ದಾಸ ದರ್ಶನ್ ಅಭಿಮಾನಿಗಳಿಗೆ ದರ್ಶನ ಕೊಡೋಕೆ ಆಗಲ್ಲ ಅಂತ ಗೊತ್ತಿದ್ರೂ ಸಹ ಫ್ಯಾನ್ಸ್ ಮಾತ್ರ ಅದ್ಧೂರಿ ಸೆಲೆಬ್ರೇಷನ್ಗೆ ಸಕಲ ಸಿದ್ಧತೆ ನಡೆಸ್ತಿದ್ದಾರೆ. ದಚ್ಚು ಭಂಟ ಧನ್ವೀರ್ ಕೂಡ ಸ್ಯಾಂಡಲ್ವುಡ್ ಸುಲ್ತಾನನಿಗೆ ಸರ್ಪ್ರೈಸ್ ಗಿಫ್ಟ್ ಕೊಡ್ತಿದ್ದಾರೆ. ಅದೇನು ಅನ್ನೋ ಕ್ಯೂರಿಯಾಸಿಟಿ ನಿಮಗಿದ್ರೆ, ಇಲ್ಲಿರೋ ಈ ಸ್ಪೆಷಲ್ ಸ್ಟೋರಿಯನ್ನ ಒಮ್ಮೆ ನೋಡ್ಕೊಂಡ್ ಬನ್ನಿ.
ಫೆಬ್ರವರಿ 16.. ಸ್ಯಾಂಡಲ್ವುಡ್ನ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬರ್ತ್ ಡೇ ದಿನ. ಹಾಗಾಗಿ ಇದು ಡಿಬಾಸ್ ಅಭಿಮಾನಿಗಳಿಗೆ ಎಲ್ಲಿಲ್ಲದ ಸಂಭ್ರಮ, ಸಡಗರ. ಅದ್ರಲ್ಲೂ ರಾಬರ್ಟ್ ಹಾಗೂ ಕಾಟೇರ ಚಿತ್ರಗಳ ಸಕ್ಸಸ್ ಬಳಿಕ ಆ ಕ್ರೇಜ್ ಮತ್ತಷ್ಟು ಹೆಚ್ಚಾಗಿತ್ತು. ಆದ್ರೀಗ ದಾಸ ಜೈಲು ಕೈದಿ ಆಗಿರೋದ್ರಿಂದ ಬೇಸರದಲ್ಲೂ ಒಲ್ಲದ ಮನಸ್ಸಿನಿಂದಲೇ ಬರ್ತ್ ಡೇನ ಸಂಭ್ರಮಿಸೋಕೆ ಸಜ್ಜಾಗ್ತಿದ್ದಾರೆ ಡಿ ಸೆಲೆಬ್ರಿಟೀಸ್.
ಡಿ ಬಾಸ್ ಬರ್ತ್ ಡೇಗೆ ಧನ್ವೀರ್ ಗೌಡ ಕೊಡ್ತಾರೆ ಸರ್ಪ್ರೈಸ್
49ನೇ ವಸಂತಕ್ಕೆ ದರ್ಶನ್ ಎಂಟ್ರಿ.. ಸೆಲೆಬ್ರೇಷನ್ಗೆ ದಿನಗಣನೆ
ಇದೇ ಫೆಬ್ರವರಿ 11ರ ಮಧ್ಯೆರಾತ್ರಿ 12 ಗಂಟೆಗೆ ದರ್ಶನ್ 49ನೇ ವಸಂತಕ್ಕೆ ಕಾಲಿಡ್ತಿದ್ದಾರೆ. ಕಳೆದ ವರ್ಷ 48ನೇ ಬರ್ತ್ ಡೇನ ಸಂಭ್ರಮಿಸೋಕೂ ಒಂದಷ್ಟು ಅಡ್ಡಿ ಆತಂಕಗಳಿದ್ದವು. ಅದಕ್ಕಿಂತ ಹೆಚ್ಚಾಗಿ ಟೆನ್ಷನ್ ಇತ್ತು. ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಜೈಲು ಪಾಲಾಗಿರೋ ದರ್ಶನ್ಗೆ ಅಕ್ಷರಶಃ ನೆಮ್ಮದಿ ಇಲ್ಲದಂತಾಗಿದೆ.
ಕಳೆದ ವರ್ಷ ಆಗಷ್ಟೇ ರೆಗ್ಯುಲರ್ ಬೇಲ್ ಪಡೆದು ಡೆವಿಲ್ ಚಿತ್ರದ ಶೂಟಿಂಗ್ನಲ್ಲಿ ಭಾಗಿಯಾಗಿದ್ರು ದಾಸ ದರ್ಶನ್. ಲೋ ಪ್ರೊಫೈಲ್ ಮೈಂಟೇನ್ ಮಾಡಬೇಕಿತ್ತು. ಅದ್ಧೂರಿ ಆಚರಣೆಗೆಲ್ಲಾ ಬ್ರೇಕ್ ಹಾಕಬೇಕಿತ್ತು. ಹಾಗಾಗಿ ಸಿಕ್ಕಿರೋ ಬೇಲ್ ಎಲ್ಲಿ ಕ್ಯಾನ್ಸಲ್ ಆಗುತ್ತೋ ಅನ್ನೋ ಭಯದಲ್ಲಿ ಕೂಡ ಇದ್ರು. ಅದೇ ಕಾರಣದಿಂದಾಗಿ ಕಳೆದ ವರ್ಷ ಸೆಲೆಬ್ರೇಷನ್ ಮಾಡಿಕೊಂಡಿರಲಿಲ್ಲ. ವಿಡಿಯೋ ಮೂಲಕ ಎಲ್ಲಾ ಫ್ಯಾನ್ಸ್ಗೆ ಧನ್ಯವಾದ ತಿಳಿಸಿದ್ರು. ಮಾಡಿದ್ರೆ ಕನ್ನಡದಲ್ಲಷ್ಟೇ ಸಿನಿಮಾಗಳನ್ನ ಮಾಡೋ ಶಪಥ ಕೂಡ ಮಾಡಿದ್ರು ದಾಸ ದರ್ಶನ್.
