ಕಿಚ್ಚ ಸುದೀಪ್ ಬೆನ್ನು ತಟ್ಟಿ, ನಡಿ ಮುಂದೆ ನಿನ್ನ ಹಿಂದೆ ನಾನಿದ್ದೇನೆ ಅಂದಿದ್ದ ಅಶ್ವಿನ್, ಇದೀಗ ತನ್ನ ಚೊಚ್ಚಲ ಸಿನಿಮಾ ರಿಲೀಸ್ಗೂ ಮೊದಲೇ ಸೆಲೆಬ್ರಿಟಿ ಆಗಿದ್ದಾರೆ. ಖುದ್ದು ರಾಜಕಾರಣಿ ಸಾರಾ ಮಹೇಶ್ ಅವರೇ ಪ್ರೊಡ್ಯೂಸ್ ಮಾಡ್ತಿರೋ ಸೆಲೆಬ್ರಿಟಿ ಚಿತ್ರದ ಟೀಸರ್ ಸಖತ್ ಸೌಂಡಿಂಗ್ ಆಗಿತ್ತು. ಆದ್ರೆ ಆ ಚಿತ್ರದ ಹೀರೋ ಅಶ್ವಿನ್ ಯಾರು..? ಹಿನ್ನೆಲೆ ಏನು ಅನ್ನೋದು ಯಾರಿಗೂ ಗೊತ್ತಿಲ್ಲ. ಇಲ್ಲಿದೆ ನೋಡಿ ಈ ಬಗ್ಗೆ ಕಂಪ್ಲೀಟ್ ಮಾಹಿತಿ.
ಸೆಲೆಬ್ರಿಟಿ ಚಿತ್ರದ ಟೀಸರ್ ಝಲಕ್ ನೋಡಿದ್ರೆನೇ ಗೊತ್ತಾಗುತ್ತೆ ನಾಯಕನಟನಿಗೆ ಸೆಲೆಬ್ರಿಟಿ ಆಗುವ ಹುಚ್ಚು ಚಿಕ್ಕ ವಯಸ್ಸಿನಿಂದ ಇತ್ತು ಅನ್ನೋದು. ಯಾರಿಗೆ ತಾನೆ ಸೆಲೆಬ್ರಿಟಿ ಆಗೋಕೆ ಇಷ್ಟ ಇರಲ್ಲ ಹೇಳಿ. ಹೀರೋ ಆಗ್ಬೇಕು. ಫ್ಯಾನ್ಸ್ ಜೈಕಾರ ಹಾಕ್ಬೇಕು, ಶಿಳ್ಳೆ ಹಾಕಿ ಚಪ್ಪಾಳೆ ಹೊಡೀಬೇಕು ಅಂತ ಎಲ್ಲರೂ ಕನಸು ಕಾಣ್ತಾರೆ. ಆದ್ರೆ ಈ ಚಿತ್ರದ ಹೀರೋ ಅಶ್ವಿನ್ ಸೆಲೆಬ್ರಿಟಿ ಕನಸಿಗೆ ದೊಡ್ಡ ದೊಡ್ಡ ಕೈಗಳೇ ಸಾಥ್ ನೀಡಿವೆ.
ಸಿನಿಮಾ ರಿಲೀಸ್ಗೂ ಮೊದ್ಲೇ ‘ಸೆಲೆಬ್ರಿಟಿ’ ಅಪ್ಪು-ಸುದೀಪ್ ಶಿಷ್ಯ
70% ಶೂಟಿಂಗ್ ಕಂಪ್ಲೀಟ್.. ಮಂಗಳೂರು ಶೆಡ್ಯೂಲ್ ಬ್ಯಾಲೆನ್ಸ್
ಶಾಸಕ ಸಾರಾ ಮಹೇಶ್ ಹಾಗೂ ಬಾದ್ಷಾ ಕಿಚ್ಚ ಸುದೀಪ್ ಇತ್ತೀಚೆಗೆ ಚಿಕ್ಕನಾಯಕನಹಳ್ಳಿಯಲ್ಲಿ ಸೆಲೆಬ್ರಿಟಿ ಚಿತ್ರದ ಫಸ್ಟ್ಲುಕ್ ಟೀಸರ್ನ ಲಾಂಚ್ ಮಾಡಿದ್ರು. ಮಿಗಿಲಾಗಿ ಈ ಚಿತ್ರಕ್ಕೆ ಸುದೀಪ್ ಶಿಷ್ಯ ಕಿರಣ್ ವಿಶ್ವನಾಥ್ ಅವರೇ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಗಂಡನನ್ನ ಹೀರೋ ಮಾಡೋಕೆ ಪತ್ನಿ ಸುಷ್ಮಾಈ ಸಿನಿಮಾಗೆ ಸಾರಾ ಮಹೇಶ್ ಅವರ ಜೊತೆ ನಿರ್ಮಾಣಕ್ಕೂ ಇಳಿದಿರೋದು ವಿಶೇಷ. ಈಗಾಗ್ಲೇ ಶೇಕಡಾ 70ರಷ್ಟು ಶೂಟಿಂಗ್ ಕಂಪ್ಲೀಟ್ ಆಗಿದ್ದು, ಕ್ಲೈಮ್ಯಾಕ್ಸ್, ಒಂದು ಫೈಟ್ ಹಾಗೂ ಸಾಂಗ್ ಬಾಕಿಯಿದೆ. ಸದ್ಯದಲ್ಲೇ ಚಿತ್ರತಂಡ ಮಂಗಳೂರಿನಲ್ಲಿ ಬೀಡು ಬಿಡಲಿದ್ದು, ಮಂಗಳೂರಿನಲ್ಲೇ ಕಟ್ಟ ಕಡೆಯ ಹಂತದ ಶೂಟಿಂಗ್ ಮುಗಿಸಿ ಕುಂಬಳಕಾಯಿ ಒಡೆಯಲಿದೆ.
