ಪ್ರತಿಷ್ಠಿತ ಕಾನ್ಸ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ನಮ್ಮ ಹೆಮ್ಮೆಯ ಕನ್ನಡಿಗ ರಾಕಿಂಗ್ ಸ್ಟಾರ್ ಯಶ್ ರಾರಾಜಿಸಿದ್ದಾರೆ. ಅದೂ ಯಶ್ ಫೋಟೋ ಹಿಡಿದು ಚಿಯರ್ ಲೀಡರ್ ರೀತಿ ವರ್ತಿಸಿದ್ದಾರೆ ಟಾಕ್ಸಿಕ್ ಬ್ಯೂಟಿ ಹುಮಾ ಖುರೇಷಿ. ಅದರೊಟ್ಟಿಗೆ ಟಾಕ್ಸಿಕ್ ವಿಳಂಬವಾಗ್ತಿರೋದಕ್ಕೆ ಮತ್ತೊಬ್ಬ ಬಾಲಿವುಡ್ ಚೆಲುವೆ ಕೂಡ ಮೌನ ಮುರಿದಿದ್ದಾರೆ.
ಟಾಕ್ಸಿಕ್..ಕೆಜಿಎಫ್ ಸರಣಿ ಸಿನಿಮಾಗಳ ಬಳಿಕ ಯಶ್ ಕಥೆ ಬರೆದು, ನಟಿಸಿ, ಸಹ ನಿರ್ಮಾಣ ಮಾಡ್ತಿರೋ ಹಾಲಿವುಡ್ ಸ್ಟ್ಯಾಂಡರ್ಡ್ ಮೂವಿ. ಈಗಾಗ್ಲೇ ಬರೋಬ್ಬರಿ 3 ಬಾರಿ ರಿಲೀಸ್ ಡೇಟ್ ಪೋಸ್ಟ್‌ಪೋನ್ ಆಗಿದೆ. ಸ್ವತಃ ಯಶ್ ಅವರೇ ಹೇಳಿದಂತೆ ಸಿನಿಮಾದ ಗುಣಮಟ್ಟ ಹೆಚ್ಚಿಸುತ್ತಿರೋದು ಅದಕ್ಕೆ ಪ್ರಮುಖ ಕಾರಣವಾಗಿದೆ. ಇಂದಿಗೂ ಟಾಕ್ಸಿಕ್ ಯಾವತ್ತು ರಿಲೀಸ್ ಆಗಲಿದೆ ಅನ್ನೋದಕ್ಕೆ ಕ್ಲ್ಯಾರಿಟಿ ಇಲ್ಲ.
‘ಕಾನ್ಸ್’ನಲ್ಲಿ ಯಶ್ ಹವಾ..ಚಿಯರ್ ಗರ್ಲ್ ಹುಮಾ
ಇಂಟರ್‌‌ನ್ಯಾಷನಲ್ ವೆರೈಟಿ ಮ್ಯಾಗಜಿನ್‌‌‌ನಲ್ಲಿ ಕನ್ನಡಿಗ
ಗೀತು ಮೋಹನ್‌‌ದಾಸ್ ನಿರ್ದೇಶನದ, ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಾಣದ ಟಾಕ್ಸಿಕ್ ಸಿನಿಮಾ ಲೇಟ್ ಆದಷ್ಟೂ ಕ್ಯೂರಿಯಾಸಿಟಿ ಮಾತ್ರ ಡಬಲ್ ಆಗ್ತಿದೆ. ಈಗಾಗ್ಲೇ ಸಿನಿಮಾ ಕಾನ್ ವೇದಿಕೆಯಲ್ಲಿ ಟಾಕ್ಸಿಕ್ ಚಿತ್ರದ 10 ನಿಮಿಷದ ದೃಶ್ಯಗಳು ಪ್ರದರ್ಶನಗೊಂಡಿವೆ. ಯಶ್ ನೀಡಿರೋ ಸಂದರ್ಶನಗಳು ಹಾಗೂ ಚಿತ್ರದ ದೃಶ್ಯ ತುಣುಕುಗಳು ಸಿನಿಮಾ ಮೇಲಿನ ನಿರೀಕ್ಷೆ ದುಪ್ಪಟ್ಟು ಮಾಡಿದ್ದು, ಗ್ಲೋಬಲ್ ಮಾರ್ಕೆಟ್‌‌‌ನಲ್ಲಿ ಅದರ ಮೌಲ್ಯ ಕೂಡ ಹೆಚ್ಚುವಂತಾಗಿದೆ.
ಕವರ್ ಪೇಜ್‌‌ನಲ್ಲಿ ಮಿಂಚಿದ ರಾಕಿಂಗ್ ಸ್ಟಾರ್ ಯಶ್
ಇದು ಯಶ್ ನೆಕ್ಸ್ಟ್ ಚಾಪ್ಟರ್‌‌ನ Exclusive ನ್ಯೂಸ್..!
