ಚಿತ್ರರಂಗದಲ್ಲಿ ಸ್ಟಾರ್ ನಟ-ನಟಿಯರಿಗೆ ಇರೋ ಕ್ರೇಜ್, ಫ್ಯಾನ್ ಫಾಲೋಯಿಂಗ್ ಬಗ್ಗೆ ನಾವೆಲ್ಲಾ ಕೇಳಿರ್ತೀವಿ. ಆದ್ರೆ ಇತ್ತೀಚಿನ ದಿನಗಳಲ್ಲಿ ಸ್ಟಾರ್‌ಗಳಿಗಿಂತ ಹೆಚ್ಚಾಗಿ ಅವರ ಜೊತೆಗಿರೋ ಬಾಡಿಗಾರ್ಡ್‌ಗಳೇ ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಸೆನ್ಸೇಷನ್ ಆಗ್ತಿದ್ದಾರೆ. ಹೌದು, ಈಗ ಬಾದ್‌ಷಾ,ಕಿಚ್ಚ ಸುದೀಪ್ ಅವರ ಬೆನ್ನ ಹಿಂದೆ ಬೆಟ್ಟದಂತೆ ನಿಂತಿದ್ದ ಆ ನಿಗೂಢ ವ್ಯಕ್ತಿಯೇ ಈಗ ಗಾಂಧಿನಗರದ ಹಾಟ್ ಟಾಪಿಕ್. ಯಾರು ಆ ಮಿಸ್ಟರಿ ಮ್ಯಾನ್? ಸ್ಟಾರ್‌ಗಳಿಗಿಂತ ಈ ಬಾಡಿಗಾರ್ಡ್‌ಗಳಿಗೇ ಯಾಕೆ ಫ್ಯಾನ್ಸ್ ಫಿದಾ ಆಗ್ತಿದ್ದಾರೆ..? ಇದರ ಇಂಟ್ರೆಸ್ಟಿಂಗ್‌ ಸ್ಟೋರಿ ಇಲ್ಲಿದೆ ನೋಡಿ..
- ರಾಮ್ ಚರಣ್ ಬಳಿಕ ಕಿಚ್ಚನ ಬಾಡಿಗಾರ್ಡ್ ಮೇಲೆ ಕಣ್ಣು..!
- ಮ್ಯಾಂಗೋ ಪಚ್ಚ ಹವಾ ನಡುವೆ ಜೋರಾದ ಬಾಡಿಗಾರ್ಡ್ ಸಸ್ಪೆನ್ಸ್
- ಸ್ಟಾರ್‌ಗಳನ್ನೇ ಮೀರಿಸ್ತಿದೆಯಾ ಬಾಡಿಗಾರ್ಡ್‌ಗಳ ಹೊಸ ಕ್ರೇಜ್..?
- ನಂಬಿಕಸ್ಥ ಕಿರಣ್ ಇರುವಾಗಲೇ ಈ ವಿದೇಶಿ ಹಲ್ಕ್ ಬಂದಿದ್ದು ಯಾಕೆ?
ತೆಲುಗು ಚಿತ್ರರಂಗದ ಮೆಗಾ ಸ್ಟಾರ್ ರಾಮ್ ಚರಣ್ ಅವರ ‘ಪೆದ್ದಿ’ ಸಿನಿಮಾದ ಪ್ರಚಾರ ಕಾರ್ಯಕ್ರಮದ ವೇಳೆ ಅವರ ನೆರಳಿನಂತೆ ನಿಂತಿದ್ದ ಹೊಸ ಬಾಡಿಗಾರ್ಡ್ ಕೆವಿನ್ ಕುಂಟಾ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸಂಚಲನ ಸೃಷ್ಟಿಸಿದ್ದರು. ರಾಮ್ ಚರಣ್ ಅವರ ಈ ಹೊಸ ಬಾಡಿಗಾರ್ಡ್ ಅಖಾಡಕ್ಕೆ ಇಳಿದಿದ್ದರ ಬಗ್ಗೆ ಇಂಟರ್ನೆಟ್‌ನಲ್ಲಿ ಚರ್ಚೆಗಳು ಇನ್ನೂ ಬಿಸಿ ಇರುವಾಗಲೇ, ಇತ್ತ ಕನ್ನಡದ ಬಾದ್‌ಷಾ ಕಿಚ್ಚ ಸುದೀಪ್ ಅವರ ಭದ್ರತಾ ಸಿಬ್ಬಂದಿ ಕುರಿತು ಈಗ ಇಡೀ ಸೌತ್ ಇಂಡಸ್ಟ್ರಿಯಲ್ಲಿ ಹೊಸದೊಂದು ಹೈ-ವೋಲ್ಟೇಜ್ ಕುತೂಹಲ ಭುಗಿಲೆದ್ದಿದೆ.
ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಇತ್ತೀಚೆಗೆ ಬೆಂಗಳೂರಿನ ಸಂತೋಷ್ ಥಿಯೇಟರ್‌ಗೆ ಭೇಟಿ ನೀಡಿದ್ದು ಈಗ ಭಾರಿ ಸೌಂಡ್ ಮಾಡ್ತಿದೆ. ಎಸ್, ‘ಮ್ಯಾಂಗೋ ಪಚ್ಚ’ ಸಿನಿಮಾ ವೀಕ್ಷಣೆಗಾಗಿ ಕಿಚ್ಚ ತಮ್ಮ ಇಡೀ ಕುಟುಂಬದೊಂದಿಗೆ ಸಖತ್ ಕ್ಲಾಸ್ ಆಗಿ ಎಂಟ್ರಿ ಕೊಟ್ಟಿದ್ದರು. ಆದರೆ, ಚಿತ್ರಮಂದಿರದಲ್ಲಿ ಸುದೀಪ್ ಅವರ ಸ್ಟಾರ್‌ಡಮ್ ನಡುವೆಯೂ ಅಲ್ಲಿ ನೆರೆದಿದ್ದವರ ಕಣ್ಣುಗಳು ಮಾತ್ರ ಕಿಚ್ಚನ ಹಿಂಭಾಗದಲ್ಲಿ ಕಾವಲುಗಾರನಂತೆ ನಿಂತಿದ್ದ ಆ ಬೃಹತ್ ಆಕಾರದ ವಿದೇಶಿ ವ್ಯಕ್ತಿಯ ಮೇಲಿತ್ತು. ಕಿಚ್ಚನ ಎಂಟ್ರಿಗಿಂತಲೂ ಹೆಚ್ಚಾಗಿ, ಆತನ ರಗಡ್ ಲುಕ್ ಇಡೀ ಥಿಯೇಟರ್‌ನಲ್ಲಿ ಒಂದು ಕ್ಷಣ ಸಸ್ಪೆನ್ಸ್ ಅಲೆ ಎಬ್ಬಿಸಿದ್ದು ಸುಳ್ಳಲ್ಲ.
ಇತ್ತೀಚಿನ ದಿನಗಳಲ್ಲಿ ಸಿನಿಮಾ ಸೆಲೆಬ್ರಿಟಿಗಳಿಗಿಂತ ಅವರ ಪರ್ಸನಲ್ ಬಾಡಿಗಾರ್ಡ್‌ಗಳೇ ಹೆಚ್ಚು ಲೈಮ್‌ಲೈಟ್ ಪಡಿತಾ ಇರೋದು ಹೊಸ ಟ್ರೆಂಡ್ ಆಗಿ ಬದಲಾಗಿದೆ. ಹೀರೋಗಳ ಖದರ್ ಒಂದು ಕಡೆಯಾದ್ರೆ, ಅವರ ಭದ್ರತೆಗೆ ನಿಲ್ಲೋ ಬಾಡಿಗಾರ್ಡ್‌ಗಳ ಆಟಿಟ್ಯೂಡ್, ಸ್ಟೈಲ್ ಮತ್ತು ಕಟೌಟ್ ನೋಡಿಯೇ ನೆಟ್ಟಿಗರು ಫಿದಾ ಆಗ್ತಿದ್ದಾರೆ. ಸ್ಟಾರ್‌ಗಳ ನೆರಳಿನಂತೆ ಇರೋ ಈ ಸೆಕ್ಯೂರಿಟಿ ಸಿಬ್ಬಂದಿ ಈಗ ಸೋಶಿಯಲ್ ಮೀಡಿಯಾದಲ್ಲಿ ರೇಂಜ್‌ಗೆ ವೈರಲ್ ಆಗ್ತಿದ್ದಾರೆ ಅಂದ್ರೆ, ಇವರ ಹವಾ ತಾರೆಗಳಿಗಿಂತ ಕಮ್ಮಿಯೇನಿಲ್ಲ ಅನ್ನೋ ಮಾತುಗಳು ಕೇಳಿಬರುತ್ತಿವೆ. ಅದಕ್ಕೇ ಪೂರಕ ಎಂಬಂತೆ ಈಗ ಕಿಚ್ಚ ಸುದೀಪ್ ಅವರ ಸೆಕ್ಯೂರಿಟಿ ಮ್ಯಾನ್ ಸೋಶಿಯಲ್ ಮೀಡಿಯಾದಲ್ಲಿ ಬಿರುಗಾಳಿ ಎಬ್ಬಿಸಿದ್ದಾನೆ.
