ಇಂದು ನಟ ದರ್ಶನ್ ಮತ್ತು ವಿಜಯಲಕ್ಷ್ಮಿ ದಂಪತಿಯ 23ನೇ ವಿವಾಹ ವಾರ್ಷಿಕೋತ್ಸವ. ಆದರೆ ಈ ಬಾರಿ ಸಂಭ್ರಮಕ್ಕೆ ಬದಲಾಗಿ ಭಾವನಾತ್ಮಕತೆ ಮತ್ತು ನೋವು ತುಂಬಿದೆ. ಜೈಲಿನಲ್ಲಿರುವ ಗಂಡ ದರ್ಶನ್ಗೆ ವಿಜಯಲಕ್ಷ್ಮಿ ತುಂಬಾ ಎಮೋಷನಲ್ ಲವ್ ನೋಟ್ ಬರೆದುಕೊಂಡಿದ್ದಾರೆ.
ವಿಜಯಲಕ್ಷ್ಮಿ ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಹಳೆಯ ಸೆಲ್ಫಿ ಫೋಟೋಗಳನ್ನು ಹಂಚಿಕೊಂಡು ಈ ರೀತಿ ಬರೆದಿದ್ದಾರೆ:
“ಪ್ರತಿಯೊಂದು ಚಂಡಮಾರುತದಲ್ಲೂ..ಪ್ರತಿಯೊಂದು ಮೌನದಲ್ಲೂ..ನಾನು ನಿನ್ನ ಕೈ ಬಿಡೋದಿಲ್ಲ ಪರಿಸ್ಥಿತಿಗಳು ದೂರ ಮಾಡಿದ್ರೂ..ನನ್ನ ಹೃದಯ ಯಾವತ್ತೂ ನಿನ್ನನ್ನೇ ಆಯ್ಕೆ ಮಾಡುತ್ತೆ ಇಡೀ ಜಗತ್ತು ವಿರುದ್ಧ ನಿಂತರೂ..ನಾನು ನಿನ್ನ ಪಕ್ಕದಲ್ಲೇ ಇರುತ್ತೇನೆ”
ಈ ಭಾವನಾತ್ಮಕ ಪೋಸ್ಟ್ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ವಿಜಯಲಕ್ಷ್ಮಿ ಲವ್ ಸಿಂಬಲ್ ಸಹ ಹಾಕಿದ್ದಾರೆ.
23 ವರ್ಷಗಳ ದಾಂಪತ್ಯ ಜೀವನ :
ದರ್ಶನ್ ಮತ್ತು ವಿಜಯಲಕ್ಷ್ಮಿ 2003ರಲ್ಲಿ ಮದುವೆಯಾಗಿದ್ದರು. ಕಳೆದ ವರ್ಷ ವಿವಾಹ ವಾರ್ಷಿಕೋತ್ಸವವನ್ನು ಭರ್ಜರಿಯಾಗಿ ಆಚರಿಸಿದ್ದ ಈ ಜೋಡಿ, ಈ ವರ್ಷ ದರ್ಶನ್ ಜೈಲಿನಲ್ಲಿರುವುದರಿಂದ ವಿಜಯಲಕ್ಷ್ಮಿ ಒಬ್ಬರೇ ಈ ವಿಶೇಷ ದಿನವನ್ನು ಸ್ಮರಿಸುತ್ತಿದ್ದಾರೆ.
ವಿಜಯಲಕ್ಷ್ಮಿ ಸಂಕಷ್ಟದ ಸಮಯದಲ್ಲೂ ಗಂಡನ ಬೆನ್ನಿಗೆ ನಿಂತು ಬೆಂಬಲ ನೀಡುತ್ತಿರುವುದನ್ನು ‘ದಚ್ಚು ಬಳಗ’ (ದರ್ಶನ್ ಅಭಿಮಾನಿಗಳು) ಬಹಳ ಮೆಚ್ಚಿಕೊಂಡಿದ್ದಾರೆ. ಅನೇಕರು ವಿಜಯಲಕ್ಷ್ಮಿ ಅವರ ಪೋಸ್ಟ್ಗೆ ಶುಭಾಶಯಗಳನ್ನು ಕಾಮೆಂಟ್ ಮಾಡುತ್ತಿದ್ದಾರೆ.
ದರ್ಶನ್-ವಿಜಯಲಕ್ಷ್ಮಿ (ದಚ್ಚು-ವಿಜಿ) 23ನೇ ವಿವಾಹ ವಾರ್ಷಿಕೋತ್ಸವ ಈ ವರ್ಷದ ಆನಿವರ್ಸರಿ ಸಂಭ್ರಮಕ್ಕಿಂತ ಹೆಚ್ಚಾಗಿ ಪ್ರೀತಿ, ನಂಬಿಕೆ ಮತ್ತು ಬೆಂಬಲದ ಸಂದೇಶವಾಗಿ ಮಾರ್ಪಟ್ಟಿದೆ.