ಪ್ರತಿಷ್ಠಿತ ಇಂಟರ್‌‌ನ್ಯಾಷನಲ್ ಮ್ಯಾಗಜಿನ್ ವೆರೈಟಿಯ ಕವರ್ ಪೇಜ್‌‌ನಲ್ಲಿ ನಮ್ಮ ಹೆಮ್ಮೆಯ ಕನ್ನಡಿಗ ಯಶ್ ರಾರಾಜಿಸ್ತಿದ್ದಾರೆ. ಸದ್ಯ ಯಶ್ ಆ ಮ್ಯಾಗಜಿನ್ ಕವರ್ ಪೇಜ್‌ ಮೇಲೆ ಇರೋದನ್ನ ಕೈಯಲ್ಲಿ ಹಿಡಿದು ಚಿಯರ್ ಲೀಡರ್ ರೀತಿ ಚಿಯರ್ ಮಾಡಿದ್ದಾರೆ ಟಾಕ್ಸಿಕ್ ಚಿತ್ರದ ನಟಿ, ಬಾಲಿವುಡ್ ಬ್ಯೂಟಿ ಹುಮಾ ಖುರೇಷಿ. ಅದೂ ಪ್ರತಿಷ್ಠಿತ ಕಾನ್ಸ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಅನ್ನೋದು ಇಂಟರೆಸ್ಟಿಂಗ್. ಇದು ಯಶ್ ನೆಕ್ಟ್ಸ್ ಚಾಪ್ಟರ್‌ ಆಗಿದ್ದು, ಅದರಲ್ಲಿ ಟಾಕ್ಸಿಕ್ ಚಿತ್ರದ ಮೇಕಿಂಗ್, ಪಾತ್ರಗಳು, ಗ್ಲೋಬಲ್ ಮಾರ್ಕೆಟಿಂಗ್ ಸೇರಿದಂತೆ ಸಾಕಷ್ಟು ವಿಷಯಗಳನ್ನ ಬರೆಯಲಾಗಿದೆಯಂತೆ.
‘ಟಾಕ್ಸಿಕ್’ ತಡ.. ಮೌನ ಮುರಿದ ತಾರಾ ಸುತಾರಿಯಾ
ಸಂದರ್ಶನದಲ್ಲಿ ಟಾಕ್ಸಿಕ್ ಚೆಲುವೆ ಬಿಚ್ಚಿಟ್ಟ ಸತ್ಯವೇನು..?
ದಿ ಹಾಲಿವುಡ್ ರಿಪೋರ್ಟರ್‌‌‌ಗೆ ನೀಡಿದ ಸಂದರ್ಶನದಲ್ಲಿ ಮಾತಾಡ್ತಾ ಟಾಕ್ಸಿಕ್‌‌ನ ಮತ್ತೊಬ್ಬ ಚೆಲುವೆ ತಾರಾ ಸುತಾರಿಯಾ.. ಸಿನಿಮಾ ತಡವಾಗ್ತಿರೋದಕ್ಕೆ ಅಸಲಿ ಕಾರಣ ಬಿಚ್ಚಿಟ್ಟಿದ್ದಾರೆ. ನಾನು ತುಂಬಾ ತಾಳ್ಮೆ ಇರೋ ವ್ಯಕ್ತಿ. ಸಿನಿಮಾ ಬೇಗ ರಿಲೀಸ್ ಆಗದಿದ್ರೆ ನನಗೆ ಏನಾಗುತ್ತೆ ಅಂತ ನೋಡಲ್ಲ. ನಾನು ಸದಾ ವಿಶಾಲ ದೃಷ್ಠಿಕೋನದಿಂದಲೇ ಯೋಚಿಸುತ್ತೇನೆ. ಒಬ್ಬ ನಟನನಾಗಿ ನೀವು ಸಿನಿಮಾನ ನಿಮ್ಮ ಆಸ್ತಿ ಅಂತ ಪರಿಗಣಿಸೋಕೆ ಆಗಲ್ಲ. ಅದು ನಿಮಗೆ ಮಾತ್ರ ಸೇರಿಲ್ಲ. ಅದನ್ನ ನಿರ್ಮಿಸಲು ಹಗಲಿರುಳು ಶ್ರಮಿಸಿದ ಎಲ್ಲಾ ಜನರಿಗೆ ಸೇರಿದೆ ಎಂದಿದ್ದಾರೆ.
ಒಟ್ಟಾರೆ ಕಾಯುವಿಕೆಯ ಹಿಂದೆ ನಿರೀಕ್ಷೆಗೂ ಮೀರಿದ ಎಂಟರ್‌‌ಟೈನ್ಮೆಂಟ್ ಇರಲಿದೆ ಅನ್ನೋದು ಖಾತರಿ ಆಗ್ತಿದೆ.
