ಕೇವಲ 17 ದಿನದಲ್ಲಿ 1523 ಕೋಟಿ ಗಳಿಸೋ ಮೂಲಕ ಈ ವರ್ಷದ ಬಾಲಿವುಡ್ನ ಬಿಗ್ಗೆಸ್ಟ್ ಬ್ಲಾಕ್ ಬಸ್ಟರ್ ಹಿಟ್ ಅನಿಸಿಕೊಂಡಿರೋ ಧುರಂಧರ್-2 ಸಿನಿಮಾದ ಕಥೆ ಮೇಲೆ ಕೃತಿಚೌರ್ಯ ಆರೋಪ ಕೇಳಿಬಂದಿದೆ. ಡಿ ಸಾಹೇಬ್ ಅಂತ 2023ರಲ್ಲೇ ನಾನು ಬರೆದ ಕಥೆಯನ್ನ ಡೈರೆಕ್ಟರ್ ಆದಿತ್ಯ ಧರ್ ಕದ್ದು ಸಿನಿಮಾ ಮಾಡಿದ್ದಾರೆ ಅಂತ ಬರಹಗಾರರೊಬ್ಬರು ಆರೋಪಿಸಿ, ಕಾನೂನಿನಾತ್ಮಕ ಹೋರಾಟಕ್ಕೆ ಸಜ್ಜಾಗಿದ್ದಾರೆ.
‘ಧುರಂಧರ್-2’ ಕದ್ದ ಕಥೆ.. ಇದು ನನ್ನ ಕಥೆ ಎಂದಿದ್ಯಾರು..?
ಪೊಲಿಟಿಕಲ್ ಪ್ರೊಪಗಾಂಡಗೆ ಬಳಕೆ.. ಬರಹಗಾರ ಸಿಡಿಮಿಡಿ
1500 ಕೋಟಿ ಬಾಕ್ಸ್ ಆಫೀಸ್ ಕ್ಲಬ್ನತ್ತ ಸಾಗಿರೋ ಧುರಂಧರ್-2 ಸಿನಿಮಾದ ಕಥೆ ಮೇಲೆ ಕೃತಿಚೌರ್ಯ ಆರೋಪ ಎದುರಾಗಿದೆ. ನಿರ್ದೇಶಕ ಆದಿತ್ಯ ಧರ್ ನನ್ನ ಕಥೆಯನ್ನ ಕದ್ದು ಸಿನಿಮಾ ಮಾಡಿದ್ದಾರೆ. ಅಲ್ಲದೆ, ಅದನ್ನ ಪೊಲಿಟಿಕಲ್ ಪ್ರೊಪಗಾಂಡಗೆ ಬಳಸಿಕೊಂಡಿದ್ದಾರೆ ಅಂತ ಆರೋಪಿಸಿ ಸುದ್ದಿಗೋಷ್ಠಿ ಕೂಡ ನಡೆಸಿದ್ದಾರೆ ಬರಹಗಾರ ಸಂತೋಷ್ ಕುಮಾರ್ ಆರ್ ಎಸ್. 2023ರಲ್ಲಿ ನಾನು ಬರೆದ ಈ ಕಥೆಗೆ ಡಿ ಸಾಹೇಬ್ ಅನ್ನೋ ಟೈಟಲ್ ಕೂಡ ಇಟ್ಟಿದ್ದೆ. ಅದನ್ನ ಸ್ಕ್ರೀನ್ ರೈಟರ್ಸ್ ಅಸೋಸಿಯೇಷನ್ನಲ್ಲಿ ರಿಜಿಸ್ಟರ್ ಕೂಡ ಮಾಡಿಸಿದ್ದೆ ಅನ್ನೋದನ್ನ ಪ್ರೂಫ್ ಸಮೇತ ವಿವರಿಸಿದ್ದಾರೆ.
ಆದ್ರೆ ಅದಿತ್ಯ ಧರ್ ಈ ಆರೋಪವನ್ನ ಸಂಪೂರ್ಣವಾಗಿ ತಳ್ಳಿಹಾಕಿದ್ದು, ಆರೋಪ ಮಾಡಿರೋರ ವಿರುದ್ಧ ಕಾನೂನು ಕ್ರಮ ಜರುಗಿಸುತ್ತೇನೆ ಎಂದಿದ್ದಾರೆ. ಇತ್ತ ಆರೋಪ ಮಾಡ್ತಿರೋ ಬರಹಗಾರ ಸಂತೋಷ್ ಕುಮಾರ್, ನಾನೂ ಕೂಡ ಕಥೆ ಕದ್ದಿರೋ ಆದಿತ್ಯ ಧರ್ ಮೇಲೆ ಕಾನೂನು ಕ್ರಮ ಕೈಗೊಳ್ಳುತ್ತೇನೆ ಎಂದಿದ್ದಾರೆ. ಆದ್ರೆ ಇದು ಪರಸ್ಪರ ಮಾತುಕತೆ ಮೂಲಕ ಬಗೆಹರಿಯುತ್ತಾ ಅಥ್ವಾ ಪೊಲೀಸ್ ಸ್ಟೇಷನ್, ಕೋರ್ಟ್ ಅಂತ ಕಾನೂನಿನಾತ್ಮಕವಾಗಿ ಇತ್ಯರ್ಥ ಆಗುತ್ತಾ ಅನ್ನೋದನ್ನ ಕಾದು ನೊಡಬೇಕಿದೆ.
