ಅಜ್ಞಾತವಾಸದಲ್ಲಿರೋ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ, ತಮ್ಮ ಮಾಜಿ ಪ್ರೇಯಸಿ ಮದುವೆ ಬಳಿಕ ಸಾಮಾಜಿಕ ಜಾಲತಾಣಗಳಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ಬರೋಬ್ಬರಿ ಒಂದು ವರ್ಷದ ನಂತ್ರ ಪೋಸ್ಟ್ ಮಾಡಿರೋ ರಕ್ಷಿತ್, ಲವ್ ಫೇಲ್ಯೂರ್, ಡಿಪ್ರೆಷನ್, ಪೆಂಗ್ವಿನ್.. ಇದ್ಯಾವುದಕ್ಕೂ ತಲೆ ಕೆಡಿಸಿಕೊಂಡಿಲ್ಲ. ಮಾಸ್ಟರ್ಪೀಸ್ ಹಾಗೂ ಮಾಸ್ಟರ್ ಕ್ಲಾಸ್ ಸಿನಿಮಾಗಳ ಮಾಸ್ಟರ್ಮೈಂಡ್ ಈ ಬಾರಿ ಬಂದ್ರೆ ಗೇಮ್ ಆಫ್ ಥ್ರೋನ್ಸ್ ಡ್ರ್ಯಾಗನ್ ರೀತಿ ಬರ್ತಾರಂತೆ.
ಸ್ಯಾಂಡಲ್ವುಡ್ನ ಟ್ರೆಂಡ್ ಸೆಟ್ಟರ್ ರಕ್ಷಿತ್ ಶೆಟ್ಟಿ ಎಲ್ಲರಿಗಿಂತ ಡಿಫರೆಂಟ್. ಅದಕ್ಕೆ ಅವರ ಸಿನಿಮಾಗಳು, ವ್ಯಕ್ತಿತ್ವವೇ ಸಾಕ್ಷಿ. ಸದ್ಯ ಸಪ್ತ ಸಾಗರದಾಚೆ ಎಲ್ಲೋ ಸೈಡ್-ಬಿ ಸಿನಿಮಾದ ಬಳಿಕ ಅಜ್ಞಾತವಾಸಕ್ಕೆ ಜಾರಿರೋ ಅವರು, ಬರೋಬ್ಬರಿ ಒಂದು ವರ್ಷದ ಬಳಿಕ ಸಾಮಾಜಿಕ ಜಾಲತಾಣದಲ್ಲಿ ಕಾಣಿಸಿಕೊಂಡಿದ್ದಾರೆ. ತನ್ನ ಮಾಜಿ ಪ್ರೇಯಸಿ ರಶ್ಮಿಕಾ ಮಂದಣ್ಣ ಮದ್ವೆ ಬಳಿಕ 777 ಚಾರ್ಲಿ ಚಿತ್ರದ ಶ್ವಾನದ ಜೊತೆಗಿನ ಫೋಟೋನ ಫೇಸ್ಬುಕ್ನಲ್ಲಿ ಹಂಚಿಕೊಂಡಿದ್ರು. ಇದೀಗ ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿಗೆ 13 ವರ್ಷ. ಅದು ನನಗೆ ಸಖತ್ ಸ್ಪೆಷಲ್ ಅಂತ ಬರೆದುಕೊಂಡಿದ್ದಾರೆ.
ಲವ್ ಫೇಲ್ಯೂರ್, ಡಿಪ್ರೆಷನ್, ಪೆಂಗ್ವಿನ್.. ಡೋಂಟ್ ಕೇರ್..!
ಗೇಮ್ ಆಫ್ ಥ್ರೋನ್ಸ್ ‘ಡ್ರ್ಯಾಗನ್’ ರೀತಿ ರಕ್ಷಿತ್ ಶೆಟ್ಟಿ ಎಂಟ್ರಿ?
ಆ ಮುನ್ನ ನಮ್ ಏರಿಯಲ್ ಒಂದು ದಿನ, ತುಗ್ಲಕ್ ಸಿನಿಮಾಗಳನ್ನ ಮಾಡಿದ್ದರಾದ್ರೂ, ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ರಕ್ಷಿತ್ಗೆ ದೊಡ್ಡ ಬ್ರೇಕ್ ನೀಡಿತ್ತು. ಅದಾದ ಬಳಿಕ ನಟ, ನಿರ್ದೇಶಕ, ನಿರ್ಮಾಪಕರಾಗಿ ಸಾಕಷ್ಟು ಭಿನ್ನ ಅಲೆಯ ಸಿನಿಮಾಗಳಿಗೆ ನಾಂದಿ ಹಾಡಿದ್ರು. ಮಾಸ್ಟರ್ಪೀಸ್, ಮಾಸ್ಟರ್ಕ್ಲಾಸ್ ಸಿನಿಮಾಗಳ ಮಾಸ್ಟರ್ಮೈಂಡ್ ಆಗಿ ರಿಷಬ್ ಶೆಟ್ಟಿ, ರಶ್ಮಿಕಾ ಮಂದಣ್ಣ, ಪ್ರಮೋದ್ ಶೆಟ್ಟಿ, ರುಕ್ಮಿಣಿ ವಸಂತ್ ಅಂತಹ ಟ್ಯಾಲೆಂಟ್ಸ್ನ ಬೆಳಕಿಗೆ ತಂದರು.
