ಮತ್ತೆ ಸದ್ದು ಮಾಡ್ತಿದ್ದಾನೆ ನಾನು & ಗುಂಡ. ಗುಂಡನಿಗಾಗಿ 17 ವರ್ಷಗಳ ನಂತ್ರ ಆರ್.ಪಿ. ಪಟ್ನಾಯಕ್ ಮತ್ತೆ ಕನ್ನಡಕ್ಕೆ ಕಂಬ್ಯಾಕ್ ಮಾಡಿದ್ದಾರೆ. ಅದಕ್ಕೆ ಜೋಗಿ ಪ್ರೇಮ್ ಕೂಡ ಸಾಥ್ ನೀಡಿದ್ದು, ರಾಕೇಶ್ ಅಡಿಗ- ಗುಂಡನ ಜೋಶ್ ಹೇಗಿದೆ ಅನ್ನೋದನ್ನ ನಾವು ಹೇಳೋದಕ್ಕಿಂತ ನೀವೇ ಒಮ್ಮೆ ಕಣ್ತುಂಬಿಕೊಳ್ಳಿ.
ಮ್ಯಾನ್ ಆಫ್ ಮಲ್ಟಿ ಟ್ಯಾಲೆಂಟ್, ದಿ ಶೋಮ್ಯಾನ್ ಜೋಗಿ ಪ್ರೇಮ್ ಇತ್ತೀಚೆಗೆ ನಾನು & ಗುಂಡ-2 ಸಿನಿಮಾದ ಟೈಟಲ್ ಸಾಂಗ್ ಲಾಂಚ್ ಮಾಡಿದ್ರು. ಆ ಸಂದರ್ಭದಲ್ಲಿ ಶಿಷ್ಯ ರಘು ಹಾಸನ್ ಹೊಸ ಪ್ರಯೋಗ ಹಾಗೂ ಪ್ರಯತ್ನವನ್ನು ಕೊಂಡಾಡಿದ್ದಲ್ಲದೆ, ತಂಡಕ್ಕೆ ಶುಭ ಕೋರಿದ್ರು.
ಅಷ್ಟೇ ಅಲ್ಲ, ಪಹಲ್ಗಾಮ್ ಟೆರರ್ ಅಟ್ಯಾಕ್ ಬಗ್ಗೆ ಟೆರಿಫಿಕ್ ಆಗಿ ರಿಯಾಕ್ಟ್ ಮಾಡಿದ ಪ್ರೇಮ್, ಈ ಸಂದರ್ಭದಲ್ಲಿ ಸೆಂಟಿಮೆಂಟ್ ತೋರುವ ಅವಶ್ಯಕತೆಯಿಲ್ಲ. ಉಗ್ರರನ್ನ ಕತ್ತರಿಸಿ ಪೀಸ್ ಪೀಸ್ ಮಾಡಬೇಕು ಎಂದರು. ಹೇಡಿಗಳು ಅವರು ಎಂದ ಪ್ರೇಮ್, ಮೋದಿ ಸಾಹೇಬ್ರು ಹಂಡ್ರೆಡ್ ಪರ್ಸೆಂಟ್ ಹ್ಯಾಂಡಲ್ ಮಾಡ್ತಾರೆ ಅಂತ ಆ ಅಮಾನವೀಯ ಕೃತ್ಯದ ಬಗ್ಗೆ ಕಿಡಿಕಾರಿದರು.
