಾತುಗಳಾಗಿದ್ದವು. ದುರಾದೃಷ್ಟ ಅಂದ್ರೆ ನನ್ನ ಮಾತುಗಳನ್ನ ತಪ್ಪಾಗಿ ಅರ್ಥೈಸಲಾಗಿದೆ ಅಂತ ತಮ್ಮ ಪೇಜ್‌‌ನಲ್ಲಿ ಬರೆದುಕೊಂಡಿದ್ದಾರೆ ಸಂಜಯ್ ದತ್.
ನಮ್ಮ ಕನ್ನಡದ ಕೆಜಿಎಫ್ ಹಾಗೂ ಕೆಡಿ ಸಿನಿಮಾಗಳಲ್ಲಿ ನಟಿಸಿದ್ದ ಸಂಜಯ್ ದತ್ಗೆ ಕನ್ನಡಿಗರಿಂದಲೂ ಪ್ರೀತಿ, ಗೌರವ ಸಿಕ್ಕಿತ್ತು. ಆದ್ರೆ ಅವರು ನೀಡಿದ ಆ ಹೇಳಿಕೆ ನಿಜಕ್ಕೂ ಚರ್ಚೆಗೆ ಗ್ರಾಸವಾಗಿದೆ. ಯಾರೇ ಆಗಲಿ.. ಕನಸಲ್ಲೂ ದೇಶದ ಬಗ್ಗೆ ಕೆಟ್ಟದಾಗಿ ಯೋಚಿಸಬಾರದು. ಅಂಥದ್ದು ಜವಾಬ್ದಾರಿಯುವ ಸ್ಟಾರ್ ನಟ ಆಗಿದ್ದುಕೊಂಡು ಆತ ಹೇಗೆ ಇಂಥದ್ದೊಂದು ವಿವಾದಾತ್ಮಕ ಹೇಳಿಕೆ ಕೊಟ್ಟರು ಅನ್ನೋದೇ ಯಕ್ಷ ಪ್ರಶ್ನೆಯಾಗಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