ಅಂದಹಾಗೆ ಸೆಲೆಬ್ರಿಟಿ ಸಿನಿಮಾ ಪಕ್ಕಾ ಯೂತ್ಫುಲ್ ಎಂಟರ್ಟೈನರ್. ಚಿಕ್ಕ ವಯಸ್ಸಿನಲ್ಲೇ ಡಾ. ರಾಜ್, ವಿಷ್ಣು, ಅಂಬಿ, ಶಂಕರ್ನಾಗ್, ಅಪ್ಪು ಸಿನಿಮಾಗಳನ್ನ ನೋಡ್ತಾ ಬೆಳೆಯುವ ನಾಯಕನಟ, ಮುಂದೆ ತಾನು ಕೂಡ ಅವರ ಹಾಗೆ ಸ್ಟಾರ್ ಆಗುವ ಕನಸು ಕಾಣ್ತಾನೆ. ಮೊದಲು ಯೂಟ್ಯೂಬರ್ ಆಗಿ, ಬಳಿಕ ಸೋಶಿಯಲ್ ಮೀಡಿಯಾ ಸ್ಟಾರ್ ಆಗಿ ಬೆಳ್ಳಿತೆರೆಗೆ ಹೇಗೆ ಎಂಟ್ರಿ ಕೊಡ್ತಾನೆ ಅನ್ನೋದು ಒನ್ ಲೈನ್ ಸ್ಟೋರಿ. ಇವೆಂಟ್ ಮ್ಯಾನೇಜ್ಮೆಂಟ್ ಕಂಪನಿ ನಡೆಸುತ್ತಿದ್ದ ನಾಯಕನಟ ಅಶ್ವಿನ್, ಈ ಸಿನಿಮಾಗಾಗಿ ಅಕ್ಷರಶಃ ಸಾಕಷ್ಟು ಕಸರತ್ತು ಮಾಡಿಕೊಂಡೇ ಕಾಲಿಟ್ಟಿದ್ದಾರೆ.
ಯಾರು ಈ ಸೆಲೆಬ್ರಿಟಿ ಚಿತ್ರದ ಹೀರೋ ಅಶ್ವಿನ್ ? ಹಿನ್ನೆಲೆ ಏನು..?
ಡ್ಯಾನ್ಸ್, ಫೈಟ್, ನಟನೆ ಕಲಿತು ಬಣ್ಣದ ಲೋಕಕ್ಕೆ ಪಾದಾರ್ಪಣೆ..!
ಒಟ್ಟಾರೆ ಸಿನಿಮಾ ಹಾಗೂ ತಮ್ಮ ವೈಯಕ್ತಿಕ ವಿಚಾರಗಳನ್ನ ಗ್ಯಾರಂಟಿ ಪಿಚ್ಚರ್ ಟೀಂ ಜೊತೆ ಹಂಚಿಕೊಂಡ ಅಶ್ವಿನ್, ಚಿತ್ರರಂಗದಲ್ಲಿ ಬಹುದೊಡ್ಡ ಮಟ್ಟಕ್ಕೆ ಬೆಳೆಯುವ ಮಹದಾಸೆ ಹೊಂದಿದ್ದಾರೆ. ಮಿಗಿಲಾಗಿ ಒಬ್ಬ ಒಳ್ಳೆಯ ಕಲಾವಿದನಾಗೋ ಕನಸು ಕಂಡಿದ್ದಾರೆ. ಕಲೆ ಯಾರಪ್ಪನ ಸ್ವತ್ತೂ ಅಲ್ಲ. ಅದರ ಮೇಲೆ ಶ್ರದ್ಧೆ ಭಯ ಭಕ್ತಿ ಇದ್ದವರಿಗೆ ಅದು ಒಲಿದೇ ಒಲಿಯುತ್ತೆ. ಪ್ರಾಮಾಣಿಕ ಪ್ರಯತ್ನ ಇರಬೇಕಷ್ಟೇ. ಸೋ.. ಸೆಲೆಬ್ರಿಟಿ ಅಶ್ವಿನ್ಗೆ ಆಲ್ ದಿ ಬೆಸ್ಟ್ ಹೇಳ್ತಾ, ಸ್ಯಾಂಡಲ್ವುಡ್ಗೆ ಸ್ವಾಗತ ಕೋರೋಣ.