ಲವ್ ಫೇಲ್ಯೂರ್, ಡಿಪ್ರೆಷನ್, ಪೆಂಗ್ವಿನ್ ಅಂತೆಲ್ಲಾ ಸೋಶಿಯಲ್ ಮೀಡಿಯಾದಲ್ಲಿ ಆಡಿಕೊಂಡರು. ಆದ್ರೆ ಅದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದ ರಕ್ಷಿತ್ ಶೆಟ್ಟಿ, ಎಲ್ಲವನ್ನ ಬಹಳ ಮೆಚ್ಯೂರ್ಡ್ ಆಗಿ ನಿಭಾಯಿಸಿದರು. ಇಷ್ಟು ವರ್ಷ ಎಲ್ಲಿ ಹೋಗಿದ್ರು ಏನು ಮಾಡ್ತಿದ್ರು..? ಯಾವಾಗ ಬರ್ತಾರೆ..? ಬಂದ್ರೆ ಹೇಗೆ ಬರ್ತಾರೆ ಅಂತೆಲ್ಲಾ ಮಾತಾಡಿಕೊಳ್ತಿದ್ದೋರಿಗೆ ಅವ್ರ ಆಪ್ತರೇ ಒಬ್ಬರು ಅದ್ಭುತ ಆನ್ಸರ್ ನೀಡಿದ್ದಾರೆ. ಬಂದ್ರೆ ಗೇಮ್ ಆಫ್ ಥ್ರೋನ್ಸ್ನ ಡ್ರ್ಯಾಗನ್ ರೀತಿ ಬರ್ತಾರೆ ಅಂತ ರಕ್ಷಿತ್ ಕಂಬ್ಯಾಕ್ ಬಗ್ಗೆ ಮಾತನಾಡಿದ್ದಾರೆ.
‘ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ’ಗೆ 13 ವರ್ಷ.. ರಕ್ಷಿತ್ ಹರುಷ
ಮಾಸ್ಟರ್ಪೀಸ್, ಮಾಸ್ಟರ್ಕ್ಲಾಸ್ ಸಿನಿಮಾಗಳ ಮಾಸ್ಟರ್ಮೈಂಡ್!
ಗೋಧಿಬಣ್ಣ ಸಾಧಾರಣ ಮೈಕಟ್ಟು ಹಾಗೂ ಸಪ್ತ ಸಾಗರದಾಚೆ ಎಲ್ಲೋ ಚಿತ್ರಗಳ ಡೈರೆಕ್ಟರ್ ಹೇಮಂತ್ ರಾವ್ ನಟ ರಕ್ಷಿತ್ ಶೆಟ್ಟಿ ಬಗ್ಗೆ ಹಾಗೂ ಆತನಲ್ಲಿರೋ ಟ್ಯಾಲೆಂಟ್ ಬಗ್ಗೆ ಬಹಳ ಸೊಗಸಾಗಿ ಹೇಳಿದ್ದಾರೆ. ಅದು ನಿಜ ಕೂಡ. ಉಪೇಂದ್ರ, ರವಿಚಂದ್ರನ್ ರೀತಿ ರೊಟೀನ್ ಸಿನಿಮಾಗಳ ನಡುವೆ ತಮ್ಮದೇ ಶೈಲಿಯ ವಿಶಿಷ್ಟ ಚಿತ್ರಗಳಿಂದ ಎಲ್ಲರ ದಿಲ್ ದೋಚಿದವರು ಸಿಂಪಲ್ ಸ್ಟಾರ್.
ಕಿರಿಕ್ ಪಾರ್ಟಿ, ಉಳಿದವರು ಕಂಡಂತೆ, ಗೋಧಿಬಣ್ಣ, ಅವನೇ ಶ್ರೀಮನ್ನಾರಾಯಣ, 777 ಚಾರ್ಲಿ, ಸಪ್ತಸಾಗರದಾಚೆ ಎಲ್ಲೋ.. ಹೀಗೆ ಎಲ್ಲವೂ ಒಂದಕ್ಕಿಂತ ಒಂದು ಡಿಫರೆಂಟ್. ರಕ್ಷಿತ್ ನಟನೆ, ಬರವಣಿಗೆಯಿಂದ ಪರಭಾಷಿಗರು ಕೂಡ ಸ್ಫೂರ್ತಿಗೊಂಡಿರೋ ನಿದರ್ಶನಗಳಿವೆ. ಇಷ್ಟೆಲ್ಲಾ ಟ್ಯಾಲೆಂಟ್ ಆಗಿರೋ ರಕ್ಷಿತ್ ಶೆಟ್ಟಿ 3 ವರ್ಷದಿಂದ ಐದು ಕಥೆಗಳನ್ನ ಸಿದ್ದಗೊಳಿಸಿರೋದು ಸುಳ್ಳಲ್ಲ. ಅದಕ್ಕಾಗಿ ದೇಶ, ವಿದೇಶಗಳನ್ನ ಸುತ್ತಿ ಕಥೆ ಬರೆದು ಲಾಕ್ ಮಾಡಿ ಇಟ್ಟಿದ್ದಾರೆ. ಸದ್ಯದಲ್ಲೇ ಬಿಗ್ ಬ್ರೇಕಿಂಗ್ ನ್ಯೂಸ್ ಜೊತೆ ಬ್ಯಾಂಗ್ ಮಾಡೋದು ಗ್ಯಾರಂಟಿ.
