ಬೆಂಗಳೂರು: ಇತ್ತಿಚಿಗೆ ಮಾರುಕಟ್ಟೆಯಲ್ಲಿ ಸತತ ಏರಿಕೆ ಕಾಣುತ್ತಿದ್ದ ಚಿನ್ನದ ದರದಲ್ಲಿ ಇಂದು ಸಣ್ಣ ಮಟ್ಟದ ಕುಸಿತ ಕಂಡುಬಂದಿದೆ. ಇಂದು (ಜನವರಿ 28) ದೇಶೀಯ ಬೇಡಿಕೆ ಮತ್ತು ಜಾಗತಿಕ ಮಾರುಕಟ್ಟೆಯ ಏರಿಳಿತಗಳ ಪರಿಣಾಮವಾಗಿ ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ತುಸು ಇಳಿಕೆಯಾಗಿವೆ. ಹಬ್ಬಗಳು ಹಾಗೂ ಮದುವೆಯ ಸೀಸನ್ ಆರಂಭವಾಗುತ್ತಿರುವ ಈ ಸಮಯದಲ್ಲಿ ದರ ಇಳಿಕೆಯಾಗಿರುವುದು ಗ್ರಾಹಕರಲ್ಲಿ ಹೊಸ ಸಂಚಲನ ಮೂಡಿಸಿದೆ.
ಮಾರುಕಟ್ಟೆಯ ಇಂದಿನ ಟ್ರೆಂಡ್:
ಕಳೆದ ಕೆಲವು ದಿನಗಳಿಂದ ಚಿನ್ನದ ಬೆಲೆಗಳಲ್ಲಿ ಭಾರಿ ಬದಲಾವಣೆ ಕಾಣುತ್ತಿದೆ ಅದರಲ್ಲು ದಿನದಿಂದ ದಿನಕ್ಕೆ ಈ ಬೆಲೆ ಹೆಚ್ಚಾಗಿಯೆ ಇದೆ. ಆದರೆ ಇಂದು ಅಸ್ಥಿರ ಮಾರುಕಟ್ಟೆ ಚಲನೆಗಳ ನಡುವೆ ಬೆಲೆಯಲ್ಲಿ ತುಸು ಇಳಿಕೆ ಕಂಡುಬಂದಿದೆ. ಚಿನ್ನವನ್ನು ಯಾವಾಗಲೂ ‘ಸುರಕ್ಷಿತ ಹೂಡಿಕೆ’ (Safe Haven Asset) ಎಂದು ಪರಿಗಣಿಸಲಾಗುತ್ತಿದ್ದು, ಮಾರುಕಟ್ಟೆಯ ಅನಿಶ್ಚಿತತೆಯ ನಡುವೆಯೂ ಹೂಡಿಕೆದಾರರು ಇದರತ್ತ ಆಕರ್ಷಿತರಾಗುತ್ತಿದ್ದಾರೆ.
24 ಕ್ಯಾರೆಟ್ ಮತ್ತು 22 ಕ್ಯಾರೆಟ್ ಚಿನ್ನದ ದರ:
24 ಕ್ಯಾರೆಟ್ ಚಿನ್ನ (99.9% ಶುದ್ಧತೆ): ಹೂಡಿಕೆ ಉದ್ದೇಶಕ್ಕಾಗಿ ಬಳಸಲಾಗುವ ಅತ್ಯಂತ ಶುದ್ಧ ಚಿನ್ನದ ಬೆಲೆ ಇಂದು 1 ಗ್ರಾಂಗೆ 16,194 ರೂ. ಆಗಿದೆ.
22 ಕ್ಯಾರೆಟ್ ಚಿನ್ನ (91.67% ಶುದ್ಧತೆ): ಸಾಮಾನ್ಯವಾಗಿ ಆಭರಣ ತಯಾರಿಕೆಯಲ್ಲಿ ಬಳಸುವ ಈ ಚಿನ್ನದ ಬೆಲೆ ಇಂದು 1 ಗ್ರಾಂಗೆ 14,844 ರೂ. ಗಳಾಗಿವೆ. ಬೆಲೆಯಲ್ಲಿನ ಈ ಸಣ್ಣ ಕುಸಿತವು ಆಭರಣ ಖರೀದಿ ಮಾಡುವವರಿಗೆ ಅತ್ಯುತ್ತಮ ಅವಕಾಶವನ್ನು ಒದಗಿಸಿದೆ.
ಬೆಳ್ಳಿ ಬೆಲೆ ವಿವರ:
ಬೆಳ್ಳಿಯು ಕೇವಲ ಆಭರಣವಲ್ಲದೆ ಕೈಗಾರಿಕಾ ಕ್ಷೇತ್ರದಲ್ಲೂ ಹೆಚ್ಚಿನ ಬೇಡಿಕೆಯನ್ನು ಹೊಂದಿದೆ. ಚಿನ್ನಕ್ಕೆ ಹೋಲಿಸಿದರೆ ಬೆಳ್ಳಿ ದರವು ಭಾರತದಲ್ಲಿ ಸಾಕಷ್ಟು ಏರಿಕೆ ಕಂಡಿದೆ. ಭಾರತದಲ್ಲಿ ಇಂದಿನ 999 ಶುದ್ಧತೆಯ ಒಂದು ಕೆಜಿ ಬೆಳ್ಳಿಯ ಬೆಲೆ ಸರಿಸುಮಾರು 3,70,100 ರೂ. ಆಗಿದೆ. ಬೆಳ್ಳಿ ಬೆಲೆಯೂ ಸಹ ಚಿನ್ನದ ಬೆಲೆಯನ್ನು ಅನುಸರಿಸಿ ಸಣ್ಣ ಪ್ರಮಾಣದ ಏರಿಳಿತವನ್ನು ದಾಖಲಿಸಿದೆ.
ಗಮನಿಸಬೇಕಾದ ಅಂಶ:
ಈ ಬೆಲೆಗಳು ಮಾರುಕಟ್ಟೆಯ ಆರಂಭಿಕ ವಹಿವಾಟನ್ನು ಸೂಚಿಸುತ್ತವೆ. ಸ್ಥಳೀಯ ತೆರಿಗೆಗಳು (GST), ಮೇಕಿಂಗ್ ಚಾರ್ಜಸ್ ಮತ್ತು ಆಯಾ ನಗರಗಳ ಮಾರುಕಟ್ಟೆ ಶುಲ್ಕಗಳ ಆಧಾರದ ಮೇಲೆ ಅಂತಿಮ ಬೆಲೆಯು ಸ್ವಲ್ಪ ಬದಲಾಗಬಹುದು. ಗ್ರಾಹಕರು ಚಿನ್ನ ಖರೀದಿಸುವ ಮುನ್ನ ತಮ್ಮ ಸಮೀಪದ ಜ್ಯುವೆಲ್ಲರಿ ಮಳಿಗೆಯಲ್ಲಿ ದರವನ್ನು ಮತ್ತೊಮ್ಮೆ ದೃಢಪಡಿಸಿಕೊಳ್ಳುವುದು ಸೂಕ್ತ.
