ಕೀರ್ತಿ ಪಾಟೀಲ್, ಫಿಲ್ಮ್ ಬ್ಯೂರೋ, ಗ್ಯಾರಂಟಿ ನ್ಯೂಸ್
ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ರೈಟರ್,ಡೈರೆಕ್ಟರ್ ಅಂಡ್ ನಾಯಕರೂ ಹೌದು. ಸದ್ಯ ಕಾಂತಾರ ರಿಲೀಸ್ ಆಗಿ ಒಂದು ತಿಂಗಳು ಕಳೆಯುತ್ತಾ ಬಂದರೂ ತನ್ನ ನಾಗಾಲೋಟ ಮುಂದುವರಿಸಿದೆ. ಇದರ ನಡುವೆ ಹೊಂಬಾಳೆ ಸಂಸ್ಥೆ ರಿಷಬ್ ಮಾಯಕಾರನಾಗಿ ಕಾಣಿಸಿಕೊಂಡಿದ್ದು ಹೇಗೆ..? ಈ ಪಾತ್ರದ ಹಿಂದಿನ ಅಸಲಿ ಪರಿಶ್ರಮ ಹೇಗಿತ್ತು ಅನ್ನೋದರ ಝಲಕ್ ಹೇಗಿದೆ..? ಎಂಬುದರ ಕಂಪ್ಲೀಟ್ ಸ್ಟೋರಿ ಇಲ್ಲಿದೆ ನೋದಿ.
ರಿಷಬ್ ಇವತ್ತು ಸೂಪರ್ ಸ್ಟಾರ್ ಆಗಿದ್ದಾರೆ. ಆದ್ರೆ ಅವರು ಮೊದಲ ನಿರ್ದೇಶನದ ರಿಕ್ಕಿ ಸಿನಿಮಾಗೆ ಅಂತ ದೊಡ್ಡ ಸಕ್ಸಸ್ ಸಿಗಲಿಲ್ಲ. ಕಿರಿಕ್ ಪಾರ್ಟಿ ಒಳ್ಳೆ ಹೆಸರು ತಂದು ಕೊಡ್ತು. ಬೆಲ್ ಬಾಟಂ ಚಿತ್ರ ನಾಯಕರಾಗಿಯೇ ಹೆಸರು ತಂದು ಕೊಡ್ತು. ಆದರೆ, ಪ್ಯಾನ್ ಇಂಡಿಯಾ ಮಟ್ಟಕ್ಕೆ ಹೆಸರು ತಂದುಕೊಟ್ಟದ್ದು ಮಾತ್ರ ಕಾಂತಾರ ಚಿತ್ರ. ಅಲ್ಲಿಂದ ರಿಷಬ್ ಹಿಂದೆ ತಿರುಗಿ ನೋಡ್ಲೆ ಇಲ್ಲ. ಅಂದಹಾಗೆ ಕಾಂತಾರ ಸಿನಿಮಾದಲ್ಲಿ ರಿಷಬ್ ಶೆಟ್ರು ನಾಯಕರೂ, ನಿರ್ದೇಶಕರೂ ಸಾಲದಕ್ಕೆ ಅಂತ ಒಂದಲ್ಲ ಎರಡು ರೋಲ್ ಮಾಡಿದ್ದಾರೆ.
ರಿಷಬ್ ಮಾಯಕಾರನಾಗಲು ಬೇಕಾಯ್ತು 6 ಗಂಟೆ..!
ಅಪರೂಪದ ವಿಡಿಯೋ ಹಂಚಿಕೊಂಡ ಹೊಂಬಾಳೆ ಸಂಸ್ಥೆ
ಎಸ್, ಕಾಡುಬೆಟ್ಟು ಶಿವನ ಪಾತ್ರದಲ್ಲಿ ರಿಷಬ್ ಕಾಣಿಸಿಕೊಂಡಿದ್ದಾರೆ. ಶಿವನ ಅಪ್ಪ ಅಣ್ಣಪ್ಪನ ರೋಲ್ ಕೂಡ ಇವರೇ ಮಾಡಿದ್ದಾರೆ. ಅನೇಕರಿಗೆ ಆ ಪಾತ್ರವನ್ನು ಮಾಡಿದ್ದು ರಿಷಬ್ ಅವರೇ ಎಂಬ ಸಣ್ಣ ಸುಳಿವೂ ಸಿಕ್ಕಿರಲಿಲ್ಲ. ಸದ್ಯ ಚಿತ್ರತಂಡದವರೇ ವಿಡಿಯೋ ರಿಲೀಸ್ ಮಾಡಿದ್ಮೇಲೆ ನೆಟ್ಟಿಗರು ಆಶ್ಚರ್ಯ ವ್ಯಕ್ತಪಡಿಸುತಿದ್ದಾರೆ. ಕಾಂತಾರ ಚಾಪ್ಟರ್ 1 ಆರಂಭದಲ್ಲಿ ಹಾಗೂ ಕ್ಲೈಮ್ಯಾಕ್ಸ್ನಲ್ಲಿ ಒಂದು ಪಾತ್ರ ಬರುತ್ತೆ. ಅದುವೇ ಮಾಯಕಾರ ರಿಷಬ್ಗೆ ಸಹಾಯ ಮಾಡುವ ಪಾತ್ರ ಇದಾಗಿದೆ. ಇದನ್ನು ಮಾಡಿದ್ದು ಯಾರು ಎಂಬ ವಿಚಾರ ಅನೇಕರಿಗೆ ಗೊತ್ತಿರಲಿಲ್ಲ. ಈಗ ಸಿನಿಮಾ 25 ದಿನ ಪೂರೈಸಿದ ಹಿನ್ನೆಲೆಯಲ್ಲಿ ಹೊಂಬಾಳೆ ಈ ವಿಶೇಷ ವಿಡಿಯೋನ ಹಂಚಿಕೊಂಡಿದೆ.
