ಕರ್ನಾಟಕದ ದಕ್ಷಿಣ ಒಳನಾಡಿನಲ್ಲಿ ಮಳೆ ಮುನ್ಸೂಚನೆ: ಇಂದು ಎಲ್ಲೆಲ್ಲಿ ಮಳೆ? ಎಲ್ಲೆಲ್ಲಿ ಒಣಹವೆ?

ಬೆಂಗಳೂರು, ನವೆಂಬರ್ 06: ರಾಜ್ಯದ ದಕ್ಷಿಣ ಒಳನಾಡು ಭಾಗದಲ್ಲಿ ಇಂದು ಸಾಧಾರಣ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಕರಾವಳಿ ಮತ್ತು ಉತ್ತರ ಒಳನಾಡಿನ ಕೆಲವು ಜಿಲ್ಲೆಗಳಲ್ಲೂ ಅಲ್ಪ ಪ್ರಮಾಣದ ಮಳೆಯಾಗಬಹುದು ಎಂದು ಇಲಾಖೆ ತಿಳಿಸಿದೆ.

ದಕ್ಷಿಣ ಒಳನಾಡಿನಲ್ಲಿ ಮಳೆಯ ಲಕ್ಷಣಗಳು ಸ್ಪಷ್ಟವಾಗಿ ಕಂಡುಬರುತ್ತಿವೆ. ಉಡುಪಿ, ದಕ್ಷಿಣ ಕನ್ನಡ, ಧಾರವಾಡ, ಗದಗ, ಹಾವೇರಿ, ಕೊಪ್ಪಳ ಮತ್ತು ರಾಯಚೂರು ಜಿಲ್ಲೆಗಳಲ್ಲಿ ಸಾಧಾರಣ ಮಳೆಯಾಗುವ ಸಾಧ್ಯತೆಯಿದೆ. ಇದರ ಜೊತೆಗೆ ಬಳ್ಳಾರಿ, ಬೆಂಗಳೂರು ಗ್ರಾಮಾಂತರ, ಬೆಂಗಳೂರು ನಗರ, ಚಾಮರಾಜನಗರ, ಚಿಕ್ಕಬಳ್ಳಾಪುರ, ಚಿಕ್ಕಮಗಳೂರು, ಚಿತ್ರದುರ್ಗ, ದಾವಣಗೆರೆ, ಹಾಸನ, ಕೊಡಗು, ಕೋಲಾರ, ಮಂಡ್ಯ, ಮೈಸೂರು, ರಾಮನಗರ, ಶಿವಮೊಗ್ಗ, ತುಮಕೂರು ಮತ್ತು ವಿಜಯನಗರ ಜಿಲ್ಲೆಗಳಲ್ಲಿ ಸಾಮಾನ್ಯ ಮಳೆಯ ನಿರೀಕ್ಷೆಯಿದೆ.

ಸಾರಿಗೆ ನೌಕರರ ಮುಷ್ಕರ ಫಿಕ್ಸ್: ಮೇ 20ರಿಂದ ಬಸ್ ಸಂಚಾರ ಸಂಪೂರ್ಣ ಬಂದ್

ಬೆಂಗಳೂರಿನಲ್ಲಿ ದಾರುಣ ಘಟನೆ: ಕಾರಿನೊಳಗೆ AC ಹಾಕಿ ಗ್ಲಾಸ್ ಏರಿಸಿ ಮಲಗಿದ್ದ ಕ್ಯಾಬ್ ಚಾಲಕ ಸಾವು!

ಕರ್ನಾಟಕ ಹವಾಮಾನ ಮುನ್ಸೂಚನೆ: ರಾಜ್ಯದ 7 ಜಿಲ್ಲೆಗಳಲ್ಲಿ ನಾಳೆ ‘ಆರೆಂಜ್ ಅಲರ್ಟ್’

ಬಿಸಿಲ ಬೇಗೆಗೆ ಬೆಂದಿದ್ದ ಬೆಂಗಳೂರಿನ ಜನರಿಗೆ ತಂಪೆರೆದ ಮಳೆರಾಯ

ಇನ್ನು ಉತ್ತರ ಕರ್ನಾಟಕದ ಯಾದಗಿರಿ, ವಿಜಯಪುರ, ಕಲಬುರಗಿ ಮತ್ತು ಬೀದರ್ ಜಿಲ್ಲೆಗಳಲ್ಲಿ ಒಣಹವೆಯ ಸ್ಥಿತಿ ಮುಂದುವರಿದಿದ್ದು, ಮಳೆಯ ಯಾವುದೇ ಸೂಚನೆಯಿಲ್ಲ. ಹವಾಮಾನ ಇಲಾಖೆಯು ಈ ಭಾಗದಲ್ಲಿ ಧೂಳಿನ ಚಂಡಮಾರುತ ಅಥವಾ ಬಿಸಿಲಿನ ತೀವ್ರತೆಯ ಬಗ್ಗೆ ಎಚ್ಚರಿಕೆ ನೀಡಿದೆ.

