ಸನ್ರೈಸರ್ಸ್ ಹೈದರಾಬಾದ್, ಪಂಜಾಬ್ ನೀಡಿದ್ದ 246 ರನ್ಗಳ ಗುರಿಯನ್ನು ಯಶಸ್ವಿಯಾಗಿ ಬೆನ್ನಟ್ಟಿ ಜಯ ಸಾಧಿಸಿದೆ. ಅಭಿಷೇಕ್ ಶರ್ಮಾ ಅವರ ಭರ್ಜರಿ ಶತಕ ತಂಡಕ್ಕೆ ನೆರವಾಯಿತು.
ಐಪಿಎಲ್ನಲ್ಲಿ ಮತ್ತೆ ರನ್ ಹೊಳೆ ಹರಿದಿದೆ. ಪಂಜಾಬ್ ಕಿಂಗ್ಸ್ ನೀಡಿದ್ದ 246 ರನ್ಗಳ ಬೃಹತ್ ಮೊತ್ತವನ್ನು ಸನ್ರೈಸರ್ಸ್ ಹೈದರಾಬಾದ್ ತಂಡ ಯಶಸ್ವಿಯಾಗಿ ಚೇಸ್ ಮಾಡಿ ಜಯಭೇರಿ ಮೊಳಗಿಸಿದೆ. ಇದು ಐಪಿಎಲ್ನಲ್ಲಿ 2ನೇ ಗರಿಷ್ಠ ರನ್ ಚೇಸ್. ಕಳೆದ ವರ್ಷ ಕೋಲ್ಕತ್ತ ವಿರುದ್ಧ ಪಂಜಾಬ್ 262 ರನ್ ಚೇಸ್ ಮಾಡಿ ಗೆದ್ದಿತ್ತು.
ನೆನ್ನೆ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಪಂಜಾಬ್ 245 ರನ್ ಸೇರಿಸಿತು. ನಾಯಕ ಶ್ರೇಯಸ್ ಅಯ್ಯರ್ 38 ಎಸೆತಕ್ಕೆ 82, ಪ್ರಭ್ಸಿಮ್ರನ್ 42, ಪ್ರಿಯಾನ್ಶ್ ಆರ್ಯ 13 ಎಸೆತಕ್ಕೆ 36 ರನ್ ಸಿಡಿಸಿದರು. ಕೊನೆಯಲ್ಲಿ ಮಾರ್ಕಸ್ ಸ್ಟೋಯ್ನಿಸ್ ಸತತ 4 ಸಿಕ್ಸರ್ ಸೇರಿದಂತೆ 11 ಎಸೆತಗಳಲ್ಲಿ 34 ರನ್ ಬಾರಿಸಿದರು. ಹರ್ಷಲ್ ಪಟೇಲ್ 4 ವಿಕೆಟ್ ಕಿತ್ತರು.
ಬೆಟ್ಟದೆತ್ತರದ ಗುರಿ ಬೆನ್ನತ್ತಿದ ಸನ್ರೈಸರ್ಸ್ 18.3 ಓವರ್ಗಳಲ್ಲಿ ಗೆಲುವಿನ ದಡ ಸೇರಿತು. ಮೊದಲ ವಿಕೆಟ್ಗೆ ಟ್ರ್ಯಾವಿಸ್ ಹೆಡ್-ಅಭಿಷೇಕ್ ಶರ್ಮಾ 12.2 ಓವರ್ಗಳಲ್ಲಿ 171 ರನ್ ಜೊತೆಯಾಟವಾಡಿದರು. ಹೆಡ್ 37 ಎಸೆತಕ್ಕೆ 66 ರನ್ ಸಿಡಿಸಿ ಔಟಾದರೂ, ಅಭಿಷೇಕ್ ಆರ್ಭಟ ಮುಂದುವರಿಯಿತು. 40 ಎಸೆತಕ್ಕೆ ಶತಕ ಪೂರ್ಣಗೊಳಿಸಿದ ಅಭಿಷೇಕ್, 55 ಎಸೆತಗಳಲ್ಲಿ 141 ರನ್ ಗಳಿಸಿ 17ನೇ ಓವರಲ್ಲಿ ಔಟಾದರು. ಅವರ ಇನ್ನಿಂಗ್ಸ್ನಲ್ಲಿ 14 ಬೌಂಡರಿ, 10 ಸಿಕ್ಸರ್ಗಳಿದ್ದವು. ಕೊನೆಯಲ್ಲಿ ಕ್ಲಾಸೆನ್, ಇಶಾನ್ ತಂಡವನ್ನು ಗೆಲ್ಲಿಸಿದರು.
