ಸ್ಯಾಂಡಲ್ವುಡ್ನ ಸ್ಟಾರ್ ಜೋಡಿಯೊಂದು ಫ್ಯಾಮಿಲಿ ಕೋರ್ಟ್‌ನಲ್ಲಿ ಕಾಣಿಸಿಕೊಳ್ಳೋ ಮೂಲಕ, ಅವ್ರ ಅಭಿಮಾನಿಗಳಲ್ಲಿ ಆತಂಕ ಸೃಷ್ಠಿಸಿದೆ. ಇಷ್ಟಕ್ಕೂ ಪ್ರೀತಿಸಿ, ಮದ್ವೆ ಆಗಿರೋ ಡಾರ್ಲಿಂಗ್ ಕೃಷ್ಣ- ಮಿಲನಾ ದಂಪತಿ, ಕೋರ್ಟ್‌ಗೆ ಹೋಗಿದ್ಯಾಕೆ..? ಅವರಲ್ಲಿ ಏನು ನಡೀತಿದೆ..? ಅದ್ರ ಹಿಂದಿನ ಅಸಲಿ ಕಥೆ ಏನು ಅಂತೀರಾ..? ಎಳೆ ಎಳೆಯಾಗಿ ಬಿಚ್ಚಿಡ್ತೀವಿ.
ಮೊನ್ನೆಯಷ್ಟೇ ಅಂಡಮಾನ್‌ನಿಂದ ಬೆಂಗಳೂರಿಗೆ ವಾಪಸ್ ಆಗಿರೋ ಸ್ಯಾಂಡಲ್ವುಡ್ನ ತಾರಾ ಜೋಡಿ ಡಾರ್ಲಿಂಗ್ ಕೃಷ್ಣ- ಮಿಲನಾ ನಾಗರಾಜ್, ದಿಢೀರ್ ಅಂತ ಫ್ಯಾಮಿಲಿ ಕೋರ್ಟ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅರೇ.. ಒಂದಷ್ಟು ವರ್ಷಗಳ ಕಾಲ ಪ್ರೀತಿಸಿ, 2021ರಲ್ಲಿ ಮದ್ವೆ ಆಗಿದ್ದ ಈ ಜೋಡಿಗೆ ಏನಾಯ್ತಪ್ಪಾ ಅಂತ ಕೋರ್ಟ್‌ನಲ್ಲಿ ಅವ್ರನ್ನ ಕಂಡವರೆಲ್ಲಾ ಶಾಕ್ ಆಗಿದ್ದಾರೆ.
ಫ್ಯಾಮಿಲಿ ಕೋರ್ಟ್‌ ಮೆಟ್ಟಿಲೇರಿದ ಡಾರ್ಲಿಂಗ್ ಕೃಷ್ಣ-ಮಿಲನಾ
ಅಂಡಮಾನ್ ಟ್ರಿಪ್‌.. ಮಗಳ ಬರ್ತ್ ಡೇ..ನಡುವೆ ಆಗಿದ್ದೇನು?
ಅಲ್ಲದೆ ಡಾರ್ಲಿಂಗ್ ಕೃಷ್ಣ ಸ್ಯಾಡ್ ಮೂಡ್‌‌ನಲ್ಲಿ ಮಾಸ್ಕ್ ಧರಿಸಿರೋ ಕೋರ್ಟ್‌ ಫೋಟೋ ಬೇರೆ ಎಲ್ಲೆಡೆ ವೈರಲ್ ಆಯ್ತು. ಯಾವಾಗ ಆ ಫೋಟೋ ಹೊರಬಂತೋ. ಇವರಿಬ್ಬರ ನಡುವೆ ಏನೋ ಆಗಿದೆ ಅನ್ನೊ ಅನುಮಾನಗಳು ಹುಟ್ಟಿಕೊಳ್ಳಲು ಆರಂಭಿಸಿದವು. ಒಂದ್ಕಡೆ ಟೂರ್ ಮುಗಿಸಿ ಬಂದಿದ್ದಾರೆ. ಮತ್ತೊಂದ್ಕಡೆ ಮಗಳ ಬರ್ತ್ ಡೇ. ಈ ನಡುವೆ ಕೋರ್ಟ್‌ನಲ್ಲಿ ದಂಪತಿ ಕಾಣಿಸಿಕೊಳ್ತಾರೆ ಅಂದ್ರೆ ಏನು ಅಂದ್ಕೋಬೇಕು ನೀವೇ ಹೇಳಿ..?
