ಅಭಿನಯ ಚಕ್ರವರ್ತಿ ಬಾದ್ಷಾ ಕಿಚ್ಚ ಸುದೀಪ್ ಕುಟುಂಬದ ಕುಡಿ ಸಂಚಿತ್ ಬಣ್ಣದ ಲೋಕದಲ್ಲಿ ತನ್ನದೊಂದು ಸಾಮ್ರಾಜ್ಯ ಕಟ್ಟುತ್ತಿದ್ದಾರೆ. ಮ್ಯಾಂಗೋ ಪಚ್ಚನಾಗಿ ಪ್ರೇಕ್ಷಕರ ಮುಂದೆ ಅದೃಷ್ಠ ಪರೀಕ್ಷೆಗೆ ಬರ್ತಿದ್ದಾರೆ. ಇಂಟರೆಸ್ಟಿಂಗ್ ಅಂದ್ರೆ ಅವರ ಬೆನ್ನಿಗೆ ಇಡೀ ಚಿತ್ರರಂಗ ನಿಂತಿದೆ. ಹಿರಿಯರಿಂದ ಕಿರಿಯರ ತನಕ ಎಲ್ಲರೂ ವಿಶ್ ಮಾಡ್ತಿದ್ದಾರೆ. ಅದಕ್ಕೂ ಮೀರಿ ರಿಲೀಸ್ಗೂ ಮೊದ್ಲೇ ಪ್ರೀಮಿಯರ್ನಿಂದ ಸಂಚಿತ್ಗೆ ಪ್ರಶಂಸೆಗಳ ಸುರಿಮಳೆ ಆಗ್ತಿದೆ.
- ರಿಲೀಸ್ಗೂ ಮೊದ್ಲೇ ಕಿಚ್ಚನ ಪಚ್ಚನಿಗೆ ಪ್ರಶಂಸೆಗಳ ಸುರಿಮಳೆ
- ಸ್ಯಾಂಡಲ್ವುಡ್ನಲ್ಲಿ ಕಿಚ್ಚನ ಹುಡ್ಗ ಸಾಮ್ರಾಜ್ಯ ಕಟ್ಟೋಕೆ ರೆಡಿ
- ಫಾರಿನ್ನಲ್ಲಿ ಕೋರ್ಸ್ ಮಾಡಿ, ಆಫ್ಸ್ಕ್ರೀನ್ ಪಳಗಿದವರು
- ಮಗನಂತೆ ಲಾಂಚ್ ಮಾಡಿದ್ರು ಸುದೀಪ್-ಪ್ರಿಯಾ ಸುದೀಪ್
2000ನೇ ಇಸವಿಯಿಂದ 2010ರ ಕಾಲಘಟ್ಟದಲ್ಲಿ ಮೈಸೂರಿನಲ್ಲಿ ನಡೆದ ಒಂದಷ್ಟು ನೈಜ ಘಟನೆಗಳಿಗೆ ಸಿನಿಮಾ ರೂಪ ನೀಡಲಾಗಿದೆ. ಅದೇ ಮ್ಯಾಂಗೋ ಪಚ್ಚ. ವಿವೇಕ ನಿರ್ದೇಶನದ ಈ ಚಿತ್ರದ ಮೂಲಕ ಸುದೀಪ್ ಕುಟುಂಬದ ಕುಡಿ ಸಂಚಿತ್ ಬೆಳ್ಳಿಪರದೆಯಲ್ಲಿ ತಮ್ಮದೇ ಆದಂತಹ ಸಾಮ್ರಾಜ್ಯ ಕಟ್ಟಲು ಸಜ್ಜಾಗಿದ್ದಾರೆ. ಸಂಚಿತ್ಗೆ ಜೋಡಿಯಾಗಿ ಜಾಕಲ್ ಕುಂದರ್ ನಟಿಸಿದ್ದು, ಚಿತ್ರದಲ್ಲಿ ಭಾವನಾ ರಾಮಣ್ಣ, ಮಯೂರ್ ಪಟೇಲ್, ಉಗ್ರಂ ಮಂಜು, ಹಂಸ ನಂಜುಂಡಸ್ವಾಮಿ, ರಾಕ್ಲೈನ್ ವೆಂಕಟೇಶ್ ಸೇರಿದಂತೆ ದೊಡ್ಡ ತಾರಾಗಣವಿದೆ.
ಸುದೀಪ್ ಈ ಸಿನಿಮಾಗೆ ಸಿಕ್ಕಾಪಟ್ಟೆ ತಲೆ ಕೆಡಿಸಿಕೊಂಡು, ಒಂದಷ್ಟು ದೃಶ್ಯಗಳಿಗೆ ತಾವೇ ಆ್ಯಕ್ಷನ್ ಕಟ್ ಕೂಡ ಹೇಳಿದ್ದಾರಂತೆ. ಇಂಟರೆಸ್ಟಿಂಗ್ ಅಂದ್ರೆ ತಮ್ಮ ಸ್ವಂತ ಮಗನಂತೆ ಕಾಣುವ ಸಂಚಿತ್ನ ಸ್ವತಃ ಪ್ರಿಯಾ ಸುದೀಪ್ ಅವರೇ ಬಂಡವಾಳ ಹಾಕಿ, ಚಿತ್ರ ನಿರ್ಮಾಣ ಮಾಡಿದ್ದಾರೆ. ಸುಪ್ರಿಯಾನ್ವಿ ಪಿಕ್ಚರ್ ಸ್ಟುಡಿಯೋ ಬ್ಯಾನರ್ಗೆ ಕೆಆರ್ಜಿ ಕಾರ್ತಿಕ್ ಗೌಡ ಹಾಗೂ ಯೋಗಿ ಜಿ ರಾಜ್ ಕೂಡ ಸಾಥ್ ನೀಡಿದ್ದಾರೆ.