ಕಳೆದ ವರ್ಷ ಹೊರಗಿದ್ರೂ ಸಂಭ್ರಮ ಇಲ್ಲ..ಈ ಬಾರಿ ಅಂದರ್
ದಾಸನ ಜನುಮ ದಿನಕ್ಕೆ ಧನ್ವೀರ್ ಹಯಗ್ರೀವ ಟ್ರೈಲರ್ ಲಾಂಚ್
ಕಳೆದ ವರ್ಷ ಹೊರಗಿದ್ರೂ ಬರ್ತ್ ಡೇ ಸೆಲೆಬ್ರೇಷನ್ ಮಾಡಿಕೊಂಡಿರಲಿಲ್ಲ. ಈ ವರ್ಷ ಒಳಗಿರೋದ್ರಿಂದ ಮಾಡಿಕೊಳ್ಳೋಕೆ ಆಗ್ತಿಲ್ಲ. ಡೆವಿಲ್ ಚಿತ್ರ ಹಿಟ್ ಆಗಿದ್ದು, ಒಂಥರಾ ಅವ್ರ ಕುಟುಂಬಸ್ಥರು ಹಾಗೂ ಫ್ಯಾನ್ಸ್ ಮುಖದಲ್ಲಿ ಜೋಶ್ ತಂದಿದೆ. ಆದ್ರೆ ದಾಸನೇ ಇಲ್ವಲ್ಲಾ ಅದನ್ನ ಸಂಭ್ರಮಿಸೋಕೆ ಅನ್ನೋ ನೋವು ಕೂಡ ಅವರಿಗೆ ಕಾಡ್ತಿದೆ. ಈ ಮಧ್ಯೆ ಫ್ಯಾನ್ಸ್ ಎಂದಿನಂತೆ ಅವ್ರ ಫ್ಲೆಕ್ಸ್, ಬ್ಯಾನರ್, ಕಟೌಟ್ ಹಾಕಿ ಹಾಲಿನ ಅಭಿಷೇಕ ಮಾಡಿ, ಪಟಾಕಿ ಸಿಡಿಸಿ, ಅನ್ನದಾನ ಮಾಡಿ ಸಂಭ್ರಮಾಚರಣೆಗೆ ಸಜ್ಜಾಗ್ತಿದ್ದಾರೆ.
ಆದ್ರೆ ದರ್ಶನ್ ಪರಮಾಪ್ತ, ಸಹೋದರ ಸಮಾನ, ರಾಮ ಭಂಟ ಹನುಮನಂತಹ ವ್ಯಕ್ತಿ ಧನ್ವೀರ್ ಗೌಡ ಮಾತ್ರ ಸಂಥಿಂಗ್ ಸ್ಪೆಷಲ್ ಗಿಫ್ಟ್ ಕೊಡೋಕೆ ಯೋಜನೆ ರೂಪಿಸಿದ್ದಾರೆ. ಇದೇ ತಿಂಗಳಾಂತ್ಯಕ್ಕೆ ಹಯಗ್ರೀವ ಸಿನಿಮಾ ತೆರೆಗೆ ಬರ್ತಿದ್ದು, ಅದ್ರ ರಿಲೀಸ್ಗೂ ಮೊದಲೇ ಟ್ರೈಲರ್ ಲಾಂಚ್ ಮಾಡ್ತಿದ್ದಾರೆ. ಅದರ ಟ್ರೈಲರ್ನ ದಚ್ಚು ಬರ್ತ್ ಡೇ ವಿಶೇಷ ಫೆಬ್ರವರಿ 16ರಂದು ಬಿಡುಗಡೆ ಮಾಡ್ತಿರೋದು ಇಂಟರೆಸ್ಟಿಂಗ್. ಇದೊಂಥರಾ ಸ್ಪೆಷಲ್ ಉಡುಗೊರೆಯೂ ಹೌದು. ಆದ್ರೆ ಯಾವಾಗ ಹೊರಬರ್ತಾರೆ ತಮ್ಮ ನೆಚ್ಚಿನ ನಟ ಅಂತ ಬಕ ಪಕ್ಷಿಗಳಂತೆ ಕಾಯ್ತಿರೋ ಫ್ಯಾನ್ಸ್ಗೆ ಮಾತ್ರ ಇದು ನಿಜಕ್ಕೂ ಜೀರ್ಣಿಸಿಕೊಳ್ಳಲಾಗದ ಕ್ಷಣಗಳು ಅಂದ್ರೆ ತಪ್ಪಾಗಲ್ಲ.