ರಿಷಬ್ ಶೆಟ್ಟಿ ಸೆಟ್ಗೆ ಬೆಳಿಗ್ಗೆ 3 ಗಂಟೆಗೆ ಎದ್ದು ಬರ್ತಿದ್ರು. ನಂತರ ಸುಮಾರು ಆರು ಗಂಟೆಗಳ ನಿರಂತರ ಪರಿಶ್ರಮದೊಂದಿಗೆ ರಿಷಬ್ ಅವರು ಮಾಯಕಾರನಾಗಿ ಬದಲಾಗುತ್ತಾರೆ. ಅದೆಷ್ಟು ಬದಲಾಗಿದ್ದರು ಎಂದರೆ ರಿಷಬ್ ಎಂದು ಗುರುತಿಸಲೂ ಸಾಧ್ಯವಾಗದಷ್ಟು. ಈಗ ಈ ವಿಡಿಯೋ ನೋಡಿದ ಬಳಿಕ ಅನೇಕರು ಅಚ್ಚರಿ ಹೊರಹಾಕಿದ್ದಾರೆ. ರಿಷಬ್ ತೋರಿದ ಸಮರ್ಪಣೆ ಬಗ್ಗೆ ಅನೇಕರು ಮೆಚ್ಚುಗೆ ಸೂಚಿಸಿದ್ದಾರೆ. ಮಾಯಕಾರನಾಗಿ ಬೇರೆ ಕಲಾವಿದ ಅಭಿನಯಿಸಬಹುದಿತ್ತು ಆದರೆ, ಈ ಪಾತ್ರವನ್ನು ರಿಷಬ್ ಮಾಡಿದ್ದು ತೂಕ ಹೆಚ್ವಿಸಿದೆ.
25 ದಿನ ಪೂರೈಸಿದ ಕಾಂತಾರಗೆ ಡಬಲ್ ಡಿಜಿಟ್ ಕಲೆಕ್ಷನ್
ಸಾವಿರ ಕೋಟಿಗೆ ಸನಿಹ.. ಕಾಂತಾರ ಕನ್ನಡಕ್ಕೆ ಗರಿಮೆ..!
ಇಂಟೆರೆಸ್ಟಿಂಗ್ ಅಂದ್ರೆ ಈ ಪಾತ್ರಕ್ಕೆ ಟೆಕ್ನಾಲಜಿ ಟಚ್ ಇದೆ. ಹಾಗಾಗಿಯೇ ದೇಹದ ತೂಕ ಸಂಪೂರ್ಣವಾಗಿ ಇಳಿದು ಹೋಗಿದೆ. ಸಡನ್ ಆಗಿ ಇವರು ರಿಷಬ್ ಅಂತ ಗೊತ್ತೇ ಆಗೋದಿಲ್ಲ. ಹಾಗಾಗಿಯೇ ರಿಷಬ್ ಶೆಟ್ರು ಇಲ್ಲಿ ಒಂದೇ ಪಾತ್ರ ಮಾಡಿದ್ದಾರೆ ಅನಿಸುತ್ತದೆ. ಅಸಲಿ ಸತ್ಯ ಏನಂದ್ರೆ ಶೆಟ್ರು ಡಬಲ್ ರೋಲ್ ನಲ್ಲಿ ಕಮಾಲ್ ಮಾಡಿರೋದು. ಇನ್ನು ಕಾಂತಾರ 1 ಚಿತ್ರಕ್ಕಾಗಿ ರಿಷಬ್ ಶೆಟ್ರು ಟೀಮ್ ಮೂರು ವರ್ಷ ಕೆಲಸ ಮಾಡಿದೆ. ಸಾವಿರಕ್ಕೂ ಹೆಚ್ಚು ಜನ ಈ ಚಿತ್ರಕ್ಕೆ ದುಡಿದಿದ್ದಾರೆ. ಸಾಕಷ್ಟು ಶ್ರಮದ ಫಲವೇ ಕಾಂತಾರ ಒನ್ ಚಿತ್ರ ರೆಡಿ ಆಗಿದೆ.
ಇನ್ನು ಕಾಂತಾರ ಚಾಪ್ಟರ್ 1 ಚಿತ್ರ ರಿಲೀಸ್ ಆಗಿ 25 ದಿನಗಳು ಕಳೆದಿವೆ. ಈ ಸಿನಿಮಾ ವಿಶ್ವ ಬಾಕ್ಸ್ ಆಫೀಸ್ನಲ್ಲಿ ಬರೋಬ್ಬರಿ 850 ಕೋಟಿ ಕಲೆಕ್ಷನ್ ಮಾಡಿದೆ. ಕನ್ನಡ ಹಾಗೂ ಹಿಂದಿ ಎರಡೂ ಭಾಷೆಗಳಲ್ಲಿ ಸಿನಿಮಾ ದಾಖಲೆ ಬರೆದಿದ್ದು ಈ ಚಿತ್ರ ಇವೆರಡೂ ಭಾಷೆಯಲ್ಲಿ 200+ ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ಇದು ಕನ್ನಡ ಚಿತ್ರರಂಗದ ಪಾಲಿಗೆ ನಿಜಕ್ಕೂ ಹೆಮ್ಮೆಯೇ ಸರಿ. ಕಾಂತಾರ 1ವಿಶ್ವ ಬಾಕ್ಸ್ ಆಫೀಸ್ನಲ್ಲಿ 1000 ಕೋಟಿ ಗಳಿಕೆ ಮಾಡುವ ಎಲ್ಲಾ ಸಾಧ್ಯತೆ ಇದೆ
