ನಿನ್ನೆಯಷ್ಟೇ ಧುರಂಧರ್ 2 ಸಿನಿಮಾ ತೆರೆಕಂಡಿದ್ದು, ಚಿತ್ರಮಂದಿರಗಳಲ್ಲಿ ಹೌಸ್ಫುಲ್ ಪ್ರದರ್ಶನ ಕಾಣುತ್ತಿದೆ. ಈ ಸಿನಿಮಾ ಬಗ್ಗೆ ಸ್ಯಾಡಂಲ್ಡುಡ್ ಕ್ವೀನ್ ರಮ್ಯಾ ಟ್ವಿಟ್ ಮಾಡಿದ್ದು, ಸಿನಿ ರಂಗದಲ್ಲಿ ಭಾರಿ ಸಂಚಲನ ಮೂಡಿಸಿದೆ.
ನಟಿ ರಮ್ಯಾ ತಮ್ಮ ಪೋಸ್ಟ್ನಲ್ಲಿ, ಥಿಯೇಟರ್ಗೆ ಹೋಗಿ ಹಣ ವ್ಯರ್ಥ ಮಾಡಬೇಡಿ, ಇದು ಕೇವಲ ಒಟಿಟಿಯಲ್ಲಿ ನೋಡುವಂತಹ ಸ್ಮಾಲಿಂಗ್ ಕಂಟೆಂಟ್ ಎಂದು ನೇರವಾಗಿ ಕಿಡಿಕಾರಿದ್ದಾರೆ. ಚಿತ್ರವು ಕೇವಲ ನೀರಸ ನಿರೂಪಣೆಯಷ್ಟೇ ಅಲ್ಲದೆ, ಪ್ರೇಕ್ಷಕರ ತಾಳ್ಮೆಯನ್ನು ಪರೀಕ್ಷಿಸುವ ಒಂದು ಪ್ರಯೋಗದಂತಿದೆ ಎಂದು ಬರೆದಿದ್ದಾರೆ.
ಕಾಲುಗಳು ತುಂಡಾಗಿದ್ದರೂ, ಮೈಮೇಲೆ ಸೀಮೆಎಣ್ಣೆ ಸುರಿದುಕೊಂಡಿದ್ದರೂ ನಟರು ಟೆಡ್-ಟಾಕ್ (TED Talk) ನೀಡುವಂತೆ ಸುದೀರ್ಘ ಡೈಲಾಗ್ ಹೊಡೆಯುತ್ತಾರೆ, ಇಲ್ಲಿ ವೈದ್ಯಕೀಯ ವಿಜ್ಞಾನಕ್ಕೆ ಬೆಲೆಯೇ ಇಲ್ಲ. ಇಂತಹ ದೃಶ್ಯಗಳಿಗಾಗಿ ಆಸ್ಕರ್ ಅಲ್ಲ, ನೋಬೆಲ್ ಪ್ರಶಸ್ತಿಯೇ ನೀಡಬೇಕು ಎಂದು ತಮಾಷೆ ಮಾಡಿದ್ದಾರೆ. ಚಿತ್ರದಲ್ಲಿ ಚಾಕು, ಕೊಡಲಿ ಮಾತ್ರವಲ್ಲದೆ ಇಂಜೆಕ್ಷನ್ ಸಿರಿಂಜ್ವರೆಗೆ ಪ್ರತಿಯೊಂದನ್ನೂ ಹಿಂಸೆಯ ಶಸ್ತ್ರವನ್ನಾಗಿ ಬಳಸಿರುವುದು ಪ್ರೇಕ್ಷಕರಿಗೆ ಅಸಹ್ಯ ಹುಟ್ಟಿಸುವಂತಿದೆ.
Just watched Dhurandhar 2 and wow! what a masterclass in how to turn something promising into an endurance test.
It’s like reading a textbook of the most boring subject with never-ending chapters and at some point, your brain just gives up and starts laughing out of sheer despair…— Ramya/Divya Spandana (@divyaspandana) March 20, 2026
ರಣವೀರ್ ಈ ಸಿನಿಮಾವನ್ನು ತನ್ನ ಹೆಗಲ ಮೇಲೆ ಹೊತ್ತಿದ್ದಾರೆ ಎನ್ನುವವರಿಗೆ ಒಂದು ಪ್ರಶ್ನೆ- ಅವರು ಹೊತ್ತಿರುವುದು ಏನನ್ನು? ಇಲ್ಲಿ ಕಾಣುವುದು ಬರೀ ಅವರ ಕೂದಲು ಮಾತ್ರ!” ಎಂದು ಹಾಸ್ಯ ಮಾಡಿದ್ದಾರೆ. ಮೊದಲ ಭಾಗದಲ್ಲಿದ್ದ ಆ ಗತ್ತು ಮತ್ತು ಖದರ್ ಈ ಬಾರಿ ಮಾಯವಾಗಿದ್ದು, ರಣವೀರ್ ಅವರ ಕೂದಲಿಗೇ ಈ ಬಾರಿ ಪೋಷಕ ನಟ ಪ್ರಶಸ್ತಿ ನೀಡಬಹುದು ಎಂಬಂತಿದೆ ಎಂದು ಟೀಕಿಸಿದ್ದಾರೆ.
ಚಿತ್ರದ ಸಂಕಲನ, ಹಿನ್ನೆಲೆ ಸಂಗೀತ ಮತ್ತು ಚಿತ್ರಕಥೆ ಎಲ್ಲವೂ ತೀರಾ ಕಳಪೆಯಾಗಿವೆ. ಮಾರ್ಚ್ 19ರ ಡೆಡ್ ಲೈನ್ಗೆ ಹೇಗೋ ಮುಗಿಸಬೇಕು ಎಂದು ಅವಸರದಲ್ಲಿ ಸಿನಿಮಾ ಮಾಡಿದಂತಿದೆ ಎಂಬುದು ಪ್ರೇಕ್ಷಕರ ಮತ್ತು ವಿಮರ್ಶಕರ ಸಾಮಾನ್ಯ ಅಭಿಪ್ರಾಯ. ಒಟ್ಟಾರೆಯಾಗಿ ‘ಧುರಂಧರ್ 2’ ಸಿನಿಮಾ ಒಂದು ದೊಡ್ಡ ನಿರಾಸೆ ಮೂಡಿಸಿದ್ದು, ಚಿತ್ರಮಂದಿರಕ್ಕೆ ಹೋಗುವ ಮುನ್ನ ಪ್ರೇಕ್ಷಕರು ಎರಡು ಬಾರಿ ಯೋಚಿಸುವಂತಾಗಿದೆ.
