ಡೈನಾಮಿಕ್ ಹೀರೋ ದೇವರಾಜ್ ಬಳಿಕ ಆ ಲೆಗಸಿಯನ್ನ ಮುಂದುವರೆಸಿಕೊಂಡು ಹೋಗ್ತಿದ್ದಾರೆ ಡೈನಾಮಿಕ್ ಬ್ರದರ್ಸ್ ಪ್ರಜ್ವಲ್ & ಪ್ರಣಾಮ್. ಸದ್ಯ ಕರಾವಳಿ ಮೂಲಕ ಪ್ರಜ್ಜು ಸೌಂಡ್ ಮಾಡ್ತಿದ್ರೆ, ಎಂಜಿಆರ್ ಆಗಿ ಪ್ರಣಾಮ್ ಹುಬ್ಬೇರಿಸಿದ್ದಾರೆ. ಈ ಕುರಿತ ವೆರಿ ವೆರಿ ಇಂಟರೆಸ್ಟಿಂಗ್ ಡೈನಾಮಿಕ್ ಸ್ಟೋರಿ ನಿಮಗಾಗಿ ಕಾಯ್ತಿದೆ.
ಇದು ಪ್ರಜ್ವಲ್ ದೇವರಾಜ್ ನಟನೆಯ ಕರಾವಳಿ ಚಿತ್ರದ ಮೊದಲ ಸಾಂಗ್. ಇತ್ತೀಚೆಗೆ ಬಿಡುಗಡೆಯಾದ ಮುದ್ದು ಗುಮ್ಮ ಸಾಂಗ್ ಸದ್ಯ ಎಲ್ಲರೂ ಗುನುಗುವಂತಾಗಿದೆ. ಅದಕ್ಕೆ ಕಾರಣ ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್-ಸಂಪದ ಕೆಮಿಸ್ಟ್ರಿ, ಪ್ರಮೋದ್ ಮರವಂತೆ ಸಾಹಿತ್ಯ, ಸಚಿನ್ ಬಸ್ರೂರು ಸಂಗೀತ ಹಾಗೂ ಸಿದ್ ಶ್ರೀರಾಮ್ ಗಾಯನ. ಹೌದು.. ರಿಷಬ್ ಶೆಟ್ರ ಕಾಂತಾರ ನಂತ್ರ ಕರಾವಳಿ ಸಿನಿಮಾ ಮಂಗಳೂರಿನ ಮತ್ತೊಂದು ಮಣ್ಣಿನ ಕಥೆ ಹೇಳುವ ಚಿತ್ರವಾಗಿದ್ದು, ಟೀಸರ್ಗಳಿಂದ ವ್ಹಾವ್ ಫೀಲ್ ತರಿಸಿತ್ತು.
ಕರಾವಳಿ ಪ್ರಜ್ವಲ್ ಮುದ್ದು ಗುಮ್ಮಗೆ 785 ಸಾವಿರ ವೀವ್ಸ್
ಕಾಂತಾರ ನಂತ್ರ ಮಂಗಳೂರಿನ ಮತ್ತೊಂದು ಮಣ್ಣಿನ ಕಥೆ
ಮೆಲೋಡಿ ಲವ್ ಟ್ರ್ಯಾಕ್ ಇದಾಗಿದ್ದು, ಕಣ್ಮನ ತಣಿಸಿದೆ ಮುದ್ದು ಗುಮ್ಮ ಸಾಂಗ್. ಯೂಟ್ಯೂಬ್ನಲ್ಲಿ ಬರೋಬ್ಬರಿ 785 ಸಾವಿರಕ್ಕೂ ಅಧಿಕ ವೀವ್ಸ್ನಿಂದ ಚಿತ್ರಪ್ರೇಮಿಗಳ ಮನಸ್ಸು ಗೆದ್ದಿದೆ. ಗುರುದತ್ ಗಾಣಿಗ ಇಂಥದ್ದೊಂದು ಸಿನಿಮಾದ ಹಿಂದಿನ ರೂವಾರಿ ಅನ್ನೋದು ವಿಶೇಷ. ಸದ್ಯ ಕರಾವಳಿ ಪ್ರಜ್ವಲ್ ಕರಿಯರ್ನ ಬಿಗ್ಗೆಸ್ಟ್ ಮೂವಿ ಆಗಿದ್ದು, ಪ್ಯಾನ್ ಇಂಡಿಯಾ ಬೆಳ್ಳಿತೆರೆ ಬೆಳಗಲಿದೆ.
