ಮಾಣಿಕ್ಯ ಚಿತ್ರದಲ್ಲಿ 2ನೇ ಹೀರೋಯಿನ್ ರನ್ಯಾ ರಾವ್ ಅನ್ನೋ ಸುಂದರಿ, ಈಗ ಅರೆಸ್ಟ್ ಆಗಿದ್ದಾರೆ. ನೋಡೋಕೆ ಸಖತ್ ಗ್ಲಾಮರಸ್‌ ಆಗಿರೋ ಈ ನಟಿ, ಕೇವಲ ನಟಿಯಷ್ಟೇ ಅಲ್ಲ, ಈಕೆಯ ತಂದೆ ಒಬ್ಬ ಡಿಜಿಪಿ. ಈಕೆಯ ತಂದೆಯ ಹೆಸರು ಡಿಜಿಪಿ ರಾಮಚಂದ್ರರಾವ್. ಮೂಲತಃ ಆಂಧ್ರಪ್ರದೇಶದ ಇವರಿಗೆ ಇಬ್ಬರು ಪತ್ನಿಯರು. ಇವರಲ್ಲಿ ಮೊದಲನೇ ಹೆಂಡತಿಯ ಮಗಳು ರನ್ಯಾ ರಾವ್. ಈಕೆಗೆ ಹರ್ಷವರ್ಧಿನಿ ಅಂತಾ ಇನ್ನೊಂದು ಹೆಸರೂ ಇದೆ. ಇದೀಗ ಹೆಚ್ಚೂ ಕಡಿಮೆ 15 ಕೆಜಿ ಚಿನ್ನ ಸ್ಮಗ್ಲಿಂಗ್ ಮಾಡಿದ ಕೇಸಿನಲ್ಲಿ ಅರೆಸ್ಟ್ ಆಗಿರೋ ಈಕೆಯನ್ನು ಪೊಲೀಸರು ಟ್ರಾಪ್ ಮಾಡಿದ್ದೇ ರೋಚಕ.
ಪೊಲೀಸರು ರನ್ಯಾರನ್ನು ಟ್ರಾಕ್ ಮಾಡಿ, ಟ್ರಾಪ್ ಮಾಡೋದಿಕ್ಕೆ ಕಾರಣಾನೂ ಇದೆ. ಈಕೆಯ ಒಂದು ದೌಲತ್ತಿನ ವರ್ತನೆ, ಈಕೆಯ ಮೇಲೆ ಕಸ್ಟಮ್ಸ್ ಮತ್ತು ಪೊಲೀಸರು ಇಬ್ಬರೂ ಕಣ್ಣಿಡೋ ಹಾಗೆ ಮಾಡ್ತು. ರನ್ಯಾ ರಾವ್ ಅವರು ನಟಿಸಿರೋದು ಮೂರೇ ಮೂರು ಚಿತ್ರಗಳಲ್ಲಾದ್ರೂ, ಈಕೆ ವಾಸ ಮಾಡ್ತಿರೋದು ಲ್ಯಾವೆಲ್ಲೆ ರಸ್ತೆಯ ಐಷಾರಾಮಿ ಅಪಾರ್ಟ್‌ಮೆಂಟಿನಲ್ಲಿ. ಆ ಫ್ಲ್ಯಾಟಿನ ಬಾಡಿಗೆ ತಿಂಗಳಿಗೆ ನಾಲ್ಕೂವರೆ ಲಕ್ಷ.
ಇನ್ನು ಪೊಲೀಸರು ಟ್ರಾಕ್ ಮಾಡಿದ್ದು ಏಕೆ ಅಂತಂದ್ರೆ, ಈ ರನ್ಯಾ ದುಬೈಗೆ ಹೋಗೋದು ಬರೋದು ಕಾಮನ್ ಆಗಿತ್ತು. ಹಾಗೆ ದುಬೈನಿಂದ ಬಂದಾಗಲೆಲ್ಲ ಸೆಕ್ಯುರಿಟಿ ಚೆಕಪ್ ಮಾಡೋಕೆ ಬಂದವ್ರಿಗೆ ನಾನು ಡಿಜಿಪಿ ಮಗಳು, ಗೊತ್ತಾ ಎಂದು ಅವಾಜ್ ಹಾಕಿನೇ ಹೋಗ್ತಾ ಇದ್ದ ರನ್ಯಾರನ್ನ, ಸುಮಾರು 15 ದಿನಗಳ ಹಿಂದೆ ಇದೇ ಕೆಂಪೇಗೌಡ ಏರ್ ಪೋರ್ಟಿನಲ್ಲಿ ಸೆಕ್ಯುರಿಟಿ ಚೆಕ್ ಮಾಡಲಾಗಿತ್ತು. ಆಗ ದೊಡ್ಡ ರಾದ್ಧಾಂತವನ್ನೇ ಸೃಷ್ಟಿಸಿದ್ದ ರನ್ಯಾ, ಏರ್ ಪೋರ್ಟಿನ ಸೆಕ್ಯುರಿಟಿಯವರಿಗೆ ಅವಾಜ್ ಹಾಕಿದ್ದರಂತೆ. ಆವತ್ತು ಹೋಗಲಿ ಎಂದು ಬಿಟ್ಟಿದ್ದ ಪೊಲೀಸರು, ರನ್ಯಾ ಅವರ ಟ್ರಾವೆಲ್ ಹಿಸ್ಟರಿ ಚೆಕ್ ಮಾಡಿದ್ದಾರೆ. ಆಗ ಈ ರನ್ಯಾ, ತಿಂಗಳಿಗೆ ಮಿನಿಮಮ್ ಎರಡು ಸಲ, ಮೂರು ಸಲ ದುಬೈಗೆ ಹೋಗಿ ಬರ್ತಿರೋದು ಗೊತ್ತಾಗಿದೆ.