ಕಿಚ್ಚ ಸುದೀಪ್ ಅವರಿಗೆ ಭದ್ರತೆಯ ವಿಚಾರಕ್ಕೆ ಬಂದರೆ ಕಳೆದ ಹಲವು ವರ್ಷಗಳಿಂದ ‘ಕಿಚ್ಚ ಕಿರಣ್’ ಅವರೇ ಸಾರ್ವಜನಿಕವಾಗಿ ನೆರಳಿನಂತೆ ಸಾಥ್ ನೀಡುತ್ತಾ ಬಂದಿದ್ದಾರೆ. ಅಭಿಮಾನಿಗಳ ಸಾಗರವನ್ನು ಸೀಳಿ ಕಿಚ್ಚನಿಗೆ ಶ್ರೀರಕ್ಷೆಯಾಗಿ ನಿಲ್ಲುವ ಜವಾಬ್ದಾರಿಯನ್ನು ಕಿರಣ್ ಅತ್ಯಂತ ಯಶಸ್ವಿಯಾಗಿ ನಿಭಾಯಿಸುತ್ತಿದ್ದಾರೆ. ಹೀಗಿರುವಾಗ, ಇದ್ದಕ್ಕಿದ್ದಂತೆ ಸಂತೋಷ್ ಥಿಯೇಟರ್‌ನಲ್ಲಿ ಕಿರಣ್ ಜೊತೆಗೆ ಈ ಹೊಸ ವಿದೇಶಿ ಶಕ್ತಿ ಪ್ರತ್ಯಕ್ಷನಾಗಿದ್ದು ಯಾಕೆ ಎಂಬ ಗಂಭೀರ ಚರ್ಚೆ ಈಗ ಸ್ಯಾಂಡಲ್‌ವುಡ್ ಅಂಗಳದಲ್ಲಿ ಹರಿದಾಡುತ್ತಿದೆ.
ಕಿಚ್ಚ ಸುದೀಪ್ ಅವರ ಪರ್ಸನಾಲಿಟಿಯೇ ಅದ್ಭುತ, ಬರೋಬ್ಬರಿ 6.1 ಅಡಿ ಎತ್ತರ ಇರೋ ಕಿಚ್ಚನ ಪಕ್ಕದಲ್ಲಿ ನಿಲ್ಲೋಕೆ ಬೇರೆ ನಟರೇ ಯೋಚನೆ ಮಾಡ್ತಾರೆ. ಆದರೆ ಕಿಚ್ಚನ ಹಿಂದೆ ನಿಂತಿದ್ದ ಆ ಮಿಸ್ಟರಿ ಮ್ಯಾನ್, ಸ್ವತಃ ಸುದೀಪ್ ಅವರಿಗಿಂತಲೂ ಎತ್ತರ ಮತ್ತು ಬಲಿಷ್ಠವಾಗಿ ಕಾಣಿಸುತ್ತಿದ್ದುದು ನೆಟ್ಟಿಗರ ನಿದ್ದೆಗೆಡಿಸಿದೆ. ಆ ಅಜ್ಞಾತ ವಿದೇಶಿ ವ್ಯಕ್ತಿ ಕೇವಲ ತಾತ್ಕಾಲಿಕವಾಗಿ ಬಂದಿದ್ದಾನಾ ಅಥವಾ ಕಿಚ್ಚನ ಪರ್ಸನಲ್ ಸೆಕ್ಯೂರಿಟಿ ಟೀಮ್‌ಗೆ ಸೇರಿರೋ ಹೊಸ ಇಂಟರ್ನ್ಯಾಷನಲ್ ಬಾಡಿಗಾರ್ಡ್ ಆ? ಅನ್ನೋ ಸಸ್ಪೆನ್ಸ್ ಸದ್ಯಕ್ಕೆ ಥ್ರಿಲ್ಲರ್ ಸಿನಿಮಾದಂತೆ ಮುಂದುವರಿದಿದೆ.
