ದೀಪಿಕಾ & ಆಲಿಯಾ ಸ್ಥಾನಕ್ಕೆ ಮಲ್ಲು ಕುಟ್ಟಿ ಮಮಿತಾ ಬೈಜು!

25 ವರ್ಷದ ಮಲಯಾಳಂ ಪೋರಿ ಬಾಲಿವುಡ್‌ನ ಘಟಾನುಘಟಿ ನಟಿಯರ ರೆಕಾರ್ಡ್‌ನ ಸರಿಗಟ್ಟಿದ್ದಾರೆ. ಯೆಸ್.. ಒಂದೇ ವರ್ಷದಲ್ಲಿ ಬರೋಬ್ಬರಿ ಮೂರು ಇನ್ನೂರು ಕೋಟಿ ಬಾಕ್ಸ್ ಆಫೀಸ್ ಕಲೆಕ್ಷನ್ ಸಿನಿಮಾಗಳನ್ನ ನೀಡೋ ಮೂಲಕ ಸಂಚಲನ ಮೂಡಿಸಿದ್ದಾರೆ.

ದೀಪಿಕಾ & ಆಲಿಯಾ ಸ್ಥಾನಕ್ಕೆ ಮಲ್ಲು ಕುಟ್ಟಿ ಮಮಿತಾ ಬೈಜು

ಒಂದೇ ವರ್ಷದಲ್ಲಿ ಮೂರು 200 ಕೋಟಿ+ ಬ್ಲಾಕ್‌‌ಬಸ್ಟರ್ಸ್

ಈಕೆ ನಿರ್ಮಾಪಕರ ಪಾಲಿನ ಅದೃಷ್ಟಲಕ್ಷ್ಮಿ.. ಸ್ಟಾರ್ಸ್ ಫೇವರಿಟ್

ಭಾರತೀಯ ಚಿತ್ರರಂಗದ ಮೋಸ್ಟ್ ಸೆನ್ಸೇಷನಲ್ ನಟಿ ಬೈಜು..!

ಮಮಿತಾ ಬೈಜು.. ಕೇರಳಾದ ಕೊಟ್ಟಾಯಂ ಚೆಲುವೆ. ಕಳೆದ ಒಂದು ದಶಕದಿಂದ ಚಿತ್ರರಂಗದಲ್ಲಿ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸ್ತಿದ್ರೂ ಸಹ 2024ರ ಪ್ರೇಮಲು ಚಿತ್ರದಿಂದ ಲೈಮ್‌ಲೈಟ್‌‌ಗೆ ಬಂದ ಪೋರಿ. ಮಲಯಾಳಂ ಜೊತೆ ತೆಲುಗು ಹಾಗೂ ತಮಿಳಿನಲ್ಲೂ ಡಿಮ್ಯಾಂಡ್ ಹೆಚ್ಚಿಸಿಕೊಂಡಿರೋ 25 ವರ್ಷದ ಈ ಗ್ಲಾಮರ್ ಡಾಲ್, ತನ್ನ ಮನೋಜ್ಞ ಅಭಿನಯದಿಂದಲೇ ಚಿತ್ರಪ್ರೇಮಿಗಳ ಜೊತೆ ಫಿಲ್ಮ್ ಮೇಕರ್‌‌ಗಳ ದಿಲ್ ಕೂಡ ದೋಚುತ್ತಿದ್ದಾರೆ.

ಇದೊಂದೇ ವರ್ಷದಲ್ಲಿ ಬರೋಬ್ಬರಿ ಮೂರು 200 ಕೋಟಿ ಪ್ಲಸ್ ಬಾಕ್ಸ್ ಆಫೀಸ್ ಕಲೆಕ್ಷನ್ ಮಾಡಿದ ಸಿನಿಮಾಗಳನ್ನ ನೀಡುವ ಮೂಲಕ ಸಂಚಲನ ಮೂಡಿಸಿದ್ದಾರೆ ಮಮಿತಾ ಬೈಜು. ಯೆಸ್.. ವಿಜಯ್ ಜೊತೆ ಜನನಾಯಗನ್, ಸೂರ್ಯ ನಟನೆಯ ವಿಶ್ವನಾಥ & ಸನ್ಸ್ ಸಿನಿಮಾ ಹಾಗೂ ನಿವಿನ್ ಪೌಲಿಯೊಟ್ಟಿಗಿನ ಬೆಥ್ಲೆಹೆಮ್ ಕುಟುಂಬ ಯುನಿಟ್ ಚಿತ್ರಗಳ ಮೂಲಕ ಎಲ್ಲರೂ ಈಕೆ ಬಗ್ಗೆ ಮಾತನಾಡಿಕೊಳ್ಳುವಂತಾಗಿದೆ. ಒಂದೇ ವರ್ಷದಲ್ಲಿ ಹೀಗೆ ಸಾಲು ಸಾಲು ಹಿಟ್ಸ್ ನೀಡುವ ಮೂಲಕ ದಾಖಲೆ ಬರೆದ ಇತ್ತೀಚಿನ ನಟಿಮಣಿಯರಲ್ಲಿ ಈಕೆ ಅಗ್ರಸ್ಥಾನದಲ್ಲಿದ್ದಾರೆ.

