ರಣ್ವೀರ್ ಸಿಂಗ್ ಜೊತೆ ದಾಂಪತ್ಯ ಜೀವನ ಮುರಿದುಕೊಂಡು, ಡಿವೋರ್ಸ್ ಪಡೀತಿದ್ದಾರೆ ದೀಪಿಕಾ ಪಡುಕೋಣೆ ಅಂತಿತ್ತು ಸೋಶಿಯಲ್ ಮೀಡಿಯಾ. ಆದ್ರೀಗ ಆಡಿಕೊಳ್ಳೋರ ಬಾಯಿ ಮಿಚ್ಚಿಸೋ ರೇಂಜ್ಗೆ ಎರಡನೇ ಮಗುವಿನ ನಿರೀಕ್ಷೆಯಲ್ಲಿ ಬಿಗ್ ಬ್ರೇಕಿಂಗ್ ನ್ಯೂಸ್ ನೀಡಿದೆ ಈ ತಾರಾ ಜೋಡಿ. ಅಷ್ಟೇ ಅಲ್ಲ.. ಶಾರೂಖ್ ಕಿಂಗ್ ಹಾಗೂ ಅಲ್ಲು ರಾಕಾ ಚಿತ್ರಗಳಿಗಿಲ್ಲ ಟೆನ್ಷನ್. ಯಾಕಂದ್ರೆ ಪ್ರೆಗ್ನೆನ್ಸಿಯಲ್ಲೂ ವರ್ಕ್ ಮಾಡ್ತಿದ್ದಾರೆ ದೀಪಿಕಾ. ಇದರ ಇಂಟ್ರೆಸ್ಟಿಂಗ್ ಸ್ಟೋರಿ ಇಲ್ಲಿದೆ ನೋಡಿ..
- ಕಿಂಗ್, ರಾಕಾಗಿಲ್ಲ ಟೆನ್ಷನ್.. ಪ್ರೆಗ್ನೆನ್ಸಿಯಲ್ಲೂ ದೀಪಿಕಾ ವರ್ಕಿಂಗ್
- ದುವಾ ಹುಟ್ಟಿದ 20 ತಿಂಗಳಲ್ಲಿ ಮತ್ತೆ ಪ್ರೆಗ್ನೆಂಟ್.. ಗುಡ್ ನ್ಯೂಸ್
- ಡಿವೋರ್ಸ್ ವದಂತಿಗಳಿಗೆ ಬಿತ್ತು ಬ್ರೇಕ್.. ಎಲ್ಲೆಡೆ ದೀಪಿಕಾ ರಾಕ್ಸ್
- ಶಾರೂಖ್ ಖಾನ್, ಅಲ್ಲು ಅರ್ಜುನ್ ಚಿತ್ರಗಳ ಶೂಟಿಂಗ್ ನಿಂತಿಲ್ಲ
ಬಾಲಿವುಡ್ನ ಬ್ಯೂಟಿ ದೀಪಿಕಾ ಪಡುಕೋಣೆಗೀಗ 40 ವರ್ಷ. 2024ರ ಸೆಪ್ಟೆಂಬರ್ 8ರಂದು ದುವಾಗೆ ಜನ್ಮ ನೀಡುವ ಮೂಲಕ ತಾಯಿ ಪಟ್ಟ ಪಡೆದಿದ್ದ ದೀಪಿಕಾ, ಇದೀಗ ಮಗದೊಮ್ಮೆ ಪ್ರೆಗ್ನೆಂಟ್ ಆಗಿದ್ದಾರೆ. ಅದನ್ನ ಮಗಳು ದುವಾ ಸಮೇತ ಪ್ರೆಗ್ನೆನ್ಸಿ ಕಿಟ್ ತೋರಿಸಿ ಅಧಿಕೃತವಾಗಿ ಸೋಶಿಯಲ್ ಮೀಡಿಯಾದಲ್ಲಿ ರಿವೀಲ್ ಮಾಡಿದ್ರು ದೀಪಿಕಾ.
ಅಂದಹಾಗೆ ಈ ನಡುವೆ ಧುರಂಧರ್ ಸ್ಟಾರ್ ರಣ್ವೀರ್ ಸಿಂಗ್ ಜೊತೆ ದೀಪಿಕಾ ಜಾಸ್ತಿ ಕಾಣಿಸಿಕೊಳ್ತಿರಲಿಲ್ಲ. ಅದನ್ನ ಕಂಡು ಸೋಶಿಯಲ್ ಮೀಡಿಯಾದಲ್ಲಿ ಅವರಿಬ್ಬರೂ ಡಿವೋರ್ಸ್ ಪಡೆದು ದೂರ ಆಗ್ತಿದ್ದಾರೆ ಎನ್ನಲಾಗಿತ್ತು. ಆದ್ರೆ ಅದೆಲ್ಲಾ ಸುಳ್ಳು ಅಂತ ಆ ಜೋಡಿ ಪ್ರೂವ್ ಮಾಡಿದೆ. ಎರಡನೇ ಮಗುವಿನ ನಿರೀಕ್ಷೆಯಲ್ಲಿ ರಣ್ವೀರ್-ದೀಪಿಕಾ ಬಿಗ್ ಬ್ರೇಕಿಂಗ್ ನ್ಯೂಸ್ ಕೊಟ್ಟಿದ್ದಾರೆ.
