ಬಿಗ್ ಬಾಸ್ ಕನ್ನಡ ಸೀಸನ್ 12 ಈಗ ರೋಚಕ ಹಂತ ಪ್ರವೇಶಿಸಿದೆ. ಮನೆಯೊಳಗೆ ಆಟಗಾರರ ನಡುವೆ ಸ್ಪರ್ಧೆ, ಒಡನಾಡಿ, ಜಗಳಗಳು ದಿನೇ ದಿನೇ ಜಾಸ್ತಿಯಾಗ್ತಿದೆ. ಈ ವಾರದ ಎಲಿಮಿನೇಷನ್ ಕುತೂಹಲಕ್ಕೆ ಕಾರಣವಾಗಿದೆ. ನಿನ್ನೆಯಷ್ಟೇ ಅಶ್ವಿನಿ ಗೌಡ ಮತ್ತು ರಕ್ಷಿತಾ ಶೆಟ್ಟಿ ಸೇಫ್ ಆಗಿ ಮನೆಯಲ್ಲಿ ಉಳಿದುಕೊಂಡಿದ್ದಾರೆ. ಆದರೆ ವಾಹಿನಿ ಬಿಡುಗಡೆ ಮಾಡಿರುವ ಹೊಸ ಪ್ರೋಮೋದಲ್ಲಿ ರಘು, ರಿಷಾ ಗೌಡ, ಕಾಕ್ರೋಚ್ ಸುಧಿ ಮತ್ತು ಜಾಹ್ನವಿ ನಡುವೆ ಯಾರು ಹೊರಹೋಗ್ತಾರೆ ಅನ್ನೋದು ದೊಡ್ಡ ಪ್ರಶ್ನೆಯಾಗಿದೆ. ಪ್ರೋಮೋದಲ್ಲಿ ನಾಲ್ವರು ಸೂಟ್ಕೇಸ್ ಹಿಡಿದು ಬಾಗಿಲ ಬಳಿ ನಿಂತಿರೋ ದೃಶ್ಯ ಕಾಣಿಸ್ತಿದೆ. ಹಾಸ್ಟ್ ಕಿಚ್ಚ ಸುದೀಪ್ ಅವರು “ಡೋರ್ ಓಪನ್ ಆಗ್ತೈತಿ, ಒಬ್ಬರು ಮನೆಗೆ ಹೋಗ್ತಾರೆ” ಅಂತ ಹೇಳ್ತಾ ಇದ್ದಾರೆ. ಇದು ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ.
ಈ ವಾರ ಒಟ್ಟು 8 ಮಂದಿ ನಾಮಿನೇಟ್ ಆಗಿದ್ದರು. ಅಶ್ವಿನಿ ಗೌಡ, ಜಾಹ್ನವಿ, ರಿಷಾ ಗೌಡ, ರಾಶಿಕಾ ಶೆಟ್ಟಿ, ರಘು, ಕಾಕ್ರೋಚ್ ಸುಧಿ, ರಕ್ಷಿತಾ ಶೆಟ್ಟಿ ಮತ್ತು ಧ್ರುವಂತ್. ಇದರಲ್ಲಿ ಹೆಚ್ಚಿನವರನ್ನು ನಾಮಿನೇಟ್ ಮಾಡಿದ್ದು ಕ್ಯಾಪ್ಟನ್ ಮಾಳು ನಿಪನಾಳ್. ಅಶ್ವಿನಿ ಮತ್ತು ರಕ್ಷಿತಾ ಸೇಫ್ ಆದ ನಂತರ, ಉಳಿದ ನಾಲ್ವರು ಡೇಂಜರ್ ಝೋನ್ನಲ್ಲಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಕಾಕ್ರೋಚ್ ಸುಧಿಯೇ ಈ ವಾರ ಎಲಿಮಿನೇಟ್ ಆಗ್ತಾರೆ ಅಂತ ಹೇಳಲಾಗ್ತಿದೆ. ಆದರೆ ಅಧಿಕೃತ ದೃಢೀಕರಣ ಬಂದಿಲ್ಲ. ಪ್ರೋಮೋದಲ್ಲಿ ಸುಧಿ “ಯಾರೂ ಜಿದ್ದಿಗೆ ಆಡಬೇಡಿ” ಅಂತ ಹೇಳ್ತಾ ಇರೋದು ಗಮನ ಸೆಳೆದಿದೆ.
ರಘು ಅವರ ಜರ್ನಿ ಈ ಸೀಸನ್ನಲ್ಲಿ ಅದ್ಭುತವಾಗಿತ್ತು. ಕೇವಲ ಮೂರು ವಾರಗಳಲ್ಲಿ ಎರಡು ಬಾರಿ ಕ್ಯಾಪ್ಟನ್ ಆಗಿ ಆಯ್ಕೆಯಾಗಿದ್ದಾರೆ. ಮನೆಯಲ್ಲಿ ಸ್ಟ್ರಾಟಜಿ, ಟಾಸ್ಕ್ಗಳಲ್ಲಿ ಉತ್ತಮ ಪ್ರದರ್ಶನ ತೋರಿಸ್ತಾ ಇದ್ದಾರೆ. ಹೀಗಾಗಿ ಅವರಿಗೆ ವೀಕ್ಷಕರ ವೋಟ್ಗಳು ಜಾಸ್ತಿ ಬರುವ ಸಾಧ್ಯತೆ ಹೆಚ್ಚು. ಔಟ್ ಆಗೋ ಚಾನ್ಸ್ ಕಡಿಮೆ. ರಿಷಾ ಗೌಡ ಅವರ ಕೇಸ್ ಭಿನ್ನವಾಗಿದೆ. ಮನೆಯ ನಿಯಮಗಳನ್ನು ಮೀರಿ ಗಿಲ್ಲಿ ನಟನ ಮೇಲೆ ಹಲ್ಲೆ ಮಾಡಿದ್ದಕ್ಕೆ ಸುದೀಪ್ ಗಂಭೀರವಾಗಿ ಕ್ಲಾಸ್ ತೆಗೆದುಕೊಂಡರು. ಮನೆ ಸದಸ್ಯರ ಮೂಲಕ ವೋಟಿಂಗ್ ನಡೆಸಿ, ರಿಷಾ ಉಳಿದುಕೊಂಡ್ರೂ ಒಂದು ದಿನ ಜೈಲು ಶಿಕ್ಷೆ ಮತ್ತು ನೇರ ನಾಮಿನೇಷನ್ ಶಿಕ್ಷೆ ವಿಧಿಸಲಾಯ್ತು. ಉತ್ತಮ ಸಂಖ್ಯೆಯ ವೋಟ್ ಬಂದ್ರೆ ಸೇಫ್ ಆಗ್ತಾರೆ.
