ಬಿಗ್ ಬಾಸ್ ಕನ್ನಡ ಸೀಸನ್ 12 ಫಿನಾಲೆಗೆ ಹತ್ತಿರವಾಗುತ್ತಿದ್ದಂತೆ ಮನೆಯೊಳಗಿನ ಪೈಪೋಟಿ ದಿನದಿಂದ ದಿನಕ್ಕೆ ಮತ್ತಷ್ಟು ರೋಚಕವಾಗುತ್ತಿವೆ. ಈಗಾಗಲೇ ಸ್ಪರ್ಧಿ ರಾಶಿಕಾ ಎಲಿಮಿನೇಟ್ ಆಗಿದ್ದು, ಉಳಿದ ಸ್ಪರ್ಧಿಗಳು ಟ್ರೋಫಿಗಾಗಿ ಭಾರೀ ಪೈಪೋಟಿಗೆ ಇಳಿದಿದ್ದಾರೆ. ಫಿನಾಲೆ ವಾರದ ಬಿಗ್ ಬಾಸ್ ನೀಡಿದ ಒಂದು ಟಾಸ್ಕ್ ಇನ್ನೂ ವಿಶೇಷವಾಗಿದೆ..
ಈ ಟಾಸ್ಕ್ನಲ್ಲಿ ಸ್ಪರ್ಧಿಗಳನ್ನೇ ಕೇಳಲಾಯಿತು “ಅಭಿಮಾನಿಗಳು ನಿಮ್ಮನ್ನು ಯಾವ ಬಿರುದು ಅಥವಾ ಟೈಟಲ್ನಿಂದ ಗುರುತಿಸಬೇಕು ಎಂದು ನೀವು ಬಯಸುತ್ತೀರಿ?” ಎಂಬ ಪ್ರಶ್ನೆ ನೀಡಿದ್ದರು. ಈ ಪ್ರಶ್ನೆಗೆ ಪ್ರತಿ ಸ್ಪರ್ಧಿಯೂ ತಮ್ಮದೇ ಶೈಲಿಯಲ್ಲಿ ಉತ್ತರ ನೀಡಿದ್ದು, ಅದರಲ್ಲಿ ಗಿಲ್ಲಿ ನಟರ ಉತ್ತರ ಎಲ್ಲರ ಗಮನ ಸೆಳೆದಿದೆ.
“ಸಕಲಕಲಾ ವಲ್ಲಭ, ಎಲ್ಲ ಆಟ ಬಲ್ಲವ” ಎಂದ ಗಿಲ್ಲಿ
ಟೈಟಲ್ ಟಾಸ್ಕ್ನಲ್ಲಿ ಗಿಲ್ಲಿ ನಟ ಅವರು ತಮ್ಮನ್ನು “ಸಕಲಕಲಾ ವಲ್ಲಭ, ಎಲ್ಲ ಆಟ ಬಲ್ಲವ” ಎಂದು ಬರೆದಿದ್ದಾರೆ. ಇದು ಗಿಲ್ಲಿಯ ಆತ್ಮವಿಶ್ವಾಸ, ಆಟದ ಮೇಲಿನ ಹಿಡಿತ ಮತ್ತು ಮನೆ ಒಳಗಿನ ಅವರ ಸ್ಟ್ರಾಟೆಜಿಯನ್ನು ಸ್ಪಷ್ಟವಾಗಿ ಪ್ರತಿಬಿಂಬಿಸುತ್ತದೆ. ಆರಂಭದಿಂದಲೇ ಟಾಸ್ಕ್, ವಾದ–ವಿವಾದ, ಸ್ನೇಹ–ವೈರ ಎಲ್ಲದಲ್ಲೂ ಸಮತೋಲನ ಕಾಯ್ದುಕೊಂಡು ಆಟ ಆಡುತ್ತಿರುವ ಗಿಲ್ಲಿ, ಫಿನಾಲೆ ವಾರದಲ್ಲೂ ತಮ್ಮ ಗೇಮ್ ಪ್ಲಾನ್ ಬದಲಿಸಿಲ್ಲ ಎಂಬ ಸಂದೇಶವನ್ನು ಈ ಬಿರುದು ನೀಡುತ್ತದೆ.
ಧ್ರುವಂತ್, ಅಶ್ವಿನಿ, ಧನುಷ್ – ಟೈಟಲ್ ಟಾಸ್ಕ್ನ ಇತರೆ ಹೈಲೈಟ್ಸ್
ಈ ಟಾಸ್ಕ್ನಲ್ಲಿ ಧ್ರುವಂತ್ ತಮ್ಮನ್ನು “ಡ್ಯಾಶಿಂಗ್ ಧ್ರುವಂತ್” ಎಂದು ಬರೆದಿದ್ದಾರೆ. ಅವರ ವ್ಯಕ್ತಿತ್ವ, ಸ್ಟೈಲ್ ಮತ್ತು ಆತ್ಮವಿಶ್ವಾಸಕ್ಕೆ ಈ ಬಿರುದು ಸೂಕ್ತವಾಗಿದೆ ಎಂದು ಅಭಿಮಾನಿಗಳೂ ಅಭಿಪ್ರಾಯಪಟ್ಟಿದ್ದಾರೆ.
