ಇಂಡಿಯಾದಲ್ಲಿರೋ ಪಾಕಿಸ್ತಾನ್ ಆ್ಯಕ್ಟರ್ಸ್ಗೆ ಢವ ಢವ ಶುರುವಾಗಿದೆ. ಒಂದ್ಕಡೆ ದೇಶ ಬಿಡ್ಬೇಕು ಅನ್ನೋ ಸರ್ಕಾರದ ಆದೇಶ. ಮತ್ತೊಂದ್ಕಡೆ ತಾವು ನಟಿಸಿದ ಚಿತ್ರಗಳಿಗೆ ಇರೋ ಬ್ಯಾನ್ ಭಯ. ಯೆಸ್.. ಅತಂತ್ರದಲ್ಲಿರೋ ಬಿಟೌನ್ ಪಾಕ್ ಕಲಾವಿದರ ಮುಂದಿರೋ ಆಯ್ಕೆಗಳೇನು ಅನ್ನೋದ್ರ ಕಂಪ್ಲೀಟ್ ರಿಪೋರ್ಟ್ ಇಲ್ಲಿದೆ.
ಭಾರತೀಯ ಚಿತ್ರರಂಗದ ಪಾಲಿಗೆ ಬಾಲಿವುಡ್ ಒಂಥರಾ ಮಹಾಸಾಗರ. ಅಲ್ಲಿ ಅವರವರ ಯೋಗ್ಯತೆ, ಯೋಗಕ್ಕೆ ಅನುಗುಣವಾಗಿ ಎಷ್ಟು ದೂರ ಬೇಕಾದ್ರೂ ಈಜಬಹುದು. ಅದ್ರಲ್ಲೂ ಪರಭಾಷಿಗರು ತುಂಬಾ ಮಂದಿ ಬಂದು ಬಿಟೌನ್ನಲ್ಲಿ ಬದುಕು ಕಟ್ಟಿಕೊಂಡಿದ್ದಾರೆ. ಅದಕ್ಕೆ ಕಾರಣ ಸಂಭಾವನೆ, ಅವಕಾಶಗಳು, ಪರಿಸರ.
ಇತ್ತೀಚೆಗೆ ಪಾಕಿಸ್ತಾನ್ ಮೂಲದ ಉಗ್ರರಿಂದ ನಡೆದ ಗುಂಡಿನ ದಾಳಿಯಲ್ಲಿ ಕಾಶ್ಮೀರದ ಪಹಲ್ಗಾಮ್ನಲ್ಲಿ ಸುಮಾರು 27 ಮಂದಿ ಮಡಿದಿದ್ದು ಗೊತ್ತೇಯಿದೆ. ಇದು ಭಾರತೀಯರ ಸಹನೆ, ತಾಳ್ಮೆಯನ್ನ ಕೆದಕಿದಂತಿದೆ. ಹಾಗಾಗಿಯೇ ನೂರಾರು ಕೋಟಿ ಭಾರತೀಯರ ಜೊತೆ ಸರ್ಕಾರದ ಕೆಂಗಣ್ಣಿಗೆ ಗುರಿಯಾಗಿದೆ ಪಾಪಿಗಳ ಪಾಕಿಸ್ತಾನ್. ಅದೇ ಕಾರಣದಿಂದ ರಾಜತಾಂತ್ರಿಕವಾಗಿ ಈಗಾಗ್ಲೇ ಯುದ್ಧ ಸಾರಿಬಿಟ್ಟಿದೆ ಮೋದಿ-ಶಾ ನೇತೃತ್ವದ ಇಂಡಿಯನ್ ಗೌವರ್ನಮೆಂಟ್.
ಸಾಕಷ್ಟು ಒಪ್ಪಂದಗಳನ್ನು ರದ್ದು ಮಾಡಿರೋ ಭಾರತ, ಇಂಡಿಯಾದಲ್ಲಿರೋ ಪಾಕಿಸ್ತಾನ್ ಪ್ರಜೆಗಳ ವೀಸಾ ಕ್ಯಾನ್ಸಲ್ ಮಾಡ್ತಿದೆ. 48 ಗಂಟೆಗಳ ಗಡುವು ಕೂಡ ನೀಡಿದ್ದು, ಕೂಡಲೇ ಜಾಗ ಖಾಲಿ ಮಾಡಿ ಅಂತ ಖಡಕ್ ವಾರ್ನಿಂಗ್ ನೀಡಿದೆ. ಅರೇ.. ಎಂಬಸಿಗೆ ಹೋಗೋಣ ಅಂದ್ರೆ ಅದನ್ನ ಕೂಡ ರದ್ದು ಮಾಡಿ, ಇಂಡಿಯಾದಲ್ಲಿರೋ ಪಾಕಿಸ್ತಾನ್ ಎಂಬಸ್ಸಿಯನ್ನ ಎತ್ತಂಗಡಿ ಮಾಡಲಾಗಿದೆ.
