ಸಿಂಗಲ್ ಟೀಸರ್ನಿಂದ ಟಾಕ್ ಆಫ್ ದಿ ಟೌನ್ ಆಗಿರೋ ಜೂನಿಯರ್ ಎನ್ಟಿಆರ್ ಡ್ರ್ಯಾಗನ್ ಅಡ್ಡಾದಿಂದ ಇದೀಗ ಮತ್ತೊಂದು ಧಮಾಕೇದಾರ್ ಸುದ್ದಿ ಹೊರಬಿದ್ದಿದೆ. ಮಾನ್ಸ್ಟರ್ ಡೈರೆಕ್ಟರ್ ಪ್ರಶಾಂತ್ ನೀಲ್-ತಾರಕ್ ಕಾಂಬೋನ ಡ್ರ್ಯಾಗನ್ ಚಿತ್ರದ ಆ ಹೈ-ವೋಲ್ಟೇಜ್ ನ್ಯೂಸ್ ಏನು..? ಸಿನಿಮಾದ ಲೇಟೆಸ್ಟ್ ಅಪ್ಡೇಟ್ಸ್ ಇಲ್ಲಿದೆ.
- ಡ್ರ್ಯಾಗನ್ ಟೀಂ ಖಬರ್.. ಇಂಟರ್ವಲ್ ಆ್ಯಕ್ಷನ್ ಖದರ್..!
- ಹೈ-ವೋಲ್ಟೇಜ್ ಆ್ಯಕ್ಷನ್ ಸೀಕ್ವೆನ್ಸ್.. ಇದು ಡ್ರ್ಯಾಗನ್ ಹೈಲೈಟ್
- ರಾಮೋಜಿ ರಾವ್ ಫಿಲ್ಮ್ ಸಿಟಿಯಲ್ಲಿ 10 ದಿನ ಶೂಟಿಂಗ್..!!
- ತಾರಕ್-ನೀಲ್ ಅಡ್ಡಾದಲ್ಲಿ ಕನ್ನಡತಿ ರುಕ್ಮಿಣಿ ಫುಲ್ ಮಿಂಚು
ಡ್ರ್ಯಾಗನ್.. ದೇವರ, ವಾರ್-2 ಬಳಿಕ ನಟ ಜೂನಿಯರ್ ಎನ್ಟಿಆರ್ ನಟನೆಯ ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ. ಕೆಜಿಎಫ್, ಸಲಾರ್ ಸಿನಿಮಾಗಳ ನಂತ್ರ ಮಾನ್ಸ್ಟರ್ ಡೈರೆಕ್ಟರ್ ಪ್ರಶಾಂತ್ ನೀಲ್ ಆ್ಯಕ್ಷನ್ ಕಟ್ ಹೇಳ್ತಿರೋ ಈ ಸಿನಿಮಾ ಸಿಂಗಲ್ ಟೀಸರ್ನಿಂದಲೇ ಸುನಾಮಿ, ಸುಂಟರಗಾಳಿ ಸೃಷ್ಟಿಸಿದೆ. ಕ್ರೌರ್ಯದ ಸುತ್ತ ಸುತ್ತುವ ಈ ಕಥೆ ಕೂಡ ಮಾಸ್ಪ್ರಿಯರ ಹಾರ್ಟ್ ಫೇವರಿಟ್ ಸಿನಿಮಾ ಆಗೋ ಮುನ್ಸೂಚನೆ ನೀಡಿದೆ.
ಸ್ವತಂತ್ರಪೂರ್ವ ಹಾಗೂ ಸ್ವತಂತ್ರ ನಂತರದ ಕಾಲಘಟ್ಟದಲ್ಲಿ ನಡೆಯೋ ಡ್ರ್ಯಾಗನ್ ಸಿನಿಮಾದ ಕಥಾನಕ ಇಂಪ್ರೆಸ್ಸೀವ್ ಅನಿಸಿದೆ. ಸಿನಿಮಾದ ಕ್ಯಾರೆಕ್ಟರ್ಗಳು, ಮೇಕಿಂಗ್, ಬ್ಯಾಕ್ಡ್ರಾಪ್.. ಹೀಗೆ ಎಲ್ಲವೂ ಅದ್ಭುತ ಅನಿಸಿವೆ. ಇನ್ನೂ ಒಂದೇ ಒಂದು ಟೀಸರ್ ರಿಲೀಸ್ ಆಗಿದೆ. ಆಗಲೇ ಸಿಕ್ಕಾಪಟ್ಟೆ ಹೈಪ್ ತೆಗೆದುಕೊಂಡಿರೋ ಈ ಸಿನಿಮಾದಲ್ಲಿ ತಾರಕ್, ಆಪ್ಘನ್ ಟ್ರೇಡಿಂಗ್ ಕಂಪನಿಯ ಲೂಗರ್ ಆಗಿ ಕಾಣಸಿಗ್ತಾರೆ.
ಇಂಟರೆಸ್ಟಿಂಗ್ ಅಂದ್ರೆ ಈ ಚಿತ್ರದ ನಾಯಕನಟಿ ನಮ್ಮ ಕನ್ನಡತಿ ರುಕ್ಮಿಣಿ ವಸಂತ್. ಹೌದು.. ಕಾಂತಾರ ಕ್ವೀನ್ ರುಕ್ಕಮ್ಮನೇ ಆ ಡ್ರ್ಯಾಗನ್ ವರ್ಲ್ಡ್ನ ಚಿತ್ರಪ್ರೇಮಿಗಳಿಗೆ ಪರಿಚಯಿಸಿದ್ರು. ಇದೀಗ ಡ್ರ್ಯಾಗನ್ ಅಡ್ಡಾದಿಂದ ಬಿಗ್ ನ್ಯೂಸ್ ಹೊರಬಿದ್ದಿದೆ. ಸಿನಿಮಾದ ಅತಿಮುಖ್ಯವಾದ ಇಂಟರ್ವಲ್ ಬ್ಲಾಕ್ ಫೈಟ್ ನಡೆಯುತ್ತಿದ್ದು, ಅದರ ಚಿತ್ರೀಕರಣ ಡೇ & ನೈಟ್ ಸಾಗಿರೋದು ವಿಶೇಷ.
ರಾಮೋಜಿರಾವ್ ಫಿಲ್ಮ್ ಸಿಟಿಯಲ್ಲಿ ಈಗಾಗ್ಲೇ ಈ ಹೈ ವೋಲ್ಟೇಜ್ ಆ್ಯಕ್ಷನ್ ಸೀಕ್ವೆನ್ಸ್ನ ಚಿತ್ರಿಸಲಾಗುತ್ತಿದ್ದು, ಡ್ರ್ಯಾಗನ್ ಚಿತ್ರದ ವ್ಹಾವ್ ಫೀಲ್ ಕೊಡೋ ಸೀನ್ಗಳಲ್ಲಿ ಇದೂ ಅಗ್ರಸ್ಥಾನದಲ್ಲಿರಲಿದೆಯಂತೆ. ಹಾಗಾಗಿಯೇ ಈ ಸಾಹಸ ದೃಶ್ಯವನ್ನ ಸುಮಾರು 10 ದಿನಗಳ ಕಾಲ ನಾನ್ಸ್ಟಾಪ್ ಶೂಟಿಂಗ್ ಮೂಲಕ ಕಂಪ್ಲೀಟ್ ಮಾಡುವ ಯೋಜನೆಯಲ್ಲಿದೆಯಂತೆ ಚಿತ್ರತಂಡ. ಸಿನಿಮಾದ ಪಾತ್ರಕ್ಕಾಗಿ ಸಿಕ್ಕಾಪಟ್ಟೆ ಸಣ್ಣ ಆಗಿ, ಸಖತ್ ಫಿಟ್ & ಫೈನ್ ಆಗಿ ಸಿಕ್ಸ್ ಪ್ಯಾಕ್ ಮಾಡಿರೋ ತಾರಕ್, ಬೇರ್ ಬಾಡಿ ಲುಕ್ನಲ್ಲಿ ಕಿಕ್ ಕೊಡಲಿದ್ದಾರಂತೆ.
ಮತ್ತೊಂದು ಹೈಲೈಟ್ ಏನಪ್ಪಾ ಅಂದ್ರೆ ನಾಯಕನಟಿ ರುಕ್ಮಿಣಿ ವಸಂತ್ ಕೂಡ ಈ ಇಂಪಾರ್ಟೆಂಟ್ ಆ್ಯಕ್ಷನ್ ಸೀಕ್ವೆನ್ಸ್ನ ಭಾಗವಾಗಿದ್ದಾರಂತೆ. ಅಲ್ಲಿಗೆ ರುಕ್ಮಮ್ಮ ಬರೀ ನಟನೆ ಅಷ್ಟೇ ಅಲ್ಲ, ಆ್ಯಕ್ಷನ್ ಮೋಡ್ನಲ್ಲೂ ಕಾಣಸಿಗುತ್ತಾರೆ ಅನ್ನೋದ್ರ ಹಿಂಟ್ ಸಿಕ್ಕಿದೆ. ಮೊದಲೇ ಮಾಸ್ ಸೀನ್ಗಳನ್ನ ಕಟ್ಟೋದ್ರಲ್ಲಿ ನೀಲ್ ಎತ್ತಿದ ಕೈ. ಅದ್ರಲ್ಲೂ ಡೈರೆಕ್ಟರ್ಸ್ ಆ್ಯಕ್ಟರ್ ಜೂನಿಯರ್ ಎನ್ಟಿಆರ್ ಅಂತಹ ಕಲಾವಿದ ಸಿಕ್ಕಿಬಿಟ್ರೆ ಸಾಕು, ಕುಂಬಾರ ಮಡಿಕೆಗೆ ಆಕಾರ ನೀಡಿದಂತೆ, ಸಿನಿಮಾಗೆ ಬೇಕಾದ್ದನ್ನ ಕೊಡಿಸಿಬಿಡ್ತಾರೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