ಇನ್ನು ಅಶ್ವಿನಿ ಅವರು ತಮ್ಮ ಬಗ್ಗೆ “ಛಲಗಾರ್ತಿ ಅಶ್ವಿನಿ” ಎಂಬ ಟೈಟಲ್ ಸೂಚಿಸಿದ್ದು, ಬಳಿಕ ಅದನ್ನು ಮತ್ತಷ್ಟು ವಿವರಿಸಿ, “ನನಗೆ ಅನೇಕ ಬಿರುದುಗಳಿಗಿಂತ ಒಳಗಿನ ಫೈರ್ ಮುಖ್ಯ. ನಾನು ಈ ಸೀಸನ್ನ ಬ್ರ್ಯಾಂಡ್” ಎಂದು ಹೇಳುವ ಮೂಲಕ “Bigg Boss Brand – Season 12” ಎನ್ನುವ ಮಾತುಗಳನ್ನು ಆಡಿದರು.
ಇದಕ್ಕೆ ಪ್ರತಿಕ್ರಿಯಿಸಿದ ಕೆಲ ಸ್ಪರ್ಧಿಗಳು ಸೀಕ್ರೆಟ್ ರೂಂ ವಿಚಾರವನ್ನು ಎಳೆದು ತಂದರು. ಅಶ್ವಿನಿ ಅವರು “ಸೀಕ್ರೆಟ್ ರೂಂ ಹೀರೋ” ಎಂದು ಹೇಳಿದರೆ, ಅದಕ್ಕೆ ಪ್ರತಿಯಾಗಿ ಧನುಷ್ ಬಗ್ಗೆ “ಸೀಕ್ರೆಟ್ ರೂಂ ಜೀರೋ” ಎಂಬ ಕಾಮೆಂಟ್ ಕೂಡ ಕೇಳಿಬಂದಿತು. ಇದಕ್ಕೆ ಧನುಷ್ ತಕ್ಷಣ ಪ್ರತಿಕ್ರಿಯಿಸಿದರು.
ಫಿನಾಲೆ ವೀಕ್ ಟ್ವಿಸ್ಟ್- ಎರಡು ಬಾರಿ ವೋಟಿಂಗ್
ಫಿನಾಲೆ ವಾರದ ಮತ್ತೊಂದು ಪ್ರಮುಖ ಅಂಶವೆಂದರೆ ಎರಡು ಬಾರಿ ವೋಟಿಂಗ್ ಲೈನ್ಸ್ ತೆರೆಯಲಾಗುವುದು.
-
ಮೊದಲ ವೋಟಿಂಗ್ ಮಿಡ್ ವೀಕ್ ಎಲಿಮಿನೇಷನ್ಗಾಗಿ ನಡೆಯಲಿದ್ದು, ಮಂಗಳವಾರ ಸಂಜೆವರೆಗೆ ಅವಕಾಶ ಇರುತ್ತದೆ.
-
ನಂತರ ಉಳಿಯುವ ಆರು ಮಂದಿ ಸ್ಪರ್ಧಿಗಳು ಫಿನಾಲೆಗೆ ಪ್ರವೇಶ ಪಡೆಯಲಿದ್ದು, ಅಂತಿಮವಾಗಿ ವಿನ್ನರ್ ಆಯ್ಕೆಗಾಗಿ ಮತ್ತೆ ವೋಟಿಂಗ್ ನಡೆಯಲಿದೆ.
ಭಾನುವಾರ (ಜ.18) ರಾತ್ರಿ ಬಿಗ್ ಬಾಸ್ ಕನ್ನಡ ಸೀಸನ್ 12ರ ವಿನ್ನರ್ ಯಾರು ಎಂಬುದು ಬಹಿರಂಗವಾಗಲಿದೆ.
ಗಿಲ್ಲಿ ನಟರಿಗೆ ಜೋರಾದ ಫ್ಯಾನ್ ಸಪೋರ್ಟ್
ಸದ್ಯ ಗಿಲ್ಲಿ ನಟರ ಬಗ್ಗೆ ದೊಡ್ಡ ಮಟ್ಟದ ಕ್ರೇಜ್ ಶುರುವಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ #VoteForGilli ಹ್ಯಾಶ್ಟ್ಯಾಗ್ ಟ್ರೆಂಡ್ ಆಗುತ್ತಿದ್ದು, ಅಭಿಮಾನಿಗಳು ಗಿಲ್ಲಿಗೆ ವೋಟ್ ಮಾಡುವಂತೆ ಭಾರೀ ಕ್ಯಾಂಪೇನ್ ನಡೆಸುತ್ತಿದ್ದಾರೆ.