ಇದೆಲ್ಲಾ ಗೊತ್ತಿರೋ ವಿಷಯವೇ ಆದ್ರೂ, ನಮ್ಮಲ್ಲಿರೋ ಪಾಕಿಸ್ತಾನದ ಪ್ರಜೆಗಳಿಗೆ ಢವ ಢವ ಶುರುವಾಗಿದೆ. ಇದು ಚಿತ್ರರಂಗದಿಂದಲೂ ಹೊರತಾಗಿಲ್ಲ. ಸದ್ಯ ಇಲ್ಲಿ ಬದುಕು ಕಟ್ಟಿಕೊಳ್ಳೋಕೆ ಬಂದು ಸಾಕಷ್ಟು ಮಂದಿ ಪಾಕಿಗಳು ಬಾಲಿವುಡ್ ಅಂಗಳದಲ್ಲೇ ಸೆಟಲ್ ಆಗಿ ಬಿಟ್ಟಿದ್ದಾರೆ. ಹೌದು.. ಸಿನಿಮಾ ಹಾಗೂ ಸೀರಿಯಲ್ ಸೇರಿದಂತೆ ಚಿತ್ರರಂಗದ ಬೇರೆ ಬೇರೆ ವಲಯಗಳಲ್ಲಿ ನೂರಾರು ಮಂದಿ ಕೆಲಸ ಮಾಡ್ತಿದ್ದಾರೆ. ಆ ಪೈಕಿ ಈಗ ಭಾರತೀಯರು ಹಾಗೂ ನೆಟ್ಟಿಗರ ಕಣ್ಣು ಬಾಲಿವುಡ್ನಲ್ಲಿರೋ ಪಾಕ್ ಆ್ಯಕ್ಟರ್ಸ್ ಮೇಲೆ ಬಿದ್ದಿದೆ.
ಶಾರೂಖ್ ಖಾನ್ ಜೊತೆ ನಟಿಸಿದ್ದ ಮಹೀರಾ ಖಾನ್ ಸೇರಿದಂತೆ ನಟ ಫಹಾದ್ ಖಾನ್, ಸಬಾ ಖಮರ್ ಝಮಾನ್, ಮಾವ್ರ ಹೊಕೇನ್, ಸಜಲ್ ಆ್ಯಲಿ, ಇಮ್ರಾನ್ ಅಬ್ಬಾಸ್ ಹೀಗೆ ಸಾಲು ಸಾಲು ಪಾಕಿಸ್ತಾನದ ಟಾಪ್ ಕಲಾವಿದರಿಗೆ ಇಲ್ಲಿ ನೆಲೆ ಇಲ್ಲದಂತಾಗ್ತಿದೆ. ಇವರೆಲ್ಲಾ ದೇಶ ತೊರೆಯಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಅದ್ರಲ್ಲೂ ಅಂತಹ ದೊಡ್ಡ ಉಗ್ರರ ದಾಳಿ ನಡೆದಿದ್ರೂ, ಇಲ್ಲಿ ನಮ್ಮ ದೇಶದ ಉಪ್ಪು ತಿಂದು, ಇಲ್ಲಿನ ಗಾಳಿ ಸೇವಿಸ್ತಿರೋ ಇವರುಗಳು ಆ ಬಗ್ಗೆ ಒಂದು ಪೋಸ್ಟ್ ಮಾಡಿಲ್ಲ. ಖಂಡಿಸೋ ಪ್ರಯತ್ನ ಮಾಡಿಲ್ಲ. ಇದು ಭಾರತೀಯರನ್ನು ಮತ್ತಷ್ಟು ಕೆರಳುವಂತೆ ಮಾಡಿದೆ.
ಸದ್ಯ ಪಾಕ್ ಕಲಾವಿದರಿಗೆ ಇರೋ ಆಪ್ಷನ್ ಒಂದೇ.. ಇಂಡಿಯಾ ಬಿಟ್ಟು ಹೊರ ಹೋಗಬೇಕು. ಇಲ್ಲವಾದಲ್ಲಿ ಕಾನೂನಿನಾತ್ಮಕವಾಗಿಯೂ ತೊಡಕುಂಟಾಗಲಿದೆ. ಜೊತೆಗೆ ಮುಂದಿನ ದಿನಗಳಲ್ಲಿ ಇವರು ನಟಿಸಿದ ಸಿನಿಮಾಗಳು ಬ್ಯಾನ್ ಆಗುವ ಸಾಧ್ಯತೆಯೂ ಇದೆ. ಈಗಾಗ್ಲೇ ಫಹಾದ್ ಖಾನ್ ಹೀರೋ ಆಗಿ ನಟಿಸಿದ್ದ ಸಿನಿಮಾವೊಂದನ್ನ ಬ್ಯಾನ್ ಮಾಡಬೇಕು ಅಂತ ಧ್ವನಿ ಎತ್ತಲಾಗಿದೆ. ಸೋ.. ಈಗೇನ್ಮಾಡ್ತಾರೆ ಪಾಕ್ ಹೀರೋ, ಹೀರೋಯಿನ್ಸ್ ಅನ್ನೋದನ್ನ ಕಾದು ನೋಡಬೇಕಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
