ಹೊಸ ಪ್ರತಿಭೆಗಳನ್ನ ಹೆಕ್ಕಿ ತೆಗೆದು, ಅವರಿಗೆ ಅವಕಾಶ ಕೊಡೋದ್ರಲ್ಲಿ ನಟ ನ್ಯಾಚುರಲ್ ಸ್ಟಾರ್ ನಾನಿ ಎಕ್ಸ್ಪರ್ಟ್. ಅದ್ರಲ್ಲೂ ಕನ್ನಡದ ಟ್ಯಾಲೆಂಟ್ಸ್ ಅಂದ್ರೆ ನಾನಿಗೆ ಅಚ್ಚುಮೆಚ್ಚು. ಇಲ್ಲಿಯ ತನಕ ಸಾಕಷ್ಟು ಮಂದಿ ಕನ್ನಡದ ಕಲಾವಿದರು, ತಂತ್ರಜ್ಞರಿಗೆ ಅವಕಾಶ ನೀಡಿದ್ದಾರೆ. ಇದೀಗ ಕಾಂತಾರ ಕ್ವೀನ್ ರುಕ್ಮಿಣಿಗೂ ಅಂಥದ್ದೇ ವೇದಿಕೆ ಕಲ್ಪಿಸ್ತಿರೋದು ಇಂಟರೆಸ್ಟಿಂಗ್. ಇದರ ಫುಲ್ ಡಿಟೇಲ್ಸ್ ಇಲ್ಲಿದೆ ನೋಡಿ..
- ಕನ್ನಡ ಟ್ಯಾಲೆಂಟ್ಸ್ಗೆ ನಾನಿ ವೇದಿಕೆ.. ಏನೀ ಕರುನಾಡ ಪ್ರೇಮ..?
- ಈಗ to ಪ್ಯಾರಡೈಸ್.. ನ್ಯಾಚುರಲ್ ಸ್ಟಾರ್ ನಮ್ಮ ಕನ್ನಡ ಪ್ರೇಮಿ
- ಮೊದಲು ಸಾನ್ವಿ ಸುದೀಪ್, ನಂತ್ರ ಶ್ರೀನಿಧಿ ಶೆಟ್ಟಿ.. ಈಗ ರುಕ್ಮಿಣಿ
- ಬೆಂಗಳೂರು ಸೆಕೆಂಡ್ ಹೋಮ್ ಅಂತಾರೆ ಟಾಲಿವುಡ್ ಸ್ಟಾರ್
ನ್ಯಾಚುರಲ್ ಸ್ಟಾರ್ ನಾನಿ.. ಈತ ಬರೀ ಸ್ಟಾರ್ ಅಷ್ಟೇ ಅಲ್ಲ. ಮ್ಯಾನ್ ಆಫ್ ಮಲ್ಟಿ ಟ್ಯಾಲೆಂಟ್. ಸಿನಿಮಾರಂಗದಲ್ಲಿ ಝೀರೋದಿಂದ ಹೀರೋ ಪಟ್ಟಕ್ಕೇರಿದವರು. ಕಷ್ಟ ಸುಖ ಅರಿತವರು. ಟ್ಯಾಲೆಂಟ್ಗೆ ತಕ್ಕ ಅವಕಾಶ ಸಿಗಲೇಬೇಕು ಅನ್ನೋದನ್ನ ಚೆನ್ನಾಗಿ ಅರಿತವರು. ಹಾಗಾಗಿಯೇ ಇತ್ತೀಚೆಗೆ ತಮ್ಮದೇ ನಿರ್ಮಾಣ ಸಂಸ್ಥೆ ಮೂಲಕ ಹೊಸ ಪ್ರತಿಭೆಗಳು ಸೇರಿದಂತೆ ದಿ ಬೆಸ್ಟ್ ಕಲಾವಿದರು ಹಾಗೂ ತಂತ್ರಜ್ಞರಿಗೆ ಅವಕಾಶ ಕೊಡ್ತಾ ಬರ್ತಿದ್ದಾರೆ.
ನಾನಿಯ ಯಾವುದೇ ಸಿನಿಮಾ ಬರಲಿ.. ನಮ್ಮ ಸಿಲಿಕಾನ್ ಸಿಟಿ ಬೆಂಗಳೂರಿಗೆ ಬಂದು ಚಿತ್ರದ ಪ್ರಮೋಷನ್ಸ್ ಮಾಡ್ತಾರೆ. ಬೆಂಗಳೂರು ಸೆಕೆಂಡ್ ಹೋಮ್ ಅಂತಾರೆ. ಅದ್ರಲ್ಲೂ ಕನ್ನಡಿಗರು, ಕನ್ನಡದ ಭಾಷೆ ಮೇಲೆ ಅವರಿಗೆ ವಿಪರೀತಿ ಗೌರವ, ಅಭಿಮಾನ. ಅದೇ ಕಾರಣದಿಂದ ಈಗ ಸಿನಿಮಾದಿಂದ ಶುರುವಾದ ಆ ಕನ್ನಡದ ನಂಟನ್ನ ನಾನಿ ಇಂದಿಗೂ ಉಳಿಸಿಕೊಂಡು ಹೋಗ್ತಿರೋದು ವಿಶೇಷ.
