ಜೈಲರ್.. 2023ರ ಬ್ಲಾಕ್ ಬಸ್ಟರ್ ಹಿಟ್ ಮೂವಿ. ಸೂಪರ್ ಸ್ಟಾರ್ ರಜನೀಕಾಂತ್ ನಟನೆಯ ಈ ಸಿನಿಮಾಗೆ ನೆಲ್ಸನ್ ಆ್ಯಕ್ಷನ್ ಕಟ್ ಹೇಳಿದ್ದು, ಬಾಕ್ಸ್ ಆಫೀಸ್ ನಲ್ಲಿ ಬರೋಬ್ಬರಿ 650 ಕೋಟಿ ರೂಪಾಯಿ ಗಳಿಸಿತ್ತು. ತಲೈವಾ ರಜನಿಗೆ ನಮ್ಮ ಕರುನಾಡ ಚಕ್ರವರ್ತಿ ಡಾ. ಶಿವರಾಜ್ ಕುಮಾರ್, ಮೋಹನ್ ಲಾಲ್ ಹಾಗೂ ರಮ್ಯಾಕೃಷ್ಣ ಕೂಡ ಸಾಥ್ ನೀಡಿದ್ರು. ಇದೀಗ ಜೈಲರ್ ಸೀಕ್ವೆಲ್ ಜೈಲರ್-2 ಶೂಟಿಂಗ್ ಕಿಕ್ ಸ್ಟಾರ್ಟ್ ಆಗ್ತಿದೆ. ಹೌದು.. ಮುಂದಿನ ವಾರದಿಂದ ಜೈಲರ್-2 ಚಿತ್ರೀಕರಣ ಆರಂಭಿಸಲು ನಿರ್ಧರಿಸಿದೆ ಟೀಂ. ಅದಕ್ಕಾಗಿ ನಿರ್ದೇಶಕ ನೆಲ್ಸನ್ ಎಲ್ಲಾ ರೀತಿಯ ತಯಾರಿಗಳನ್ನ ಮಾಡ್ಕೊಳ್ತಿದ್ದಾರಂತೆ.
ಇತ್ತೀಚೆಗೆ ಜೈಲರ್-2 ಚಿತ್ರದ ಕ್ಯಾರೆಕ್ಟರ್ ಪೋಸ್ಟರ್ಸ್ ರಿವೀಲ್ ಮಾಡಿತ್ತು ಚಿತ್ರತಂಡ. ಅದಾದ ಬಳಿಕ ನಿರ್ದೇಶಕ ನೆಲ್ಸನ್, ತಮ್ಮ ಮ್ಯೂಸಿಕ್ ಕಂಪೋಸರ್ ಅನಿರುದ್ದ್ ರವಿಚಂದರ್ ಜೊತೆಗೂಡಿ ಕಾನ್ಸೆಪ್ಟ್ ಟೀಸರ್ ಮಾಡಿದ್ರು. ಅದರಲ್ಲಿ ತಲೈವಾ ಗನ್ ಹಿಡಿದು ರಕ್ತ ಹರಿಸೋ ದೃಶ್ಯ ಮೈ ನಡುಗಿಸುವಂತಿದೆ. ಇದೀಗ ಅದನ್ನ ನಿಜವಾಗಿಸೋಕೆ ಫುಲ್ ಪ್ಲೆಡ್ಜ್ ಶೂಟಿಂಗ್ ಗೆ ಹೊರಟು ನಿಂತಿದೆ ಟೀಂ. ಅಂದಹಾಗೆ ಜೈಲರ್-2 ಸಿನಿಮಾನ ಚೆನ್ನೈ, ಗೋವಾ ಹಾಗೂ ಥೇಣಿಯಲ್ಲಿ ನಡೆಸಲು ನಿರ್ಧರಿಸಲಾಗಿದೆಯಂತೆ.