ಕರಾವಳಿ- MGR.. ‘ಡೈನಾಮಿಕ್’ ಬ್ರದರ್ಸ್ ಡಬಲ್ ಧಮಾಕ
ಹೋಮ್ ಪ್ರೊಡಕ್ಷನ್ ಫಿಲ್ಮ್.. ದೇವರಾಜ್ ಟೈಟಲ್ ಲಾಂಚ್
ಇದು ಪ್ರಜ್ವಲ್ ಸಹೋದರ ಪ್ರಣಾಮ್ ನಟನೆಯ ಹೊಚ್ಚ ಹೊಸ ಚಿತ್ರದ ಟೈಟಲ್ ಟೀಸರ್. ಸಿನಿಮಾಗೆ ಎಂಜಿಆರ್ ಅನ್ನೋ ಟೈಟಲ್ ಇಟ್ಟಿದ್ದು, ಇದನ್ನ ಖುದ್ದು ಡೈನಾಮಿಕ್ ಹೀರೋ ದೇವರಾಜ್ ಅವ್ರೇ ಲಾಂಚ್ ಮಾಡಿದ್ದು ವಿಶೇಷ. ಡೈನಾಮಿಕ್ ವೆಂಚರ್ಸ್ ಹಾಗೂ ಪುರಾತನ ಫಿಲ್ಮ್ ಪ್ರೊಡಕ್ಷನ್ಸ್ ಸಹಯೋಗದಲ್ಲಿ ಇದು ತಯಾರಾಗ್ತಿದೆ. ತಮ್ಮನ ಬರ್ತ್ ಡೇಗೆ ಅಣ್ಣನ ಗಿಫ್ಟ್ ಇದಾಗಿದ್ದು, ಪ್ರಣಾಮ್ಗೆ ಪ್ರಜ್ಜುನೇ ಬಂಡವಾಳ ಹಾಕಿ ಚಿತ್ರ ನಿರ್ಮಾಣ ಮಾಡ್ತಿರೋದು ಇಂಟರೆಸ್ಟಿಂಗ್.
ಚಿತ್ರರಂಗಕ್ಕೆ ಬಂದ 30 ವರ್ಷಗಳಾದ ಮೇಲೆ ನಾನು ನಿರ್ಮಾಪಕನಾದೆ. ಈಗ ನನ್ನ ಮಗ 10-12 ವರ್ಷಗಳಿಗೇ ನಿರ್ಮಾಪಕನಾಗಿದ್ದಾನೆ. ನಮಗೆ ಸಿನಿಮಾ ಬಿಟ್ಟು ಬೇರೇನೂ ಗೊತ್ತಿಲ್ಲ. ಈ ಪೋಸ್ಟರ್ನಲ್ಲಿ ಪ್ರಣಾಮ್ ಲುಕ್ ನೋಡಿ ನನಗೇ ಆಶ್ಚರ್ಯವಾಯ್ತು ಎಂದ್ರು ದೇವರಾಜ್.
ಅಂದಹಾಗೆ ಈ ಚಿತ್ರಕ್ಕೆ ಶ್ರೀಕಾಂತ್ ಹುಣಸೂರು ಆ್ಯಕ್ಷನ್ ಕಟ್ ಹೇಳ್ತಿದ್ದು, ಎರಡನೇ ಬಾರಿ ಪ್ರಣಾಮ್ ಜೊತೆ ಕೈ ಜೋಡಿಸಿದ್ದಾರೆ. ಚರಣ್ ರಾಜ್ ಸಂಗೀತ, ಸ್ಕೇಟಿಂಗ್ ಕೃಷ್ಣ ಸಿನಿಮಾಟೋಗ್ರಫಿ ಚಿತ್ರಕ್ಕಿರಲಿದೆ. ಅಂದಹಾಗೆ ಫಸ್ಟ್ ಲುಕ್ ಲಾಂಚ್ ಫಂಕ್ಷನ್ನಲ್ಲಿ ದೇವರಾಜ್ ಜೊತೆ ಪತ್ನಿ ಚಂದ್ರ ದೇವರಾಜ್ ಹಾಗೂ ಸೊಸೆ ರಾಗಿಣಿ ಪ್ರಜ್ವಲ್ ಕೂಡ ಭಾಗಿಯಾಗಿ ಡೈನಾಮಿಕ್ ಕುಟುಂಬ ಜೇನುಗೂಡು ಅನ್ನೋದನ್ನ ಸಾರಿದ್ರು.
