ಬಿಗ್ಬಾಸ್ ಕನ್ನಡ ಸೀಸನ್ 10ರ ಸ್ಪರ್ಧಿಯಾಗಿ ಗುರುತಿಸಿಕೊಂಡಿದ್ದ ಇಶಾನಿ ಮತ್ತೆ ಸುದ್ದಿಯಲ್ಲಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಬೋಲ್ಡ್ ಫೋಟೋಗಳಿಂದ ಸದ್ದು ಮಾಡಿದ್ದ ಈ ರ್ಯಾಪರ್-ನಟಿ, ತಮ್ಮ ಇತ್ತೀಚಿನ ಆಲ್ಬಂ ಸಾಂಗ್ “ಸ್ವೇ” ಮೂಲಕ ಅಭಿಮಾನಿಗಳನ್ನು ರಂಜಿಸಿದ್ದಾರೆ. ಈ ಹಾಡಿನಲ್ಲಿ ಇಶಾನಿಯ ಜೊತೆಗೆ ಗಟ್ಟಿಮೇಳ ಮತ್ತು ನಂದಗೋಕುಲ ಖ್ಯಾತಿಯ ನಟ ಅಭಿದಾಸ್ ಕಾಣಿಸಿಕೊಂಡಿದ್ದಾರೆ, ಇವರಿಬ್ಬರ ಕೆಮಿಸ್ಟ್ರಿ ವೀಕ್ಷಕರನ್ನು ಕ್ಲೀನ್ ಬೋಲ್ಡ್ ಮಾಡಿದೆ.
ಮೈಸೂರು ಮೂಲದ ಇಶಾನಿ ದುಬೈನಲ್ಲಿ ಬೆಳೆದವರು. ಕನ್ನಡ ಮತ್ತು ಇಂಗ್ಲಿಷ್ನಲ್ಲಿ 16ಕ್ಕೂ ಹೆಚ್ಚು ಹಾಡುಗಳನ್ನು ಹಾಡಿರುವ ಇವರು, ಸ್ವತಃ ತಮ್ಮ ಹಾಡುಗಳಿಗೆ ಸಾಹಿತ್ಯವನ್ನೂ ಬರೆಯುತ್ತಾರೆ. ಈ ಪ್ರತಿಭೆಯೇ ಇಶಾನಿಯನ್ನು ಬಿಗ್ಬಾಸ್ ವೇದಿಕೆಗೆ ಕರೆತಂದಿತ್ತು. ಕೆಲವು ತಿಂಗಳು ಸುದ್ದಿಯಿಂದ ದೂರವಿದ್ದ ಇಶಾನಿ, ಈಗ “ಸ್ವೇ” ಆಲ್ಬಂ ಸಾಂಗ್ನೊಂದಿಗೆ ಮತ್ತೆ ಟ್ರೆಂಡಿಂಗ್ನಲ್ಲಿದ್ದಾರೆ.
ಈ ಹಾಡಿನ ವಿಶೇಷತೆಯೆಂದರೆ ಇಶಾನಿ ಮತ್ತು ಅಭಿದಾಸ್ರ ಆಕರ್ಷಕ ತಾರುಣ್ಯದ ಲುಕ್. ಇಂಗ್ಲಿಷ್ ಭಾಷೆಯ ಈ ರ್ಯಾಪ್ ಸಾಂಗ್ನಲ್ಲಿ ಇಶಾನಿಯ ಶಕ್ತಿಯುತ ಗಾಯನ ಮತ್ತು ಅಭಿದಾಸ್ರ ಹಾಟ್ ಲುಕ್ನ ಸಂಯೋಜನೆಯು ಅಭಿಮಾನಿಗಳ ಮನಗೆದ್ದಿದೆ. ವಿಡಿಯೋದ ದೃಶ್ಯ ಸಂಯೋಜನೆ ಮತ್ತು ಫ್ಯಾಶನ್ಬಲ್ ತಾರೆಯರ ನೃತ್ಯ ಚಲನೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.
ಇಶಾನಿ-ಅಭಿದಾಸ್ ಜೋಡಿಯ ಈ ಹೊಸ ಸಾಂಗ್ಗೆ ತಾರೆಯರು, ಅಭಿಮಾನಿಗಳು ಮತ್ತು ಕನ್ನಡ ಚಿತ್ರರಂಗದ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಆಲ್ಬಂ ಸಾಂಗ್ ಇಶಾನಿಯ ಸಂಗೀತ ಪಯಣದಲ್ಲಿ ಮತ್ತೊಂದು ಮೈಲಿಗಲ್ಲು ಎಂದು ಅಭಿಮಾನಿಗಳು ಭಾವಿಸಿದ್ದಾರೆ.