ರನ್ಯಾ ರಾವ್ ಅವರಿಗೆ ದುಬೈನಲ್ಲಿ ನೆಂಟರು, ಸಂಬಂಧಿಕರು ಅಂತಾ ಯಾರೂ ಇಲ್ಲ. ಹೋಗ್ಲಿ ಅಂದ್ರೆ, ಬಿಸಿನೆಸ್ ಕೂಡಾ ಇಲ್ಲ. ಯಾಕ್ ಹೋಗ್ತಿದ್ದಾರೆ ಅನ್ನೋದನ್ನ ಚೆಕ್ ಮಾಡಿದ್ದಾಗ, ಕಸ್ಟಮ್ಸಿನವರಿಗೆ ಅನುಮಾನದ ವಾಸನೆ ಬಂದಿದೆ. ಅಲ್ಲದೆ ಪ್ರತೀ ಬಾರಿ ಏರ್ ಪೋರ್ಟಿಗೆ ಹೋಗಿ ಬಂದಾಗ್ಲೂ, ಬಸವರಾಜ್ ಅನ್ನೋ ಕಾನ್‌ಸ್ಟೇಬಲ್, ರಿಸೀವ್ ಮಾಡೋಕೆ ಬರ್ತಾ ಇದ್ದ ವಿಷಯ ಕೂಡಾ ಗೊತ್ತಾಗಿದೆ. ಇನ್ನು ಈ ವರ್ಷದ ಜಸ್ಟ್ 2 ತಿಂಗಳಲ್ಲೇ 10 ಸಲ ದುಬೈಗೆ ಹೋಗಿ ಬಂದಿರೋದು ಗೊತ್ತಾಗಿದೆ.
ಅದಾದ ನಂತರ ಮತ್ತೊಂದ್ಸಲ ದುಬೈಗೆ ಹೋಗಿ ಬಂದಾಗ, ಒನ್ಸ್ ಎಗೇನ್ ಸೆಕ್ಯುರಿಟಿಯವರು ಚೆಕಿಂಗ್‌ ಮಾಡಿಸಿಕೊಳ್ಳೋಕೆ ಹೇಳಿದ್ದಾರೆ. ಯಾವಾಗ ರನ್ಯಾ, ಮತ್ತೊಮ್ಮೆ ಅವಾಜ್ ಹಾಕೋಕೆ ಮುಂದಾದ್ರೋ, ಮೆಟಲ್ ಡಿಟೆಕ್ಟರಿನಲ್ಲಿ ಚೆಕ್ ಮಾಡಿದ್ದಾರೆ. ಆಗ ರನ್ಯಾ ಅವರ ಬೆಲ್ಟಿನಲ್ಲಿ 14.8 ಕೆಜಿ ಚಿನ್ನ ಇದ್ದದ್ದು ಪತ್ತೆಯಾಗಿದೆ. ಅಲ್ಲದೆ ಆಕೆಯ ಮನೆಯಲ್ಲಿ ಎರಡೂವರೆ ಕೋಟಿ ರೂ. ಕ್ಯಾಷ್ ಕೂಡಾ ಸಿಕ್ಕಿದೆ. ಸದ್ಯಕ್ಕೆ ರನ್ಯಾ ರಾವ್, ನ್ಯಾಯಾಂಗ ಬಂಧನದಲ್ಲಿದ್ದಾರೆ.
ಇನ್ನು ಈಕೆಯ ತಂದೆ ಡಿಜಿಪಿ ಕೆ.ರಾಮಚಂದ್ರರಾವ್ ಅವರದ್ದೂ ಕೂಡಾ ಗೋಲ್ಡ್ ಹಿಸ್ಟರಿ ಇದೆ. ಇವರು ಮೈಸೂರಿನಲ್ಲಿ ಕೆಲಸ ಮಾಡ್ತಿದ್ಧಾಗ ಕೇರಳ ಉದ್ಯಮಿಯೊಬ್ಬರಿಂದ 2 ಕೋಟಿ ಗೋಲ್ಡ್ ಸೀಝ್ ಮಾಡಿ, ರೆಕಾರ್ಡುಗಳಲ್ಲಿ ಕೇವಲ 20 ಲಕ್ಷದ ಗೋಲ್ಡ್ ಸೀಝ್ ಮಾಡಿದ ಆರೋಪ ಎದುರಿಸ್ತಾ ಇದ್ದಾರೆ. ಆ ಕೇಸಿನಲ್ಲಿ ರಾಮಚಂದ್ರ ರಾವ್ ಅವರ ಗನ್ ಮ್ಯಾನ್ ವಿರುದ್ಧ ಚಾರ್ಜ್‌ ಶೀಟ್ ದಾಖಲಾಗಿತ್ತು. ಈಗ ರಾಮಚಂದ್ರರಾವ್ ಮಗಳು ರನ್ಯಾ ರಾವ್ ಕೂಡಾ ಗೋಲ್ಡ್ ಸ್ಮಗ್ಲಿಂಗ್ ಕೇಸಿನಲ್ಲಿ ಸಿಕ್ಕಿಬಿದ್ದಿರೋದು ವಿಚಿತ್ರ.