ಯೆಸ್.. 2012ರಲ್ಲಿ ರಾಜಮೌಳಿ ನಿರ್ದೇಶನದ ಈಗ ಚಿತ್ರದಲ್ಲಿ ನಾನಿ ನಮ್ಮ ಸುದೀಪ್ ಜೊತೆ ಬಣ್ಣ ಹಚ್ಚಿದ್ರು. ಹೀರೋ ಆಗಿ ನಾನಿ, ವಿಲನ್ ಆಗಿ ಕಿಚ್ಚನ ಖದರ್ ಜೋರಿತ್ತು. ಆ ಸಿನಿಮಾ ಇಂದಿಗೂ ಒನ್ ಆಫ್ ದಿ ಬೆಸ್ಟ್ ಮಾಸ್ಟರ್ಪೀಸ್. ಆಗ ಕನ್ನಡಿಗರ ಜೊತೆ ನಾನಿಗೆ ಒಂದು ವಿಶೇಷ ಬಂಧ ಏರ್ಪಟ್ಟಿತ್ತು. ಇಂದಿಗೂ ಅದನ್ನ ಚಾಚೂ ತಪ್ಪದೆ ಪಾಲಿಸ್ತಾ ಬರ್ತಿದ್ದಾರೆ ನ್ಯಾಚುರಲ್ ಸ್ಟಾರ್ ನಾನಿ.
ಸುದೀಪ್ ಮಗಳು ಸಾನ್ವಿ ಸುದೀಪ್ರಲ್ಲಿ ಇದ್ದಂತಹ ಟ್ಯಾಲೆಂಟ್ ನೋಡಿ, ಮೊದಲಿಗೆ ಅವರು ಗಾಯಕಿಯಾಗಿ ಮುದ್ರೆ ಹಾಕಿಸಿಕೊಳ್ಳೋಕೆ ಕಾರಣಕರ್ತರಾದವರೇ ನಾನಿ ಅನ್ನೋದು ಎಷ್ಟೋ ಮಂದಿಗೆ ಗೊತ್ತಿಲ್ಲ. ಹೌದು.. ಹಿಟ್-3 ಚಿತ್ರದ ಪೋರಾಟಮೆ 3.ಓ ಸಾಂಗ್ನಲ್ಲಿ ಸಾನ್ವಿ ಸುದೀಪ್ ಕಂಠವಿದೆ. ಸಾನ್ವಿ ಫಸ್ಟ್ ಟೈಂ ಗಾಯಕಿ ಅನ್ನೋ ಪಟ್ಟ ಅಲಂಕರಿಸಿದ್ದೇ ಈ ಹಾಡಿನಿಂದ. ಅದಾದ ಬಳಿಕ ಸಾನ್ವಿ ಮಸ್ತ್ ಮಲೈಕಾ, ಅರಗಿಣಿ ಸಾಂಗ್ಸ್ ಬಿಗ್ ಹಿಟ್ ಆದವು. ಸದ್ಯ ಆಕೆ ಪ್ರೊಫೆಷನಲ್ ಸಿಂಗರ್ ಆಗಿ ರಾರಾಜಿಸ್ತಿದ್ದಾರೆ.
ಇನ್ನೂ ಹಿಟ್-3 ಸಿನಿಮಾದ ನಾಯಕನಟಿ ಶ್ರೀನಿಧಿ ಶೆಟ್ಟಿ ಕೂಡ ಕೆಜಿಎಫ್-2 ಬಳಿಕ ಚಿತ್ರರಂಗದಿಂದ ಅಂತರ ಕಾಯ್ದುಕೊಂಡಿದ್ರು. ಒಳ್ಳೆಯ ಕಥೆ ಸಿಗದೆ ಯಾವುದೇ ಸಿನಿಮಾ ಮಾಡಿರಲಿಲ್ಲ. ಆದ್ರೆ ನಾನಿ ತನ್ನೊಂದಿಗೆ ನಟಿಸೋಕೆ ಆಫರ್ ಮಾಡ್ತಾರೆ. ಆ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಬ್ಲಾಕ್ ಬಸ್ಟರ್ ಹಿಟ್ ಆಗಿ, ಶ್ರೀನಿಧಿ ಶೆಟ್ಟಿ ಮತ್ತಷ್ಟು ಬ್ಯುಸಿ ಆಗೀಕೆ ಕಾರಣವಾಗುತ್ತೆ.
ಇದೀಗ ತಮ್ಮ ಹೋಮ್ ಪ್ರೊಡಕ್ಷನ್ ಸಿನಿಮಾವೊಂದಕ್ಕೆ ನಾಯಕಿಯಾಗಿ ನಮ್ಮ ಕಾಂತಾರ ಕ್ವೀನ್ ರುಕ್ಮಿಣಿ ವಸಂತ್ರನ್ನ ಆಯ್ಕೆ ಮಾಡಿದ್ದಾರೆ ಎನ್ನಲಾಗ್ತಿದೆ. ರುಕ್ಕಮ್ಮ ಸದ್ಯ ಜೂನಿಯರ್ ಎನ್ಟಿಆರ್ ನಟನೆಯ ಹಾಗೂ ಪ್ರಶಾಂತ್ ನೀಲ್ ನಿರ್ದೇಶನದ ಡ್ರ್ಯಾಗನ್ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಅದ್ರ ಬೆನ್ನಲ್ಲೇ ನಾನಿ ನಮ್ಮ ರುಕ್ಕಮ್ಮನಿಗೆ ಅವಕಾಶ ನೀಡಿರೋದು ಖುಷಿಯ ವಿಚಾರ. ಒಟ್ಟಾರೆ ಕನ್ನಡಿಗರಿಗೆ ನಾನಿ ಹೀಗೆ ಬ್ಯಾಕ್ ಟು ಬ್ಯಾಕ್ ಅವಕಾಶಗಳನ್ನ ನೀಡ್ತಿರೋದು, ಕನ್ನಡಿಗರಿಗೆ ಅವ್ರ ಮೇಲಿನ ಪ್ರೀತಿ, ಅಭಿಮಾನ ಮತ್ತಷ್ಟು ಹೆಚ್ಚುವಂತೆ ಮಾಡಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