ಈ ಮೂಲಕ ಮಲಯಾಳಿ ಕುಟ್ಟಿ ಮಮಿತಾ ಬೈಜು.. ಬಾಲಿವುಡ್‌ನ ದೀಪಿಕಾ ಪಡುಕೋಣೆ ಹಾಗೂ ಆಲಿಯಾ ಭಟ್ ದಾಖಲೆ ಮಾಡಿ, ಅವ್ರೊಟ್ಟಿಗೆ ಸ್ಥಾನ ಹಂಚಿಕೊಂಡಿದ್ದಾರೆ. ಹೌದು.. 2013ರಲ್ಲಿ ದೀಪಿಕಾ ಏ ಜವಾನಿ ಹೇ ದಿವಾನಿ, ಚೆನ್ನೈ ಎಕ್ಸ್‌‌ಪ್ರೆಸ್ ಹಾಗೂ ರಾಮ್‌ಲೀಲಾ ಹೀಗೆ ಹ್ಯಾಟ್ರಿಕ್ 200 ಕ್ರೋರ್ ಕ್ಲಬ್ ಮೂವೀಸ್‌‌ ನೀಡಿದ್ರು. ಅದಾದ ಬಳಿಕ ಆಲಿಯಾ ಭಟ್ ಕೂಡ 2022ರಲ್ಲಿ ಗಂಗೂಬಾಯಿ, ತ್ರಿಬಲ್ ಆರ್ ಹಾಗೂ ಬ್ರಹ್ಮಾಸ್ತ್ರ ಸಿನಿಮಾಗಳಿಂದ ಅಂಥದ್ದೊಂದು ದಾಖಲೆ ಬರೆದಿದ್ದರು.

ಫ್ಲೋ…

ಬಾಲಿವುಡ್‌ನ ಇಂತಹ ಶ್ರೇಷ್ಠ ನಟಿಮಣಿಯರ ಸಾಲಿಗೆ ಮಮಿತಾ ಬೈಜು ಕೂಡ ಸೇರಿಕೊಂಡಿರೋದು ಖುಷಿಯ ವಿಚಾರ. ಅಷ್ಟೇ ಅಲ್ಲ.. ಬ್ಯಾಕ್ ಟು ಬ್ಯಾಕ್ ಐದೈದು ನೂರು ಕೋಟಿ ಕ್ಲಬ್ ಮೂವೀಸ್ ನೀಡಿದ ರೆಕಾರ್ಡ್ ಕೂಡ ಮಮಿತಾ ಹೆಸರಲ್ಲೇ ಇದೆ. ಸದ್ಯ ಈಕೆ ನಿರ್ಮಾಪಕರ ಪಾಲಿನ ಅದೃಷ್ಠಲಕ್ಷ್ಮೀ. ಈಕೆ ಸಿನಿಮಾದಲ್ಲಿ ಇದ್ರೆ ಸಾಕು.. ಆ ಸಿನಿಮಾ ಬ್ಲಾಕ್‌‌ಬಸ್ಟರ್ ಹಿಟ್ ಆಗೋದ್ರಲ್ಲಿ ಡೌಟೇ ಇಲ್ಲ ಅನ್ನುವಂತಾಗಿದೆ.

ಸದ್ಯ ಸೌತ್ ದುನಿಯಾದ ಮೋಸ್ಟ್ ಡಿಮ್ಯಾಂಡಿಂಗ್ & ಟ್ಯಾಲೆಂಟೆಡ್ ನಟಿಯಾಗಿ ಮಮಿತಾ ಮಿಂಚು ಹರಿಸುತ್ತಿದ್ದಾರೆ. ಈಗಲೂ ತಮಳಲ್ಲಿ ಎರಡು ಹಾಗೂ ಮಲಯಾಳಂನಲ್ಲಿ ಒಂದು ಸಿನಿಮಾದಲ್ಲಿ ಬ್ಯುಸಿಯಾಗಿದ್ದು, ಸಣ್ಣ ವಯಸ್ಸಿನಲ್ಲೇ ಇಷ್ಟು ದೊಡ್ಡ ಸಕ್ಸಸ್‌ನ ಎಂಜಾಯ್ ಮಾಡ್ತಿದ್ದಾರೆ. ನಮ್ಮ ಸೌತ್ ನಟಿ ದೇಶದಾದ್ಯಂತ ಹೀಗೆ ಸದ್ದು ಮಾಡ್ತಿರೋದು ನಿಜಕ್ಕೂ ಹೆಮ್ಮೆಯ ವಿಷಯ.