ಈಗಾಗಲೇ ಕೆಲವು ಕಡೆಗಳಲ್ಲಿ ಮಳೆಯು ಮುಂದುವರೆದಿದೆ. ಚಿಂಚೋಳಿ, ಗಬ್ಬೂರು, ಗುರುಮಿಟ್ಕಲ್, ಮಧುಗಿರಿ, ಸೈದಾಪುರ, ಬರಗೂರು, ನಾಯಕನಹಟ್ಟಿ, ಪರಶುರಾಂಪುರ, ಸೇಡಂ, ಹಗರಿಬೊಮ್ಮನಹಳ್ಳಿ, ಜಯಪುರ, ಮಂಗಳೂರು ಮತ್ತು ಮುನಿರಾಬಾದ್ ಪ್ರದೇಶಗಳಲ್ಲಿ ಮಳೆಯಾಗಿದೆ.

ಬೆಳಗಾವಿ ಏರ್‌ಪೋರ್ಟ್‌ನಲ್ಲಿ ಅತ್ಯಂತ ಕನಿಷ್ಠ ಉಷ್ಣಾಂಶ 16.8 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ. ಬೆಂಗಳೂರಿನಲ್ಲಿ ಮೋಡಕವಿದ ವಾತಾವರಣವಿದ್ದು, ಎಚ್‌ಎಎಲ್‌ನಲ್ಲಿ ಗರಿಷ್ಠ 26.7 ಡಿಗ್ರಿ, ಕನಿಷ್ಠ 21.0 ಡಿಗ್ರಿ, ನಗರದಲ್ಲಿ ಗರಿಷ್ಠ 27.2 ಡಿಗ್ರಿ, ಕನಿಷ್ಠ 21.0 ಡಿಗ್ರಿ, ಕೆಐಎಎಲ್‌ನಲ್ಲಿ ಗರಿಷ್ಠ 27.4 ಡಿಗ್ರಿ, ಕನಿಷ್ಠ 21.7 ಡಿಗ್ರಿ, ಜಿಕೆವಿಕೆಯಲ್ಲಿ ಗರಿಷ್ಠ 29.0 ಡಿಗ್ರಿ, ಕನಿಷ್ಠ 19.4 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ.

ಕರಾವಳಿ ಪ್ರದೇಶಗಳಲ್ಲಿ ಹೊನ್ನಾವರದಲ್ಲಿ ಗರಿಷ್ಠ 31.1 ಡಿಗ್ರಿ, ಕನಿಷ್ಠ 21.5 ಡಿಗ್ರಿ, ಕಾರವಾರದಲ್ಲಿ ಗರಿಷ್ಠ 32.8 ಡಿಗ್ರಿ, ಕನಿಷ್ಠ 22.5 ಡಿಗ್ರಿ, ಮಂಗಳೂರು ಏರ್‌ಪೋರ್ಟ್‌ನಲ್ಲಿ ಗರಿಷ್ಠ 28.7 ಡಿಗ್ರಿ, ಕನಿಷ್ಠ 23.0 ಡಿಗ್ರಿ, ಶಕ್ತಿನಗರದಲ್ಲಿ ಗರಿಷ್ಠ 29.1 ಡಿಗ್ರಿ, ಕನಿಷ್ಠ 24.2 ಡಿಗ್ರಿ ಸೆಲ್ಸಿಯಸ್ ಇದೆ. ಉತ್ತರದಲ್ಲಿ ಬೆಳಗಾವಿ ಏರ್‌ಪೋರ್ಟ್‌ನಲ್ಲಿ ಗರಿಷ್ಠ 28.2 ಡಿಗ್ರಿ, ಕನಿಷ್ಠ 16.8 ಡಿಗ್ರಿ, ಬೀದರ್‌ನಲ್ಲಿ ಗರಿಷ್ಠ 27.4 ಡಿಗ್ರಿ, ಕನಿಷ್ಠ 18.5 ಡಿಗ್ರಿ, ವಿಜಯಪುರದಲ್ಲಿ ಗರಿಷ್ಠ 29.5 ಡಿಗ್ರಿ, ಕನಿಷ್ಠ 21.0 ಡಿಗ್ರಿ, ಧಾರವಾಡದಲ್ಲಿ ಗರಿಷ್ಠ 29.0 ಡಿಗ್ರಿ, ಕನಿಷ್ಠ 18.0 ಡಿಗ್ರಿ, ಗದಗದಲ್ಲಿ ಗರಿಷ್ಠ 30.5 ಡಿಗ್ರಿ, ಕನಿಷ್ಠ 20.1 ಡಿಗ್ರಿ ದಾಖಲಾಗಿದೆ.

ಇನ್ನು ಕಲಬುರಗಿಯಲ್ಲಿ ಗರಿಷ್ಠ 29.8 ಡಿಗ್ರಿ, ಕನಿಷ್ಠ 21.6 ಡಿಗ್ರಿ, ಹಾವೇರಿಯಲ್ಲಿ ಗರಿಷ್ಠ 28.4 ಡಿಗ್ರಿ, ಕನಿಷ್ಠ 20.4 ಡಿಗ್ರಿ, ಕೊಪ್ಪಳದಲ್ಲಿ ಗರಿಷ್ಠ 30.0 ಡಿಗ್ರಿ, ಕನಿಷ್ಠ 22.5 ಡಿಗ್ರಿ, ರಾಯಚೂರಿನಲ್ಲಿ ಗರಿಷ್ಠ 25.4 ಡಿಗ್ರಿ, ಕನಿಷ್ಠ 21.0 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ.