ಟಾಲಿವುಡ್ ಪ್ರಿನ್ಸ್ ಆಗಿ ತಮ್ಮ ವೃತ್ತಿಜೀವನವನ್ನು ಆರಂಭಿಸಿದ ಮಹೇಶ್ ಬಾಬು ಕೆಲವೇ ಸಮಯದಲ್ಲಿ ಸೂಪರ್ಸ್ಟಾರ್ ಆದವರು. ಬ್ಯಾಕ್ ಟು ಬ್ಯಾಕ್ ಬ್ಲಾಕ್ ಬಸ್ಟರ್ಗಳನ್ನು ಸಿನಿಮಾಗಳನ್ನು ನೀಡುವ ಮೂಲಕಬಹುಬೇಗ ತೆಲುಗು ಸಿನಿಮಾ ರಂಗದ ಟಾಪ್ ಸ್ಟಾರ್ ಆದವರು. ಟಿವಿಯಲ್ಲಿ ಮಹೇಶ್ ಬಾಬು ಸಿನಿಮಾಗೆ ಒಂದು ಸೆಪೆರೇಟ್ ಫ್ಯಾನ್ ಬೇಸ್ ಇದೆ. ಟಿವಿಯಲ್ಲಿ ಪದೇ ಪದೇ ಟೆಲಿಕಾಸ್ಟ್ ಆಗುವ ಕಲ್ಟ್ ಕ್ಲಾಸಿಕ್ಗಳಾಗಿ ಮಾರ್ಪಟ್ಟ ಸಿನಿಮಾಗಳ ಪಟ್ಟಿಯಲ್ಲಿ,ಮಹೇಶ್ ಬಾಬು ಟಾಪ್ನಲ್ಲಿದ್ದಾರೆ. ಈಗ, ಅವರ ‘ಅತಡು’ ಚಿತ್ರವು 1500ಕ್ಕೂ ಹೆಚ್ಚು ಬಾರಿ ಪ್ರಸಾರವಾಗುವ ಮೂಲಕ ಟಿವಿವಿಷನ್ ಲೋಕದಲ್ಲಿ ಹೊಸ ದಾಖಲೆ ಬರೆದಿದೆ.
ಸೂಪರ್-ಹಿಟ್ ಚಿತ್ರಗಳು ಸಹ 1,000 ಕ್ಕೂ ಹೆಚ್ಚು ಬಾರಿ ಪ್ರಸಾರವಾಗುವುದು ಅಪರೂಪ, ಆದರೆ ಮಹೇಶ್ ಬಾಬು ನಟಿಸಿರೋ ‘ಅತಡು’ ಈ ಮೈಲಿಗಲ್ಲನ್ನು ಸಾಧಿಸಿದೆ. ಸಾಕಷ್ಟು ಮಹೇಶ್ ಬಾಬು ಸಿನಿಮಾಗಳು ಟೆಲಿಕಾಸ್ಟ್ ಆಗ್ತಾ ಇದ್ರು, ಟಿವಿಯಲ್ಲಿ ಎಲ್ಲರ ನೆಚ್ಚಿನ ಸಿನಿಮಾವಾಗಿ ಅತುಡು ಇಷ್ಟು ಬಾರಿ ರಿ-ಟೆಲಿಕಾಸ್ಟ್ ಆಗಿದೆ. ʻಅತಡುʼ ಸಿನಿಮಾ ಪ್ರತಿ ಭಾನುವಾರ ಪ್ರಸಾರವಾಗದೆ ಅಪೂರ್ಣ ಅಂತಲೇ ಸ್ಟಾರ್ ವಾಹಿನಿ ಭಾವಿಸುವ ಆಲೋಚಿಸುವ ಸಮಯ ಒಂದಿತ್ತು. ಸ್ಟಾರ್ ಮಾ 1,500 ಬಾರಿ ಪ್ರಸಾರ ಮಾಡುವ ಮೂಲಕ ಈಗ ವಿಶ್ವ ದಾಖಲೆಯನ್ನು ಸೃಷ್ಟಿಸಿದೆ.
ಅದೇ ರೀತಿ, ತ್ರಿವಿಕ್ರಮ್ ಶ್ರೀನಿವಾಸ್, ಮಹೇಶ್ ಬಾಬು ಕಾಂಬಿನೇಷನ್ನ ‘ಖಲೇಜಾ’ ಸಿನಿಮಾ ಥಿಯೇಟರ್ರ್ನಲ್ಲಿ ಕಳಪೆ ಪ್ರದರ್ಶನದ ಹೊರತಾಗಿಯೂ ಟಿವಿಯಲ್ಲಿ, ಓಟಿಟಿಯಲ್ಲಿ ಜನರಿಂದ ಸಖತ್ ರೆಸ್ಪಾನ್ಸ್ ಪಡೆದುಕೊಳ್ತಿದೆ. ಅಷ್ಟೆ ಅಲ್ಲ ‘ಅತಡು’ ಟಿವಿಯಲ್ಲಿ ಇಷ್ಟು ಬಾರಿ ಪ್ರಸಾರವಾದಾಗಲೆಲ್ಲಾ, ದೊಡ್ಡ TRPಗಳಿಸೋ ಮೂಲಕ ಅದರಲ್ಲೂ ದಾಖಲೆ ಬರೆದಿದೆ.
‘ ಅತಡು’ ಸಿನಿಮಾವನ್ನು ಮುರಳಿ ಮೋಹನ್ ಜಯಭೇರಿ ಆರ್ಟ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಿಸಿದ್ದರು. ಈ ಚಿತ್ರವು 2005ರಲ್ಲಿ ಬಿಡುಗಡೆಯಾಗಿ ಬ್ಲಾಕ್ ಬಸ್ಟರ್ ಆಗಿತ್ತು.