40 ಎಸೆತಕ್ಕೆ ಅಭಿಷೇಕ್ ಶರ್ಮಾ ಸೆಂಚುರಿ!
ಹೈದರಾಬಾದ್: ಭಾರತದ ಯುವ ಸೂಪರ್ಸ್ಟಾರ್ ಅಭಿಷೇಕ್ ಶರ್ಮಾ ಮತ್ತೆ ಅಬ್ಬರಿಸಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ 7ನೇ ಶತಕ ಬಾರಿಸಿ ಸಂಭ್ರಮಿಸಿದ್ದಾರೆ. ಈ ಸಾಧನೆ ಮಾಡಿದ ವಿಶ್ವದ 15ನೇ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಈ ಬಾರಿ ಐಪಿಎಲ್ನಲ್ಲಿ ಕಳಪೆ ಆಟವಾಡಿದ್ದ ಅಭಿಷೇಕ್, ಶನಿವಾರ ಪಂಜಾಬ್ ಕಿಂಗ್ಸ್ ವಿರುದ್ಧ ಅಮೋಘ ಪ್ರದರ್ಶನ ನೀಡಿದರು. 246 ರನ್ಗಳ ಗುರಿ ಬೆನ್ನತ್ತಿದ್ದ ತಂಡಕ್ಕೆ ತನ್ನ ಶತಕದ ಮೂಲಕ ಆಸರೆಯಾದರು. ಟ್ರ್ಯಾವಿಸ್ ಹೆಡ್ ಜೊತೆ 171 ರನ್ ಜೊತೆಯಾಟವಾಡಿದ ಅಭಿಷೇಕ್, ಕೇವಲ 40 ಎಸೆತಗಳಲ್ಲೇ ಶತಕ ಪೂರ್ಣಗೊಳಿಸಿದರು.
ಭಾರತದ ಯುವ ಸೂಪರ್ಸ್ಟಾರ್ ಅಭಿಷೇಕ್ ಶರ್ಮಾ ಮತ್ತೆ ಅಬ್ಬರಿಸಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ 7ನೇ ಶತಕ ಬಾರಿಸಿ ಸಂಭ್ರಮಿಸಿದ್ದಾರೆ. ಈ ಸಾಧನೆ ಮಾಡಿದ ವಿಶ್ವದ 15ನೇ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಈ ಬಾರಿ ಐಪಿಎಲ್ನಲ್ಲಿ ಕಳಪೆ ಆಟವಾಡಿದ್ದ ಅಭಿಷೇಕ್, ಶನಿವಾರ ಪಂಜಾಬ್ ಕಿಂಗ್ಸ್ ವಿರುದ್ಧ ಅಮೋಘ ಪ್ರದರ್ಶನ ನೀಡಿದರು. 246 ರನ್ಗಳ ಗುರಿ ಬೆನ್ನತ್ತಿದ್ದ ತಂಡಕ್ಕೆ ತನ್ನ ಶತಕದ ಮೂಲಕ ಆಸರೆಯಾದರು. ಟ್ರ್ಯಾವಿಸ್ ಹೆಡ್ ಜೊತೆ 171 ರನ್ ಜೊತೆಯಾಟವಾಡಿದ ಅಭಿಷೇಕ್, ಕೇವಲ 40 ಎಸೆತಗಳಲ್ಲೇ ಶತಕ ಪೂರ್ಣಗೊಳಿಸಿದರು.