ಹೈ ವೋಲ್ಟೇಜ್ ಮಾಸ್ ಎಂಟರ್ ಟೈನರ್ ಜೈಲರ್-2 ಸಿನಿಮಾದಲ್ಲಿ ಈ ಬಾರಿ ಯಾರೆಲ್ಲಾ ಇರ್ತಾರೆ ಅನ್ನೋದು ಪ್ರಶ್ನೆಯಾಗಿದೆ. ನರಸಿಂಹ ಪಾತ್ರಧಾರಿ ಶಿವರಾಜ್ ಕುಮಾರ್, ಮ್ಯಾಥ್ಯೂ ಪಾತ್ರಧಾರಿ ಮೋಹನ್ ಲಾಲ್, ಕಾಮದೇವ್ ಜಾಕಿಶ್ರಾಫ್, ಜಾಫರ್ ಕಿಶೋರ್ ಪಾತ್ರಗಳು ಇಲ್ಲಿಯೂ ಮುಂದುವರೆಯುತ್ತವಾ ಅನ್ನೋ ಪ್ರಶ್ನೆ ಎಲ್ಲರಲ್ಲೂ ಕಾಡ್ತಿದೆ. ಆದ್ರೆ ಚಿತ್ರತಂಡ ಮೊದಲೇ ಕ್ಯಾರೆಕ್ಟರ್ ಗಳನ್ನ ರಿವೀಲ್ ಮಾಡಿದಾಗ ಅಲ್ಲಿ ರಜನಿ ಜೊತೆಗೆ ಶಿವಣ್ಣ, ಮೋಹನ್ ಲಾಲ್ ಕೂಡ ಇದ್ದಿದ್ದರಿಂದ ಇವರ ಪಾತ್ರಗಳು ಬಹುತೇಕ ಈ ಬಾರಿಯೂ ಇರಲಿವೆ. ಆದ್ರೆ ಯಾವ ರೀತಿಯ ತಿರುವುಗಳಿಂದ ಸಿನಿಮಾದ ವೆಯ್ಟೇಜ್ ಹೆಚ್ಚಿಸುತ್ತವೆ ಅನ್ನೋದು ಕಾದು ನೋಡಬೇಕಿದೆ.
ಇಳಿವಯಸ್ಸಿನಲ್ಲೂ ಯಂಗ್ ಸ್ಟರ್ ಗಳನ್ನ ನಾಚಿಸುವಂತೆ ಡ್ಯಾನ್ಸ್, ಫೈಟ್ ಮಾಡುವ ರಜನೀಕಾಂತ್ ಈ ಬಾರಿ ಮತ್ತಷ್ಟು ವೈಲ್ಡ್ ಆಗಿ ಫೀಲ್ಡ್ ಗೆ ಇಳಿಯಲಿದ್ದಾರೆ. ಸೋ.. ಅಸಲಿ ಪಿಚ್ಚರ್ ಅಭಿ ಬಾಕಿ ಹೈ.
ಇನ್ನು ನಮ್ಮ ಶಿವರಾಜ್ ಕುಮಾರ್ ಕ್ಯಾನ್ಸರ್ ಮುಕ್ತರಾಗಿದ್ದು, ಈಗಷ್ಟೇ ಚಿಕಿತ್ಸೆ ಬಳಿಕ ಚೇತರಿಸಿಕೊಳ್ತಿದ್ದಾರೆ. ಶಿವಣ್ಣ 131 ಹಾಗೂ ರಾಮ್ ಚರಣ್ ಸಿನಿಮಾಗಳಲ್ಲಿ ಈಗಾಗ್ಲೇ ಬಣ್ಣ ಹಚ್ಚಿರೋ ಶಿವಣ್ಣ, ಜೈಲರ್-2ನಲ್ಲಿ ಮಗದೊಮ್ಮೆ ನರಸಿಂಹನಾಗಿ ಮ್ಯಾಜಿಕ್ ಮಾಡಲಿದ್ದಾರೆ.
