ಮಾಸ್ಗೆ ಕೇರ್ ಆಫ್ ಅಡ್ರೆಸ್ ಆಗಿ ಬಿಗ್ ಡ್ಯಾಡಿ ಖದರ್ ತೋರಿದ್ದ ಕರುನಾಡ ಚಕ್ರವರ್ತಿ ಡಾ. ಶಿವರಾಜ್ಕುಮಾರ್, ಇದೀಗ ಸ್ವೀಟೆಸ್ಟ್ ಡ್ಯಾಡ್ ಆಗಿ ಕಾಣಿಸಿಕೊಂಡಿದ್ದಾರೆ. ಶಿವಣ್ಣನ ಸ್ಟೈಲಿಶ್ ಡ್ಯಾಡ್ ಸ್ವ್ಯಾಗ್ಗೆ ಎಂಥವ್ರೂ ಕ್ಲೀನ್ ಬೋಲ್ಡ್ ಆಗೋದು ಗ್ಯಾರಂಟಿ.
ಡ್ಯಾಡ್.. ಉಪೇಂದ್ರ-ರಾಜ್ ಬಿ ಶೆಟ್ಟಿ ಜೊತೆಗಿನ 45 ಸಿನಿಮಾದ ಬಳಿಕ ಲಿವಿಂಗ್ ಲೆಜೆಂಡ್ ಡಾ. ಶಿವರಾಜ್ಕುಮಾರ್ ನಟಿಸ್ತಿರೋ ಹೊಚ್ಚ ಹೊಸ ಸಿನಿಮಾ. ಈ ಚಿತ್ರದಲ್ಲಿ ತಂದೆ-ಮಗಳ ಬಾಂಧವ್ಯವನ್ನು ಹೇಳಲಾಗಿದ್ದು, ಸೆಟ್ಟೇರಿದ ಕೆಲವೇ ದಿನಗಳಲ್ಲಿ ಶೂಟಿಂಗ್ ಕಂಪ್ಲೀಟ್ ಆಗಿದೆ. ರಿಲೀಸ್ ಅಂಚಿನಲ್ಲಿರೋ ಡ್ಯಾಡ್ ಚಿತ್ರದ ಟೀಸರ್ ಝಲಕ್ ರಿಲೀಸ್ ಆಗಿದ್ದು, ಶಿವಣ್ಣನ ಸ್ಟೈಲಿಶ್ ಎಂಟ್ರಿ ಕಣ್ಣು, ಬಾಯಿ ಬಿಟ್ಕೊಂಡು ನೋಡುವಂತೆ ಮಾಡಿದೆ.
ಮಾಸ್ ಗಾಡ್ ‘ಡ್ಯಾಡ್’ ಸ್ವ್ಯಾಗ್.. ಸ್ಟೈಲಿಶ್ ಶಿವಣ್ಣ ರಾಕ್ಸ್
64ರ ಹರೆಯದಲ್ಲಿ ಯಂಗ್ಸ್ಟರ್ಗಳನ್ನ ನಾಚಿಸೋ ಶಿವಣ್ಣ
ಚಾಕ್ಲೆಟ್ ತಿನ್ನುತ್ತಾ ಚಾಕ್ಲೆಟ್ ಬಾಯ್ನಂತೆ ಸೂಪರ್ ಎಂಟ್ರಿ
ಯೆಸ್.. ಈ ಡ್ಯಾಡ್ ಚಿತ್ರದ ಸ್ಟೈಲಿಶ್ ಸ್ವ್ಯಾಗ್ ಟೀಸರ್ನ ನೋಡಿದ್ಮೇಲೆ ಶಿವಣ್ಣನ ವಯಸ್ಸು 64 ಅಂದ್ರೆ ನಂಬುವಂತಿಲ್ಲ ಅಂತೀರಿ. ಯಾಕಂದ್ರೆ ಯಂಗ್ಸ್ಟರ್ಗಳನ್ನ ನಾಚಿಸೋ ಸೆಂಚುರಿ ಸ್ಟಾರ್, ದುಬಾರಿ ಕಾರ್ನಲ್ಲಿ ನೈಸ್ ರೋಡ್ನಲ್ಲಿ ಸ್ಟೈಲ್ ಆಗಿ ಕಾರ್ ಇಳಿದು ಬಂದು, ಶೇಡ್ಸ್ನ ಕಾರ್ ಮೇಲೆ ಎಸೆದು, ಚಾಕ್ಲೆಟ್ನ ತಿನ್ನುತ್ತಾ ತಂದೆಯ ಮಹತ್ವ ಹೇಳಿ, ತಾನು ಕೂಡ ಡ್ಯಾಡ್ ಅನ್ನೋ ಪರಿ ವ್ಹಾವ್ ಫೀಲ್ ಕೊಡ್ತಿದೆ.
ಶರ್ಮಿಳಾ ಮಾಂಡ್ರೆ, ಬೇಬಿ ನಕ್ಷತ್ರಾ, ಬಾಬು, ಮಲಯಾಳಂ ನಟ ಸೂರಜ್ ವೆಂಜರಮೂಡು ಮುಂತಾದ ಕಲಾವಿದರಿರೋ ಡ್ಯಾಡ್ ಸಿನಿಮಾ, ಎಲ್ಲಾ ಅಪ್ಪಂದಿರು ಹಾಗೂ ಮಕ್ಕಳಿಗೆ ಇಷ್ಟವಾಗಲಿದೆ. ಕನ್ನಡದ ಜೊತೆ ಮಲಯಾಳಂ ಹಾಗೂ ತೆಲುಗಿನಲ್ಲಿ ಕೂಡ ಇದು ತಯಾರಾಗ್ತಿದ್ದು, ತೆಲುಗಿನ ಅಸಾಧ್ಯುಡು ಡೈರೆಕ್ಟರ್ ಅನಿಲ್ ಕನ್ನೆಗಂಟಿ ಇದಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಟಕ್ ಜಗದೀಶ್, ಭಗವಂತ್ ಕೇಸರಿ ಚಿತ್ರಗಳ ನಿರ್ಮಾಪಕ ಹರೀಶ್ ಪೆದ್ದಿ ಇದಕ್ಕೆ ಬಂಡವಾಳ ಹೂಡಿದ್ದಾರೆ. ಒಟ್ಟಾರೆ ಮಾಸ್ ಅಥ್ವಾ ಕ್ಲಾಸ್ ಎರಡಕ್ಕೂ ಡ್ಯಾಡ್ ಶಿವಣ್ಣನೇ ಅನ್ನೋದು ಇದ್ರಿಂದ ಗೊತ್ತಾಗ್ತಿದೆ.