ಫಾರಿನ್ನಲ್ಲಿ ಫಿಲ್ಮ್ ಕೋರ್ಸ್ ಮಾಡಿಕೊಂಡು ಬಂದು, ಮಾವ ಸುದೀಪ್ ಜೊತೆ ಅಸಿಸ್ಟೆಂಟ್ ಡೈರೆಕ್ಟರ್ ಆಗಿಯೂ ಕೆಲಸ ಮಾಡಿದ್ರು ಸಂಚಿತ್ ಸಂಜೀವ್. ಮ್ಯಾಂಗೋ ಪಚ್ಚ ಚಿತ್ರದ ಮೂಲಕ ಹೀರೋ ಆಗೋಕೆ ಮುನ್ನ ಒಂದು ಶಾರ್ಟ್ ಫಿಲ್ಮ್ ಮಾಡಿ ತನ್ನ ನಟನಾ ಸಾಮರ್ಥ್ಯ ನಿರೂಪಿಸಿಕೊಂಡಿದ್ರು. ಇದೀಗ ಚಿತ್ರದ ಟೀಸರ್, ಸಾಂಗ್ಸ್, ಟ್ರೈಲರ್ ಗಮನ ಸೆಳೆದಿದ್ದು, ನಾಳೆಯಿಂದ ರಾಜ್ಯಾದ್ಯಂತ ಗ್ರ್ಯಾಂಡ್ ಆಗಿ ರಿಲೀಸ್ ಆಗ್ತಿದೆ ಮ್ಯಾಂಗೋ ಪಚ್ಚ.
ಸಿನಿಮಾ ರಿಲೀಸ್ಗೂ ಮೊದಲೇ ಮ್ಯಾಂಗೋ ಪಚ್ಚ ಚಿತ್ರವನ್ನ ಸುದೀಪ್ ದಂಪತಿ ಮಾಧ್ಯಮ ಲೋಕದ ಎಲ್ಲಾ ಪೇಪರ್ ಹಾಗೂ ನ್ಯೂಸ್ ಚಾನೆಲ್ಸ್ ಎಡಿಟರ್ಸ್ಗೆ ಸ್ಪೆಷಲ್ ಶೋ ಹಾಕಿ ತೋರಿಸಿದ್ದಾರೆ. ಅಷ್ಟೇ ಅಲ್ಲ, ರಾಕ್ಲೈನ್ ವೆಂಕಟೇಶ್, ತಾರಾ, ಮುನಿರತ್ನ, ಕೆ ಮಂಜು ಸೇರಿದಂತೆ ಚಿತ್ರರಂಗದ ಸಾಕಷ್ಟು ಮಂದಿಗೂ ಪ್ರೀಮಿಯರ್ ಶೋ ಮಾಡಿದ್ದಾರೆ. ನೋಡಿದವರೆಲ್ಲಾ ಸಂಚಿತ್ ನಟನೆಯನ್ನ ಹೊಗಳುತ್ತಿದ್ದು, ಸಿನಿಮಾ ಸಖತ್ ಫಾಸ್ಟ್ ಆಗಿ, ಎಲ್ಲೂ ಬೋರ್ ಆಗದಂತೆ ನೋಡುಗರನ್ನ ಎಂಗೇಜ್ ಆಗಿ ಇಡುತ್ತೆ ಎನ್ನಲಾಗ್ತಿದೆ.
ಕಿಚ್ಚ ಸುದೀಪ್ ಫೇವರಿಟ್ ಥಿಯೇಟರ್ಗಳು ಹಾಗೂ ಲಕ್ಕಿ ಸೆಂಟರ್ಗಳಲ್ಲೆಲ್ಲಾ ಮ್ಯಾಂಗೋ ಪಚ್ಚ ಬಿಡುಗಡೆ ಆಗ್ತಿದ್ದು, ಡಾ. ರಾಜ್ಕುಮಾರ್, ಅಂಬರೀಶ್, ವಿಷ್ಣುವರ್ಧನ್, ಶಂಕರ್ ನಾಗ್, ಅಪ್ಪು ಸೇರಿದಂತೆ ಹಿರಿಯರು, ಕಿರಿಯ ಸ್ಟಾರ್ಗಳ ತನಕ ಎಲ್ಲರ ಆಶೀರ್ವಾದ ಸಂಚಿತ್ಗೆ ಸಿಕ್ಕಿದೆ. ಇಂಡಸ್ಟ್ರಿಯ ಎಲ್ಲಾ ಸ್ಟಾರ್ಗಳು, ಸೂಪರ್ ಸ್ಟಾರ್ಗಳಿರೋ ವಿಶೇಷ ಫ್ಲೆಕ್ಸ್ಗಳನ್ನ ಬಹುತೇಕ ಚಿತ್ರಮಂದಿರಗಳಲ್ಲಿ ಹಾಕಲಾಗಿದ್ದು, ಡಿಬಾಸ್ ದರ್ಶನ್ ಕೂಡ ಆ ಫ್ಲೆಕ್ಸ್ನಲ್ಲಿರೋದು ಹೈಲೈಟ್.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