ಅತಿ ವೇಗದ ಶತಕದ ಪಟ್ಟಿಯಲ್ಲಿ ಅಭಿಷೇಕ್ 6ನೇ ಸ್ಥಾನದಲ್ಲಿದ್ದಾರೆ. 2013ರಲ್ಲಿ ಆರ್ಸಿಬಿಯ ಕ್ರಿಸ್ ಗೇಲ್ ಪುಣೆ ವಿರುದ್ಧ 30 ಎಸೆತಗಳಲ್ಲಿ ಶತಕ ಬಾರಿಸಿದ್ದರು. ಅಲ್ಲದೆ, ಸನ್ರೈಸರ್ಸ್ ಪರ ಇದು 2ನೇ ವೇಗದ ಶತಕ. ಕಳೆದ ವರ್ಷ ಟ್ರ್ಯಾವಿಸ್ ಹೆಡ್ ಆರ್ಸಿಬಿ ವಿರುದ್ಧ 39 ಎಸೆತಗಳಲ್ಲೇ ಶತಕ ಪೂರ್ಣಗೊಳಿಸಿದ್ದರು.
75 ರನ್ ಬಿಟ್ಟುಕೊಟ್ಟ ಶಮಿ: 2ನೇ ದುಬಾರಿ
ಶನಿವಾರದ ಪಂದ್ಯದಲ್ಲಿ ಸನ್ರೈಸರ್ಸ್ನ ಮೊಹಮ್ಮದ್ ಶಮಿ 4 ಓವರ್ಗಳಲ್ಲಿ 75 ರನ್ ಬಿಟ್ಟುಕೊಟ್ಟರು. ಇದು ಐಪಿಎಲ್ನಲ್ಲಿ 2ನೇ ಅತಿ ದುಬಾರಿ ಸ್ಪೆಲ್. ಇತ್ತೀಚೆಗಷ್ಟೇ ರಾಜಸ್ಥಾನ ರಾಯಲ್ಸ್ ತಂಡ ಜೋಫ್ರಾ ಆರ್ಚರ್ 4 ಓವರ್ಗಳಲ್ಲಿ 76 ರನ್ ನೀಡಿದ್ದರು.
ನಿಮ್ಮ ನೆಚ್ಚಿನ ಗ್ಯಾರಂಟಿ ನ್ಯೂಸ್ ಈ ಕೆಳಕಂಡ ಕೇಬಲ್ & ಡಿಟಿಎಚ್ ನೆಟ್ ವರ್ಕ್ ಗಳಲ್ಲಿ ಲಭ್ಯ..
- Tata Play-1665
- U-Digital-ಮೈಸೂರು-160
- Metro Cast Network-ಬೆಂಗಳೂರು-ಬೆಳಗಾವಿ-30-828
- V4 digital network-623
- Abhishek network-817
- Malnad Digital network-45
- JBM network-ರಾಮದುರ್ಗ-54
- Channel net nine-ಧಾರವಾಡ-128
- Basava cable network-ಚಳ್ಳಕೆರೆ-54
- City channel network– ಚಳ್ಳಕೆರೆ-54
- RST digital-ಕಾರ್ಕಳ-101
- Vinayak cable-ಪಟ್ಟನಾಯಕನಹಳ್ಳಿ-54
- Mubarak digital-ಸಂಡೂರು-54
- SB cable-ಸವದತ್ತಿ-54
- Bhosale network-ವಿಜಯಪುರ-54
- Surya digital-ಜಗಳೂರು-54
- Gayatri network-ಸಿಂಧನೂರು-54
- Global vision-ದಾವಣಗೆರೆ-54
- Janani cable-ಮಂಡ್ಯ-54
- Hira cable-ಬೆಳಗಾವಿ-ಹುಬ್ಬಳ್ಳಿ-54
- UDC network-ಹಾರೋಗೇರಿ-54
- Moka cable-ಬಳ್ಳಾರಿ-100
- CAN network-ಚಿಕ್ಕೋಡಿ-54
- KK digital-ಗಂಗಾವತಿ-54
- Victory network-ದಾವಣಗೆರೆ-54
