ಬಂಗಾರ ಖರೀದಿಸುವ ಯೋಚನೆಯಲ್ಲಿರುವವರಿಗೆ ಒಂದು ಸಿಹಿ ಸುದ್ದಿ! ಕಳೆದ ಎರಡು ದಿನಗಳಿಂದ ಚಿನ್ನದ ಬೆಲೆಯಲ್ಲಿ ಇಳಿಕೆ ಕಂಡುಬರುತ್ತಿದೆ. ಮೇ 5ರ ಮಂಗಳವಾರದಂದು ಚಿನ್ನದ ಬೆಲೆ ಗ್ರಾಮ್ಗೆ 40 ರೂ. ಇಳಿಕೆಯಾಗಿದ್ದರೆ, ನಿನ್ನೆ ಬರೋಬ್ಬರಿ 120 ರೂ. ತಗ್ಗಿತ್ತು. ಒಟ್ಟಾರೆಯಾಗಿ ಎರಡು ದಿನದಲ್ಲಿ 160 ರೂ. ಇಳಿಕೆಯಾಗುವ ಮೂಲಕ ಆಭರಣ ಪ್ರಿಯರಿಗೆ ತುಸು ನಿರಾಳ ತಂದಿದೆ.
ಅಪರಂಜಿ ಚಿನ್ನ ಮತ್ತೆ 15,000 ರೂ. ಒಳಗೆ!
ಜಾಗತಿಕ ಮಾರುಕಟ್ಟೆಯಲ್ಲಿನ ಏರಿಳಿತಗಳ ಪರಿಣಾಮವಾಗಿ, ಅಪರಂಜಿ ಚಿನ್ನದ (24 ಕ್ಯಾರಟ್) ಬೆಲೆ ಮತ್ತೆ 15,000 ರೂ. ಗಿಂತ ಕೆಳಕ್ಕೆ ಇಳಿದಿದೆ. ಇವತ್ತು ಮಂಗಳವಾರ ಬೆಂಗಳೂರಿನಲ್ಲಿ 24 ಕ್ಯಾರಟ್ ಚಿನ್ನದ ಬೆಲೆ ಗ್ರಾಮ್ಗೆ 14,918 ರೂ. ತಲುಪಿದೆ. ಅದೇ ರೀತಿ ಆಭರಣ ಚಿನ್ನದ (22 ಕ್ಯಾರಟ್) ಬೆಲೆ ಗ್ರಾಮ್ಗೆ 13,675 ರೂ. ಆಗಿದೆ.
ಬೆಳ್ಳಿ ಬೆಲೆಯಲ್ಲೂ ಭಾರಿ ಕುಸಿತ :
ಬಂಗಾರದ ಬೆನ್ನಲ್ಲೇ ಬೆಳ್ಳಿಯ ಬೆಲೆಯೂ ಗಣನೀಯವಾಗಿ ಇಳಿಕೆಯಾಗಿದೆ. ಬೆಂಗಳೂರಿನಲ್ಲಿ ಗ್ರಾಮ್ಗೆ 10 ರೂ.ನಷ್ಟು ಅಗ್ಗವಾಗಿದ್ದು, 265 ರೂ. ಇದ್ದ ಬೆಲೆ ಈಗ 255 ರೂ. ಗೆ ಇಳಿದಿದೆ. 100 ಗ್ರಾಮ್ ಬೆಳ್ಳಿಯ ಬೆಲೆ ಈಗ 25,500 ರೂ. ಆಗಿದೆ. ಆದರೆ, ತಮಿಳುನಾಡು ಮತ್ತು ಕೇರಳದ ಕೆಲವು ಭಾಗಗಳಲ್ಲಿ ಬೆಳ್ಳಿಯ ಬೆಲೆ ಇನ್ನೂ 26,500 ರೂ. ಆಸುಪಾಸಿನಲ್ಲಿದೆ.
| ಕೆಟಗರಿ | 1 ಗ್ರಾಮ್ ಬೆಲೆ | 10 ಗ್ರಾಮ್ ಬೆಲೆ |
| 24 ಕ್ಯಾರಟ್ ಅಪರಂಜಿ ಚಿನ್ನ | 14,918 ರೂ. | 1,49,180 ರೂ. |
| 22 ಕ್ಯಾರಟ್ ಚಿನ್ನಆಭರಣ | 13,675 ರೂ. | 1,36,750 ರೂ. |
| 18 ಕ್ಯಾರಟ್ ಚಿನ್ನ | 11,189 ರೂ. | 1,11,890 ರೂ. |
| ಬೆಳ್ಳಿ (Silver) | 255 ರೂ. | 2,550 ರೂ. |
ವಿವಿಧ ನಗರಗಳಲ್ಲಿ 22 ಕ್ಯಾರಟ್ ಚಿನ್ನದ ಬೆಲೆ:
-
ಬೆಂಗಳೂರು / ಮುಂಬೈ / ಕೋಲ್ಕತಾ: 13,675 ರೂ.
-
ದೆಹಲಿ / ಜೈಪುರ / ಲಕ್ನೋ: 13,690 ರೂ.
-
ಚೆನ್ನೈ: 13,820 ರೂ. (ಇಲ್ಲಿ ಉಳಿದ ನಗರಗಳಿಗಿಂತ ತುಸು ಹೆಚ್ಚು)
-
ಅಹ್ಮದಾಬಾದ್: 13,680 ರೂ.
ವಿದೇಶಿ ಮಾರುಕಟ್ಟೆಯಲ್ಲಿನ ಮಂದಗತಿಯ ಪ್ರವೃತ್ತಿಯಿಂದಾಗಿ ಮುಂದಿನ ದಿನಗಳಲ್ಲಿ ಚಿನ್ನದ ಬೆಲೆ ಮತ್ತಷ್ಟು ಸ್ಥಿರಗೊಳ್ಳುವ ಅಥವಾ ಇಳಿಕೆಯಾಗುವ ಸಾಧ್ಯತೆ ಇದೆ ಎಂದು ಮಾರುಕಟ್ಟೆ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
