ಡಾಲಿ ಲೈಫ್ ಇನ್ಮೇಲೆ ಮತ್ತಷ್ಟು ಜಾಲಿ. ಯಾಕಂದ್ರೆ ನಟರಾಕ್ಷಸ ಡಾಲಿ ಡ್ಯಾಡಿ ಆಗಿದ್ದಾರೆ. ಜೂನಿಯರ್ ಡಾಲಿ ಆಗಮನದಿಂದ ಸಿಕ್ಕಾಪಟ್ಟೆ ಖುಷಿಯಲ್ಲಿದ್ದಾರೆ ಧನಂಜಯ. ಇಷ್ಟಕ್ಕೂ ಡೆಲಿವರಿ ಎಲ್ಲಿ ಆಯ್ತು..? ತಾಯಿ-ಮಗು ಹೇಗಿದ್ದಾರೆ..? ಈ ಬಗ್ಗೆ ಡಾಲಿ ಹೇಳಿದ್ದೇನು..? ಇಷ್ಟಕ್ಕೂ ಧನುಗೆ ಮಕ್ಕಳು ಅಂದ್ರೆ ಎಷ್ಟು ಇಷ್ಟ ಅನ್ನೋದ್ರ ಕಂಪ್ಲೀಟ್ ಕಹಾನಿ ಇಲ್ಲಿದೆ ನೋಡಿ..
- ಡ್ಯಾಡಿಯಾದ ಡಾಲಿ.. ಧನು ಬಾಳಲ್ಲಿ ಹೊಸ ಮನ್ವಂತರ..!!
- ನಾರ್ಮಲ್ ಡೆಲಿವರಿ.. ತಾಯಿ-ಮಗು ಆರೋಗ್ಯವಾಗಿದ್ದಾರೆ
- Jr. ಡಾಲಿ ಕೈ ಹಿಡಿದು ಇಂಟ್ರಡ್ಯೂಸ್ ಮಾಡಿದ ಧನಂಜಯ
- ಮಕ್ಳು ಅಂದ್ರೆ ನಟರಾಕ್ಷಸ ಡಾಲಿ ಧನುಗೆ ಎಷ್ಟು ಇಷ್ಟ ಗೊತ್ತಾ..?
ಸ್ಯಾಂಡಲ್ವುಡ್ನ ಮೋಸ್ಟ್ ವರ್ಸಟೈಲ್ ಆ್ಯಕ್ಟರ್ ಕಮ್ ಪ್ರೊಡ್ಯೂಸರ್ ಡಾಲಿ ಧನಂಜಯ ತಂದೆಯಾಗಿ ಬಡ್ತಿ ಪಡೆದಿದ್ದಾರೆ. ಯೆಸ್.. ಪತ್ನಿ ಡಾ. ಧನ್ಯತಾ ಇಂದು ಮುಂಜಾನೆ 5 ಗಂಟೆಗೆ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಬನ್ನೇರುಘಟ್ಟ ರಸ್ತೆಯ ಖಾಸಗಿ ಆಸ್ಪತ್ರೆಯಲ್ಲಿ ಧನ್ಯತಾ ಡೆಲಿವರಿ ಆಗಿದ್ದು, ತಾಯಿ ಹಾಗೂ ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ ಅಂತ ಡಾಲಿ ನಮ್ಮ ಗ್ಯಾರಂಟಿ ನ್ಯೂಸ್ಗೆ ತಿಳಿಸಿದ್ದಾರೆ.
ಜೂನಿಯರ್ ಡಾಲಿ ಬಂದ ಖುಷಿಯಲ್ಲಿರೋ ಧನಂಜಯ, ಅದನ್ನ ಸೋಶಿಯಲ್ ಮೀಡಿಯಾದಲ್ಲೂ ಹಂಚಿಕೊಂಡಿದ್ದಾರೆ. ಅದೂ ಜೂನಿಯರ್ ಕೈ ಹಿಡಿದು ಈ ಪ್ರಪಂಚಕ್ಕೆ ತನ್ನ ಪ್ರಪಂಚವನ್ನ ಪರಿಚಯಿಸಿದ್ದಾರೆ. ನೋಡೋಕೆ ಡಾಲಿ-ಧನ್ಯತಾ ಇಬ್ಬರೂ ಹೋಲಿಕೆ ಇರೋ ಮಗು ಬಹಳ ಆರೋಗ್ಯವಾಗಿದೆ. ಅದರಲ್ಲೂ ಗೈನೋಕಾಲಜಿಸ್ಟ್ ಆಗಿರೋ ಡಾ ಧನ್ಯತಾಗೆ ನಾರ್ಮಲ್ ಡೆಲಿವರಿ ಆಗಿರೋದು ಮತ್ತೊಂದು ವಿಶೇಷ.