ಅರೇ ದೀಪಿಕಾ ಪ್ರೆಗ್ನೆಂಟ್ ಆದ್ರೆ ಅಲ್ಲು ಅರ್ಜುನ್-ಅಟ್ಲೀ ಕಾಂಬೋನ ರಾಕಾ ಸಿನಿಮಾದ ಕಥೆ ಏನಾಗಬೇಕು..? ಅಲ್ಲದೆ ಶಾರೂಖ್ ಖಾನ್ ಬಹುನಿರೀಕ್ಷಿತ ಸಿನಿಮಾ ಕಿಂಗ್ ಹಣೆಬರಹ ಏನಾಗಬೇಡ ಅಂತ ಒಂದಷ್ಟು ಮಂದಿ ಹುಬ್ಬೇರಿಸುತ್ತಿದ್ದಾರೆ. ಕಮೆಂಟ್ ಕೂಡ ಮಾಡ್ತಿದ್ದಾರೆ. ಆದ್ರೆ ದೀಪಿಕಾ ಮಾತ್ರ ಕಿಯಾರಾ ನಮ್ಮ ಯಶ್ ನಟನೆಯ ಟಾಕ್ಸಿಕ್ ಮುಗಿಸಿಕೊಟ್ಟಂತೆ ತಾನು ಕೂಡ ಇವೆರಡೂ ಚಿತ್ರಗಳಿಗೆ ತೊಂದರೆ ಆಗದಂತೆ ಕಂಪ್ಲೀಟ್ ಮಾಡಿಕೊಡೋ ಭರವಸೆ ನೀಡಿದ್ದಾರೆ.
ಹೌದು.. ವರ್ಕಿಂಗ್ ಹವರ್ಸ್ ವಿಚಾರ ಈಗಾಗ್ಲೇ ದೀಪಿಕಾ ಮೇಲೆ ಸಾಕಷ್ಟು ಆರೋಪಗಳು ಕೇಳಿ ಬಂದಿದ್ದವು. ಒಂದಷ್ಟು ಬಿಗ್ ಬಜೆಟ್, ಬಿಗ್ ಸ್ಟಾರ್ಸ್, ಬಿಗ್ ಬ್ಯಾನರ್ ಚಿತ್ರಗಳಿಂದಲೂ ದೀಪಿಕಾ ಹೊರಗೆ ಬಂದಿದ್ರು. ಇದೀಗ ತಾನು ಗರ್ಭಿಣಿ ಆಗಿದ್ದುಕೊಂಡು ಬಂದು ನಿರ್ಮಾಪಕರಿಗಾಗಿ ಕಮಿಟ್ ಆಗಿರೋ ಕೆಲಸ ಮುಗಿಸಿಕೊಡೋ ಅವರ ಮನೋಭಾವಕ್ಕೆ ಎಲ್ಲರೂ ಪ್ರಶಂಸೆ ವ್ಯಕ್ತಪಡಿಸ್ತಿದ್ದಾರೆ. ಇದು ನಿಜಕ್ಕೂ ಇತರೇ ನಟಿಮಣಿಯರಿಗೂ ಮಾದರಿ ಆಗಲಿದೆ.
ಒಟ್ಟಾರೆ ದೀಪಿಕಾ ಪ್ರೆಗ್ನೆಂಟ್ ಅನ್ನೋ ವಿಷಯ ಕೇಳಿ ಆತಂಕದಲ್ಲಿದ್ದ ಶಾರೂಖ್ ಹಾಗೂ ಅಲ್ಲು ಅರ್ಜುನ್ ಫ್ಯಾನ್ಸ್ಗೆ ದೀಪಿಕಾ ಪಡುಕೋಣೆಯೇ ಗುಡ್ ನ್ಯೂಸ್ ನೀಡಿದ್ದಾರೆ. ಸೋ.. ಗರ್ಭದಲ್ಲಿರೋ ಮಗುವನ್ನ ನೋಡಿಕೊಳ್ಳುತ್ತಲೇ ರಾಕಾ ಚಿತ್ರದ ಹೈ ವೋಲ್ಟೇಜ್ ಆ್ಯಕ್ಷನ್ ಫೈಟ್ಸ್ ಕೂಡ ಮಾಡ್ತಾರೆ ಅನ್ನೋದು ಕಾತರಿ ಆಗಿದೆ. ದೀಪಿಕಾ ಸ್ಪಿರಿಟ್ ನಿಜಕ್ಕೂ ಭೇಷ್ ಅನ್ನುವಂತಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