ಜೋಶ್ ಖ್ಯಾತಿಯ ರಾಕೇಶ್ ಅಡಿಗ ಹಾಗೂ ರಚನಾ ಇಂದರ್ ಕಾಂಬೋನಲ್ಲಿ ನಾನು ಮತ್ತು ಗುಂಡ-2 ಸಿನಿಮಾ ಬರ್ತಿದೆ. ಮೊದಲ ಭಾಗದಲ್ಲಿ ಶಿವರಾಜ್ ಕೆ ಆರ್ ಪೇಟೆ ನೋಡುಗರ ಕಣ್ಣುಗಳನ್ನ ಒದ್ದೆಯಾಗಿಸಿದ್ದರು. ಆದ್ರೀಗ ಅದಕ್ಕಿಂತ ಹತ್ತು ಪಟ್ಟು ಬೆಸ್ಟ್ ಕ್ವಾಲಿಟಿ ಪ್ರಾಡಕ್ಟ್ನೊಂದಿಗೆ ಅದ್ರ ಸೀಕ್ವೆಲ್ ನಾನು & ಗುಂಡ-2 ಬರ್ತಿದೆ.
ವಿಭಿನ್ನವಾಗಿ ಕಾನ್ಸೆಪ್ಟ್ ಮಾಡಿ ಚಿತ್ರವನ್ನು ಅನೌನ್ಸ್ ಮಾಡಿದ್ರು ಸ್ಯಾಂಡಲ್ವುಡ್ನ ಮೋಸ್ಟ್ ಪ್ಯಾಷನೇಟ್ ಡೈರೆಕ್ಟರ್ ರಘು ಹಾಸನ್. ಹೌದು.. ಜೋಗಿ ಪ್ರೇಮ್ ಗರಡಿಯಲ್ಲಿ ಪಳಗಿರೋ ರಘು ಹಾಸನ್ ಅವರು ಈ ಸಿನಿಮಾಗೆ ಬಂಡವಾಳ ಹೂಡುವುದರ ಜೊತೆಗೆ ಡೈರೆಕ್ಷನ್ ಕೂಡ ಮಾಡಿದ್ದಾರೆ.
ಸದ್ಯ ನಾನು & ಗುಂಡ-2 ಚಿತ್ರದ ಟೈಟಲ್ ಸಾಂಗ್ನ ಪ್ರೇಮ್ ಜೊತೆ ಚಿತ್ರತಂಡವೆಲ್ಲಾ ಕೂಡಿ ಲಾಂಚ್ ಮಾಡಿದೆ. ರಘು ಹಾಸನ್ ಅವರೇ ಸಾಹಿತ್ಯ ಒದಗಿಸಿದ್ದು, ಖ್ಯಾತ ಸಂಗೀತ ಸಂಯೋಜಕ ಆರ್ ಪಿ ಪಟ್ನಾಯಕ್ ರಾಗ ಸಂಯೋಜನೆ ಮಾಡಿದ್ದಾರೆ. ಈ ಹಾಡಿನಿಂದಲೇ ಸಿನಿಮಾದ ಕ್ವಾಲಿಟಿ ಯಾವ ರೇಂಜ್ಗಿರಲಿದೆ ಅನ್ನೋದು ಎದ್ದು ಕಾಣ್ತಿದೆ.
ವಿಶೇಷ ಅಂದ್ರೆ ಟಾಲಿವುಡ್ನ ಸೆನ್ಸೇಷನಲ್ ಕಂಪೋಸರ್ ವಂಶಿ ಸಿನಿಮಾದ ಬಳಿಕ ಈ ಚಿತ್ರಕ್ಕೆ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ಹೌದು.. ಪಟ್ನಾಯಕ್ ಅವರು 17 ವರ್ಷಗಳ ನಂತ್ರ ಕನ್ನಡಕ್ಕೆ ಭರ್ಜರಿ ಕಂಬ್ಯಾಕ್ ಮಾಡಿದ್ದಾರೆ.
ಕನ್ನಡದ ಜೊತೆ ಪ್ಯಾನ್ ಇಂಡಿಯಾ ಸಿನಿಮಾ ಆಗಿ ಐದು ಭಾಷೆಗಳಲ್ಲಿ ನಾನು & ಗುಂಡ-2 ತೆರೆಗೆ ಬರ್ತಿರೋದು ಇಂಟರೆಸ್ಟಿಂಗ್.