ಫ್ಯಾನ್ಸ್ & ಪ್ರೇಕ್ಷಕರಲ್ಲಿ ಆತಂಕ ಹೆಚ್ಚಿಸಿದ ಕೃಷ್ಣ ಕೋರ್ಟ್‌ ವಿಸಿಟ್
ಅಸಲಿ ಕಥೆ ಬೇರೇನೇ ಇದೆ.. ಇದು ಮೂರನೇ ಇನ್ನಿಂಗ್ಸ್ ಗುರು..!
ಸಾಮಾನ್ಯವಾಗಿ ಯಾವುದೇ ಸ್ಟಾರ್‌‌ಗಳು ಫ್ಯಾಮಿಲಿ ಕೋರ್ಟ್‌ನಲ್ಲಿ ಕಾಣಿಸಿಕೊಂಡ್ರೆ ಅವರ ನಡುವೆ ಎಲ್ಲವೂ ಸರಿ ಇಲ್ಲ ಅಂತಲೇ ಜನ ಭಾವಿಸ್ತಾರೆ. ಆದ್ರೆ ಇಲ್ಲಿ ಆಗಿರೋದೇ ಬೇರೆ. ಪತ್ನಿ ಮಿಲನಾ ಜೊತೆ ಕೃಷ್ಣ ಕೌಟುಂಬಿಕ ನ್ಯಾಯಾಲಯಕ್ಕೆ ಹೋಗಿರೋದು ನಿಜ. ಆದ್ರೆ ಅದು ಸಿನಿಮಾದ ವಿಚಾರವಾಗಿ ಅನ್ನೋದು ಹಿಡನ್ ಸೀಕ್ರೆಟ್. ಯೆಸ್.. ಲವ್ ಮಾಕ್ಟೇಲ್ ಸೀರೀಸ್ ಮಾಡ್ತಿರೋ ಡಾರ್ಲಿಂಗ್ ಜೋಡಿ, ಲವ್ ಮಾಕ್ಟೇಲ್-2 ಬಳಿಕ ಮಾಕ್ಟೇಲ್-3 ಕಿಕ್‌‌ಸ್ಟಾರ್ಟ್‌ ಮಾಡಿದ್ದಾರೆ.
ಕೃಷ್ಣ ನಿರ್ದೇಶನದಲ್ಲಿ, ಕೃಷ್ಣ-ಮಿಲನಾ ಬರೆದು, ನಿರ್ಮಿಸ್ತಿರೋ ಲವ್ ಮಾಕ್ಟೇಲ್-3 ಚಿತ್ರಕ್ಕೆ ಇತ್ತೀಚೆಗೆ ಆಡಿಷನ್ಸ್‌ಗೂ ಕರೆದಿತ್ತು ಜೋಡಿ. ಲವ್ ಮಾಕ್ಟೇಲ್-3 ಫಸ್ಟ್‌ಲುಕ್ ಪೋಸ್ಟರ್‌‌ನಲ್ಲಿ ಮಗುವೊಂದು ಕಾಣಿಸಿದ್ದು, ಈ ಬಾರಿ ಗಂಡ-ಹೆಂಡತಿ ಹಾಗೂ ಮಗು ಕಥೆಯನ್ನ ಹೇಳಲು ಹೊರಟಿದ್ದಾರೆ ಕೃಷ್ಣ ದಂಪತಿ. ಹಾಗಾಗಿ ಎಂದೂ ಕೋರ್ಟ್‌ ನೋಡಿರದ ಇವರುಗಳು, ಅಲ್ಲಿನ ಕಾರ್ಯ ಕಲಾಪಗಳು ಹೇಗೆ ನಡೆಯುತ್ತವೆ..? ಗಂಡ- ಹೆಂಡತಿ ಜಗಳಗಳು ಯಾವೆಲ್ಲಾ ಸಣ್ಣ ಪುಟ್ಟ ವಿಷಯಗಳಿಗೆ ಶುರುವಾಗಿ ಡಿವೋರ್ಸ್‌ನಲ್ಲಿ ಅಂತ್ಯ ಆಗುತ್ತವೆ ಅನ್ನೋದನ್ನ ಅವಲೋಕಿಸಲು ತೆರಳಿದ್ದಾರೆ. ಆದ್ರೆ ಅದು ಬೇರೆ ತರಹದ ಅರ್ಥ ನೀಡಿತ್ತು.
