ಡಿಬಾಸ್ ದರ್ಶನ್ ಏರ್ಪೋರ್ಟ್ನಲ್ಲಿ ಕಾಣಿಸಿಕೊಂಡಿರೋ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಡೆವಿಲ್ ಸಿನಿಮಾಗಾಗಿ ದುಬೈ ಹಾಗೂ ಯೂರೋಪ್‌ಗೆ ಫ್ಲೈಟ್ ಹತ್ತುಬಿಟ್ಟಿದ್ದಾರೆ ಎನ್ನಲಾಗ್ತಿದೆ. ಆದ್ರೆ ಅದರ ಅಸಲಿಯತ್ತು ಬೇರೇನೇ ಇದೆ. ಸದ್ಯ ಅವರು ಬೆಂಗಳೂರಿನಲ್ಲೇ ಇದ್ದಾರೆ. ಅಂದಹಾಗೆ ದರ್ಶನ್ ಫ್ರೀ ಬರ್ಡ್‌ ಆಗೋದು ಯಾವಾಗ ಅಂತೀರಾ..? ಜಸ್ಟ್ ವಾಚ್.
- ದಚ್ಚುಗೆ ಜು.1ಕ್ಕೆ ಫ್ರೀಡಂ.. ಏರ್‌ಪೋರ್ಟ್‌ ವಿಡಿಯೋ ಫೇಕ್
- ದುಬೈಗೆ ಹಾರಿಲ್ಲ ದರ್ಶನ್.. ಬೆಂಗಳೂರಲ್ಲೇ ಇದ್ದಾರೆ ಕನ್ಫರ್ಮ್‌
- ಡೆವಿಲ್ ಫೈಟ್ ಮುಗಿಸಿ ಫ್ಲೈಟ್ ಏರಲಿರುವ ಡಿಬಾಸ್ ದರ್ಶನ್
- ಷರತ್ತು ಮೇಲೆ ಅನುಮತಿ.. ಎಷ್ಟು ದಿನ..? ಯಾವ ದೇಶ..?
ಡೆವಿಲ್ ಸಿನಿಮಾದ ಶೂಟಿಂಗ್ ಮುಕ್ತಾಯದ ಹಂತಕ್ಕೆ ಬರ್ತಿದ್ದು, ದಿನದಿಂದ ದಿನಕ್ಕೆ ಸಖತ್ ಟಾಕ್ ಕ್ರಿಯೇಟ್ ಮಾಡ್ತಿದೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ಗೆ ಈ ಸಿನಿಮಾ ತಮ್ಮ ಇಡೀ ಕರಿಯರ್‌‌ನಲ್ಲೇ ಬಹುದೊಡ್ಡ ಚಾಲೆಂಜ್ ಅಗಿಬಿಟ್ಟಿದೆ. ಅದಕ್ಕೆ ಕಾರಣ ರೇಣುಕಾಸ್ವಾಮಿ ಹತ್ಯೆ ಪ್ರಕರಣ, ಅದರಲ್ಲಿ ಆರೋಪಿಯಾಗಿ ಜೈಲಿಗೆ ಹೋಗಿಬಂದದ್ದು.
ಆದ್ರೀಗ ಫಟಾಫಟ್ ಅಂತ ಸಿನಿಮಾನ ಮಾಡಿ, ಮುಗಿಸ್ತಿರೋ ಡೈರೆಕ್ಟರ್ ಮಿಲನ ಪ್ರಕಾಶ್‌‌ಗೆ ನಟ ದರ್ಶನ್ ಫುಲ್ ಕೋ ಆಪರೇಟ್ ಮಾಡ್ತಿದ್ದಾರಂತೆ. ಹಾಗಾಗಿಯೇ ಶೆಡ್ಯೂಲ್‌‌ಗಳು ಅಂದುಕೊಂಡಂತೆ ಬೇಗ ಬೇಗ ಕಂಪ್ಲೀಟ್ ಆಗ್ತಿವೆ. ಎಲ್ಲಾ ಅಂದುಕೊಂಡಂತೆ ಆಗಿದ್ದಿದ್ರೆ ಜೂನ್ 1ರಂದೇ ಫಾರಿನ್‌ಗೆ ಹಾರಬೇಕಿತ್ತು ಟೀಂ ಡೆವಿಲ್. ಆದ್ರೆ ಇನ್ನೂ ವಿದೇಶಿ ಫ್ಲೈಟ್ ಹತ್ತಿಲ್ಲ ಡೆವಿಲ್ ಪಡೆ.
ಹೌದು, ದರ್ಶನ್ ಡೆವಿಲ್ ಸಿನಿಮಾದ ಶೂಟಿಂಗ್‌ಗೆ ದುಬೈ ಹಾಗೂ ಯೂರೋಪ್‌ಗೆ ತೆರಳಲಿದ್ದಾರೆ ಎನ್ನಲಾಗಿತ್ತು. ಅದಕ್ಕಾಗಿ ಕೋರ್ಟ್‌ನಿಂದ ವಿಶೇಷ ಅನುಮತಿ ಕೂಡ ಪಡೆದಿದ್ದು, ಕಂಡಿಷನ್ಸ್ ಮೇಲೆ ಪರ್ಮಿಷನ್ ನೀಡಿದೆ ಕೋರ್ಟ್‌. ಮುಂದಿನ ಕೋರ್ಟ್‌ ವಿಚಾರಣೆಗೆ ತಪ್ಪದೇ ಹಾಜರಾಗಬೇಕು ಅಂತ ಹೇಳಿ 25 ದಿನಗಳ ಕಾಲ ಶೂಟಿಂಗ್‌ಗೆ ಅನುಮತಿ ನೀಡಲಾಗಿದೆ.