ಕಾಕ್ರೋಚ್ ಸುಧಿ ಅಂದ್ರೆ ಸುಧೀರ್ ಬಾಲರಾಜ್. ಶಿವರಾಜ್ ಕುಮಾರ್ ಅಭಿನಯದ ‘ಟಗರು’ ಸಿನಿಮಾದಲ್ಲಿ ಕಾಕ್ರೋಚ್ ಪಾತ್ರ ಮಾಡಿ ಫೇಮಸ್ ಆದರು. ‘ದುನಿಯಾ ವಿಜಯ್ ಸಲಗ’, ‘ಭೀಮ’ ಮುಂತಾದ ಸಿನಿಮಾಗಳಲ್ಲಿ ವಿಲನ್, ಹೀರೋ ಆಗಿ ನಟಿಸಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿ ಟಾಸ್ಕ್ಗಳಲ್ಲಿ ಅದ್ಭುತ ಪ್ರದರ್ಶನ ತೋರಿಸಿ ಪ್ರೇಕ್ಷಕರನ್ನು ರಂಜಿಸಿದ್ದರು. ಹಿಂದಿನ ವಾರ ಡೇಂಜರ್ ಝೋನ್ನಲ್ಲಿ ಇದ್ದಾಗ ವಿಶೇಷ ಅಧಿಕಾರ ಬಳಸಿ ಉಳಿದುಕೊಂಡಿದ್ದರು. ಆದರೆ ಈ ವಾರ ವೋಟ್ಗಳೇ ಆಧಾರ. ಸೋಷಿಯಲ್ ಮೀಡಿಯಾದಲ್ಲಿ ಅವರು ಔಟ್ ಆಗಿದ್ದಾರೆ ಅಂತ ಪೋಸ್ಟ್ಗಳು ವೈರಲ್ ಆಗ್ತಿದೆ.
ಜಾಹ್ನವಿ ಅವರೂ ಕೂಡ ಸ್ಟ್ರಾಂಗ್ ಕಂಟೆಸ್ಟೆಂಟ್. ಮನೆಯಲ್ಲಿ ಒಡನಾಡಿ, ಆಟದಲ್ಲಿ ಸಕ್ರಿಯರಾಗಿದ್ದಾರೆ. ಆದರೆ ನಾಮಿನೇಷನ್ನಲ್ಲಿ ಬಿದ್ದಿದ್ದಾರೆ. ಈ ನಾಲ್ವರ ನಡುವೆ ಯಾರು ಹೊರಹೋಗ್ತಾರೆ ಅನ್ನೋದು ವೀಕೆಂಡ್ ಎಪಿಸೋಡ್ನಲ್ಲಿ ಬಯಲಾಗಲಿದೆ. ಬಿಗ್ ಬಾಸ್ ಮನೆಯಲ್ಲಿ ಏನೇ ಆಗಲಿ, ಪ್ರೇಕ್ಷಕರ ವೋಟ್ಗಳೇ ಅಂತಿಮ ನಿರ್ಧಾರ. ರಘು ಅವರಂತೆ ಸ್ಟ್ರಾಂಗ್ ಪರ್ಫಾರ್ಮೆನ್ಸ್ ತೋರಿಸಿದವರು ಸೇಫ್ ಆಗ್ತಾರೆ. ರಿಷಾ ಅವರ ಹಲ್ಲೆ ಘಟನೆಯಿಂದ ವೋಟ್ಗಳು ಕಡಿಮೆಯಾಗಬಹುದು..
ಈ ಸೀಸನ್ನಲ್ಲಿ ಕ್ಯಾಪ್ಟನ್ಶಿಪ್, ಟಾಸ್ಕ್ಗಳು, ಡ್ರಾಮಾಗಳು ಜೋರಾಗಿದೆ. ಮಾಳು ನಿಪನಾಳ್ ಕ್ಯಾಪ್ಟನ್ ಆಗಿ ನಾಮಿನೇಷನ್ಗಳನ್ನು ನಿಯಂತ್ರಿಸಿದ್ದಾರೆ. ಧ್ರುವಂತ್, ರಾಶಿಕಾ ಶೆಟ್ಟಿ ಅವರೂ ನಾಮಿನೇಟ್ ಆಗಿದ್ದರು ಆದರೆ ಡೇಂಜರ್ ಝೋನ್ನಿಂದ ಹೊರಬಂದಿದ್ದಾರಾ ಅನ್ನೋದು ಸ್ಪಷ್ಟವಿಲ್ಲ.