ಲವ್ ಮಾಕ್ಟೇಲ್ ಸಿನಿಮಾ ಮಾಡಿ, ನೆಚ್ಚಿನ ರಾಜರತ್ನ ಅಪ್ಪು ಆಶೀರ್ವಾದದಿಂದ ಬಯಸಿದಂತೆ ನೀರಿನ ಮಧ್ಯೆ ಕಲ್ಯಾಣ ಮಂಟಪ ಸೃಷ್ಠಿಸಿ, ಅಲ್ಲಿ ಮಾಂಗಲ್ಯಧಾರಣೆ ಮಾಡಿ ಸಪ್ತಪದಿ ತುಳಿದಿತ್ತು ಈ ಜೋಡಿ. ಸಿನಿಮಾ ಸಕ್ಸಸ್ ಆದ ಬಳಿಕ ತಮ್ಮಿಬ್ಬರಲ್ಲಿದ್ದ ಪ್ರೀತಿ-ಸ್ನೇಹವನ್ನು ಮುತ್ತೊಂದು ಹಂತಕ್ಕೆ ತೆಗೆದುಕೊಂಡು ಹೋಗಲು ಸತಿಪತಿಗಳಾದ ಕೃಷ್ಣ-ಮಿಲನಾ, ಲವ್ ಮಾಕ್ಟೇಲ್-2 ಅಷ್ಟರಲ್ಲಿ ಹೊಸ ಮನೆ, ಮಗು ಕೂಡ ಮಾಡಿಕೊಂಡರು.
ಮಾಕ್ಟೇಲ್-2 ಸಿನಿಮಾ ಕೂಡ ಬ್ಲಾಕ್ ಬಸ್ಟರ್ ಹಿಟ್ ಆಯ್ತು. ಬಳಿಕ ಮಿಸ್ಟರ್ ಬ್ಯಾಚುಲರ್, ಲವ್ ಬರ್ಡ್ಸ್‌, ಕೌಸಲ್ಯ ಸುಪ್ರಜಾ ರಾಮ ಚಿತ್ರಗಳಲ್ಲೂ ಒಟ್ಟೊಟ್ಟಿಗೆ ಕಾಣಿಸಿಕೊಂಡರು. ಇವರ ನಡುವಿನ ಪ್ರೀತಿ, ಬಾಂಧವ್ಯ ಆನ್ ಸ್ಕ್ರೀನ್ ಹಾಗೂ ಆಫ್‌‌ಸ್ಕ್ರೀನ್ ಎರಡರಲ್ಲೂ ಸೂಪರ್. ಸದಾ ನಗು ನಗುತಾ ಇರೋ ಡಾರ್ಲಿಂಗ್ ಜೋಡಿ ಅದೆಷ್ಟೋ ಮಂದಿ ಕಪಲ್ಸ್‌ಗೆ, ಅವರುಗಳ ಕಪಲ್ ಗೋಲ್ಸ್‌ಗೆ ಮಾದರಿ. ಅಲ್ಲದೆ, ಬಹಳಷ್ಟು ಮೆಚ್ಯೂರಿಟಿ ಇರೋ ವ್ಯಕ್ತಿಗಳು. ಹೀಗಿರುವಾಗ ಅವರ ನಡುವೆ ಜನ ಊಹಿಸಿದಂತೆ ಆಗಲು ಸಾಧ್ಯವೇ..? ಆಗುವುದು ಕೂಡ ಬೇಡ. ಯಾರ ಕೆಟ್ಟ ದೃಷ್ಠಿಯೂ ಈ ಚೆಂದದ ಜೋಡಿ ಮೇಲೆ ಬೀಳದಿರಲಿ. ಲವ್ ಮಾಕ್ಟೇಲ್ ಸೀರೀಸ್ ಸಿನಿಮಾಗಳ ಜೊತೆ ಬೇರೆ ಬೇರೆ ಚಿತ್ರಗಳಿಂದ ಇಬ್ಬರೂ ಕನ್ನಡಿಗರನ್ನ ರಂಜಿಸುತ್ತಾ, ಹಾಲು- ಜೇನಿನಂತೆ ಜೀವನ ಸಾಗಿಸಲಿ ಅಂತ ಹಾರೈಸೋಣ.