ಆದ್ರೆ ದರ್ಶನ್ ಏರ್ಪೋರ್ಟ್ನಲ್ಲಿ ಪತ್ನಿ ಹಾಗೂ ಮಗನ ಜೊತೆ ಓಡಾಡ್ತಿರೋ ವಿಡಿಯೋ ಒಂದು ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಅದನ್ನ ನೋಡಿ ಎಲ್ಲರೂ ಡಿಬಾಸ್ ಈಗಾಗ್ಲೇ ದುಬೈನಲ್ಲಿದ್ದಾರೆ ಅಂತಿದ್ರು. ಆದ್ರೆ ಆ ವಿಡಿಯೋ ಅಸಲಿಯತ್ತು ಬೇರೇನೇ ಇದೆ. ಅದು ಡೊಮೆಸ್ಟಿಕ್ ಪ್ರಯಾಣಕ್ಕಾಗಿ ದರ್ಶನ್ ಬೆಂಗಳೂರು ಇಂಟರ್‌ನ್ಯಾಷನಲ್ ಏರ್‌ಪೋರ್ಟ್‌ ಟರ್ಮಿನಲ್-2ನಲ್ಲಿ ಕಾಣಿಸಿಕೊಂಡಿರೋದು ಅನ್ನೋದು ಖಾತರಿ ಆಗಿದೆ.
ಚಿತ್ರತಂಡದಿಂದ ಗ್ಯಾರಂಟಿ ನ್ಯೂಸ್‌ಗೆ ಸಿಕ್ಕ ಅಧಿಕೃತ ಮೂಲಗಳ ಪ್ರಕಾರ ದರ್ಶನ್ ಇದೇ ಜುಲೈ-1ರಿಂದ 25ರ ತನಕ ಡೆವಿಲ್ ಟೀಂ ಜೊತೆ ವಿದೇಶಕ್ಕೆ ಪ್ರಯಾಣ ಬೆಳೆಸಲಿದ್ದಾರಂತೆ. ಆದ್ರೆ ಅದಕ್ಕೂ ಮುನ್ನ ಬೆಂಗಳೂರು ಪ್ಯಾಲೆಸ್‌‌ನಲ್ಲಿ ಡೆವಿಲ್ ಸಿನಿಮಾದ ಮಾಸ್ ಫೈಟ್ ಒಂದು ಮುಗಿಸಬೇಕಿದೆ. ಸಾಹಸ ದೃಶ್ಯಕ್ಕಾಗಿ ಈಗಾಗ್ಲೇ ಎಲ್ಲಾ ಅರೇಂಜ್‌‌ಮೆಂಟ್ಸ್ ಮಾಡಿಕೊಂಡಿರೋ ಟೀಂ, ಅದನ್ನ ಮುಗಿಸಿಯೇ ಫ್ಲೈಟ್ ಏರಲಿದೆಯಂತೆ.
ತನ್ನ ಹಳೆಯ ಗತ ವೈಭವವನ್ನು ಒಂದೊಂದಾಗಿ ವಾಪಸ್ ಪಡೆಯುತ್ತಿರೋ ದರ್ಶನ್, ಬಾಕ್ಸ್ ಆಫೀಸ್ ಸುಲ್ತಾನನ ಪಟ್ಟ ಕೂಡ ಹಿಂಪಡೆಯುತ್ತಾರಾ..? ಡೆವಿಲ್ ಸಿನಿಮಾ ನಿರೀಕ್ಷೆಯಂತೆ ರಾಬರ್ಟ್, ಕಾಟೇರ ರೀತಿ ನೂರು ಕೋಟಿ ಕ್ಲಬ್ ಸೇರುತ್ತಾ ಅನ್ನೋದು ನಿರೀಕ್ಷಿಸಬೇಕಿದೆ. ಪ್ರಕಾಶ್ ವೀರ್ ಕಥೆ, ಮೇಕಿಂಗ್ ಹಾಗೂ ಸಿನಿಮೋತ್ಸಾಹ ನೋಡ್ತಿದ್ರೆ ಡೆವಿಲ್ ಹಂಡ್ರೆಡ್ ಪರ್ಸೆಂಟ್ ಬ್ಲಾಕ್ ಬಸ್ಟರ್ ಹಿಟ್ ಆಗೋದು ಕನ್ಫರ್ಮ್‌. ಇನ್ನು ಅದಕ್ಕಾಗಿ ದಚ್ಚು ಕೂಡ ಕೇರಳ, ತಮಿಳುನಾಡು, ಮೈಸೂರು, ಮಂಡ್ಯ ಸೇರಿದಂತೆ ಪವರ್‌ಫುಲ್ ದೇವಸ್ಥಾನಗಳಿಗೆ ಭೇಟಿ ನೀಡಿ, ದೈವ ಕೃಪೆಗೆ ಪಾತ್ರರಾಗುತ್ತಿದ್ದಾರೆ.
