ಬೆಂಗಳೂರು: ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಪರಪ್ಪನ ಅಗ್ರಹಾರ ಜೈಲು ಸೇರಿರುವ ನಟ ದರ್ಶನ್ ಅರ್ಜಿ ವಿಚಾರಣೆ ನಡೆಯಿತು. ಬೆಂಗಳೂರಿನ 64ನೇ ಸಿಸಿಎಚ್ ಕೋರ್ಟ್, ನಟ ದರ್ಶನ್‌ಗೆ ಸಂಬಂಧಿಸಿದ ವಿಚಾರಣೆಯಲ್ಲಿ ಜೈಲಾಧಿಕಾರಿಗಳಿಗೆ ಕಟ್ಟುನಿಟ್ಟಿನ ಸೂಚನೆಗಳನ್ನು ನೀಡಿದೆ. ದರ್ಶನ್‌ಗೆ ಜೈಲಿನಲ್ಲಿ ಯಾವುದೇ ರಾಜಾತಿಥ್ಯ ಒದಗಿಸದಂತೆ ಮತ್ತು ಜೈಲು ಮ್ಯಾನುಯಲ್‌ನಲ್ಲಿ ತಿಳಿಸಿರುವ ಸೌಲಭ್ಯಗಳನ್ನು ಮಾತ್ರ ಒದಗಿಸುವಂತೆ ಕೋರ್ಟ್ ಆದೇಶಿಸಿದೆ.
ಕೋರ್ಟ್‌ನ ಆದೇಶದ ಪ್ರಮುಖ ಅಂಶಗಳು:
-
ಮೂಲಭೂತ ಸೌಲಭ್ಯಗಳು: ಜೈಲು ಮ್ಯಾನುಯಲ್‌ನಲ್ಲಿ ತಿಳಿಸಿರುವಂತೆ ದರ್ಶನ್‌ಗೆ ಹಾಸಿಗೆ, ದಿಂಬು, ಬೆಡ್ ಶೀಟ್ ಮತ್ತು ಇತರ ಮೂಲಭೂತ ಸೌಲಭ್ಯಗಳನ್ನು ಒದಗಿಸಬೇಕು. ಮಾನವ ಹಕ್ಕುಗಳ ಚೌಕಟ್ಟಿನಲ್ಲಿ ಒದಗಿಸಬೇಕಾದ ಎಲ್ಲ ಸೌಲಭ್ಯಗಳನ್ನು ಕಡ್ಡಾಯವಾಗಿ ನೀಡುವಂತೆ ಸೂಚನೆ.
ADVERTISEMENTADVERTISEMENT -
ಓಡಾಡಲು ಅವಕಾಶ: ದರ್ಶನ್‌ಗೆ ಜೈಲಿನ ಒಳಗೆ ಓಡಾಡಲು ಸೂಕ್ತ ಅವಕಾಶ ಕಲ್ಪಿಸಬೇಕು.
-
ವರ್ಗಾವಣೆಗೆ ನಕಾರ: ದರ್ಶನ್‌ರನ್ನು ಬಳ್ಳಾರಿ ಅಥವಾ ಬೇರೆ ಜೈಲಿಗೆ ವರ್ಗಾಯಿಸುವ ಕೋರಿಕೆಯನ್ನು ಕೋರ್ಟ್ ತಿರಸ್ಕರಿಸಿದೆ. ಸದ್ಯಕ್ಕೆ ವರ್ಗಾವಣೆಗೆ ಸಕಾರಣ ಕಾರಣಗಳಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ.
-
ಅನುಚಿತ ವರ್ತನೆಗೆ ಎಚ್ಚರಿಕೆ: ದರ್ಶನ್ ಜೈಲಿನಲ್ಲಿ ಅನುಚಿತ ವರ್ತನೆ ತೋರಿದರೆ, ಜೈಲಿನ ಐಜಿಪಿ (ಇನ್ಸ್‌ಪೆಕ್ಟರ್ ಜನರಲ್ ಆಫ್ ಪ್ರಿಸನ್ಸ್) ಅವರಿಗೆ ವರ್ಗಾವಣೆಗೆ ಅಧಿಕಾರವಿದೆ. ಜೈಲಿನಲ್ಲಿ ಯಾವುದೇ ರಾಜಾತಿಥ್ಯ ಒದಗಿಸಿದ್ದು ಕಂಡುಬಂದರೆ, ಐಜಿಪಿ ಕಠಿಣ ಕ್ರಮ ಕೈಗೊಳ್ಳಬಹುದು.
-
ಜೈಲು ಮ್ಯಾನುಯಲ್‌ಗೆ ಬದ್ಧತೆ: ಜೈಲಿನ ಎಲ್ಲ ಸೌಲಭ್ಯಗಳು ಕೇವಲ ಜೈಲು ಮ್ಯಾನುಯಲ್‌ನ ಚೌಕಟ್ಟಿನಲ್ಲಿ ಮಾತ್ರ ಒದಗಿಸಬೇಕು ಎಂದು ಕೋರ್ಟ್ ಸ್ಪಷ್ಟವಾಗಿ ತಿಳಿಸಿದೆ.
ಕೋರ್ಟ್‌ನ ಈ ಆದೇಶವು ದರ್ಶನ್‌ಗೆ ಜೈಲಿನಲ್ಲಿ ಸಾಮಾನ್ಯ ಕೈದಿಯಂತೆಯೇ ವರ್ತಿಸಲು ಮತ್ತು ಜೈಲಾಧಿಕಾರಿಗಳಿಗೆ ಕಾನೂನಿನ ಚೌಕಟ್ಟಿನಲ್ಲಿ ಕಾರ್ಯನಿರ್ವಹಿಸಲು ಸೂಚನೆ ನೀಡಿದೆ.