ಸೌತ್ ಎಂಡ್ ಸರ್ಕಲ್ನಲ್ಲಿರೋ ಕ್ಲೌಡ್9 ಆಸ್ಪತ್ರೆಯಲ್ಲಿ ಗೈನೋ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ ಡಾಲಿ ಪತ್ನಿ ಧನ್ಯತಾ, ಇತ್ತೀಚೆಗೆ ಬನ್ನೇರುಘಟ್ಟ ರಸ್ತೆಯಲ್ಲಿರೋ ರೈನ್ಬೋ ಆಸ್ಪತ್ರೆಗೆ ಶಿಫ್ಟ್ ಆಗಿದ್ರು. ಗರ್ಭಿಣಿ ಆಗಿದ್ದಾಗಲೂ ಸಹ ಬಹಳ ಲವಲವಿಕೆಯಿಂದ ಆಸ್ಪತ್ರೆಗೆ ತೆರಳಿ ಪೇಷಂಟ್ಸ್ನ ಅಟೆಂಡ್ ಮಾಡ್ತಿದ್ರು. ಅಲ್ಲದೆ, ತಂದೆ-ತಾಯಿ ಇರೋದು ಕೂಡ ಬನ್ನೇರುಘಟ್ಟ ರಸ್ತೆಯಲ್ಲೇ ಆಗಿರೋದ್ರಿಂದ ತಾಯಿ ಮನೆಯಲ್ಲೇ ಉಳಿದುಕೊಂಡಿದ್ರು.
ಡಾಲಿ ಧನಂಜಯ ಕೂಡ ಡ್ಯೂ ಡೇಟ್ ಹತ್ತಿರ ಆಗ್ತಿದ್ದಂತೆ ಶೂಟಿಂಗ್, ಡಬ್ಬಿಂಗ್, ಓಡಾಟಗಳಿಗೆ ಬ್ರೇಕ್ ಹಾಕಿ ಪತ್ನಿ ಜೊತೆಗೇ ಇದ್ದರು. ಅದ್ರಂತೆ ಇಂದು ಮುಂಜಾನೆ ಸೂರ್ಯ ರಶ್ಮಿ ಭೂಮಿಯ್ನನ ತಾಗುವ ಮೊದಲೇ ಬ್ರಾಹ್ಮೀ ಮುಹೂರ್ತದಲ್ಲಿ ಡಾಲಿಗೆ ವಾರಸ್ದಾರ ಹುಟ್ಟಿ ಬಂದಿದ್ದಾನೆ. ಮಕ್ಕಳಂದ್ರೆ ಡಾಲಿಗೆ ಸಿಕ್ಕಾಪಟ್ಟೆ ಇಷ್ಟ. ಹಾಗಾಗಿ ಮದ್ವೆ ಆಗ್ತಿದ್ದಂತೆ ಕೂಡಲೇ ಮಗು ಮಾಡಿಕೊಂಡು, ಹೊಸ ಮನ್ವಂತರಕ್ಕೆ ಕಾಲಿಟ್ಟಿದ್ದಾರೆ.
ಚಿತ್ರರಂಗದಲ್ಲಿ ನಟ ಅಜಯ್ ರಾವ್ ಮಗಳು, ಬಚ್ಚನ್ ಮಗನಾದ ರೋಷನ್ ಮಗಳು ಸೇರಿದಂತೆ ಡಾಲಿಗೆ ಸಾಕಷ್ಟು ಮಂದಿ ಸ್ಟಾರ್ ಕಿಡ್ಸ್ನ ತುಂಬಾ ಇಷ್ಟ ಪಡ್ತಿದ್ರು. ಇನ್ಫ್ಯಾಕ್ಟ್ ಡಾಲಿ ಮದ್ವೆಗೆ ಇನ್ವೈಟ್ ಮಾಡೋಕೆ ಅವರುಗಳ ಮನೆ, ಫ್ಲ್ಯಾಟ್ಗಳಿಗೆ ಹೋದಾಗ ಸ್ಟಾರ್ಗಳಿಗಿಂತ ಜಾಸ್ತಿ ಆತ ಅವ್ರ ಮಕ್ಕಳ ಜೊತೆ ಸಮಯ ಕಳೆಯುತ್ತಿದ್ದರಂತೆ. ಅಪಾರ್ಟ್ಮೆಂಟ್ಗಳಲ್ಲಿ ಫ್ರೆಂಡ್ಸ್, ಆಟ ಆಡೋಕೆ ಫೆಸಿಲಿಟೀಸ್, ಬೋರ್ ಆಗಲ್ವಾ..? ಏನು ಓದುತ್ತಿದ್ದೀರಿ..? ಹೀಗೆ ಸಾಕಷ್ಟು ವಿಷಯಗಳ ಬಗ್ಗೆ ಚರ್ಚೆ ಮಾಡ್ತಿದ್ರಂತೆ. ಒಟ್ಟಾರೆ ಡಾಲಿಗೆ ಇನ್ಮೇಲೆ ಮಗ ಹೊಸ ಪ್ರಪಂಚವಾಗಲಿದ್ದಾನೆ. ಆ ಫಾದರ್ಹುಡ್ ಲೈಫ್ ಸಖತ್ ಮಜಬೂತಾಗಿರಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
